دكتور محمد أبو فطيرة Dr. Mohamed Abou Fateera, مصر الجديدة-عمارة جاد-الميرغني, Cairo (2025)

21/11/2025

تحياتي 🙏🏻 الخالصة المليئة بكل معاني التقدير والعرفان 🥰 لكل الناس اللي ساهمت في نجاحنا

كل الشكر والتقدير 😍 لكل من افتكرنا بكلمة شكر أو رسالة حب او دعوة خالصة من القلب

بتمني دايما اكون عند حسن ظنكم الجميل بينا 🙏🏻

بتمني ليكم كل الخير والسعادة♥️

♥️
♥️

20/11/2025

يا تري أعمل عمليتي بالمنظار ولا الفتح جراحي 🤔

لو طبيبك الجراح وصفلك عمليتك وكان فيه فرصة تتعمل بالمنظار .. توكل علي الله واعملها

✅ أول حاجة جروحك تكون حرفيا في صورة خروم صغيرة ولا كأنك عملت عمليات

✅ الطبيب 👨🏻‍⚕️ بيقدر يشتغل على صورة مكبرة وواضحة لكافة أعضاء الجسم من الداخل ودا بيمكنه من سهولة الوصول الى مكان الجراحة بدقة وإجرائها بصورة سليمة مما يُزيد من فرص نجاح العملية والشفاء.🤝🏻

✅ مفيش الآلام الرهيبة اللي بتكون بعد الجراحة التقليدية

✅ ترجع لبيتك أسرع بكتير
فترة نقاهة ما بعد العملية خالية من أي متاعب

✅ مفيش وجع الدماغ بتاع الغيارات وألم فك الغرز
مفيش التهابات الجروح اللي ممكن تحصل

✅ مفيش مشاكل أو مضاعفات زي التصاقات الأمعاء

✅ مفيش أي ضعف في جدار البطن ومش هيجيلك فتق مكان العملية

💥 عشان كدا المنظار أفضل بكتييييير

بتمني ليكم كل الخير والسعادة♥️

للتواصل
01033400687
01063690956
01022551357

♥️
♥️

16/11/2025

🩺 امتي الدكتور يشك ان عندك جرثومة حلزوني

✅ لو بقالك كتير بتشتكي من تعب التهاب المعدة ومش بتستجيب للعلاجات نهائي

✅ لو أعراض تعب والتهاب المعدة اتطورت بسرعة لقرحة معدة

✅ لو عملت منظار معدة والدكتور لاقي التهابات شديدة وتقرحات في جدار المعدة

🫵🏻 ايه الفحوصات المطلوبة عشان نشخص البكتيريا الحلزونية 🦠

1️⃣ عمل تحليل للتنفس، لأن جرثومة المعدة 🦠 تفرز إنزيم اليوريز، اللي يكسِّر مادة اليوريا الي امونيا اللي بتطلع في النفس

2️⃣ منظار معدة، مع أخذ عينة لتحليل يسمى "CLO test"

3️⃣ تحليل الميكروب الحلزوني 🦠 في البراز

4️⃣ تحليل مضاد البكتريا الحلزوني في الدم

🩺 الفحوصات دي مهمة عشان نشخص وجود الجرثمة الحلزونية

🩺علاج الجرثومة الحلزونية 🦠مش عشوائي ولازم يكون عن طريق طبيب جهاز هضمي متخصص 👨🏻‍⚕️

عشان تقدر تتخلص منها 💪🏻 قبل ما تحصلك مضاعفات زي قرحة المعدة أو سرطان المعدة

بتمني ليكم كل الخير والسعادة♥️

للتواصل
01033400687
01063690956
01022551357

♥️
♥️

14/11/2025

اهم حاجه الدعم النفسي للمريض 🤣
#متزعلوش

08/11/2025

“معاك قرص مسكن لو سمحت 🤌🏻”..

