Alaa Ibrahim a special education specialist

09/11/2025

ماتوصلش اللي قدامك لمرحله أنه يتقفل منك و بعدين تقول ده باعني .. متبقاش انت صاحب الغلط و تعترض على رد الفعل .. في حاجات مينفعش معاها غير أن الواحد ينسحب يلم اللي فاضل من روحه من غير كلام و يمشي في حاجات مينفعش معاها العتاب .. التقليل منك مفيهوش عتاب.. إنكار تصرفاتك الكويسه مفيهاش عتاب .. عدم الثقه مفيهاش عتاب عدم الصراحه مفيهاش عتاب .. المساومه علي حبك مفيهاش عتاب.. متجيبش آخر اللي قدامك و ترجع تقول مستحملنيش و اتخلي عني .

02/11/2025

اللى بيحبك عمرك ما تهون عليه ، واللى تهون عليه عمره ما حبك ، مهما اتقالك ومهما سمعت ، الفعل هو اللى بيثبت الحب أو بينفيه ، والكلام مجرد وعود ملهاش لازمه لكن الأفعال هى اللى بتثبت وتخلى الكلام واقع أو تنفى الكلام ده
ومع اول موقف حقيقى يا تلاقى نفسك مش فارق وهنت عادى وكل الكلام والوعود اتبخرت ، يا اما فعلا هتلاقى سند وضهر حد عايز يخاطر بحياته عشانك حد مش عايز من الدنيا دى غيرك بيدور عليك فى لحظه وكل ثانيه بيتمنى يسمع ضحكه منك ويزعل ويتضايق لو أنت تعبان ومهوم،
فى الوقت ده يبقى مبروك عليك. اخترت الشخص الصح

27/10/2025

"عود نفسك اللى يروح منك اعتبره مجاش "
متسمحش لحد يعاملك بمزاجه المعامله اللى ترخص صاحبها تغور الناس بقيت تسترخص الشئ المضمون فى حياتهم
وعشان هما ضامنين وجودك ومحبتكم ليهم ف يلا بقى نعامله أسوأ معامله ما هو كدا كدا مش هيمشى
المرايه اللى بتطلعك وحش متبصلهاش ،الحاجه اللى. مضايقك ارميها ، الشخص اللى تعابك انساه وككل حياتك ما دام كدا كدا محدش بيقدر زعلك
الشارع الزحمه متعديش فيه
انت المسئول عن سعاده نفسك
اشترى دماغك

24/10/2025

دة انا كسفتها
هو انا خليتها تعرف تنطق؟
ما انا حرجتها قدام الناس .
دة بيخاف يرد عليا بديله على دماغه .
دة انا اديتها كلمتين زي السم و خليتها تعيط هاهاها .

- متتفاخروش ب قلة ذوقكوا و انكوا بتحرجوا الناس لان دي اسوأ صفة و اسوأ عينة من البشر ممكن حد يقابلها !
- مش هيبقي عندك شخصية ب قلة ذوقك و كلامك القاسي مع الناس
خليكوا ناس لينة بتعرف تطيب الخاطر و تقول كلام حلو حتى لو انتوا علي حق.
- مش شطارة انك تكون انسان قليل الذوق.
" همزة لمزة بمعني طعان معياب"

