الطبيب/محمد عصام

31/12/2025

💔 بداية سنة… ولا لسه مكمّل بالعافية؟

خلّيك صريح مع نفسك لحظة.

لو داخل سنة جديدة
وانت:

أعصابك مشدودة

نومك ملخبط

علاقاتك متلخبطة

وبتشتغل أكتر ما حاسس
ومقنع نفسك:
«أنا مش ضعيف… بس محتاج أكمّل»

الحقيقة المؤلمة؟
في فرق كبير بين القوة والاستنزاف.

وفي تعب
لو اتساب
ممكن يتحوّل بهدوء لااكتئاب…
وانت فاكر إنك “مستحمل”.

---

🧠 العلاج النفسي مش إنك تبقى ضعيف

العلاج النفسي إنك:

تفهم اللي بيحصل جواك

تهدّي أعصابك

وتكمّل حياتك من غير اختناق

ولا تشخيص يكسّرك
ولا كلام فاضي
ولا وعود وهمية

فهم علمي + تعامل إنساني
علشان ترجع لنفسك اللي تاهت.

---

🔥 هنساعدك في بداية السنة – شهر يناير

علشان أصعب خطوة هي الأولى:

✅ كشف متاح يوميًا طوال شهر يناير
✅ ادفع اللي تقدر عليه (بدون إحراج)
✅ أولوية للحالات اللي قررت تاخد خطوة بدل ما تستنى الانهيار

مش لازم تكون منهار
مش لازم تبقى “تعبان قوي”
خطوة واحدة دلوقتي… تفرق بعدين

---

👉 لو حاسس إن الكلام لمس حاجة جواك
لو السؤال «هو أنا كويس ولا لأ؟» مابيسيبكش

📩 ابعت رسالة واحجز
01000928980
📅 خد خطوة
🧩 وافهم اللي بيحصل
وبعدين قرر تكمل ولا لأ

وجعك مسموع…
وله سبب…
وممكن تتعلم تتعامل معاه.

31/12/2025

🚫 مش كل إحساس لازم نطيعه.
ودي حقيقة مريحة… ومخيفة شوية.

💙 الحزن متقدَّر،
❌ لكن الانسحاب انهزام.

😟 الخوف مفهوم،
❌ لكن التوقّف الطويل بيعلّم دماغك الهروب.

😮‍💨 التعب حقيقي،
❌ لكن الاستسلام له كل مرة
بيحوّله لنمط.

نحن لا نكذّب إحساسك،
ولا نسيبه يقود حياتك.

📩 الإحساس رسالة.
🧭 السلوك قرار.

لو الإحساس سايقك للغرق،
يبقى محتاج مساعدة…
مش تبرير.

⬇️ اسأل نفسك دلوقتي:
إيه إحساسك؟
وإيه تصرّفك؟

✍️ اكتب كلمة واحدة في التعليقات
وخلّي أول خطوة تبدأ.

---

31/12/2025

صبحكم الله بالخير
بغض النظر عن ضغط السنة الجديدة
حدد خطوة أولى
تعملها في الاتجاه الصحيح

29/12/2025

☀️ خلّيك صريح مع نفسك لحظة.

لو في حاجة واحدة مأجّلها ⏳
وعارف إن تأجيلها
مسببلك ضغط 😣
وشادد بالك طول الوقت 🧠

مش محتاج تحلّها ❌
ولا تكمّلها ❌
ولا تبدأ بداية مثالية ❌

✅ اختار حاجة واحدة بس.
وخُد فيها خطوة واحدة النهارده 👣
خطوة صغيرة جدًا
لدرجة إن عقلك
ما يقدرش يعترض 🤏

📂 افتح الملف
✉️ ابعت رسالة
✍️ اكتب أول سطر
📅 أو حتى حدّد ميعاد

🧠 التحسّن النفسي
مش دايمًا بييجي بعد ما نرتاح.
أحيانًا الراحة
بتيجي بعد ما نتحرّك خطوة واحدة بس.

⏱️ قفل المنشور دلوقتي
خُد دقيقة واحدة
اعمل خطوة صغيرة
وبعدها ارجع اكتب في التعليقات:
اتعملت ✔️
ا

28/12/2025

أحد جواهر اليوم ✨

أب قال لي النهاردة:

"في تجربة علاج ابني،
اتعلّمت إن تقبّل الابتلاء
كان أول خطوة في طريق الشفاء. "🤍

التقبل والرضا مش استسلام،
ولا ضعف.

هو هدوء يخليك تشوف الواقع زي ما هو،
وتعرف تتحرك صح… خطوة خطوة. 🌱

28/12/2025

مش هتقولوا لي نعيما… 😅✂️
حلقت أخيرًا. 🪒

واضح إن في إنجازات في الحياة
ما بتتحسبش بالنتيجة…
بتتحسب بعدد المحاولات،
وبكم الصبر على النفس في الحاجات البسيطة.

