https://www.facebook.com/profile.php?id=100063754042609

El yassmin nursing home, جمهورية مصر العربية, Cairo (2026)

Q: What is the address?

جمهورية مصر العربية

04/12/2025

وفّر وقتك وجهدك، وإحنا نيجي لحد باب بيتك 👌🏻
هنعملك الاشعة المطلوبه وانت علي سريرك وبأقل تكلفه وبأدق
النتائج
احجز خدمتك 😊
الياسمين للتمريض المنزلي
Elyassmin nursing home 🏠
دمتم اصحاء 🌹

29/10/2025

دايما بنواجه مشكلة ان احنا مش قادرين ننزل نعلق المحلول في اي مستشفى او عياده طبيه 🤦‍♀️

بس الياسمين للتمريض المنزلي بيقولك متشيلش الهم عشان احنا هنجيلك لغاية سريرك ونعلقلك المحلول بكل دقة وامان و في الوقت اللي تحتاجه 💙

ابعتلنا مسدج ••واحنا موجودين لخدمتك 24 ساعة
الياسمين للتمريض المنزلي 🖤
Elyassmin nursing home 🏠
دمتم اصحاء 🌹
01551714431

29/10/2025

اسأل نفسك:
تلبس وتنزل، تقطع مشوار كبير؟
ولا ترتاح في بيتك، ويجي فريق
الياسمين للتمريض المنزلي على راحتك وفي المواعيد اللي تناسبك؟
الياسمين للتمريض المنزلي
Elyassmin nursing home 🏠
دمتم اصحاء 🌹

20/10/2025

لو طلعلك كرش حتي لو صغير وحتى لو وزنك "كويس"..
لازم تقف وتفكر ! .. لأن ده مؤشر خطير

يا جماعه مش دايمًا الكرش بييجي عشان وزنك زاد.
فيه كرش تاني أخطر بكتير، اسمه كرش الكبد الدهني، وده بييجي حتى لو وزنك ظاهريًا "حلو".
الكرش ده مش دهون تحت الجلد، دهون تحت الضلوع حوالين الكبد نفسه..
وده أول نداء استغاثة بيطلعه جسمك قبل ما تحصل مصايب!

---

يعني إيه كبد دهني؟
يعني الكبد بدأ يتحول من "مصنع طاقة" لجراج دهون.
بدل ما يحرق الدهون، بيخزنها جواه.
وبيتحول من عضو نشيط بينضف الجسم وبيصنع إنزيمات وبروتينات وهرمونات،
لكبد "مترهل" مش قادر يقوم بوظايفه.

---

📌 طيب ليه الكبد الدهني خطير؟

لأن دي مش مجرد "دهون ع الكبد" وخلاص.
دي بداية سلسلة من الانهيارات البطيئة، اللي بتبدأ من جوه وممكن تخلص بتليف أو حتى فشل كبدي لا قدر الله.

اسمعني كويس بقى 👇

1️⃣ الكبد أول ما يتشحم، بيبدأ "مقاومة الإنسولين" تزيد.
ودي معناها إن الجسم مش بيعرف يدخل الجلوكوز للخلايا.
فتبدأ الشهية تزيد، والدهون تثبت، والسمنة البطنية تكبر.
يعني الكرش بيغذي الكبد، والكبد بيغذي الكرش.. دايرة مقفولة!

2️⃣ الكبد بيبطل ينضف الدم من السموم والهرمونات الزايدة.
تبدأ هرمونات زي الإستروجين تزيد عند الستات → انتفاخ، كسل، مزاج متقلب، دورة متلخبطة.
وعند الرجالة → ضعف، كرش، خمول، ونقص في التستوستيرون.

3️⃣ الدهون اللي جواه تبدأ تطلع مواد التهابية (inflammatory cytokines).
ودي تسبب التهابات في الجسم كله: مفاصل، قولون، جلد، مخ، أعصاب.
يعني تلاقيك بتتعب من أقل مجهود، صداع، دوخة، نسيان، اكتئاب.

4️⃣ الكبد لما يتشحم أكتر، يبدأ يتليف.
ولما يتليف، مفيش طريق رجعة.
ساعتها بتدخل في مرحلة "تعب مدى الحياة" إلا لو لحقت نفسك بدري.