23/10/2025

الكتمان أو الكبت هو بدايه دخولك في دائره الاكتئاب والمرض النفسى
متخيل يعنى اى تبقى مهموم ومتضايق ومش لاقى حد تكلمه وتحكيله فى ناس مبتعرفش تعبر عن اللى جواها فبتكتم جواها وفى ناس مش بتثق فى ناس بسرعه ولا اصدقاء وناس بعيده عن أهلها أو أهلها اللى بعيده عنها كل ده يؤدى إلى الكتمان والكبت جواك
كل ده هياثر عليك انت شخصيا لما تبقى دائما مكتئب دايما مخنوق دايما بتحس انك وحيد
محدش بيهتم بيك محدش بيسال اسال انا عن نفسى احكى لنفسى ،اطبطب على نفسى ،اكون انا طبيب نفسى ،اكون سرى بدل ما ادخل فى دايره المرض النفسى ومش هطلع منها ابداا
فى اطفال من صغرها بتكتم جواها وده بسبب الأهل لما تكون حتى مشكله صغيره يجى عشان يحكيها ليهم ميدوش اهتمام أو يستهزاوا بمشكلتك ده كل ده بياثر تأثير سلبى عليه وهيتعود أنه لو عنده اى مشكله زعلان من أصحابه مش هيتكلم لانه مش هيلاقى دعم ولا اهتمام
اختاروا صح اختاروا الصديق اللى هيكون ليك سند وضهر ويسمعك حتى لو مشكله تافهه
وياريت الأهل خليكم من نشاه طفلكم دايما فى ضهره حسسوا بالأمان بلاش استهزاء بمشاعره بلاش ابنى يكون بعيد أو منطوى اقول هو شخصيته كدا
ابنك مش هينطوى غير لما يحس انكم بعيد عنه لما ميلاقيش اهتمام فى الاخر هتبقى النتيجه اى هيبقى شخص غير سوى ومضطرب نفسياً
كونوا دعم لنفسكم ❤️

17/10/2025

لَا تيأسوا إذا أخر الله ما تُحبون , ولا تتأذوا مِن مَرارة القَدر , ولَا تحزنوا إذا أُجبرتم عَلى تَعايش وَضع قَد يؤلمكم , بل اصبروا وابتسموا , فـ الله سبحانه قال بكل رحمة "إِنَ مَعَ العُسرِ يُسرَا" .. الله يُدبر لكم في الغيب أمور لو عَلمتموها لبكيتم فرحاً , فـ هوناً ع قلوبكم وأبشروا 💙

05/10/2025

بعلن إعتراضي التام على الجُمل اللي من نوعية:

خليك إنتَ الكبير وإستحمل.
معلش دا أكبر منك.
ما تعملش عقلك بعقله.
معلش كلنا كدا مش انت لوحدك يعنى .
ومن هنا ورايح المُعاملة بالمِثل؛ هتعاملني حلو هعاملك حلو، هتعاملني وحش مش هبقى قليل الأصل وأعاملك وحش لكن مش هيبقى في بيني وبينك أي تعامُل.

المفروض يكون عندى حكمه فى اختيار المعانى والكلمات سواء مع تربيه ابنى ولا مع علاقتى مع الأصدقاء والعائلة
يكون عندى الإنصاف مش عشان ابنى الصغير اللى غلط اقول الكبير معلش انت كبير عشان معاقبش صغير ما عنى لو الحوار اتعكس الكبير كان هيتعاقب

مينفعش يكون صديق بيتجاهلنى اتجاهل انا كمان واسيب الفجوه توسع أعاتب العتاب دليل المحبه مجبش نتيجه ابعد وخلاص

مينفعش حد يكون بيجى يشتكى من حاجه معينه واقوله كلنا كدا كلنا مختوقين اومال هو جايلك ليه هو مش عايز
يسمع الكلمتين دول عايز يسمع كلمتين حلوين يهونوا عليه
اختاروا من الكلمات أحسنها وأفضلها وراعوا شعور غيركم ❤️

19/09/2025

عاوزين نتقبل فكرة أن كون الشخص "معندهوش طاقة" مش معناه أنه اتغير أو إنه سيئ..

لما تلاقي شخص كان لطيف و صبور و متحمل و فجأة اتغير بقي عصبي و خلقه ضيق أو بينسحب بسرعه من النقاشات أو حتي من العلاقة اللي تربطه بيك.. ماتقولهوش أنت اتغيرت..
ماتستفزهوش أكتر لأن هو غالبا مبيوصلش للمرحلة دي إلا بعد مابيكون استنفذ كل طاقتة في المعافرة والمحايلة و الصبر و خلاص تعب..