قولّي 👇
آخر حاجة صغيرة استنزفتك أكتر مما تستاهل؟

28/12/2025

🔥طلبة كتير داخلة علم النفس وهي حاسة إنها لازم “تنقذ الناس”.
وده أول مصدر ضغط نفسي عليهم.

من سنة تقريبًا، كنت بعمل محاضرة عن الدعم النفسي لمجموعة من طلبة آداب علم النفس في جامعة السادس من أكتوبر

في نص المحاضرة، واحدة من الطالبات سألت سؤال بسيط لكنه صادق جدًا:
“إحنا المفروض نعمل إيه بالظبط؟”

اللي قلته وقتها، ولسه مقتنع بيه لحد النهارده:

الدعم النفسي ده مستوى أولي كل الناس ممكن تعمله،
مش حصري على المتخصصين.
الدعم النفسي مش معناه إنك تصلّح الدنيا، ولا تعالج، ولا تشيل أكتر من طاقتك.
الدعم النفسي أحيانًا معناه بس إنك تبقى موجود بشكل آمن.
مش مطلوب منك تبقى معالج كامل.
ومش مطلوب منك تفهم كل حاجة.

المطلوب إنك ما تزوّدش الوجع، وما تدخلش على اللي قدامك بدور أكبر منك.

بعد سنة، أكتر حاجة فاكرها من اليوم ده

إن أغلب القلق اللي شوفته في عيون الطلبة
ماكانش ضعف…
كان إحساس زائد بالمسؤولية.

والاطمئنان الحقيقي بيبدأ
لما نفهم إن لكل دور حدوده،

وإن كتير وجودنا الصادق بيكون كفاية.

26/12/2025

مهم جداً

الدليل الكامل للاختيار الصحيح للدكتور القوي الأمين

بعد ظهور الكتير من الأطباء النصابين لازم ناخد بالنا احنا هنكشف عند مين

أولاً: ١٠ نقاط تحذيرية لازم تاخد بالك منها⛔️
1️⃣ الظهور الكتير على السوشيال ميديا مش دليل شطارة
بعض الناس بتستثمر في الدعاية أكتر من العلم والخبرة.
2️⃣ جزء كبير من المحتوى الطبي على المنصات بيكون مدفوع
مش كل “بوست توعوي” هدفه التوعية… أوقات بيبقى Marketing مقنّع.🙁
3️⃣ بعض الإعلانات الطبية بيتم صياغتها على إنها قصص نجاح
بينما ممكن تكون حالة واحدة وسط العشرات من قصص الفشل عمره ما هيحكي عنهم.
ناهيك عن " بعض" حالات "قبل و بعد " ممكن تبقي مضروبه و بعض حالات تنسيق القوام و تضخيم الاحجام بتبقي مدفوعه الاجر ..بنات بيعرضوا خدماتهم علي العيادات 😳
4️⃣ البرامج التلفزيونية الطبية مش دليل شطارة ممكن تكون فقرة مدفوعةوالظهور الإعلامي مش معناه ضرورة مستوى علمي أعلى.
هتعرف انه الدكتور دافع عشان يطلع لو لقيت عنوانه وتليفوناته علي الشاشه.🤨
5️⃣ جوجل Reviews مش دايمًا حقيقية لو لقيت تقييمات متشابهة، متناسّقة، ومكررة دي علامة شك. 🙄
6️⃣ الألقاب الضخمة والشعارات التسويقية المبالغ فيها
زي “أشطر دكتور في مصر” أو “رقم واحد” — عادة جُمل دعائية.
7️⃣ التركيز على الشهرة أكتر من المحتوى العلمي
لو الحساب كله صور وتصوير… ومفيش شرح طبي حقيقي..مفيش محاضرات..مفيش مؤتمرات — انتبه.
8️⃣ العروض والخصومات المستمرة في الطب
الطب مش “أوفرز” — ودي بتبقى علامة Marketing أكتر منها خدمة طبية حقيقيه.😐

9️⃣ تضخيم النتائج وعدم ذكر حدود العلاج أو المضاعفات
اللي دايمًا “كل الحالات اتحسّنت” غالبًا بيخبّي نص الصورة.🙃

🔟 حتي الترشيحات علي الجروبات معظمها إعلانات من اكاونتات fake .. ساعات بألاقي ١٠ ترشيحات لنفس دكتور المخ والأعصاب علي نفس البوست رغم انه دكتور عمر ما حد سمع عنه اصلا😔