---

🚨 طب إيه أعراض الكبد الدهني؟

✅ كرش بارز مش متناسب مع باقي الجسم.
✅ تعب وخمول بعد الأكل.
✅ نوم مش مريح وصحيان دايم بالليل.
✅ انتفاخ وغازات وسوء هضم بعد كل وجبة.
✅ كسل في الحرق وصعوبة نزول الوزن.
✅ دهون ثلاثية وكوليسترول عاليين في التحاليل.
✅ صداع، مزاج متقلب، تركيز ضعيف.
✅ عند الستات: دورة متلخبطة، شعر بيقع، تعب قبلها بأيام.
✅ عند الرجالة: ضعف عام، خمول، فقد رغبة، وتعب متكرر.

---

🚩 طيب ولو طنشت ده ؟

لو طنشت الكرش ده، مفيش حاجة اسمها "هيقل مع الوقت".
ده هيزيد ويتحول من "كبد دهني بسيط" لـ "كبد دهني ملتهب"،
ومنها لـ "تليف كبدي"، وساعتها بتخسر أهم عضو بينضف جسمك من السموم.
وجسمك كله يبدأ يقع: مناعة ضعيفة، التهابات مزمنة، وزن مش بينزل، جلد باهت، وهرمونات مضروبة.

---

📌 ملحوظة مهمة جدًا جدا :

❌ مفيش جلسات تنزل دهون الكبد.
❌ مفيش حقن ولا كبسولات سحرية تشيلها.
❌ مفيش دايت قاسي ولا كورسات "ديتوكس" هتصلح اللي حصل.

اللي هيصلحه حاجة واحدة:
✅ تعديل سلوكك الغذائي.
✅ والنظام اللي اسمه "نظام الأكبو" (A.K.B.O) اللي بيصلح مسار الحرق من الجذر.. وهشرحه دلوقتي

---

♦️ يعني نبدأ منين؟

🔹 أولًا: امنع السكر الأبيض والنشويات المكررة فورًا.
هما السبب الأول في مقاومة الإنسولين وتخزين الدهون في الكبد.
🔹 تانيًا: خفف الأكل بعد المغرب، وسيب للكبد فترة صيام 14–16 ساعة عشان ينضف نفسه.
🔹 تالتًا: زود البروتين الطبيعي (بيض – سمك – لحمة بلدي – تونة – جبن قريش).
🔹 رابعًا: خضار كتير جدًا.. يوميًا طبق سلطة + خضار مطبوخ.
🔹 خامسًا: امشي نص ساعة على الأقل يوميًا بعد الأكل.
🔹 سادسًا: نام بدري واصحى بدري، لأن الكبد بيتجدد أثناء النوم العميق.
🔹 سابعًا: اهتم بالماغنسيوم، الزنك، فيتامين D، والسيلينيوم.. دول أساس تنظيف الكبد وتنظيم الهرمونات.

---

💥 خطة إنقاذ الكبد من التشحم.. قبل ما يدمّرك بصمت!

الكبد الدهني مش محتاج علاج خارجي،
هو محتاج تدي له فرصة يشتغل من تاني.
يعني تصححله بيئته، توقف السموم اللي داخله، وتدعمه بالأكل اللي يصلحه.

خلينا نمشي واحدة واحدة:

---

▪️أولاً: التحاليل اللي لازم تتعمل

مش علشان نخوّفك، لكن علشان نعرف "المرحلة اللي انت فيها":

1️⃣ ALT / AST / GGT – إنزيمات الكبد، لو مرتفعة يبقى في التهابات.
2️⃣ إنسولين صايم – أهم تحليل في الكبد الدهني (لو أكتر من 8 غالبًا في مقاومة إنسولين).
3️⃣ دهون ثلاثية + كوليسترول – لأنهم بيتراكموا أولاً في الكبد.
4️⃣ فيتامين D – ماغنسيوم – زنك – سيلينيوم – نقصهم معناه كبد مضغوط مش قادر ينضف نفسه.
5️⃣ CRP أو ESR – لمتابعة مستوى الالتهاب الداخلي في الجسم.

