Dr.Paula Aiad - دكتور بولا عياد

15/11/2022

مواعيد العيادة
يوم الخميس أسبوعيا الساعه ٨ مساءا

بمركز القديسة العذراء الطبي بالاميرية
للحجز ت /01200905166.
01228827120
ارضي 24514090

30/10/2022

مساء الفل ❤
بوست النهاردة عن #الضغط 🥼
إفتحوا كل صورة و إقروا الكلام اللى عليها 💫😉

28/10/2022

😴 🥼

بعض الأشخاص (و بالأخص الإناث) لما بيقيسوا الضغط بيبقى ٩٠ على ٦٠ ، و بيشتكوا من التالى :
١- دوخة ،
٢- زغللة ،
٣-إغماءات متكررة .

هل كدة يبقى الشخص عنده مرض ضغط منخفض ؟
لا مفيش حاجه إسمها مرض ضغط منخفض ،ده عرض و ليس مرض ..
يعنى شكوى محتاجين نعرف سببها

ضغط الدم المنخفض له أسباب كثيرة جدا ، منها أسباب غير مرضية مثل عدم شرب سوائل بدرجة كافية أو الأنيميا و بعض الاثار الجانبية لبعض الادوية ..
الى أسباب مرضية خطيرة كأمراض الغدد الصماء و أمراض القلب و غيرهم.

فبلاش ناخد أدوية زى كوراسور و إيفورتيل و أستونين من الصيدلية بدون إشراف طبى.

و بوجه عام يا ريت نشرب مياة و سوائل و نتغذى كويس علشان نحافظ على الضعط و الكلى و ووظائف الجسم بشكل سليم💪

25/02/2022

لو حد محتاج كشف منزلى و عمل مسحة فى البيت فى نفس الزيارة يتواصل معاهم 🤝

متاح عمل في المنزل 🏠
بأسعار مخفضة جداً 💥💥
أقل من سعر المعمل 🙏🏻🙏🏻

وتوفر الصفحة الكشف المنزلي طريق أخصائي الصدر
و عمل المسحة في نفس الزيارة عن طريق الطبيب
لضمان الدقة 💪

كما هو متاح أماكن بالقاهرة بأسعار مخفضة لحالا كورونا

تتشرف أسرة صفحة #طبيبى
بتوفير هذة الخدمات
📍 بالقاهرة و القاهرة الجديدة و الجيزة.

لحجز زيارة من خلال رسائل الصفحة

أو من خلال الواتساب
https://wa.me/201200078852

أو الإتصال على رقم
📞 01200078852
نتمنى لحضراتكم الشفاء العاجل 🙏

13/02/2022

لو حد محتاج كشف منزلى ، الصفحة دى بتوفر مجموعة خدمات طبية منزلية مختلفة 🤝 بالقاهرة و القاهرة الجديدة و الجيزة

لايك و شير ليهم علشان لو حد محتاج 🙌

09/02/2022

معلومات عن التغذية لمرضى الضغط ✋

03/02/2022

نتشرف بإنضمام دكتور بولا عياد
طبيب الباطنة و القلب
يوم الخميس أسبوعيا الساعة ٧ مساءا
الحجز مسبقا بالتليفون

📍 العنوان : 20 ش مصنع النسيج - خلف الشادر الزاوية الحمراء- متفرع من ش بورسعيد
للإتصال
📞 01210153454
عن طريق الماسنجر :m.me/101268058446764
أو للواتس أب : https://wa.me/message/6KO7FT4CT6WQN1
❤

31/01/2022

مع السقعه والجو البرد جداا في عرض بيبيقي منتشر جدا وهو عباره عن تورم وإحمرار الاصابع نتيجه البرد الشديد Raynaud Syndrome :

👈السبب : بيحصل Vasoconstriction ضيق شديد للاوعيه الدمويه نتيجه البرد وبالتالي بيقل تدفق الدم للاطراف ، بالاضافه لخروج ماده الهيستامين المسببه للحساسيه والاحمرار .

👈العلاج :
▪لبس شربات وجوانتي ثقيل ، وغسل الاطراف بالماء الدافئ .
▪تجنب شرب القهوه ( الكافيين بيزود ال Vasoconstriction )

🙋‍♂️ استعمال كريمات مرطبه طبيه ، وكريمات مضاده للتورم .
👈 مضاد للحساسيه " قرص قبل النوم " ، وأقراص تزود تدفق الدم للأطراف 😄

🥼

إعمل منشن للشخص اللى إيدة بتبقى باردة جدا طول الوقت 👌😄

25/01/2022

صباح الخير ❤
لو حد يحب أتكلم عن موضوع معين أو مرض معين يتفضل طبعا 👌

😴 🥼

بعض الأشخاص (و بالأخص الإناث) لما بيقيسوا الضغط بيبقى ٩٠ على ٦٠ ، و بيشتكوا من التالى :
١- دوخة ،
٢- زغللة ،
٣-إغماءات متكررة .