مفيش حد ما سألش السؤال دا لزميله في الشغل أو حد من قرايبه 🫰 .. لا وممكن تكون هنا ولا هنا حباية مسكن 💊 ولا حتي شريط احتياطي ساعة اللزوم

🫵🏻 بس السؤال هنا، هل تناول المسكنات صحي، ولا ليها تأثيرات سلبية على أجسامنا وعلى صحة الكلى بتاعتنا ✊🏻

💥المسكنات💊💉 ....من أخطر الأدوية اللي ممكن نعرفها وموجودة في حياتنا
كثير مننا بيلجأ للمسكنات 💊كطريقة سريعة لتخفيف الألام 😰 منه لنفسه وبدون أستشارة الطبيب👨‍🔬.. الحمد لله هما بيعرفوا يشخصوا ويعالجوا نفسهم في نفس الوقت 😂😂

بس اللي انت ولا هما مش تعرفوه .. ان المسكنات دي هتبهدل كليتك وانت مش حاسس 🥴

#المسكنات بتأثر تأثير مباشر علي أنسجة الكلية وتعمل فيها أضرار جسيمة 🥵

🤌🏻 وكمان بتأثر تأثير غير مباشر عليها عن طريق انها بتضيق شرايين الكلي وتقلل الدموية اللي رايحة ليها
تبتدي من أول انها بترفع وبتنتهي بحدوث فشل الكلي
ارتفاع وظائف الكلي بيجي نتيجة انها بتعمل تآكل في أنسجة الكلي وكمان بتعمل التهابات مزمنة
ومش بس كدا هيا ممكن تعملك .. لو أخدت كمية من المسكنات كبيرة وفي فترة قليلة وخاصة لو مش عوضتها بشرب الماية .. والحمد لله دي ممكن تشفي منها بسرعة وترجع كليتك للطبيعي أول ما توقف #المسكنات 💊 وتاخد أدوية تحافظ علي الكلي
وكمان لو أخدتها لفترات طويلة حتي ولو كميات قليلة .. بتعمل فشل كلوي مزمن .. اللي ممكن مش تخف منه وتحتاج لغسيل كلوي 😱

كل دا من حباية مسكن 😳
. آه للأسف حباية المسكن اللي انت مستهون بيها بتعمل كل دا ..
لازم ترشد استخدامها ويكون فيه بدايل طبيعية ..
والأهم انك تعالج سبب الألم من الأساس ومش تردم عليه بحباية مسكن 💊

استشارة الطبيب هتحميك من مشاكل في غني عنها

بتمني ليكم كل الخير والسعادة♥️

للتواصل
01033400687
01063690956
01022551357

♥️
♥️

06/11/2025

✊🏻 طبعا كل الستات بيكون عندهم قلق كبير 😱 من *ي خاصه لو حتى عندها في عيلتها جالها ورم ث*ي

👨🏻‍⚕️ *ي مرض بيجي بهدوء وينتشر برده في هدوء من غير ما تحسي بيه لغايه ما يوصل لمرحله تاخدي بالك

👨🏻‍⚕️ هو أهم خطوة علشان تكتشفيه قبل ما يجيليك وكمان تلحقي تعالجيه بدري قبل ما يفوت الوقت 😭

👨🏻‍⚕️ علشان كده النهارده لازم نتكلم مع حضراتكم عن أهم خمس طرق للكشف المبكر لأورام الث*ي

🔵 فحص ذاتي للث*ي

من أهم الوسائل علشان نكتشف اي تغير في نسيج الث*ي مبكرا هو الفحص الذاتي للث*ي

ولازم الرجوع للطبيب عند ملاحظه اي تغيرات زي :

✅ الشعور بكتله أو مكان ناشف في الث*ي او منطقه متكتلة محددة في الث*ي مش لاحظتيها قبل كده

✅ الشعور بعدم الراحة وزياده في حجم الث*ي

✅ ألم غير عادي في الث*ي

✅ تغير في شكل الث*ي مثل تقلص الجلد أو تشوه او تداخل الحلمة

✅ تغيرات في جلد الحلمة أو الهالة زي كرمشة الجلد أو دخول الحلمة لجوة الجلد

✅ ظهور افرازات من الحلمة لونها غريب وخاصة لو كانت بني غامة أو أحمر أو أصفر

🔵 الفحص اليدوي من قبل جراح

🫰🏻 لو انتي شكيتي في حاجة غريبه لازم ترجعي للطبيب 👨🏻‍⚕️ وده هيقوم بفحص أكثر دقه للتاكد من سلامه نسيج الث*ي من عدمه

