http://www.ghadanasserblog.wordpress.com/

لنا في السعادة حياه- Ghada Rashwan, Cairo (2026)

16/02/2025

‏- مقامك حيثُ أقمت نفسك؛
لا حيث أقامك الناس،
فالناس لا تعدل ولا تزن.
- الرافعي.

15/02/2025

حاجات كتير أوي بتحصل غصب عننا ومش بإرادتنا
مواقف ملناش يد فيها.

ومع ذلك ومع الأسف الشديد لازم ناخد فيها قرار ونتحرك…

متخفش من إتخاذ القرار لإن ده حق رباني أدهولك
ربنا خلقك عَبد حُر ليك حُرية الإختيار

طالما حسبتك فيها ربنا ،
طالما عامل اللي عليك وبتتقي الله ،
طالما منضف قلبك،
طالما حاطط نية وعارف نيتك وبتشيك عليها من الوقت للتاني ،

فتوكل على الله ولاتَعجز …

15/02/2025

الأذى دايماً بيجي لما نقررب أووي

الأذى دايماً بيجي لما نشوف أنا وإنت وماحدش تالتنا

الأذى دايماً بيجي لما معرفش حدودي ، وقدراتي

الأذى دايماً بيجي لما شوف جُزء بس من الصورة

الأذى بيجي لما ماخُدش بالأسباب

بيجي لما أقلل أو أضخم من حجم قُدرتي وإستطاعتي ….

وع رئي عَمنا مُصطفى شعبان
إحنا بنتجرح أوي لما بنحب أوي🫶

أبسلوطلي يافندم
" إحنا بنتجرح أوي لما بنتوقع أوي" 🤭

نتوقع من نفسنا ، من الآخرون
توقعي من العلاقة نفسها…

الخُلاصة بتقول مَتحطش علي نفسك وعلي الآخرون وعلي العلاقة وترجع تعيط وتشتكي يافندم

إرحم نفسك شوية وبالتبعية هترحم اللي معاك

أقولك ع السر 😍
🤫🤫🤫 ممكن حضرتك تبطل توقع عشان سقف التوقع اتخرم يافندم 🫣🫣

09/02/2025

رجعت من فترة أشتغل كوتشنج من تاني
والحالات اللي بتجيلي حقيقي إبتلائتها صعبة أوي وحبايبي بجد بحس بيهم أوي مع كل نفس عياط طالع وداخل وإحنا شغالين مع بعض

إلا إنه مع ذلك جوه كل حد فيهم في قوة عظيمة وثبات ع أمرة والله لو تعلمون عظيم.

" الحاجة المشتركة ف الناس "
🤍قيمة الروحانيات🤍
بمعناه إني حاطه ربنا جوه حساباتي وبتقيه خير التقوى وبعمل مايُرضيه ومالايرضي نفسي وهوايا.

القيمة دي لما بتكون عالية ومهمة بشوف قوة خارقة ع ثبات الناس دي على نفسهم الأمارة بالسوء

آه والله العظيم زي مابقولكم كده:
مافيش أسهل من سوء الأدب وقلة الأدب.

مافيش أسهل من قلب الطرابيزة وعليا وعلى أعدائي.

مافيش أسهل من إني أعلم عليك وزي ماأنا خسرت وخسرانة وموجوعة أعمل فيك اللي متعملش…

💚لكن وجود القيمة 💚
دي حقيقي بتلجم الشخص عن نفسه وبتخلي مابينه ومابين الآخذ بالثأر واللي واللي واللي جداااااار كبير اللهم بارك.

أنا ببقى من جوايا بقول إيه القوة والعظمة والثبات اللهم بارك
ببقى بقول هو إنتوا إزاي جُمال كده وأنقياء كده وقلوبكم متلوثتش برغم الأذى والوجع اللي عشتوه وشفتوه
ماشاء الله ثابتين وصابورين كده وهادين…

ولاقتني بردد علي لساني وبقلبي بقالي كام يوم كده
🤍ليس لَك من الأمر شئ🤍

مش بتاعتنا الأمر كُله مِنه وطالما الأمر مِنه يبقى إحنا في خير وأمان من الله

دورنا بقى هو مش ليه؟وإزاي؟ وإمتي؟
ده حصل

دورنا مش الوقوع ف دور الضحية وأشوف نفسي المجني عليه وامشي استلذ التعاطف من الناس حتى وإن كُنا بالفعل مظلومين

إنت دورك تجاه نفسك إنك تكون بطل روايتك

""سمعت شيخنا الداعية مصطفي حسني مره بيقول""

لما يقع عليك ظُلم أو إبتلاء وإنت كُنت المجني عليه كمل حياتك كنااااجي🌿🪴

إنت قلبك زي الزرعة بتحتاج مايه ،هوا ، شمس
قلبك محتاج راحة، رحمة ، لُطف
ودول هتلاقيهم في كلام ربنا ، مُناجاة ، في خُلوة بينك وبينه🪴🌺🪴

🤍صَدق القول رَب الخير لايأتي إلا بالخير ياحبايبي🤍

لل

06/02/2025

آلآم مابعد الفراق...

