Nesrine ElHakim _ Mindset Coach

29/12/2025

بين عامين…
مش كل اللي عدّى لازم يكمل
ومش كل اللي جاّي محتاج منك أكتر… أحيانًا محتاج منك أخف.
مقال جديد بيطرح سؤال بسيط في شكله، عميق في معناه:
ماذا نترك في 2025؟ وماذا نحمل معنا إلى 2026؟
عن العلاقات، الوعي، النضج، والاختيارات اللي بتفرق فعلًا.
📖 اقرأ المقال كاملًا من هنا 👇

مع نهاية كل عام، لا نطوي صفحة زمنية فقط، بل نغلق فصولًا داخلنا.أفكار، علاقات، عادا

28/12/2025

💭 لما تحس إنك مسؤول عن مشاعر كل اللي حواليك
وتلاقي نفسك دايمًا شايل همّ الناس قبل نفسك…
تعدّي بالكلام ألف مرة،
تخاف تزعل حد،
وتحس إن أي توتر حوالين منك… ذنبك أنت.
بس الحقيقة؟
إحساسك بالمسؤولية مش دايمًا دليل إنك شخص كويس وبس…
أحيانًا بيكون دليل إنك متعود تشيل أكتر من طاقتك.

✅ ليه بتحس إنك مسؤول عن مشاعر غيرك؟

1️⃣ لأنك اتعلمت بدري إن رضاك مرتبط برضاهم
كبرت على فكرة:
«لو اللي قدامي زعلان… يبقى أنا غلطان».
2️⃣ لأنك شخص حساس وواعي
بتلقط النبرة، النظرة، الصمت…
فبتحاول تصلّح الجو قبل ما حد حتى يطلب.
3️⃣ لأنك بتخاف من الرفض أو الهجر
فتختار ترضي…
علشان تفضل مقبول.
4️⃣ لأنك دايمًا دورك “العاقل”
اللي يحتوي، ويهدّي، ويعدّي المواقف…
حتى لو على حساب نفسك.
5️⃣ لأن حدودك مش واضحة
ولما مفيش حدود،
مشاعر غيرك بتدخل قلبك من غير استئذان.

⚠️ المشكلة؟

لما تشيل مشاعر كل الناس…
هتنسى مشاعرك أنت.
هتتعب،
وتستنزف،
وتحس إنك لوحدك رغم إنك وسط ناس.
🌱 إمتى المسؤولية دي تبقى غير صحّية؟
لما تزعل علشان حد زعلان… حتى لو مش سببك
لما تكتم احتياجك علشان «الوقت مش مناسب»
لما تحس بالذنب لمجرد إنك قلت «لا»
لما تبقى دايمًا المُنقِذ… ومفيش حد بينقذك
🤍 الحقيقة اللي محتاج تسمعها:
أنت مسؤول عن تصرّفاتك…
مش عن مشاعر غيرك.
مسموح تهتم… من غير ما تحمل.
مسموح تتعاطف… من غير ما تذوب.
ومسموح تختار نفسك… من غير ما تكون أناني.
📍 لما كل واحد يشيل مشاعره،
العلاقات تبقى أخف… وأصحّ.
📩 لو حاسس إنك شايل أكتر من اللازم،
الكلام مع متخصص ممكن يساعدك تفرّق بين
التعاطف والاستنزاف.
🔔 تابع الصفحة
علشان توصلك أفكار تخليك أهدى مع نفسك…
ومن غير ما تخسر اللي حواليك 🤍

للاستشارات و التفاصيل واتساب
012 21614727

27/12/2025

في نوع من الاكتئاب مش صوته عالي…
ولا شكله واضح…

ولا حتى بيبان على ملامح صاحبه.
اسمه الاكتئاب الخفي
وأحيانًا بيتقال عليه اكتئاب الناجحين.

اللي بيعيشوه غالبًا:
✔️ شاطرين في شغلهم
✔️ اجتماعيين
✔️ بيضحكوا وبيهزروا
✔️ شكلهم “تمام” من برّه

لكن الحقيقة إن في حرب شغالة جواهم محدش شايفها.
إجهاد نفسي، فراغ داخلي، فقدان متعة… بس من غير ما يقعوا أو ينهاروا قدّام الناس.
الابتسامة هنا مش دليل قوة
أحيانًا بتكون وسيلة بقاء.

