What are the opening hours?

Monday 4pm - 10pm Tuesday 4pm - 10pm Wednesday 4pm - 10pm Saturday 4pm - 10pm Sunday 4pm - 10pm

https://www.facebook.com/103146669174258/

Dr. Shaima Goda, Cairo (2026)

26/07/2023

قبل ما تحرم نفسك عشان تخس امشي على النصايح دي وشوف النتيجة
١. كل في طبق واحد (ميكونش حجم الطبق كبير اوي)
٢. طبق خضار جنب كل وجبه
٣. امشي ٣٠ دقيقة في اليوم
٤. ٣ ثمرات فاكهه في اليوم
٥. اشرب كوباية ميه قبل وبعد كل وجبه
الخطوات دي كافية انها تخسسك وتديك دافعة قوية تكمل من غير ما تحس انك بتحرم نفسك من اي حاجه

11/10/2022

الأهم من انك تخس .. انك تثبت على الوزن اللي وصلت له.
وعشان تحافظ على الوزن دا لازم يكون في حياتك عادات صحية تساعدك انك تعمل كدا 🤗
كام مرة جربت تعمل انواع كتير من الدايت وخسيت بس بعد فترة رجعت تخنت تاني كل اللي خسيته 💔
الفكرة مش في ارادتك أو احساس انك فاشلة زي ما بتفضلي تلومي ف نفسك
الفكرة انك معملتيش اي حاجه غير انك حرمتي نفسك من الأكل .. ومكتسبتيش أي عادة صحية تساعدك تحافظي على الوزن اللي خسرتيه
من أهم العادات اللي هتساعدك انك تخسي
- شرب المية بانتظام.
- طبق سلطه مع كل وجبه هيزود احساسك بالشبع.
- النوم الكافي : لان قلة النوم بيزود هرمون الكورتيزول اللي بيزود احساس الجوع عندك و بيكون السبب في زيادة او ثبات الوزن.
- نص ساعة على الأقل رياضة يوميا ..هتزود الحرق وهتحسن من نفسيتك.
نحاول نهتم اكتر باكتساب العادات الصحية أكتر من ان ياترى الدايت دا هيخسسني كام كيلو ف أد اية 👌

دمتم بصحة 🥰

28/09/2022

مفيش اكل او شرب بيزود الحرق
هو نظام كدا على بعضه بنحاول نلتزم بكل البنود عشان نحصل على نتيجة مضمونة مرضية :
١- اتباع نظام غذائي غني بالبروتين.
٢- الراحة والنوم الجيد بيرفع معدل الحرق.
٣- نبدأ بتمارين رياضيه سهلة وبنحبها عشان نضمن اننا نستمر فيها اطول مدة.
٤- بنزود الالياف في نظامنا الغذائي
(الحمص والعدس والفاصوليا أغنية بالالياف والبروتين).
٥- نهتم بالدهون الصحية المتوفرة في الأسماك والمسكرات والافوكادو وزيت الزيتون والبذور بانوعها.
٦- نشرب مشروبات قليلة في السعرات ومننساش المية ف يومنا.
٧- نقلل على اد ما نقدر من الكربوهيدات البسيطه اللي موجودة في الخبز الابيض والرز ونحاول نستبدلها بالحبوب الكاملة لانها مليانه الياف وفيتامينات وتاثيرها على مستوى سكر الدم اقل بكتير من الكربوهيدارت البسيطه.
دمتم بصحة🥰

25/09/2022

أهم بدائل السكر الصحية :-
- العسل
يحتوي على كميات من الفيتامينات والمعادن، وله فوائد مضادة للالتهابات و للأكسدة.

- التمر
يعتبر التمر مصدرًا جيدًا للعديد من العناصر الغذائية، كالألياف، البوتاسيوم، المغنيزيوم، المنغنيز، فيتامين “B6″، مضادات الأكسدة الكاروتينية، البوليفينول.

- سكر “ستيفيا”
يعتبر أحد أنواع السكر الطبيعي المأخوذ من أوراق شجرة “ستيفيا”، الموجودة في جنوب أمريكا.
وهو موجود بشكل سائل أو مجفف، يستخلص من أحد المركبين “جليكوسيدات، ستيفيوسيد وريبوديوسايد أ.”.
لا تحتوي هذه المركبات على أي سعرات حرارية، وهي ذات مذاق أكثر حلاوة بحوالي 450 مرة من مذاق السكر، مع بعض الاختلاف في المذاقين.
ويساعد استبدال “ستيفيا” بالسكر في منع زيادة الوزن وتقليل مستويات السكر في الدم، بينما تشير بعض الدراسات بشكل غير واضح حتى الآن إلى أنها قد تؤثر على الجهاز الهضمي متمثلة بأعراض كالإسهال والنفخة.

- الدبس
هو سائل كثيف بني اللون وحلو المذاق، ويحتوي على العديد من الفيتامينات والمعادن ومضادات الأكسدة، كالكالسيوم والبوتاسيوم والحديد، وهي عناصر مفيدة للعظام والقلب.