الحقيقة إني فضلت حبة حلوين كده بسئل نفسي سؤال هو ليه الواحد بعد مابيفارق أو بيتفارق (مش فارقة كتير الحقيقة) بيمُر بوجع شديد جداً
ألم بيكسر قلبه وضلوعه.
إحساسة بأن الكون والعالم إنتهى.
حالة الضياع والحزن الشديد والألم اللي مش بيروح ولا بيخف بل بيزيد.

مكنتش قادرة أستوعب هو لية كده؟
لية مش بنتجاوز ؟ ماحنا خلاص خلصنا

لحد مادرستها وبعدين فهمتها واتعلمتها وجربتها إن العقل وقتها بيمُر بمرحلة مشاعر متلغبطة جداً

العقل مبيبقاش عارف ولا فاهم هو المفروض يعمل إية بيمُر بمرحلة إنهيار وضياع فعلياً

لذلك بيبدء يديك إشارات علي هيئة مشاعر عشان تتحرك وتتصرف ومع كمية المشاعر اللي بيدهلنا دي بالرغم من ذلك بيُقع ، بيهنج ، بيعطل

بنسميها كده مرحلة عدم المعرفة , مرحلة اللاشئ ، مرحلة الولاحاجة.

لأن العقل طول ماهو مش قادر يستنتج ويتوقع اللي جاي ويرسمة أو يمنطقه أو يبرمجك عليه
سواء اللي جاي حلو أو وحش فبيبدء يحس بالقلق وأول لما العقل يقلق
تبدء مرحلة الخطر وهنا العقل بالتحديد بيعطل عن اداء مهامه الرسمية...

لأن ببساطة شديدة العقل بيكون بيمُر بمرحلة ((الفقد ))
عقلي شايف إني خسرت المصدر اللي كان بيديني إحتياجاتي النفسية

طالما حصل الفراق ووقع الإنفصال بالفعل بكون ضيعت ع العقل وألاعبية كااارت كبير أوووي إسمة (( الأمل))

طالما تلاشى الأمل إذاً أنا فقدت المصدر وللأبد
ومن هنا بتيجي العطلة والوجع والألم...

قول لنفسك :
أنا في عون الله
عَليك بنفسك
إنا لله إنا إليه راجعون
أصبر وصابروا ومايوفى الصابرون

05/02/2025

break up recovery
آلالآم فِراق الإنفصال 💔💔💔

للمرة التانية ع التوالي 👌👌🤍💚🤍

من أعظم وأقيم وأفيد الكورسات القصيرة اللي أخدتها حقيقي ….

Work shop لايُمكن أكل ولا أمل من حضورها وتكرارها ومُراجعتها…

اللهم إستخدمنا ولاتستبدلنا
وعلمنا وزيدنا عِلماً وانفعنا بِما تَعلمناه ياااارب

05/02/2025

العظة أو الدرس بالنسبالي من قصة سيدنا خضر مع سيدنا موسى عليه السلام

"هو ليس الصبر على مالم نُحط بِه خبرا "

لأن كده كده سيدنا خضر كان عارف إن موسى علية السلام مكنش هيقدر يصبر علي حاجة هو مش فاهمها ولا عارفها ويفضل ماشي ف الطريق كده

الدرس بالنسبالي هو
"التسليم ثم التسليم ثم التسليم"

ساعات في حاجات مش هيبقى في وسعنا الصبر عليها ، غير لما نسلم تسليم كامل وشامل لله إنها مش بتاعتنا

"نسلم إن الأمر من عند الله وإن الأمر خير لإنه من فعل الله"

وقتها هنقدر نصبر علي مرارة الأمر وتَجرُع الألم مع الصبر بِما يقضي بِه الله…

أيوه هتقع ف السِكة كتير وهتحس بِظُلمة وِوَحشة الطريق
ومع ذلك هتقوم من تاني

وهتقاوم تاني وهتبني جِدارك الحصين اللي هيبعدك عن تشويش تسليمك لله

سمعت جُملة في مُسلسل الحشاشين بتقول
**في الخطر أمان**
يمكن مفهمتهاش أوي
ولكن اللي حاساه أوي تجاها

إن حتى وقت الخطر فأنت متحاوط بأمان الله
طالما حسبتك فيها ربك…

ومتنساش إنت لِيك رب إسمة الكريم ، فلا تيأس من رحمة الكريم 🌺🤍🌺

20/08/2024

ماتخاليش حاجة توقفك إنك تكون مُتماشي مع ال
"Code of ethics"
اللي انت معتنقة ومُتبنيه وبتحارب وبتجاهد ف نفسك إنك تكون عليه …

خاليك فخور بنفسك ،، 😊♥️😊ميهمكش فخر غيرك ليك .