حاسس إن الكلام ده شبهك؟
ممكن تحجز استشارة كوتشينج مجانية معايا وتتعرف على خطواتك التالية لتغيير قناعاتك وتحسين تواصلك وحياتك اليومية.
📌 التفاصيل وطريقة الحجز
واتساب
012 21614727

27/12/2025

27/12/2025

5 إشارات بتقول إن ثقتك بنفسك محتاجة وقفة صادقة:
1️⃣ رأي الناس مسيطر على تفكيرك
بتقف عند كل كلمة وتتساءل: كان قصده إيه؟
وكأن تقييمك لنفسك مستني موافقة من اللي حواليك.
2️⃣ بتستصغر إنجازاتك تلقائيًا
حتى لما تعمل حاجة كويسة، أول جملة تطلع منك:
"ولا حاجة… أي حد كان يقدر يعمل كده"
ومجهودك يضيع منك قبل ما يفرّحك.
3️⃣ صعب عليك تقول “لا”
مش لأنك مقتنع،
لكن خوفك من الزعل أو الرفض بيخليك تضحّي بنفسك بهدوء.
4️⃣ إحساس دائم إنك أقل من المطلوب
مهما وصلت أو نجحت،
جواك صوت بيهمس: لسه مش كفاية.
5️⃣ المقارنة بقت عادة يومية
نجاح غيرك بيخلّيك تشك في نفسك،
وتنسى إن لكل إنسان توقيته ومساره الخاص.
✨ الثقة بالنفس مش صوت عالي…
الثقة الحقيقية إنك تبقى ثابت من جواك، حتى من غير تصفيق.

أي علامة فيهم أكتر واحدة حاسسها عليك دلوقتي؟ اكتب رقمها في الكومنت.

26/12/2025

إزاي تجدّد طاقتك؟ 🌿
• ابدأ بالتخلّي:
تخلّص من أي حاجة قديمة أو مكسّرة…
المكان لما يخف، النفس بترتاح.
• اعمل تنظيف عميق:
نضّف بيتك كويس،
الطاقة الراكدة بتتحبس في الزوايا.
• راجع دايرتك على السوشيال ميديا:
مش كل اللي في القائمة أصدقاء.
اللي ما بيسألش،
ما بيتفاعلش،
وما بيظهرش وقت الشدّة…
وجوده عبء مش إضافة.
وسّع دايرتك بناس شبهك.
• اقطع العلاقات السامّة:
مش كل خسارة خسارة…
في علاقات الخروج منها شفاء.
• اتعلّم حاجة جديدة:
مهارة، هواية، نشاط…
العقل لما يتحرك، الطاقة بتجري.
• خُد وقت لنفسك:
روحانياتك، أذكارك، صلاتك،
والحاجات اللي بترتاح لها روحك.
• كَلّم نفسك حلو:
إنت بتسمع نفسك أكتر من أي حد،
فخلي الكلام داعم مش جارح.
• اضحك وغيّر جو: ☀️
أي فرصة تضحك فيها… ما تضيعهاش،
الضحك شحن طاقة مجاني.
افتكر دايمًا:
طاقتك مش رفاهية…
دي مسؤوليتك.

26/12/2025

لا تسمح لأحد أن يستنزفك نفسيًا:
• لم يتصل؟
لا تنتظر… واصل يومك بهدوء.
• لم يرسل رسالة؟
ضع الهاتف جانبًا واهتم بحياتك.
• ابتعد دون توضيح؟
توقف عن التحليل وارجع لنفسك.
• لم يعبّر عمّا يزعجه؟
هذا قراره، وليس مسؤوليتك.
• شعرت بأنك تبذل طاقة بلا مقابل؟
انسحب بهدوء.

تذكير مهم:
أنت مسؤول عن سلامك النفسي أولًا.
الآخرون مكانهم في حياتك يكون بالقرب لا بالاستنزاف.

لو عجبك البوست اعمل شير لحد بتحبه و عايزه يستفيدك أو أعمله منشن ..

26/12/2025

هل بتعيش علشان ترضي الناس… ولا علشان تكون حقيقي مع نفسك؟
في علامات لو ظهرت في حياتك، اعرف إنك بتدفع تمن كبير جدًا:
رضا الآخرين على حساب ذاتك.
🔹 لما تربط قيمتك برضا الناس عنك، طاقتك بتستنزف.
🔹 لما تدي أكتر مما تقدر، من غير حدود، بتفقد نفسك تدريجيًا.
🔹 لما تخاف تقول «لا»، بتوافق على اللي لا يشبهك ولا يناسبك.
🔹 لما تبرر كل قرار، كأن رأيك لوحده مش كفاية.
🔹 لما تثبت قيمتك بالعطاء المستمر، شخصيتك بتذوب بدل ما تقوى.
🔹 لما تضحي براحتك وحقوقك، وتبقى قيمتك في الخدمة مش في وجودك.
🔹 لما يهمك رضا الجميع أكتر من رضاك عن نفسك، الفراغ الداخلي يكبر.
🔹 ولما تعيش حسب توقعاتهم، سعادتك تتأجل… وأهدافك تبعد.
📌 الحقيقة؟
إرضاء الناس مش قوة.
الحدود مش أنانية.
واحترامك لنفسك هو الأساس لأي علاقة صحية.
سؤال ليك:
امتى آخر مرة اخترت نفسك… من غير ذنب؟

25/12/2025

كيف أثرت السوشيال ميديا على حياتنا الاجتماعية؟
مقالى الجديد في جريدة نقاش
رأيكم يهمنى كتير ..

