اخصائي نفسي اكلينكيPsychologist

03/11/2025

الاكتئاب مرض صامت يتسلل إلى أعماق النفس، يُطفئ المشاعر ويترك الشخص تائهاً في وحدته.

قد يظهر المكتئب متفاعلاً مع من حوله، لكن بداخله ألم لا يُرى، ومعاناة لا يعلمها عنه أحد.

01/11/2025

كتير من مشاكلك النفسية سببها
إنك سكت وقت ما كان لازم تتكلم ..
أو
إنك ضحكت لما كان جواك بتعيط بحرقة ..
أو
إنك تظاهرت بالجهل لما كنت فاهم كل حاجة ..!

29/10/2025

💭 هل بتحس إن دماغك مش بتسكت؟
كل حاجة بتحصل، تفضل تعيدها وتفكّر فيها من كل زاوية…
كلمة اتقالت، تصرّف حصل، أو حتى موقف خلص من زمان —
بس دماغك لسه “شغّالة” عليه كأنه لسه حاصل دلوقتي.

الحالة دي ليها اسم في علم النفس:
🧠 RNT – Repetitive Negative Thinking
يعني “التفكير السلبي المتكرر”.

النمط ده بيخلّي الشخص يعيش جوّه دماغه أكتر من الواقع،
يفكّر في الماضي بندم… أو في المستقبل بخوف.
وللأسف، التفكير ده بيغذي القلق والاكتئاب،
لأنه بيحافظ على دائرة الألم دايرة من غير توقف.

💔 الناس اللي بيعانوا من النمط ده، غالبًا وراهم جرح قديم
خلّاهم يتعلموا يلوموا نفسهم أو يدوروا دايمًا على الخطأ.

مش لازم الأعراض تبان بشكل واضح،
لكن هتحس بيه لما تلاقي دماغك مش قادرة تهدى… حتى وإنت عايز ترتاح. 🧩

13/10/2025

إذا فسد الحليب، فإنه يصبح زبادي.
الزبادي أغلى من الحليب.
وإذا ساء الأمر فإنه يتحول إلى جبن،
وهو أكثر قيمة من الزبادي والحليب.
وإذا تحول عصير العنب إلى حامض،
فإنه يتحول إلى نبيذ،
وهو أغلى من عصير العنب.
أنت لست شخصًا سيئًا لأنك ارتكبت أخطاء.
الأخطاء هي التجارب التي تجعلك أكثر قيمة كشخص.
ارتكب كريستوفر كولومبوس خطأً ملاحياً أدى به إلى اكتشاف أمريكا.
خطأ ألكسندر فليمنج قاده إلى اكتشاف البنسلين.
لا تدع أخطائك تحبطك. ليست الممارسة هي التي تصنع الكمال،
بل الأخطاء التي نتعلم منها!
لا تخافوا من الأخطاء.
خطوات كبيرة بانتظارك.
استمر في المضي قدمًا.

22/09/2025

هو ليه معركة القبول فى حياتنا بتكون أشرس من معركة التغيير !!
لاننا ببساطة أغلبنا ما داقش الحب الغير مشروط ..
بمعنى انك تتحب كده زى ما أنت من غير ما تدفع ثمن !
أغلب الحب اللى كان بيتقدملنا كان مسموم بشروط
( اسمع الكلام علشان احبك .. و علشان ربنا يرضى عنك الخ ..
فما أكثر الجمل المسمومة و عندنا منها رصيد يكفينا ليوم الدين !)...
غالبا العيب جاى من الماسورة الأم " بكابورت كبير " لأن محدش عرف يعدى منه ! ..
فاغلبنا أتضرب فى ارض آمانه يا ولداه لانه مداقش الحب الصح ..
بقينا لا إحنا حاسين بآمان تجاه نفسنا و لا للى حوالينا و لا لربنا نفسه ..
يعنى مرار طافح ! ...
و الأسخف من كده لان الحب ده احتياج نفسى اتخلقنا بيه
و هو مرتبط بالاحساس ..
و احنا اتربينا على انه مش من حقنا اننا نحس و نعبر عن اللى بنحسه لان دى قلة ادب أو ضعف مش مفروض نحسه ..
فبالمختصر كده احنا ماتربناش وجدانيا ..
و ما اتعلمناش ازاى نحس مشاعرنا و نعبر عنها و نحترمها ! ..
احنا كنا بنتعلف و نذاكر و نجيب درجات عالية و دمتم !
و من أول ما وعينا على الدنيا مشفناش غير الصباع الوالدى اللى بيشاور على المفروض و اللازم يتعمل ..
و اتهرينا وعظ !
الحقيقة اللى محتاج تعرفها إن احساسك بالقبول ده احتياج فطرى و من حقك
و هو الغذاء اللى بيشحن البطارية و يديها طاقة حركة و هو ده اللى بيفعل إمكانية التغيير جواك ..
فكل ما تحس بقبول من اللى قدامك كل ما بيكون عندك دافع للتغيير و كل ما بتتغير كل ما بتقبل نفسك و تثق فيها أكثر ..
و من علامات القبول إنك بتحس بسكينة القبول بالرغم من كل اللخبطة و الشخبطة اللى جواك ..
القبول احتياج و من حقك ..
و الحقوق تؤخذ و لا تعطى ..
مساؤكم معطر بالقبول ☺
د/ نهله فيليب

21/09/2025

21/09/2025

من أجمل خصال أصحاب الشخصيات القوية هو الخلو من زيف اللطف

19/09/2025

التغيير يبدأ بخطوة
وخطوتك اللي جايه
ممكن تكون هي دي البداية اللي بتدور عليها من زمان.