اسعى دايماً ورا اللي بيريحك وبيخلي روحك ف سلام طالما هو مُتماشي مع شريعة الله

السؤال اللي هيريحك ويخليك تروح للسلام والرضا النفسي هو ،، هو إيه مُراد الله مِني ،،
بمعنى هو ربنا هنا عايز مني إيه؟✋ وقفة مع نفسك بجد وبإخلاص هتعرف الإجابة …

كلام بقولة لنفسي ف كل وقت وف كل موقف وف كل أزمة

🌿تعامل بأخلاقك أنت مش بأفكار حد غيرك 🌿
هُنا سَتجد الراحة والسكينة والهدوء الروحي والسلام .

وخاليك فاكر بعد كُل غيمة نوور 🌤️🌤️☀️

12/08/2024

"مهما كان غلطك إنت قادر إنك تصلحة"

العلاقات عبارة عن شئ تبادلي مسار رايح جاي ، لو اللي رايح حلو يبقى اللي جاي هيبقى حلو والعكس صحيح

"ده الأصل ف العلاقات الصحية السليمة "

ساعات بيحصل مطب عالي ف العلاقة وهوب اسكلوب بناخد نفسنا ورد فعلنا إلى أقصى حاجة ف المسار وقتها بنعمل حادثة بدون جدال ،،
اللقطة بقى ان المشهد ساعات بينتهى عند الحادثة وشكراً ثانك يو ☺️ بناخد بعضنا ونمشي

تفتكروا المشهد انتهى هنا 😎 أبسلوطلي لا 🙅‍♀️ احنا بس قررنا نمشي ظنناً منا إن احنا كده بنحمي نفسنا ،

القصة ومافيها إن الطرفين اللي عملوا حادثة كُل واحد فيهم عنده نسبة من الغلط حتى لو كانت النسبة
30%\ 70%
في نسبة تحمل سعادتك مُتحملها..

طب مش أنا غلطت ' آه '😔
ياترى حضرتك فكرت المفروض تعمل ايه ؟!

هل دور بجد عن سبب الحادثة اللي حصلت؟؟!

ياترى فكرت تشوف وتتحمل الجزء اللي إنت مسؤول عنه!!🧐

أنا جايالك من المستقبل واحب أقولك اللي إنت قررت تتغاضى عنه ومتدورش وراه ،، وعن سبب حدوثة

احب أقولك ان اللي مفكرتش تداويه وتعالجه بالطريقة الصحيحة هيفضل موجود جوااك ،،
ومع أول موقف خطر ☠️ هتتعرضله من جديد
"إنت هترده أضعاف أضعاف"👿

لإن بكُل بساطة إجسمك ومشاعرك وعقلك مُحتفظين برد الفعل لسه …

مهما كان غلطك وأياً كان الغلط دورك تجاه نفسك إنك تتحمل مسؤولية وتعرفه عشان تتعافى منه وتصلحه
عشان تعرف تبني صح ✔️

دورك تجاه الآخرين إنك تكف آذاك عنهم
احنا مش ماشين نلطش ونلوش ف خلق الله
حقهم عليك
"إنك تتبع كلام ربنا "

🌿"ادْفَعْ بِالَّتِي هِيَ أَحْسَنُ فَإِذَا الَّذِي بَيْنَكَ وَبَيْنَهُ عَدَاوَةٌ كَأَنَّهُ وَلِيٌّ حَمِيمٌ"🌿

دور كويس يمكن تلاقي نفسك مكنتش رابط حزام الأمان وانت سايق عشان كده لبست أول مطب جه ف وشك🤕…

وحزام أمانك هو انك تبقى عارف أبعادك كويس ،
إنك متهملش ف معرفة الحقيقة اللي جواك ،
إنك تهذب روحك من وقت للتاني ومتتكسفش لما تلاقيها غلطانه ،

ربنا بيبعتلنا المواقف الصعبه عشان نهدي روحنا من خلالها التهذيب والتأديب والتنوير والمعرفة لحقيقة اللي جوانا🤍…

لو كسلت هتلبس 🤕…

ولو تعبت هتعرف حقيقة الجوهر اللي جواك
فهتلمعه وتنوره فهتقدر ويقدر غيرك يحس بطعم حلاه💎🤍💎…

#السكة مش سهلة 😉☺️

02/08/2024

ولحظة ما بتكتشف إنك ولا حاجه ولاحاجه بمعني كلمة ولا حاجة
بتكتشف إنك شخص مزيف مش حقيقي كنت لابس قناع وبتحاول تقنع بيه نفسك..
إنت ف الحققه مبتتقدمش خطوات عمليه ممنهجة صحيحه
بتبقي مش عارف وقتها هوإانت الشيطان ولا الشيطان هو اللي ماسكك وبيضحك عليك ولا إنت مين؟!

