Dr.Eman Elogueil د.ايمان العجيل

18/09/2025

تشرفت بالمشاركه فى اليوم العالمى للرضاعه الطبيعيه لعام ٢٠٢٥ تحت شعار( لنعطى الاولويه للرضاعه الطبيعيه) تحت رعايه ودعم ا.د.جيهان فؤاد عميد معهد التغذيه الأسبق ورئيس الجمعيه المصريه لصحه وتغذيه الطفل ،
وا.د.داليا سامى نائب رئيس الجمعيه.
وتنظيم رائع ومشاركه من د رانيا براهيم رئيس قسم المبسرين بمستشفى الإنتاج الحربى حيث أقيمت الاحتفالية، ومشاركه د .دعاء وحيد اخصائى الاطفال والتغذيه

17/09/2025

اتشرف بالمشاركه بالقاء محاضرتين فى احتفاليه اسبوع الرضاعه الطبيعيه وشعار هذا العام ((لنجعل الاولويه للرضاعه الطبيعيه وذلك بمستشفى الإنتاج الحربى وتنظيم د رانياابراهيم رئيس قسم المبتسرين،وذلك برعايه اساتذتنا الأجلاء ا.د.جيهان فؤاد عميد معهد التغذيه الأسبق وا.د داليا سامى

30/04/2025

عاصفة ترابية بكرة في مصر وسوء في الأحوال الجوية وتم إعطاء الغد إجازة في المدارس، نتصرف إزاي مع العيال!!..
- الخروج بكرة للضرورة فقط.
- لو مضطرة تخرجي بطفلك يبقى يلبس كمامة.
- ابعدوا عن الأشجار أو عواميد الكهرباء أو أي حاجة ممكن تقع بسبب الرياح.
- العيال اللي عندهم حساسية صدر أو أنف لازم نستمر على العلاج الوقائي.
- شرب سوائل دافئة بكثرة لترطيب الغشاء المخاطي، وإزابة البلغم.
ربنا يحفظ أبنائنا ومحدش يشوف في عياله حاجة وحشة.. #

16/04/2025

افضل مايقال عن ترابط الأم والطفل حتى لو بعد عنها ودخل الحضانه لضمان استكمال ادرار اللبن والرضاعه الطبيعيه وترابط الطفل بامه

16/04/2025

معلومات مهمه لحفظ لبن الأم 💦💦💦

أشهر غلطات الأمهات في حفظ اللبن المشفوط! خلينا نصححها سوا!

لازم تعرفي إن حفظ اللبن المشفوط ليه قواعد؟ تعالي نشوف أشهر الغلطات اللي بتتكرر:

1.

"مدام حطيته في التلاجة، يبقى تمام!"
لأ مش دايمًا! اللبن المشفوط لازم يتحط في ضهر التلاجة (مش بابها) عشان يفضل في درجة حرارة ثابتة.

2.

"مش مشكلة أسخنه شوية وبعدين أبرده تاني!"
دي مشكلة فعلًا! إعادة تسخين اللبن وتبريده أكتر من مرة بتأثر على مكوناته وممكن تخلّيه مش آمن للبيبي.

3.

"هخلط اللبن اللي شفطته امبارح مع اللي شفطته النهارده وخلاص!"
لأ كده اللبن الأقدم ممكن يبوّظ الجديد. لازم يكونوا في نفس درجة الحرارة قبل الخلط، ومن الأفضل استخدام كل يوم لوحده.

4.

"هسيبه برا التلاجة يدفي ع مهله لحد ما البيبي يصحى"
اللبن المشفوط مينفعش يفضل برة أكتر من ساعتين (لو الجو مش حر). فوق كده، نبتدي نقلق عليه!

5.

"هكتب التاريخ على الغطا، كده أسهل!"
لااا، لأن الغطا بيتبدل أوقات! اكتبي التاريخ بوضوح على الكيس أو الزجاجة نفسها.

6.

"هخزن الأكياس واقفة!"
الأفضل تخزين الأكياس أفقيًا، مش رأسيًا… علشان تاخد مساحة أقل وتكون أسهل في الترتيب والتجميد.

7.

"هشفط وانقل اللبن الكيس واقفل الكيس !"
تفريغ فقاعات الهوا من كيس اللبن قبل الغلق بيساعد في الحفظ بشكل أحسن، وبيقلل من فرص تلف اللبن.