🫰🏻 وممكن الطبيب يطلب عدد من الاشاعات للاطمئنان زي 👇🏻

🔵 عمل أشعه على الث*ي

🫵🏻 أنهو نوع من الأشعه أعمله يا دكتور ❗

ببساطه عشان مش تتلخبطي

🩺 لو انتي سنك تحت ال 35 يبقى سونار (موجات صوتية) علي الث*ي كفيله انها تشخص

🩺ولو انتي سنك بعد 35 لازم تعملي أشعه اسمها *ي

🔵 فحص الرنين المغناطيسي (MRI)

👈🏻 ده لو في نسبه شك أو قلق ومش عارفين نحدد بالأشعة اللي قلنا عليها وخاصه لو في العيلة أورام ث*ي جات لناس قريبه منك

🔵 عينه من الث*ي

🫰🏻 لو لقينا في الأشعه حاجة تقلق

🫰🏻 دايما الجراح بينصح انك تعملي عينه وده دكتور 👨🏻‍⚕️ متخصص بيعملها وهو بيستخدم السونار عشان يضمن انه يجيبها مظبوط

🫰🏻وده عشان نستبعد المرض الوحش

💥 ما تخافيش من العينه انها توجعك أو تعمل لك مشكله أو لا قدر الله تنشر لك المرض بس هتحط رجليكي على الطريق المظبوط

*ي *ي
*ي
*ي *ي *ي

بتمني ليكم كل الخير والسعادة♥️

للتواصل
01033400687
01063690956
01022551357

♥️
♥️

02/11/2025

نحيط سيادتكم علما بتواجد
✨️✨️ الاستشاري الدكتور/ محمد أبو فطيرة ✨️✨️
في فرعنا الجديد ب فيصل

أيام السبت والاثتين والأربعاء من كل أسبوع

بنتمني ليكم كل الخير والسعادة♥️

للتواصل
01033400687
01063690956
01022551357

♥️
♥️

30/10/2025

✍️ من المشاكل الكبيرة اللي بتحصل بأهون سبب وبتتطور بسرعة كبيرة جدا لمشكلة أخطر وعلاجها بيكون أسهل مما تتخيل 👨🏻‍⚕️👌

✍️القدم السكري ب تبتدي ب دوسة علي مسمار أو ابرة 🧷.. شدة ودن من صوباع في رجلك 🦶🦶

👈 ويحصل التهاب بسيط في الأول ممكن انت ما تاخدش بالك منه أو تكبر دماغك عنه أو للأسف تروح تضربلك حباية مضاد حيوي وخلصنا 💊💊

👈 الالتهاب يتطور بسرعة جدا

⬅️لو انت مش منظم سكرك .

⬅️لو انت مش محافظ علي مناعتك .
⬅️لو فيه قصور في دموية رجلك نتيجة التدخين او تصلب الشرايين .

✍️الالتهاب يتحول لتآكل في الأنسجة والقدم تورم بسرعة جدا واحمرار علي الآخر

👈وبعد ما كان في صوباع🦶 الرجل تلاقيه واخد الرجل كلها 🦵

📌جسمك يسخن .. سكرك يعلي .. تروح لدكتور👨🏻‍⚕️ .. حظك انه ممكن يكون مش متخصص ويعزقك مضاد حيوي ويخاف ياخد قرار مظبوط مع المشكلة

📌هنا حياتك بقيت محنة لانك هتكون ساعتها هتحتاج تعمل عملية بتر عشان تنقذ رجلك أو حياتك💔😣

✍️عشان ما توصلش للمرحلة دي
⬅️ظبببببببببببط سكرك وتعايش معاه
⬅️حافظ علي نضافة رجلك واغسلها يوميا ونشف بين صوباعك
⬅️بلاش التعامل العنيف مع قدمك .. قص ضوافرك ✂️بالراحة واستخدم كريمات ترطيب
لو فيه أي مشكلة في رجلك عالجها بسرعة ومش تهمل او تكبر دماغك .
⬅️يا ريت تتابع مع دكتور متخصص يقدر يعالج مشكلتك بسرعة ويسيطر عليها 👨🏻‍⚕️👌