- شراب “القيقب”
هو سائل سميك يتم إنتاجه عن طريق طهو عصارة أشجار القيقب، يحتوي على عدد من المعادن كالكالسيوم والبوتاسيوم والحديد والزنك والمنغنيز، ويعتبر غنيًا بالمركبات الفينولية مثل القشور والكومارين، التي قد يكون لها تأثيرات مضادة للالتهابات ومضادة للأكسدة.

** كل هذه البدائل يجب تناولها باعتدال، لأنها تحتوي على
نسبة عالية من السكر.

دمتم بصحة 🥰

24/09/2022

باقي ١٥ اسبوع على بداية السنه الجديدة
تعرف لو بدأت النهاردة
تقدر تخس ١٠ كيلو ويمكن اكتر من غير ما تحرم نفسك من الأكل
ابدأ دلوقتي .. هتفضل تأجل لغاية امته ؟!
خلي بداية السنه هي بدايتك الجديدة 👌

23/09/2022

بمناسبة ان المدراس خلاص على الابواب يلا نتعلم مع بعض ازاي نحسن اختيارات اطفالنا ناحية الاكل الصحي ونعرف ازاي نكوّن وجبات صحية متكاملة 🥰
هنبدأ نعمل كل يوم معلومة جديدة اتمنى انها تفيدكم وتساعدكم في اختيارات احسن لاطفالكم تساعدهم على نمو عقلي وبدني بشكل سليم

لازم نتعلم نقرأ اللي مكتوب على أي منتج موجود على الرف قبل ما نقدمه لأولادنا
ازاي اختار الجبنة الصحية :
تعرفوا ان الجبنة اللي بتتحايلو على اولادكم انهم ياكلوها عشان فايدتها ممكن تكون مضرة ليهم اكتر ؟!

الجبن البيضاء الأفضل صحيا هي المصنوعة من دهون اللبن الطبيعي

عندنا نوعين من الجبنة

نوع محضر من اللبن الطبيعي كامل الدسم او لبن طبيعى خالى الدسم او مضاف له قشدة او زبدة طبيعية
وهنلاقي مكتوب عليه الكلام دا
_ طبيعي 100 %
_ او خالي من الزيوت النباتية
_ او لا يحتوي على زيوت نباتية
او لو مكنش مكتوب
هنقرأ المكونات هنلاقي كلمة يحتوي على زبدة طبيعية او يحتوي على قشدة ومفيش اي ذكر للزيوت خالص وخاصة زيت النخيل المهدرج

والنوع الثانى الجبن نباتي الدهن بيضاف له زيوت نباتية مهدرجه (ودا اسوأ أنواع الدعون التي يجب تجنبها تماماً ) مثل زيت النخيل كمكون أساسي فيه بدل دسم اللبن الذي يتم نزع دسمه واستبداله بزيوت نباتية مهدرجه لتقليل التكلفة والسعر
وهتلاقي مكتوب عليه الكلام دا
_ جبن نباتي
_ او جبن نباتي الدهن
_ او جبن معدل بالزيت النباتي
_او جبن محضر بالزيت النباتي
ولو الكلام دا مش موجود على العبوة هنقرأ المكونات هتلاقي كلمة زيت نباتي اوكلمة زيت النخيل

طب ليه شركات تصنيع الجبن بتصنع جبنة طبيعية وبتصنع برضو جبن نباتي الدهن

علشان كل نوع له سعره
نوع رخيص وده الجبن نباتى الدهن المهدرج
والنوع الثانى غالي و لا يحتوي الا على المكونات الطبيعية

وطبعا كلنا عارفين مشاكل الدهون المهدرجة على صحة الانسان (انها السبب الرئيسي لمرض السمنة وكل الامراض المترتبة عليه) وانها بتزود نسبة امراض القلب اللي ممكن تحصل بسهولة من تناول وجبة واحدة مليانة زيوت مهدرجة مش زي ما كتير متخيل انه بتراكمها او استهلاكها كتير على مدار الوقت.

محتاجين نغير حاجات بسيطه خلال يومنا هتساعدنا اننا نكتسب عادات صحية جديدة هتكون افضل لحياتنا وحياة أطفالنا.
دمتم بصحة 🥰

19/09/2022

بمناسبة ان المدراس خلاص على الابواب يلا نتعلم مع بعض ازاي نحسن اختيارات اطفالنا ناحية الاكل الصحي ونعرف ازاي نكوّن وجبات صحية متكاملة 🥰
هنبدأ نعمل كل يوم معلومة جديدة اتمنى انها تفيدكم وتساعدكم في اختيارات احسن لاطفالكم تساعدهم على نمو عقلي وبدني بشكل سليم