8.

يفضل حفظ حليب الأم في جزء منفصل في التلاجة أو الفريزر بعيدًا عن باقي الأطعمة، والسبب:

لتقليل فرص التلوث: الأطعمة النيئة أو المفتوحة ممكن تنقل روائح أو بكتيريا للّبن.

لضمان ثبات درجة الحرارة: فتح وغلق باب التلاجة كتير قد يغير درجة الحرارة، خصوصًا لو اللبن محطوط في أماكن غير مخصصة.

لترتيب وتنظيم التخزين: وجود رف خاص بيسهّل تتبع التواريخ ويمنع الخلط بين الكميات المختلفة.

اللبن المشفوط كنز… واحنا عايزين نحافظ عليه بأفضل طريقة عشان يوصل للبيبي بأمان وفايدة كاملة!

هارد ع اسئله حضراتكم ف الكومنتات فيما يخص التشفيط وحفظ اللبن

17/02/2025

🍒🍒إلى كل الأمهات المرضعات المثابرات اللاتى قررن الصيام بعد استشاره استشارى الرضاعه الطبيعيه وكانت حالتهم الصحيه تسمح وسن طفلها وصحته تسمح عليك بالاتي :
🍓حاولى تحافظ على درجه حراره جسمك متتعرضيش لدرجه حراره عاليه .
🍓تعجل بالفطور وتأخر السحور وتزود السوائل ٨-١٠ أكواب ماء .,ولو عصير يكون فريش ويكون فيه سكر كتير
🍓⬆نزود فاكهه وخضروات
🍓تاخدى حبوب كامله علشان يقل فتره هضمها فتحافظ على مستوى السكر فى الدم.
🍓⬇نقلل سكر,ملح,دهون.
🍓⬇نقلل كافيين.
🍓⬆نزود تمر ,موز 🍌.
🌙وصوما مقبولا ان شاء الله,
🕭🕭🕭🕭🕭ولكن لوظهر اى من هذه الاعراض:
👸عند الأم :صداع شديد,زغلله,غثيان,دوخه,أو اغماء,لون البول بقى اصفر داكن اوقل, جفاف شديد فى الفم ,معنى كده ان الصيام إثر عليك استخدمى الرخصة وافطر ى وعده من ايام آخر .
👼عند الطفل:لو وزن الطفل ابتدى يتأثر وبقى بيعيط وعدد مرات رضعاته زادت وكمية البول قلت (وعدد حفاضاته أقل من 6 فى اليوم)دى علامات أن اللبن قل وعليك باستخدام الرخصة.

***🌿أنما الرخصة من الثقه أما التشدد فيحسنه كل أحد🌿***




#امومه

17/02/2025

🌙🌙كل عام وكل الأمهات المرضعات بخير ,لازم نعرف أن فى حالات يؤثر الصيام على الرضاعه بشكل سلبى ,وأننا هنا مش دار فتوى ولكنه رأى طبى وان الحالات إلتى سوف اذكرها على سبيل المثال وليس الحصر وان الكلام كله( غالبا )عشان لوحد هيقول جربت وماحصلش حاجه نقوله صلى ركعتين شكر ربنا سترها عليك بس لكن مينفعش تقول لغيرك كده.
⚘اولا:
الأمهات اللى بترضع اطفال تحت عمر ٦ شهور فيه احتمال مش صغير أن الرضاعه تتأثر سلبا بالصيام .
⚘ثانيا:
الاطفال اللى وزنهم بيزيد بصعوبة أو مش بيزيد بقاله حبه وبنحاول نزقهم على منحنى النمو بالعافيه ولوالام صامت غالبا هنرجع خطوات كتير اوى لورا .
⚘ثالثا:
أمهات اعاده الارضاع اللى لبنها نشف وماشيين على بروتوكول علاجى علشان ننزله وملصمين الأم من الاخر فممكن نوقع كل اللى عملنا ونعيد من الاول .
⚘رابعا :
الاطفال اللى عندهم مشاكل فى الرضاعه بمعنى اننا بنحاول مرجعه على صدر أمه مثل علاج التباس الحلمه ni**le confusion ,
أو طفل غضب على الثدى وبنحاول نصالحه nursing strike
أو أى طفل تجربته مش ايجابيه مع الرضاعه فاى تغيير فى طعم اوكميه اللبن نتيجه الصيام هيعصبه وممكن منعرفش نرجعه على صدر مامته ونصالحه .
⚘خامسا : تكون الأم حامل وبترضع طفل أكبر منه طبعا مفهومه 🤔
🔎🔎🔎وطبعا إلى هيحدد معانا ان الرخصة تنفع والا لأ هو استشارى الرضاعه لأن مش كل الحالات زى بعضها وكل حاله ولها تفصيله مختلفه .