بتمني ليكم كل الخير والسعادة♥️

للتواصل
01033400687
01063690956
01022551357

♥️
♥️

28/10/2025

💥 يا دكتور بنسمع كتير عن التهابات المرارة ؟ وانها بتكون حصوات ؟
🤔طب ازاي بتتكون ؟

🫰🏻أولا لازم تعرف يعني ايه مرارة

🩺 الكبد عندك موجود في الجنب اليمين فوق في البطن

🩺 الكبد بيكون الصفرا (العصارة الصفراوية) ودي بتكون وظيفتها الأساسية هضم الدهون والمساعدة في امتصاص كتير من الفيتامينات والمعادن الهامة لجسمك

🩺 وبعد كدا الصفرا بتتجمع من الكبد في القناة المرارية وبتروح تتصفي وتتخزن في المرارة واللي بتكون موجودة مدفونة في تحت الفص اليمين لكبدك

🩺 الطبيعي ان المرارة بتخرَّج الصفرا للأمعاء ساعة الأكل خاصة لو أكل دسمة

💥امتي المرارة تكون حصوات ؟؟

👨‍🔬ببساطة شديدة لما يحصل اختلال في تكوين وتخزين الصفرا جوا المرارة تبتدي يتكون الحصوات ودا ممكن يحصل نتيجة

📌 الدهون الكتيره ف أكلك

📌وكمان نسبه الكولسترول العالى جدا ف الدم عندك

📌وليها أسباب تانيه زى السمنة المفرطة والوزن الزيادة 🦳

📌أو لأسباب خارجة عن إرادتنا زي المرأة الحامل 🤰نتيجة لتأثير هرمون الحمل " البروجيستيرون" على وظيفة المرارة والهرمون دا بيبطأ خروج العصارة الصفراوية من المرارة

📌كمان عدم ممارستك للرياضه 🏃 اللي بتأثر علي مستوي الدهون في جسمك

📌 وفيه أمراض زي تليف الكبد أو أمراض الدم ممكن تعملنا حصوات في المرارة

‼️ 🤔طب ممكن المريض يشتكي من ايه عشان نقول انه جاله التهابات في المرارة ؟🤨
✍️ممكن تشتكي من وجع في البطن في فم المعدة أو الجنب اليمين وممكن يسمع ورا في ضهرك أو في كتفك اليمين
✍️ ممكن تشتكي بمغص جاااااامد أوي في بطنك وعسر هضم وانتفاخات
✍️ ممكن تحس بطعم المرارة في بقك واحساس مش مظبوط بعد الأكل خاصة لو بعد أكلة دسمة
✍️ ولو الالتهاب شديد شوية تلاقي نفسك مش طايق الأكل وعندك ألم شديد ومستمر مش بيروح بالمسكنات ✍️وممكن يكون معاه ترجيع جامد

#الصفراء

بتمني ليكم كل الخير والسعادة♥️

للتواصل
01033400687
01063690956
01022551357

♥️
♥️

23/10/2025

دايما حالة طارئة 🥵 وبتيجي في أي وقت ومش بتقدر تتوقعه وبدون سابق انذار 😬 وكمان عواقبها وخيمة جدا لو اتأخرنا أو أهملنا وكبرنا دماغنا

🫷 وفي ظل خوفنا واستعجالنا ممكن ننسي شكل الجرح وعواقبه اللي بعد كدا

🤏 لان كل اهتمامنا منصب نلحق نعمل الزايدة قبل ما تنفجر او تعمل التهاب بريتوني او تسمم في الدم

🫷 وكمان المفهوم السايد عندنا انها لازم تتعمل جراحة عشان تتشال كويس 😜

✊🏻 عملية الزايدة فعلا عملية طارئة جدا ولازم تتعمل في وقتها وبدون تأخير عشان ما تحصلش المشاكل دي

✍ بس فيه مشاكل كتيرة بتحصل بعد ما تخلص الليلة دي وهيا اللي بتفضل معانا طول العمر 😭

