https://www.facebook.com/103284231138127/

Dr. Ahmed Adel / Endocrinology Pearls / د. أحمد عادل

Home
Egypt
Cairo
Dr. Ahmed Adel / Endocrinology Pearls / د. أحمد عادل

This Page introduces Endocrinological Advice
استشارات مرضي السكر و الغدد الصماء

09/11/2025

بخصوص حقن التخسيس

Mounjaro
Zepound
Wegory
Ozempic

فيه علاقة بين الحقن دي

و التهاب البنكرياس Pancreatitis

وأورام الغدة الدرقية Medullary thyroid carcinoma وكمان تدهور اعتلال الشبكية Retinopathy

بخلاف الأعراض الجانبية الشهيرة جدا و هي غثيان ، قئ ، إسهال ، و إمساك

وطبعا ناخد بالنا ان مجرد ما بنوقف الحقن دي الوزن بيرجع يزيد تاني بنسبة 20% فلازم نفضل ملتزمين بالنظام الغذائي بعد ما نوقفها

فياريت أي حد بيفكر ياخد الحقن دي يستفسر من الطبيب المعالج عن الحاجات دي عشان منبقاش بنعالج حاجة وبنعمل مشكلة في الاتجاه الآخر

دمتم سالمين
د. أحمد عادل

28/07/2025

البوست ده خاص بتعليمات التحاليل و دي حاجة يمكن بيغفل عنها معظم الناس
تحاليل الهرمونات بتحتاج طريقة معينة علشان تكون دقيقة لأن معظمها pulsatile
ولو متعملتش بالطريقة اللي هقولها دي يبقي ملهاش قيمة بالعكس ممكن تضلل الدكتور و العيان

علي سبيل المثال لا الحصر
هرمون النمو لازم له تحفيز قبل التحليل او يتقاس حاجة اسمها●
IGF-1 وده الانعكاس الحقيقي لهرمون النمو

تحليل الكورتيزون بيتعمل الساعة ٨ الصبح أو بالليل ●

تحليل التستوستيرون لازم الصبح بدرى بردو علشان يكون دقيق

معلومة_ع_الماشي #
دمتم سالمين

05/06/2025

خير الدعاء دعاء يوم عرفة

اللهم اغفر لنا وارحمنا وتجاوز عن سئاتنا وعافنا واعف عنا
اللهم تقبل منا صالح الأعمال

كل عام وحضراتكم جميعا بكل خير
وعيد مبارك عليكم وعلي من تحبون ..

23/04/2025

أطلقت شركة سيبلا أول أنسولين قابل للاستنشاق في الهند، أفريزا، بعد حصولها على موافقة المنظمة المركزية لمراقبة معايير الأدوية (CDSCO).يقدم أفريزا، الذي طورته شركة مان كايند في الولايات المتحدة الأمريكية، خيارًا سريع المفعول للأنسولين بدون إبر لإدارة مرض السكري.يهدف هذا المنتج الرائد إلى تحسين التحكم في نسبة السكر في الدم لدى البالغين المصابين بداء السكري من النوع الأول والثاني والذين يعانون من علاجات الأنسولين القابلة للحقن. يتم توصيل الأنسولين القابل للاستنشاق من خلال جهاز استنشاق صغير، مما يجعله بديلاً مريحًا وغير جراحي للحقن التقليدية، خاصة لأولئك الذين يتجنبون الإبر.يمثل طرح سيبلا لأفريزا في الهند خطوة مهمة في توسيع نطاق الوصول إلى رعاية مرض السكري المتقدمة في بلد يعاني من أحد أعلى أعباء مرض السكري على مستوى العالم.

لعلها بداية حقبة جديدة و نقله نوعية في الانسولين

12/04/2025

السيدات مرضى خمول الغدة الدرقية
لازم يرفعوا الجرعة ٣٠% مجرد ما يتأكدوا إن حصل حمل ..

مثال :
اللي بتاخد ثيروكسين ٧٥ ميكرون يوميا
أثناء الحمل ترفع الجرعة ل ١٠٠ ميكرون و المتابعة كل ٤ أسابيع بتحليل

TSH
FT4

دمتم سالمين
د. أحمد عادل

26/02/2025

كل سنة وحضراتكم طيبين وبخير
بما إننا علي أعتاب الشهر الكريم حبيت أفكركم بحاجة مهمة

بناء علي توصيات DAR-IDF و كثير من دور الإفتاء العربية و الإسلامية

ممنوع الصيام لمرضي السكر في الحالات الآتية :
١- إذا كان مريض السكر يعاني من انخفاضات متكررة في مستوى السكر
٢- إذا عانى مؤخرا من حموضة الدم DKA
٣- الحوامل
٤-مرضى السكر من النوع الأول اللي مش مظبطين سكرهم
٥- مرضى السكر اللي بيعانوا من مشاكل في الكلي و القلب