#امومه

13/02/2025

❤️ ادعوا لأولادكم فى ليلة النصف من شعبان 🌙
❤️اللهم إنك وهبت لي ((أطفالي )) من غير حول مني ولا قوة فاحفظهم بحفظك بلا حول مني ولا قوة 🤲
❤️اللهم احفظهم من أي مكروه يصيبهم ومن كل شر وضرر
❤️ اللهم احفظهم من الأسقام والأمراض
❤️اللهم لاتجعل ابتلائي فيهم اللهم أجرهم من الفتن ما ظهر منها وما بطن
❤️اللهم اجعلهم من صالح عبادك وحفظة كتابك ومن أحسن الناس دينا وعبادة وأخلاقا ومن أسعدهم حياة وأرغدهم عيشة
❤️ اللهم أغنهم بحلالك عن حرامك وبفضلك عمن سواك ربي كما حفظت كتابك إلي يوم الدين ، احفظهم من الشيطان الرجيم ربي ارزقهم صحبة الأخيار وخصال الأطهار و التوكل عليك يا قادر يا جبار ربي أبعد عنهم أمراض القلوب والأبدان ، وبلغني فيهم غاية أملي بحولك وقوتك ياكريم يا منان ربي متعني ببرهم في حياتي وأسعدني بدعائهم بعد مماتي وصلي اللهم وسلم وبارك على سيدنا محمد وآله الطيبين الطاهرين 🤲🏻
🤲” إلهي إستودعتُك اولادي قطعةً من قلبي ، في مكانٍ غابت عنهُم عيني ، ولكن عينُك لم تغِب ، فاحفظهم حفظاً يليقٌ بعظمتك 🤲🏻♥️♥️

11/12/2024

منقول
تحية طيبة :سأتحدث اليوم عن المتحور الجديد لفيروس كورونا الذي بدأ في الانتشار منذ شهرسبتمبر والذي اطلق عليه متحور XEC ، المتحور الجديد يبدو اضعف ولكن اسرع انتشارا.....
1- أعراض متحور كورونا الجديد "XEC"غالبا ما تصيب الجهاز التنفسي او الهضمي وهي تشابه اعراض نزلات البرد والانفلونزا و سلالات كوفيد السابقة مثل :

-الحمى أو رعشة الجسم.
-السعال.
- ضيق أو صعوبة التنفس.
- التهاب الحلق.
- سيلان الأنف.
- فقدان حاسة التذوق أو الشم.
- التعب.
- آلام العضلات.
- الصداع.
- الغثيان أو القيء.
- الإسهال
-طفح جلدي

*الفئات الأكثر عرضة للإصابة بالمتحور الجديد من فيروس كورونا، هي:
- كبار السن.
- أصحاب الأمراض المزمنة.
- أصحاب المناعة الضعيفة.
- الأطفال.
-الحوامل
و النصائح الهامة التي تساهم بشكل كبير في تقليل فرص الإصابة بمتحور كورونا الجديد، ومنها:
- ارتداء الكمامة، خاصةً في الأماكن المغلقة والمزدحمة، منعًا لانتقال العدوى.
- غسل اليدين جيدًا بالماء الجاري والصابون.
- عدم الاختلاط بأشخاص تظهر عليهم أي عرض مما سبق ذكرها.
- الحفاظ على التباعد الاجتماعي عند التعامل مع الآخرين.
- تنظيف أسطح المنزل بالمطهرات.
- تهوية المنزل يوميًا ودخول الشمس فيه.
و دمتم في حفظ الله
منقول.
©️د احمد قابيل استاذ واستشاري الصدر والحساسية