---

▪️ثانيًا: خطة الأكل العلاجية (نظام الأكبو)

النظام ده بيعتمد على أربع ركائز أساسية اسمهم A.K.B.O،
وكل حرف بيمثل مرحلة تصحيح:

---

🅰️ A = Activate الحرق والكبد

ابدأ بإلغاء اللي بيخنقه:
❌ سكر أبيض
❌ نشويات مكررة (عيش، رز، مكرونة، بطاطس)
❌ زيوت نباتية (درة، عباد شمس)
❌ أكل جاهز ومصنّع ومقليات

بدلهم بـ:
✅ بروتين طبيعي (بيض، لحمة، سمك، فراخ بلدي، تونة).
✅ خضار كتير جدًا مطبوخ وسلطة كل يوم.
✅ دهون صحية (زيت زيتون، سمنة بلدي، مكسرات، أفوكادو).

🕐 وجبتين في اليوم كفاية جدًا.
ما بين الوجبتين، مفيش سناك. سيب الكبد يصوم ويشتغل على تنظيف نفسه.

---

🅺 K = Kill الالتهاب

أي التهاب مزمن بيغذي دهون الكبد.
نعالجه بالأكل قبل الدوا:

زود التوابل المضادة للالتهاب: كركم، زنجبيل، قرفة، زعتر.

اشرب كل يوم مشروب كركم + فلفل أسود + ليمون.

نام بدري جدًا، لأن الكبد بينظف نفسه أثناء النوم من 11 مساءً لـ3 فجراً.

---

🅱️ B = Build الدعم الغذائي للكبد

الكبد محتاج مواد خام عشان يبني خلاياه ويجدد نفسه.

🔸أهم العناصر:

ماغنسيوم (قبل النوم – بيريّح الكبد والجهاز العصبي).

زنك (ينشّط إنزيمات إزالة السموم).

سيلينيوم (يحمي الخلايا من التليف).

فيتامين D (ينظّم المناعة ويدعم الحرق).

كولين – Inositol (أساسيين لإذابة دهون الكبد).

فيتامين E وC (كمضادات أكسدة قوية).

🔹 أطعمة تنظف الكبد طبيعي:
ثوم – بصل – بنجر – كركم – رمان – ليمون – جرجير – بقدونس – تفاح – كركم – شوك الجمل.

---

🅾️ O = Optimize نمط حياتك

الكبد مش بس أكل.. الكبد كمان "إيقاع حياة".
نام بدري جدًا. امشي بعد الأكل بنص ساعة. قلل التوتر بأي شكل (صلاة – تنفس – تأمل). ابعد عن المسكنات والكورتيزون والمشروبات الغازية والطاقة. اشرب مية كفاية (2.5 لتر في اليوم على الأقل).

---

⚡ ثالثًا: إشارات التحسن اللي لازم تلاحظها

بعد 3 أسابيع من الالتزام:
✅ الكرش يبدأ يقل.
✅ الهضم يتحسن.
✅ النوم أهدى.
✅ الطاقة تعلى.
✅ التحاليل تبدأ تتحسن.
✅ الجلد والمزاج والمناعة أحسن بوضوح.

---

🔁 رابعًا: لو الالتهاب عالي جدًا

(تحليل ALT أو GGT مرتفع)
يبقى لازم نضيف خطة تنظيف خفيفة للكبد:

كوب مياه دافئة + عصير نصف ليمونة + نقطة خل تفاح عضوي على الريق (يوم ويوم).

شوربة خضار يومية + خضار مطهو بالبخار.

مشروب بنجر + تفاح + جزر طبيعي مرة يوميًا.

وكبسولة Milk Thistle (شوكة الجمل) بعد الغداء يوميًا لشهر.

---------
💬 الخلاصة:
مفيش كبد بيتصلح بالعافية،
ولا بجلسة، ولا بحقنة، ولا بكورس سريع.
الكبد بيتصلح لما ترجعله احترامه،
ولما توقف تظلمه كل يوم بالأكل الغلط والنوم المتأخر والتوتر المستمر.