15/09/2025

أوقات بنفتكر إن مشاعرنا هي اللي بتتحكم فينا،
بس الحقيقة إن الأفكار اللي بنصدقها عن نفسنا وعن اللي حوالينا هي اللي بترسم مشاعرنا.
الفكرة اللي تقول: “أنا مش كفء”
ممكن تولّد إحباط
بس فكرة: “أنا لسه بتعلم ولسه عندي فرصة” تولّد أمل وحماس.

المشاعر مش عدوك… هي رسالة من عقلك إن في حاجة محتاجة تتشاف أو تتغير.
اسأل نفسك:
🔹 إيه الفكرة اللي ورا إحساسي دلوقتي؟
🔹 هل الفكرة دي حقيقة ولا تفسير؟
🔹 لو هبدّلها بفكرة أهدى، هيكون شكل مشاعري إيه؟

تعلّم تراقب أفكارك بدل ما تمشي وراها،
هتكتشف إنك أقدر بكتير على تهدئة مشاعرك
وصناعة سلامك الداخلي. 🕊️

14/09/2025

قبل ما تخوض الرحلة.. خليك عارف من الأول انه (فى الغالب):

تمن الوعي.. الوحدة
تمن الحدود.. الاتهام بالأنانية
تمن الاستقلالية.. مواجهة أعتى مخاوفك
تمن الاختلاف.. الاغتراب
تمن النضج.. الألم

عاوز تفاصيل؟
لما وعيك يزيد.. هاتكتشف انك مش نافع تكمل بنفس الشخص اللى كنت عليه.. وان الشخص الجديد هايكون مزعج للبعض.. ومستفز للبعض.. وغريب للبعض.. وانك عمال تدور على ناس شبهك.. والله أعلم هاتلاقى والا لأ.. وحدة شديدة وسط زخم هذا العالم..

لما تبدأ تحط حدود تحمى بيها نفسك من الاختراق والاستغلال والأذى.. اللى كانوا بيستغلوك هايتخضوا.. واللى كانوا بيخترقوك هايتضايقوا.. واللى كانوا بيؤذوك هايتفاجأوا.. وكل دول هايقولولك: انت اتغيرت وبقيت أنانى كده ليه؟

ولما تقرر انك تستقل.. وتبطل اعتمادية.. وتتحمل مسئولية نفسك.. هاتضطر تواجه مخاوف شديدة.. منها مادية.. ومنها مجتمعية.. ومنها شخصية.. هاتضطر انك تكبر.. وتخرج بره كل مناطق راحتك.. متوجهاً نحو أعتى مخاوفك..

لما تختار انك تبقى مختلف.. كل اللى كنت شبههم هايبقوا عاملين زى الجاذبية الأرضية.. مهم تقاومها علشان تفضل واقف وصالب طولك وماشى على الأرض باتزان.. هاتغترب عنهم.. بس مش عن نفسك..

ولما تقرر تنضج.. وتنمو نفسياً.. وتخوض هذه الرحلة بشجاعة وشرف.. هاتبقى عامل زى كتلة الدهب.. اللى بتتعرض لدرجة حرارة عالية جداً لدرجة الانصهار التام.. علشان يطلع منها فى الآخر سبيكة نقية، بأقل قدر من الشوائب..

طبعاً الكلام ده ممكن يحسه ويمارسه وينطبق على أشخاص حقيقيين بيخوضوا رحلة وعي ونضج حقيقي.. وممكن برضه ياخده بعض من لم ينضجوا بالقدر الكافى، كمبرر لاندفاعهم وتسرعهم وأحياناً أذى غيرهم.. مسئوليتك تفكر بصدق وأمانة وتشوف انت مين فيهم.

نقول كمان..
تمن الوعي.. الوحدة
تمن الحدود.. الاتهام بالأنانية
تمن الاستقلالية.. مواجهة أعتى مخاوفك
تمن الاختلاف.. الاغتراب
تمن النضج.. الألم

استمتع بالرحلة يا صديقى..

03/09/2025

العلاقات الآمنة، ليست مثالية، لكنها حقيقية.
نختلف ونتصالح، نقترب ونبتعد
لكن دون أن يُهدد أحدنا الآخر بالانسحاب كل مرة.

💬 "حين تشعر أنك مسموح لك أن تكون كما أنت… يبدأ الشفاء."

03/09/2025

القلق
"القلق ليس عدواً… إنه صوت بداخلك يقول:
(هناك شيء يحتاج انتباهك)،
لكنه لا يعرف كيف يعبر إلا بالضجيج."

في العمق، القلق ليس ضعفًا ولا خللًا، بل إشارة.
العقل يقلق حين يشعر بعدم الأمان،
حتى لو لم يكن هناك خطر حقيقي.
القلق هو محاولة للسيطرة في عالم لا يمكن التنبؤ به،
ومع كل دقة قلب سريعة، وكل فكرة متسارعة، هناك رسالة غير منطوقة:
"أشعر أني لست بخير... فهل من أحد يسمعني؟"

في العلاج النفسي، لا نحارب القلق، بل نصغي له.
نفكك أسبابه، نعيد بناء العلاقة مع الذات،
ونعلّم الجسد والعقل أن الأمان لا يأتي من الإفراط في التفكير… بل من الحضور.

#القلق