بتحس إنك غريب عن نفسك؛ مش عارفها؛ بتصدر لنفسك وللعالم صورة شخص إنت متعرفهوشإنت بتحاول توهم نفسك بيه

بتنصح كل الناس وبتحاول تكون شخص صح ، بس تعالي بص علي نفسك من بعيد كده إنت فين، ومشيت لإيه ،ووصلت فين
وتلاقي نفسك تسئل سؤال هو أنا مين؟
أنا إيه اللي جابني هنا؟
هو أنا بنتمي للعالم ده؟

وتعالي للسؤال الأكبر والأصعب منه هو أنا بنتمي لروحي الحقيقة أصلا؟!

وتكتشف إن طريق النجاح صعب أوي وطويل ومش بالساهل
وتقول لنفسك هو أنا يليق بيا النجاح !? ، لا الأصح بتعها بيقول هو أنا أستحق أكون شخص ناجح ….

وتلاقي نفسك ضعيف ، ضعيف أووي من جوه ، ضعيف لدرجة إنك محتاج حد يقويك حد يقف جنبك يقولك قوم وأنا معاك
حد يطمنك لما تجيلك لحظة الشك باليقين اللي جواك….

لحظة الإنهيار صعبه ولحظة التوهان مُره ..
لما تلاقي نفسك تايه جوه دوامة كنت بتقول عليها أنا عارف آخرها من أولها وعارف أنا هعمل إيه ، وفاجئة مصابيح النور تنور في وشك لدرجة إنك مبقتش فاهم هي عمتك ولا فوقتك

وتسئل وتقول
أنا مين؟؟؟

"المرحلة دي محتاجة منك القبول والمُساندة"

"لحظة إنهيار "💔💔
#بقلم

31/07/2024

مؤلم ياصاحبي أن يكون العُمر سباقَ حواجز،

عليكَ أن تركضَ إلي خط نهاية،
كلما أوشكتَ علي الوصول إليه،

اكتشفتَ أنه خط وهمي وأن الخط الحقيقي بعيدٌ ، بعيدٌ كثيراً !
توضأ، وصلَّ ركعتين ياصاحبي،
وضع يدكَ علي قلبكَ، وقُل:
""فاللهمَّ هذا القلب بيدكَ""

لاتتركه هائماً لا إلي قرار ولا إلي استقرار ،
بصِّره بالعلامات ، وفهَّمه الإشارات ،

"ودُلَّه فأنتَ ربُّ التائهين وهو تائه!"
والسّلام لقلبكَ

30/07/2024

أنت بحاجة لأن تستريح قليلًا
تستريح من الخوف، من القلق، من توقع الأسوء، من عناء التفكير، من عشرات المعارك التي تخوضها بالتوازي ..

لن تمنحك الحياة أكثر مِمّا كُتِبَ لَك، ولن يمنع عنك أحد مَا كُتِبَ عليك ... فٱهدأ

تصالَح مع ابتلاءاتك التي لا تستطيع تغييرها
قد يبدو الكلام سهلًا، ولكن الحقيقة أنه لا بديل ..

إمّا التَّصالُح، وإمّا أن يمضي العُمر دون أن تلتقط أنفاسك لتستشعر شيئًا جميلًا ولو للحظات ..

"لِكَيْلَا تَأْسَوْا عَلَىٰ مَا فَاتَكُمْ وَلَا تَفْرَحُوا بِمَا آتَاكُمْ" تعامل مع الحياة على أنّها ليست دار راحة، ليست للسلام النفسي المُطلق، ليست للطمأنينة التي لا يشوبها قلق ..
بل هي مجرد رحلة، لحظاتها تتبدّل، أحوالها تتغيّر، قد تعصف فجأة، وقد تَحلُو فترة، وفي كل أحوالها ستمضي ..

أنت بحاجة لوِسَادَة يغفُو عليها عقلك، ينفصل، يستكِين، يمنحك لحظات من الهُدنة لِتُكمِل الطَّريق .

لنا في السعادة حياه- Ghada Rashwan

16/02/2025

15/02/2025

15/02/2025

09/02/2025

06/02/2025

05/02/2025

05/02/2025

20/08/2024

12/08/2024

02/08/2024

31/07/2024

30/07/2024

Address

Telephone

Website

Alerts

Contact The Practice

Shortcuts

Share