ابدأ النهارده بخطوة بسيطة بس حقيقية.
سيب الكبد يتنفس..
هتتفاجئ قد إيه جسمك بيرجع يشتغل زي زمان،
من غير مجهود، من غير حرمان،
بس لما تفهمه وتتعامل معاه صح.
الياسمين للتمريض المنزلي
Elyassmin nursing home 🏠
دمتم اصحاء 🌹

13/09/2025

💉 محتاج تركب كانيولا ومش عارف تروح فين؟
متقلقش خالص.. فريق الياسمين للتمريض المنزلي بيقدملك خدمة تركيب الكانيولا في البيت بكل أمان ودقة.
ليه تختارنا؟
✅ تمريض مؤهل وعلى أعلى مستوى.
✅ بنوصلك لحد باب البيت.
✅ تعقيم كامل وأدوات آمنة.
✅ راحة واطمئنان ليك ولأهلك من غير تعب مشاوير.
📍 سواء لتركيب محاليل، سحب عينات، أو لأي احتياج طبي منزل
الياسمين للتمريض المنزلي
Elyassmin nursing home 🏠
دمتم اصحاء 🌹

03/08/2025

اليوم هنتكلم عن الاخطاء الشائعة عند قياس الضغط وكيفية تفاديها 🤔

1- الجلوس:
يمكن أن يؤدي الجلوس الخاطئ أثناء قياس ضغط الدم إلى ارتفاعه
قبل البدء بقياس ضغط الدم، عليك الجلوس على الكرسي بطريقة صحيحة، قم بتثبيت قدميك في الأرض بطريقة تريحك، واجلس بظهر مفرود.

2- موضع الذراع:
إذا كانت ذراعك بوضع غير مريح فإن أرقام ضغط الدم قد تكون أعلى

3- التوتر:
عليك تجنب الغضب أو الانفعالات بكافة اشكالها قبل قياس ضغط الدم، فذلك لن يعطيك القراءة الصحيحة، وقد يتسبب في ارتفاع ضغط الدم لديك، يمكنك ممارسة تقنيات الاسترخاء قبل وضع الجهاز على ذراعك.

4- الملابس:
يمكن أن يؤدي إضافة الكفة الموضوعة على الملابس إلى زيادة قراءة ضغط الدم، لذلك تأكد من وضع الجهاز على ذراع عاري.

5- درجة حرارة الجسم:
انخفاض درجة حرارة الجسم قد يزيد من قراءة ضغط الدم، لذلك من الضروري أن تهتم بتنظيم درجة حرارة جسمك وتجلس في غرفة ذات درجة حرارة معتدلة أثناء قياس ضغط الدم.

6- امتلاء المثانة:
تؤثر المثانة الممتلئة على قياس ضغط الدم

7- التحدث:
يمكن أن يؤدي التحدث أثناء القياس إلى ظهور نتائج غير دقيقة في قراءة ضغط الدم، لذلك ينصح الأطباء بالهدوء والتزام الصمت قدر الإمكان أثناء القياس.

8- تناول الكافيين:
يمكن أن يؤدي تناول القهوة والشاي والكحول إلى ارتفاع كبير في مستوى ضغط الدم، لذلك عليك الابتعاد التام عن تناول هذه المشروبات قبل قياس الضغط لمدة لا تقل عن نصف ساعة.

✳️ هناك عوامل أخرى قد تزيد من احتمالية قراءة الضغط الخاطئة، منها:

-تحريك الذراع أو الجسم أثناء القياس
-لف الحزام بشدة حول الذراع أو بشكل غير مشدود
-عدم كفاءة بطارية الجهاز.
-تلف الجهاز.
#الياسمين للتمريض المنزلي
nursing home 🏡
دمتم اصحاء 🌹

03/08/2025

اليوم هنتكلم عن حمو النيل في الاطفال

لو طفلك بدأ يهرش فجأة، وطلعله حبوب حمراء صغيرة كده على رقبته أو ظهره أو بطنه، خاصة في الجو الحر، فغالبًا هوا ده "حمو النيل"! 😓

🌡️ إيه السبب؟
الحر الشديد + العرق الكتير = انسداد في الغدد العرقية، والنتيجة؟
التهاب جلدي بسيط بس بيخلي الطفل يعيط ويهرش وميعرفش ينام 😫

🧪 الأماكن اللي بيحبها حمو النيل:

الرقبة
الظهر
البطن
بين الفخذين
تحت الحفاضة

يعني باختصار… في كل منطقة مقفولة ومفيهاش تهوية كويسة!