ببساطة بطاريته فضت من فترة و فضل يعضعض فيها لحد ما خلاص جابت كل طاقتها و ماتت مينفعش تدي له الطاقة اللي يعافر و يتحمل و يرسم علي وشه ابتسامه و يتعامل مع كل الهباب المحيط به بمنتهي السعاده و رحابة الصدر.

قبل ماتقول لشخص "أنت اتغيرت" بص للظروف اللي حواليه..
بص لكام مرة هو كان فيها لطيف و جدع و صبور و مهذب في أسلوبه مع الكل..
بلاش تاخدوا بالكم بس اننا اتغيرنا.. ياريت و انتوا بتشوفوا أننا اتغيرنا تعالوا معلش علي نفسكم و حاولوا تشوفوا بالمرة اتغيرنا ليه.

11/09/2025

08/09/2025

مفيش حاجه اسمها معلش مكنش قصدى كنت متعصب شويه
مفيش حد حاجه كنت متعصب ومخدتش بالى من الكلام
انت تعرف انى وقت العصبيه عقلك بيتلغى وبتبدا تطلع الكلام اللى انت كاتمه جواك سوا ناحيه نفسك أو شخص معين
طب تعرف أنه وقت العصبيه ده هو ده اكتر وقت المفروض نصدق فيه الشخص عشان بتبقى ظاهر على حقيقتك
فمتقولش معلش مكنش قصدى لا انت كان قصدك والكلام ده كان جواك ولما جتلك الفرصه طلعت اللى جواك

28/08/2025

فى شويه مدرسين على التيك توك عشان يجلهم شغل او عشان يلاقوا محتوى يقدموا غير محتوى شغلهم
يفتحوا كراسه اى عيل كان شغال مع مدرس قديم وافتح يا بنى الكاميرا شايفين شايفين شغل المدرسين اللى مش متخصيين شايفين مش عارفه اى
بعيدا عن اى لو كلام حضرتك صح وفعلا فى فئه مدرسين مينفعش نقول عليهم مدرسين
بس اى اللى انتى بتعمليه ده انتى طالعه على منصه تشهرى بمدرسه زيك واللى متقبلوش على نفسك اكيد متقبلوش على غيرك
انتى مش ربنا هتحاسبى الناس محدش بيضرب ولى الأمر أنه يكمل مع مدرس مش مرتاح ليه أو مش شايف نتيجه مع ابنه
لكن اللى انتم بتعملوا ده اسمه قله ادب لانى زاد عن حد
ما شاء الله لا مدرس ولا اتنين بيعمل كدا ده اى حد مسمى نفسه معلمه كذا تطلع تسئ لزميلتها وتعيب فى شغلها
محدش كامل يا عسل منك ليها انتم ذات نفسكم شغلكم مش كامل 100% محدش فى الدنيا دى شغله كامل او نقدر نقول عليه أنه برفيكت
احنا لحد دلوقتى كلما بنتعلم ناخد كورسات ناخد دورات تعليميه ندور على الانترنت نسأل حد اكبر مننا ذو قيمه
لكن ده ميتسماش غير اهانه لزميلتك وانتم عار على انى بتقال ليكم مدرسين
حسبى الله ونعم الوكيل بجد
هتخربوا التعليم اكتر ما هو خربان
واللى مدرسه الحضانه اللى طالعه تصور الطفل وتهينه وتهين أمه وتقول جايب مكرونه كل الكميه دى انت هتاكلها
انتى مالك هو عامل حاجه غلط تليفون للام وقوليلها الحاجات دى بتحالف قواعد الحضانه يمكن عندها ظروف يمكن ده مقدرتها يمكن قصدها ياخد الكميه دى عشان لو فيه طفل غلبان ياكل مع ابنها
بطلوا بقى كل واحد يشوف نفسه صح وأنه عشره على عشره.
عشان انتم صفر على العشره واللى بيحصل ده ملوش غير حاجه واحده
أن احنا بقينا نفوس مريضه اه والله بجد