في أقل من عقدين، تحولت وسائل التواصل الاجتماعي من مجرد أدوات للتواصل البسيط إلى جز

25/12/2025

لا تسعى للانتقام… الثمار الفاسدة بتقع لوحدها

كنت زمان فاكر إن الحق لازم آخده بإيدي…
وإن السكوت ضعف،
وإن اللي يوجعني لازم أوجعه زيه…
لحد ما الدنيا وقفتني،
وخلّتني أفهم حاجة مختلفة خالص…

مش كل معركة تستاهل تدخلها،
ومش كل أذى محتاج رد.

فيه ناس بتأذيك،
وتكذب،
وتلف وتدور،
وتفتكر إنهم كسبوا الجولة،
وإنك لما سكتّ… ضعفت.

بس الحقيقة غير كده تمامًا…

أنا شوفت بعيني
ناس كانت مؤذية،
ومغرورة،
وفاكرة نفسها ذكية،
وسايبة أثر وحش في حياة غيرها،

ومرّ الوقت…

وبدأت الثمار الفاسدة تقع لوحدها…
واحدة واحدة…
من غير ما حد يزقها.

اللي كان بيضحك عليك،
اتفضح.
واللي كان بيأذي،
اتأذى.

وساعتها فهمت…

إن الانتقام الحقيقي
مش إنك ترد،
ولا تثبت إنك أقوى.

الانتقام الحقيقي
إنك تمشي نضيف،
وتسيبهم في وساختهم.

إنك تحافظ على روحك،
وتسيب الزمن يعمل شغله.

لأن اللي بيزرع أذى…
مش محتاجك تحاسبه،
هو كده كده هيحصده.

يمكن مش دلوقتي…
بس أكيد.

فلو حد ظلمك،
أذاك،
أو كسرك…
إوعى تستهلك طاقتك في اذيته.

اركَن على جنب،
خد نفس،
وافتكر إن الثمرة اللي من جواهها فاسدة
مهما فضلت معلّقة
لازم تقع…

وساعتها
هتبقى واقف بعيد،
قلبك هادي،
وضميرك مرتاح…
وعارف إنك كسبت
من غير ما توسّخ إيدك.

24/12/2025

✨ الحمد لله على التخطي، وعلى التجاوز، وعلى القدرة على التناسي ✨
الحمد لله على كل يوم صعب مرّ، وعلى كل لحظة كنا فيها حاسين إن الطريق تقيل وإننا مش قادرين نتحمل… وصدقوني، كل مرة عديناها علمتنا درس، وكل مرة اتخطينا فيها صعوبة، اتعلّمنا قوة جديدة جوه نفسنا.
الحمد لله على كل فترة حسّينا فيها بالإحباط، على كل مرحلة استصعبنا مرورها… ومرت! وربنا كان معنا، وكان صبرنا وتفاؤلنا سبب في إننا نوصل للجانب التاني من الألم. 💖
اللهم ارزقنا أيام فرح، أيام تملأ قلبنا بالبهجة، أيام تنسينا تعب الماضي وصعوبة الأيام اللي فاتت… أيام نحتفل فيها بكل إنجاز صغير وكبير، ونقدر فيها قيمتنا ونفرح بحياتنا على قد ما الحياة تستحق الفرح.
💫 لأن كل تجربة صعبة مريت بيها، كل موقف شاق واجهته، كل دمعة نزفتها… كلها كانت تمهيد لحياة أفضل، وفرحة أكبر، وهدوء داخلي أعمق.
فخلينا دايمًا شاكرين، متفائلين، ومفتوحين للخير اللي جاي، عارفين إن اللي جاي أجمل بإذن الله.

24/12/2025

الفراغ مش بريء.
لو ما اخترتش إنت تملاه بإيه،
هيتملي لوحده…
وغالبًا بحاجة مألوفة
حتى لو كانت بتوجع.
الكون يمقت الفراغ،
ومفيش مساحة في حياتك بتفضل فاضية.
إحنا بس اللي أحيانًا بنسيبها،
وهو يتدخل يملّاها تلقائي.
تسيب علاقة
وما تحطش بديل؟
الفراغ يتملي حنين
ويرجعك للي وجعك.
تبعد عن شخص
وما تملّيش وقتك؟
الفراغ يتملي تفكير فيه.
تبطل عادة
وما تبدّلهاش؟
الفراغ يرجّعك لها تاني.
عشان كده
وأنت بتقفل أي باب
افتح باب تاني…
ولو صغير.
والكون هيساعدك فيه.
✨ سيبت شخص؟
املّي قلبك باهتمامك بنفسك.
قرّب من روحك وروحانياتك.
غذّي عقلك بوعي جديد وقراءة.
✨ فَضيت وقت؟
املأه بحاجة بتحبها
وبتضيفلك مش بتستنزفك.
الفراغ لو ما اتملاش بوعي
هيتملي من غير إذنك،
وممكن بحاجات ما تريحكش.
وإنت تستاهل تختار،
مش تسيب المألوف
ولا الكون
يختاروا بدالك 🤍
#وعي
#التخلي