💊 روشتة د. همام لعلاج حمو النيل 👇:

1. التهوية أهم من أي دواء!
افتحي التكييف أو المروحة في الأوضة، والبسي الطفل هدوم قطن خفيفة جدًا ، ومن غير طبقات.

2. حمام فاتر يوميًا 🛁
بلاش الميه السخنة، واستخدمي صابونة جليسرين أو أي صابونة طبية Tritac , sensoderm

3. لوشن الكلامينا (Calamine Lotion):
📌 مرة أو مرتين في اليوم على المكان المصاب بعد الحمام
بتهدي الالتهاب وتقلل الحكة.

4. كريم Mild Antiseptic زي Fucidin Cream:
📌 مرتين في اليوم لو في حبوب مفتوحة أو فيها صديد بسيط.

5. كريم Elocom أو Cutivate (ستيرويد خفيف 1%):
📌 لو الالتهاب شديد جدًا والحبوب زادت أو في احمرار شديد.
لكن تحت إشراف الطبيب، ولمدة قصيرة (3 أيام بحد أقصى).

6. لو في حكة شديدة جدًا:
👶 ممكن ندي Zyrtec drops
– من سن 6 شهور: 5 نقط مرة يوميًا
– من سن سنة لـ سنتين: 5 نقط مرتين يوميًا
(تحت إشراف الطبيب )

🍃 نصيحتينا لكل أم:
ما تستنيش لما الحبوب تزيد!
بمجرد ما تلاحظي احمرار أو تعريق غير طبيعي، اعملي الآتي:

غيري هدوم الطفل فورًا
حمام فاتر
كلامينا

ما تستخدميش أي زيوت أو كريمات تقيلة في الصيف ، لأنها بتقفل المسام و تزود المشكلة ❌

📌 الخلاصة :
حمو النيل لو اتساب ممكن يلتهب أكتر ويدخل في مشاكل جلدية
أكبر!
الياسمين للتمريض المنزلي 😍
Elyassmin nursing home 🏠
دمتم اصحاء 🌹

29/07/2025

🛏️ التمريض المنزلي = راحة + أمان

هل تعبت من الانتظار في العيادات والمستشفيات؟
مع "الياسمين للتمريض المنزلي"، نوفر لك رعاية طبية محترفة وأنت في بيتك.

✅ إعطاء حقن
✅ قياس الضغط والسكر
✅ متابعة ما بعد العمليات
✅ تغيير جروح وقسطرة
✅ رعاية كبار السن وذوي الأمراض المزمنة

📞 تواصل معنا الآن: 01551714431
📍 نخدم جميع مناطق القاهرة والجيزة

لأن راحتك وسلامتك... أولويتنا 💙
الياسمين للتمريض المنزلي
Elyassmin nursing home 🏡
دمتم اصحاء

24/05/2025

علشان تتخن!

"كانت عايزة تتخن شوية... بس اللي حصل كان مصيبة"

آية 19 سنة بنت هادية وطيبة كانت دايمًا بتشتكي إنها "رفيعة أوي"
صحابها بيهزروا:
"انتي محتاجة تاكلي مرتين !"
وهي كانت بتضحك بس جواها كانت بتزعل

قعدت تدور على طرق على النت علشان تتخن
واحدة من قرايبها قالت لها:
"فيه حقن حلوة بتفتح النفس وبتخلي الوش مليان كده… اسمها كورتيزون أنا جربتها!"

ومن هنا بدأت المصيبة...

قعدت تاخد كورتيزون من نفسها لمدة شهرين
من غير دكتور
من غير تحاليل
من غير أي متابعة

وفعلًا زادت في الوزن
بس وشها كان مورّم وجسمها بقى بيحبس مية وصوتها اتغير شوية
وبدأت تحس بتعب وتنهيدة وصداع غريب
وبعدين...