غير مستحب الصيام في الحالات الآتية:
١- مرضى السكر من النوع الأول
٢- مرضى السكر من النوع الثاني اللي مش مظبطين سكرهم

مسموح بالصيام مرضي السكر من النوع الثاني اللي السكر عندهم مظبوط و مستقر

و رمضان كريم
دمتم سالمين

د. أحمد عادل
أخصائى السكر و الغدد الصماء

07/01/2025

تحليل الغدة الدرقية و الكروتيزون علي الأقل مرة سنويا لمريض السكر من النوع الأول ضرورى ..
حالات كتير جدا بيصاحب مرض السكر المناعي Type 1 اللي هو من النوع الأول
أمراض مناعية أخرى زي خمول الغدة الدرقية Hashimoto نقص الكورتيزون Addison's
آخرهم حالة متابعة معانا عندها السكر من النوع الأول و كسل بالغدة الدرقية اكتشفنا عندها خلل في إفراز الكوتيزون و طلع ACTH بالآلاف
ومش بس كدا كمان جالها Premature ovarian failure وبكدا كملت الاربع أركان بتوع
Autoimmune polyglandular syndrome type 2

دمتم سالمين
د. أحمد عادل
المعهد القومي للسكر والغدد الصماء

07/12/2024

من ضمن مضاعفات ما بعد عملية استئصال الغدة جار الدرقية نتيجة وجود ورم Parathyroid adenoma
هو حاجة اسمها متلازمة Hungry bone syndrome وده بيظهر ما بعد العملية لأن العظام بتكون متشوقة للكالسيوم اللي بيخرج منها طول فترة وجود الورم ده
علشان كدا بعد ما كان فيه زيادة ف هرمون الغدة الجاردرقية و يالتالي كان فيه زيادة في الكالسيوم ، بنلاقي ان الكالسيوم بيقل جدا و يحتاج المريض لجرعات زيادة من الكالسيوم سواء بالفم أو بالوريد

علشان نتفادي حدوث Hungry bone syndrome
لازم المريض ياخد دواء cinacalcet قبل العملية باسبوعين و alfacalcidol قبل العملية بيومين أو ٣

دمتم سالمين
د.أحمد عادل
المعهد القومي للسكر والغدد الصماء

15/10/2024

من أسبوعين جت حالة ٥٠ سنة الطوارئ
بتشتكي من ضربات قلب سريعة و ضعف ف الساقين
مش قادرة تقف علي رجليها بقالها كام يوم
اتجحزت في المستشفي لأن التشخيص مكنش واضح ..
طلبوا تحليل غدة درقية والمفاجأة كانت impending thyrotoxic crisis
ارتفاع شديد جدا في هرمونات الغدة الدرقية يمكن عشر أضعاف الطبيعي
ضربا القلب كانت ١٤٥ و ده رقم عالي جدا
ضعف الساقين اتضح انه بسبب نشاط الغدة الدرقية
thyrotoxic promixal myopathy
بدأنا لها علاج نشاط الغدة واتحسنت كتير وخرجناها ولما جت النهاردة العيادة كانت ماشية علي رجليها و مبسوطة ..
طلبنا تحاليل جديدة و بعد استقرار الحالة أكتر هتعمل مسح ذرى علي الغدة الدرقية للوصول للسبب الدقيق لنشاط الغدة الدرقية

كانت أول مرة أشوف نشاط للغدة الدرقية يسبب ضعف في الحركة للدرجة دي

أعراض نشاط الغدة الدرقية المعتادة علي سبيل المثال لا الحصر هي نزول ف الوزن
رعشة في الايدين
زيادة في ضربات القلب
تعرق زيادة
جحوظ ف العينين لو السبب graves

دمتم سالمين

د. أحمد عادل
المعهد القومي للسكر و الغدد الصماء

06/09/2024

بالنسبة لمضخة الإنسولين أحب أقولكم كام معلومة عنها علشان لو مفهوم غلط

١- لا تغني تماما عن حقن الإنسولين
لأن فيه جرعات تصحيحية بتتاخد

٢- علشان يتركب لمرضي السكر النوع الأول مضخة إنسولين لازم يكون بيعرف يحسب نسبة الكربوهيدرات في الأكل carb counting

٣- المضخة بتقلل عدد الحقن بالانسولين يوميا بدل ٤ أو ٥ إلي مرتين تقريبا

دمتم سالمين
د.أحمد عادل

Address

Cairo

Website

facebook.com

Alerts

Be the first to know and let us send you an email when Dr. Ahmed Adel / Endocrinology Pearls / د. أحمد عادل posts news and promotions. Your email address will not be used for any other purpose, and you can unsubscribe at any time.

Contact The Practice

Send a message to Dr. Ahmed Adel / Endocrinology Pearls / د. أحمد عادل:

Shortcuts

Want your practice to be the top-listed Clinic in Cairo?