هل كدة يبقى الشخص عنده مرض ضغط منخفض ؟
لا مفيش حاجه إسمها مرض ضغط منخفض ،ده عرض و ليس مرض ..
يعنى شكوى محتاجين نعرف سببها

ضغط الدم المنخفض له أسباب كثيرة جدا ، منها أسباب غير مرضية مثل عدم شرب سوائل بدرجة كافية أو الأنيميا و بعض الاثار الجانبية لبعض الادوية ..
الى أسباب مرضية خطيرة كأمراض الغدد الصماء و أمراض القلب و غيرهم.

فبلاش ناخد أدوية زى كوراسور و إيفورتيل و أستونين من الصيدلية بدون إشراف طبى.

و بوجه عام يا ريت نشرب مياة و سوائل و نتغذى كويس علشان نحافظ على الضعط و الكلى و ووظائف الجسم بشكل سليم💪

21/01/2022

النهاردة التوعية للأهل🤝
عن #السمنة فى الأطفال و علامات مرض السكرى

إذا كان ابنك وزنه أكثر من الطبيعي"سمنة"
ولقيتي على رقبته أو تحت إبطه مثل البقع اللي في الصورة..
فبلاش تفركيها لانها مش وسخ .. ولا فطريات ..
ده الشواك الأسود (Acanthosis Negricans)

دة ببساطة دليل على ان جسم الطفل بيفرز أنسولين اكثر من الطبيعي ..
وان جسمه كمان بدأ بمقاومة الأنسولين ..
وهذا يعني انه عرضة لمرض السكري والضغط في وقت مبكّر في حياته ومشاكل تانية كتير .

فمهم جدا إننا نحافظ على أطفالنا فى أوزان مناسبة و نكتشف علامات الأمراض بدرى .


🥼

18/01/2022

النهاردة هنتكلم عن موضوع يهم كبار السن جدااا و هو

تضخم البروستاتا من أكثر المشاكل الصحية المنتشرة بين الرجال .. ومن أعراض تضخمها:
- ضعف خروج البول.
- توقف البول وعودته عدة مرات أثناء التبول.
- الشعور بصعوبة في بداية التبول عن المعتاد.
- الشعور المفاجئ والمُلح برغبة في التبول.
- زيادة معدل التبول الليلي.
- الشعور بعدم تفريغ المثانة بالكامل أثناء التبول.
- نزول نقط من البول بشكل متكرر.

التحاليل المطلوبه لفحص البروستاتا:
Prostate- specific antigen test (PSA)

يعتبر فحص الPSA مؤشراً جيّداً للكشف عن اضطرابات البروستات من حيث وجود:

-التضخم الحميد في البروستات،
-الإصابة بسرطان البروستات،
-الإصابة بالتهابات البروستات،
وذلك من خلال تحليل نسبة العينات التي يتم الكشف عنها، فهي قِيْمَةٌ تشير إلى وجود المرض، ولا تؤكّد نوعه، كما يُستفاد من الفحص في العلاج من الحالات السرطانية التي تصيب البروستات .

وكمان الأشعة التليفزيونية على الحوض مهمه لاكتشاف تضخم البروستاتا .

لو بتشتكى من أى من الأعراض اللى فوق ، اذهب للطبيب علشان تطمن اذا كان هو تضخم حميد و لا مش حميد و متاخدش علاج من الصيدلية بدون ارشاد طبيب .

🥼

16/01/2022

مساء الخير 🤝
هحكيكلم النهاردة عن قصة مريض فيها معلومة مهمه جدا لأى حد بياخد إنسولين 💉💉

مريض سكر عنده ٦٥ سنة و ماشى على جرعات محدده من الانسولين صباحا و مساءا

و لكن فجأة و بدون اى تغيير بالنظام الغذائى و بدون عمل مجهود إضافى

لاحظ المريض إنخفاض متكرر فى مستوى السكر بالدم بالأعراض المذكورة بالأسفل 👇

و دخولة بنوبات إنخفاض السكر ادت الى دخولة الاستقبال كذا مره و كان بيزود الاكل او يقلل جرعات الانسولين فقط ..

و لكن الصح فى هذة الحاله انه يعمل وظائف كلى ،
ليه ؟🤔
لانه بدأ يعانى من تدهور فى وظائف الكلى (اللى بتكسر الانسولين) و بيفضل الانسولين يأثر فتره اطول عليه ، علشان كده بيدخل فى نوبات متكرره من انخفاض مستوى السكر بالدم .

لكل مرضى السكر تابع وظائف الكلى كل كام شهر و اهتم بالمتابعه جدا لان المضاعفات اللى بتتلحق فى البداية بتبقى أسهل لو اكتشفناها بدرى .

🤝
و أعملوا منشن لأى حد حابين توصله المعلومه دى 👌

🥼