مهم جداً للطفل انه ياكل وجبة الفطار ولو حتى حاجه بسيطه قبل ما ينزل من البيت ..
اخر وجبة الطفل بيأكلها بتكون الساعة ٩ بالليل مثلا وبعدين يصحى تاني يوم يروح المدرسة ولما يبدأ يأكل أول وجبة ف البريك بتكون حوالي الساعة ١٠ ل ١١ الصبح ..
ال gap الكبيرة دي بتخلي اختيارات الطفل دايما سيئة .. دايما بيميل للسكريات اللي تديله طاقة سريعة عشان يقدر يواصل اليوم عشان كدا من الأفضل انه ياكل وجبة افطار قبل ما ينزل (مش لازم طبعا تكون وجبة متكاملة) لكن لو اكل بيضة او شرب كوباية لبن قبل ما ينزل هتحسسه بشبع وتديله طاقة وهتساعده جداً في اختياراته انها تكون احسن خلال اليوم ف المدرسة .
محتاجين نغير حاجات بسيطه خلال يومنا هتساعدنا اننا نكتسب عادات صحية جديدة هتكون افضل لحياتنا وحياة أطفالنا.
دمتم بصحة 🥰

18/09/2022

لما الدكتور يسألك مبتخسيش ليه 🤦‍♀️🙆‍♀️

18/09/2022

لنمو عقلي وجسدي سليم لأطفالنا محتاجين نطبق أهم
قاعدة في حياتنا اليومية
5 2 1 0 rules
5 )) يعني الطفل محتاج على الأقل ٥ حصص من الخضار والفاكهة يومياً ويفضل يكونوا ٣ حصص من الخضار و٢ حصة من الفاكهة (ولازم نعرف ان حصة الطفل بتختلف عن حصة الشخص البالغ).
2 )) نحاول ميزدوش عن ساعتين screen time خلال اليوم (يعني ميقعدش يتفرج على ال TV او يلعب على اللاب او الموبايل اكتر من ساعتين) ، وطبعا حسب السن الوقت ممكن يقل أو يزيد (والطفل أقل من سنتين تلاتة ممنوع نهائي ال screen time)
1 )) على الأقل يكون متاح ساعة ف اليوم حركة منتظمة (يعني داخل تمرين مش مجرد انه يلعب ف البيت) (يعني يكون عنده ساعة يوميا تمارين رياضية)
0 )) زيرو منتجات فيها سكريات .. الطفل اقل من سنتين ممنوع تماماً ليه اي عصاير حتى لو طبيبعة أو معلبة وممنوع ياكل اي حاجه فيها سكر
وفوق السنتين بنبتدي نسمح بمكيات ضئيلة جدا من السكر (حوالي معلقة صغيرة لكل سنة) يعني الطفل سنتين يقدر ياخد معلقة صغيرة وال ٣ سنين معلقتين وهكذا بحد اقصي ٦ معالق من السكر يومياً .. والأفضل اننا منديش سكر خالص على أد ما نقدر
* ال ٤ خطوات البسيطه دي بيهم نقدر نوصل بطفلنا لنمو عقلي وبدني سليم .
محتاجين نغير حاجات بسيطه خلال يومنا هتساعدنا اننا نكتسب عادات صحية جديدة هتكون افضل لحياتنا وحياة اطفالنا.

17/09/2022

تحضير العصاير الطبيعية عادة جميلة بتساعدنا اننا نزود شرب المية واننا نرطب جسمنا وخصوصا في فترة الصيف .. احنا دايما بنفضل طريقة المزج عن العصر .
لأن عصر الفاكهة بالعصارة : بتركز السكريات في العصير ومبيكونش معاه أي الياف طبيعية لاننا بعد ما بنعصر الفاكهة بنشرب مية بسكر وبنرمي كل الالياف المفيدة.
بعكس المزج باستخدام الخلاط او البليندر : بنحتفظ بالالياف والسكريات وبالتالي بنحتفظ بكل الفوايد اللي موجودة في الفاكهة وطبعا يفضل عدم اضافة السكر والاكتفاء بسكر الفاكهه.
ومش محتاجين نقول بلاش العصاير الجاهزة المعلبة لان فيها كمية سكر ومواد حافظة مع الوان صناعية كبيرة احنا في غنى عنها.
عادات بسيطه نقدر نعدلها في اسلوب حياتنا هتفرق معانا في صحتنا وشكل جسمنا.

17/09/2022

ازاي نقدر نتخلص من دهون البطن في ٧ خطوات بس 👌
#دايت

Dr. Shaima Goda

26/07/2023

11/10/2022

28/09/2022

25/09/2022

24/09/2022

23/09/2022

19/09/2022

18/09/2022

18/09/2022

17/09/2022

17/09/2022

Address

Opening Hours

Telephone

Website

Alerts

Shortcuts

Share

Category

Monday	4pm - 10pm
Tuesday	4pm - 10pm
Wednesday	4pm - 10pm
Saturday	4pm - 10pm
Sunday	4pm - 10pm