🧭 ثانيًا: ١٠ Tips & Tricks لاختيار الدكتور المناسب✅️

1️⃣ ابحث عن التخصص الدقيق
مش كل دكتور أعصاب زي بعض — شوف مجاله (صداع – MS – صرع – ألم عصبي…).
2️⃣ اسأل مصدر موثوق
طبيب / صيدلي / زميل في المجال قبل ما تعتمد على الانترنت.👨‍🏫
3️⃣ راجع المسار المهني والتدريب
اشتغل فين؟ معاه ماجستير/ دكتوراة / زمالة / بورد / خبرة إكلينيكية واضحة؟👨‍🎓

4️⃣ اقرأ الـ Reviews بذكاء
دور على التعليقات اللي فيها تفاصيل طبية حقيقية — مش مجرّد مدح عام.💬

5️⃣ قيّم أسلوب الدكتور مع المرضي الآخرين
هل بيسمع؟ بيسأل؟ بيشرح؟ ولا كشف سريع وخلاص؟
6️⃣ خطة العلاج تكون مفهومة ومنطقية و مشروحه كويس 💯
7️⃣ متصدقش اي دكتور بيصرف علاج من عيادته ووبيقولك مش هتلاقيه غير عندي.. يعني هي الشركه المنتجه انتجتله الدواء ده حصري ..غالبا كداب .. اي دواء موجود في اي عياده لازم يكون موجود في الصيدليه 🙄
8️⃣ الدكتور الأمين بيقول (مش تخصصي)
لو الحالة تستدعي إحالة — ما بيكابرش و يحولك علي زميل تخصص.👏
9️⃣ اهتم بالضمير والإنسانية قدّ العلم دي عناصر لا تُعلَن على السوشال ميديا… لكنها تظهر في التعامل.
🔟استخر و استشر قبل الذهاب لأي دكتور
"إن خير من استأجرت القوي الأمين"
قوي في العلم و الخبرة أمين علي المريض و أهله

25/12/2025

خلّيني أصدمك شوية…

التسويف مش دايمًا كسل،
ومش دايمًا ضعف إرادة.
أحيانًا التسويف
بيطلع من محاولة تحمي بيها نفسك.

لما تقديرك لذاتك يبقى هش،
الفعل نفسه يبقى خطر نفسي.
مش لأنك مش قادر…

لكن لأن دماغك بيهمس:
“لو بدأت وفشلت…
هأكّد أسوأ فكرة عن نفسي.”
ساعتها،
العقل ما بيقولش: أنا كسول،
العقل بيقول: خلّيك واقف… ده أأمن.
وعشان كده
كل ما تضغط على نفسك أكتر
وتجلدها بشعارات زي:
“ابدأ فورًا”
“شد حيلك”
“الناس كلها بتعمل”
النتيجة غالبًا بتكون عكسية.

التسويف يزيد،
والتوتر يعلى،
والثقة تقل.
التجنّب هنا
مش عيب أخلاقي،
ده استراتيجية أمان نفسي
حتى لو كانت بتعطّلك.

الفرق الحقيقي
مش في إنك تضغط أكتر،
لكن في إنك تبني أمان كفاية
يخلّيك تجرّب…
من غير ما تحاكم نفسك.

💬 لو الكلام ده منطقي بالنسبالك،
اكتب كلمة واحدة في تعليقك:
صح

25/12/2025

صباح الخير … بس خلّيني أقولك حاجة ممكن تضايقك شوية.

لو صحيت النهارده
وحاسس إن السنة بتعدّي
من غير تقدّم حقيقي،
من غير نقلة،
من غير إحساس إنك قربت من اللي نفسك فيه…
ده مش كسل.
وده مش إنك قليل طموح.

غالبًا
إنت مجهد.
مضغوط.
وعايش في دوّامة شغل
بتسحب منك الأيام
واحدة واحدة
من غير ما تحس.

المشكلة مش إنك مش شغال.
المشكلة إنك شغال من غير اتجاه.
واللي مخوّف أكتر؟
إن 2026 جاية

سواء إنت جاهز…
أو لسه واقف مكانك.
الخطوة الأولى
مش قرار كبير،
ولا تغيير جذري.
الخطوة الأولى
إنك تعترف
إنك مش عايز سنة كمان تعدّي كده.

✋ لو إنت مستعد تاخد خطوة تحسّن بيها صحتك النفسية
وتبقى أقدر تواجه اللي جاي…
اكتب في تعليقك كلمة واحدة بس:
مستعد

24/12/2025

شكر كبير إلى Lamia Taha Osman, Esmail Tarek Elsherief, Ana Ahmed, Ëmän Möhämëd, مصطفي الجبيلي, مؤمن عبدالرحمن, Mohamad Gamal, Rehab Mohamed, عاطف محروس, حمادة عبدالرحمن, Amira Ahmed, قطوف الدنيا, Fatma Selawi, د.علاء الدين أبو سخيلة, ماجده الشريف, Ahmed Ali Osman, Hamada Mam

نظير كل الدعم المقدم! تهانينا على انضمامك إلى أبرز المعجبين في فترة تواصل دون انقطاع ‏🔥‏!