بدأت تشتكي من ألم في العين والوش ناحية الشمال
بعدين إحساس تنميل
بعدين ورم حوالين العين وإفرازات غريبة طالعة من مناخيرها

وفي يوم وهي بتتفرج على التلفزيون…
بدأت تصرخ من وجع عنيف جدًا في وشها وعينها
وأغمى عليها

أهلها جريوا بيها على الطواريء
الحالة مش واضحة اوي الدكاترة مش عارفين يعملوا ايه لغاية ما امها قالت انها كانت بتاخد حقن و طلعت صورة و طلع كورتيزون
وجع في ناحية واحدة من الوش مع الم في العين و العين حمراء و في رشح من الانف كل ده مع كورتيزون لمدة شهرين
في حد قال دا ممكن تكون عدوي فطرية

عملوا MRI + Nasal endoscopy
والتشخيص كان واضح:

Rhino-Orbital Mucormycosis – فطر أسود

العدوى بدأت تاكل في الجيوب والعين
الأنف مليان tissue necrosis
والأطباء قالوا لازم جراحة فورية واستئصال الأنسجة المصابة
وفي احتمال نخسر العين

دخلت العمليات
وشالوا جزء من عظام الوجه والعين
وعلى Amphotericin B جرعات عالية
بس الحالة كانت متأخرة
وللأسف خسرت عينها

آية خسرت عين وهي بتحاول تتخن

---

الدرس؟

الكورتيزون مش لعبة…
دواء بيدمر المناعة ويخلي الجسم فريسة للعدوى القاتلة

ماينفعش تاخد أي دواء بهدف التخن أو التجميل من غير دكتور

الفطر الأسود بييجي للي مناعتهم ضعيفة
خصوصًا اللي بياخدوا كورتيزون أو عندهم سكر

أي ورم في العين أو ألم في وشك مش "جيوب أنفية"
ممكن يكون عدوى قاتلة
والتأخير فيها = فقدان العين أو الحياة كلها
Keep it in your mind mucormycosis ✌️
الياسمين للتمريض المنزلي 🖤
Elyassmin nursing home 🏠
دمتم اصحاء 🌹

21/05/2025

📌اليوم هنتكلم عن أسباب رجفة اليدين:

1️⃣ التوتر والقلق: التوتر والضغط النفسي يمكن أن يزيد من إفراز هرمون الأدرينالين في الجسم، مما يؤدي إلى ارتعاش اليدين. إذا كنت تشعر بالعصبية في موقف معين، قد تلاحظ أن يديك ترجف أكثر.

2️⃣ انخفاض مستوى السكر في الدم: يعاني بعض الأشخاص، وخاصة مرضى السكري، من رجفة في اليدين نتيجة انخفاض مستوى السكر في الدم. يُعتبر هذا من الأعراض التحذيرية المهمة.

3️⃣ فرط نشاط الغدة الدرقية: الغدة الدرقية مسؤولة عن تنظيم عدة وظائف في الجسم. إذا كانت مفرطة النشاط، فقد يؤدي ذلك إلى زيادة نبضات القلب وظهور الرجفة في اليدين.

4️⃣ الإفراط في استهلاك الكافيين: تناول كميات كبيرة من القهوة أو المشروبات المنبهة يمكن أن يُسبب رجفة اليدين، حيث يعمل الكافيين على تنشيط الجهاز العصبي المركزي.

5️⃣ نقص الفيتامينات: نقص بعض الفيتامينات مثل فيتامين B12 يمكن أن يؤدي إلى تأثيرات عصبية، من بينها رجفة اليدين. النظام الغذائي الصحي مهم للحفاظ على التوازن العصبي.

6️⃣ الآثار الجانبية للأدوية: بعض الأدوية، خاصة تلك التي تؤثر على الجهاز العصبي المركزي، قد تسبب رجفة في اليدين كأحد الآثار الجانبية الشائعة.

7️⃣ اضطرابات عصبية: بعض الحالات مثل مرض باركنسون أو التصلب المتعدد يمكن أن تتسبب في رجفة مستمرة في اليدين، وهذه الحالات تتطلب متابعة طبية دقيقة.
الياسمين للتمريض المنزلي 🖤
Elyassmin nursing home 🏠
دمتم اصحاء 🌹

El yassmin nursing home

04/12/2025

29/10/2025

29/10/2025

20/10/2025

13/09/2025

03/08/2025

03/08/2025

29/07/2025

24/05/2025

21/05/2025

Address

Telephone

Website

Alerts

Shortcuts

Share

Category