01/04/2026
إصابة الطفل الرضيع بالصفرا ليست مبررا لإيقاف الرضاعة الطبيعية
الصفرا اللي بتصيب الاطفال حديثي الولادة سواء كانت صفرا فسيولوجية أو تكسيرية أو بسبب نقص التغذية وقلة الرضاعة أو حتى الصفراء بسبب لبن الام مش علاجها إننا ننصح الام توقف رضاعة وتدخل اللبن الصناعي
حتى النوع الرابع (الصفرا بسبب لبن الام) بنوقف فيه الرضاعة لمدة معينة ونستأنفها من جديد
⚠ لازم نفرق بين احتياجنا لتغذية الطفل بصورة أكبر والاهتمام بحل مشكلات الرضاعة في الطفل اللي عنده صفرا وبين اننا نغير نوع اللبن
⚠ لبن الام برىء من التسبب في حدوث الصفرا بل على العكس علاج الصفرا هو الرضاعة الكتير بشكل عام لأن الرضاعة الكتير بتحافظ على كمية السوائل في الجسم وتخلصه من مادة الصفرا اللي بيزيد امتصاصها من الامعاء لو الطفل مرضعش كتير في حالة التغذية القليلة
⚠ كمان لبن الام مش بيكسر الدم زي ما كتير من الأمهات معتقدين وموهومين
فليس من الصحيح ان نوقف الرضاعة الطبيعية بل يجب مراجعة وتقييم الرضاعة ولو مش كافية وهنساعد بلبن صناعي أنا مش معترضة بس يدخل بشكل مؤقت وحكيم لحد مانجتاز المشكلة دي و نشوف المشكلة فين قي رضاعة الام ونساعد الام دي ترضع كتير وتزود الرضعات أو نحولها لاستشاري الرضاعة الطبيعية يساعدها في حل مشكلة الرضاعة الطبيعية غير الكافية
🔵 انضمي لجروب أمهات صفحتنا واسألي براحتك
https://www.facebook.com/groups/313608727386682
🔵 اشتركي في قناتنا على تليجرام
https://t.me/joinchat/7cjld2ZKwyFiYzg0
🔵 تابعي صفحتنا على انستجرام
https://www.instagram.com/drwalaaibclc/
د. ولاء عبد الكريم السيد
أخصائي طب الاطفال و حديثي الولادة
استشاري دولي الرضاعة الطبيعية
عضو الجمعية الدولية لاستشاريي الرضاعة الطبيعية ILCA
عضو الأكاديمية الدولية لطب الرضاعة الطبيعية ABM
العيادة: 5 عمارات رابعة الاستثماري – ميدان الساعة – مدينة نصر
للحجز : 📞 01012340759
