11/01/2025
نور الشريف لما محمود سعد سأله عن بوسى بعد ما انفصلوا رد وقال : "عمر الروح ما تسيب بيتها وعمر القلب ما يسبب سكينته هنرجع لبعض تانى مهما بعدنا"
ضحك محمود سعد وقال : "الناس كلها عارفه إن كان بينكم حب شديد"
رد وقال : "كان ومازال ومستمر ،الناس متعرفش إلا 1% بس من حبنا واختيارنا لبعض، عمرى فالدنيا ما قلبي يشوف غيرها لأنه اتعود عليها فرحتي وسعادتي وعكازي"
فسأله : "أُمال ايه سبب الانفصال؟"
رد وقال : "الدنيا ساعات بتجبرك على أفعال مش بمزاجك واحنا قولنا عشان نحافظ على حبنا نبعد عن بعض فترة نصفي ونرجع تاني، وأنا فشلت وبقول هنرجع بإذن الله مهما بعدنا دي حبيبة عمرى وأم بناتي واللي كل لحظة حلوة كانت معاها هي وبس"
رد محمود سعد وقال : "الواحد هيدمع كده ده كلام كبير"
رد نور الشريف وقال: "أُمال انت فاكر الحب ايه؟ الحب مش كله سعادة وفرحه ولحظات حلوة بين اتنين، اللحظات الحلوة مش بتبين الحب، لو الاتنين دول بيحبوا بعض مهما بعدوا هيفضلوا شايفين بعض وعنيهم مش هتشوف غيرهم مهما حصل". ❤️