✅ فترة النقاهة بتكون أطول بكتير وكلها ازعاج وألم وصعوبة في الحركة 😩 .. فترة بصراحة هتفضل تفتكرها طول عمرك 😣

✅ وكمان شكل الجرح مهما اتقفل تجميل ممكن يكون باين في كتير من الناس ويعمل ندبة ظاهرة 😢

✅برده ممكن يحصل ضعف مكان العملية ويجيلنا فتاق مكانها بمشاكله بقي وممكن للأسف تحتاجله عملية بعد كدا وشبكة وحورارت

✅ممكن كمان يحصل التصاقات ويعملنا مشاكل في الهضم وانسداد معوي لا قدر الله 😒

🤏 المشاكل دي مش دايما بتكون موجودة بس فعلا بتحصل وساعتها بتسيب أثر في نفسنا أكتر من أي حاجة ونبتدي نفتكر ونرجع بالزمن ونقول يا ريتنا عملناها 😭

👌 الحل بسيط جدا وفي ايدك اعمل عملية الزايدة بالمنظار
✊🏻 زمان الاختيار دا مكانش موجود .. دلوقتي موجود وبتقنيات حديثة

👈 حرفيا خرمين صغيرين .. مفيش مشاكل نهائي .. شكل جميل ومش بسيبوا أي أثر 😍

👈 فترة نقاهة سريعة وتقدر تنزل شغلك بعدها حرفيا بيوم ولا اتنين لو عايز

🫰 كل المشاكل اللي قولنا عليها بتكون مش موجودة حقيقي لانها بتتعمل بتقنية عالية وأصلا الجروح بتكون داخلية وبسيطة 🎁

🫵🏻 اوعي تقول ألحق الزايدة دلوقتي وبعد كدا أصلح .. قرارك دا مش مظبوط وهتندم عليه جامد 😭

🫷 ما تخليش استعجالك أو خوفك ينسيك حاجة مهمة وبقيت ضرورية زي دي

❗️ خليها دايما اختيارك الأول
💥💥 اعمل زايدتك بالمنظار 💥💥

بتمني ليكم كل الخير والسعادة♥️

للتواصل
01033400687
01063690956
01022551357

♥️
♥️

21/10/2025

🩺 الكبد عبارة عن خليط من خلايا وأنسجة كتير بتكون نسيج دموي متجانس ومتناسق
عشان يقدر يقوم ب مهام كتيرة في الجسم
اهمها ٤ مهام

1️⃣ البناء والتجديد ... الكبد بيصنع مجموعة كبيرة من العوامل والانزيمات اللي مش هينفع أي تجديد أو بناء لأي نسيج في الجسم من غيرها

2️⃣ التخزين .. الكبد أكبر مخزن للجلوكوز والاحماض الأمينية والمعادن

3️⃣ التخلص من أي سموم وكيماويات أو شوائب في الدم

4️⃣ تكوين الصفراء .. اللي ليها دور هام جدا في هضم وامتصاص الدهون وكمان امتصاص وتصنيع مجموعة كبيرة من الفيتامينات

🫵🏻 لما يكبر الكبد عن حجمه الطبيعي ويبتدي يخزن دهون داخل وحوالين خلاياه
هنا يبتدي الكبد يتأثر في وظائفه اللي ممكن توصل لمرحلة التليف الكبدي لو ما اتعالجش بدري

🩺هنا بنسميه الكبد الدهني

🫰🏻 امتي تشك ان عندك كبد دهني

✅ لو بتعاني من السمنة .. طبيعي الكبد بتاعك هيكون دهني

✅ بدأت تشتكي من أعراض زي
✔️ الكسل 😵
✔️ الإجهاد المستمر 🥴
ضعف المجهود 😧
النوم لفترات طويلة بدون اي تاريخ مرضي 😴

✅ لو حصل فقدان للشهية ولخبطة في حركة الأمعاء وعسر هضم

🩺 عشان توصل للتشخيص لازم تعمل الفحوصات دي

☑️ موجات صوتية علي البطن والحوض عشان نأكد التشخيص ونقيم درجة وكمية الدهون علي الكبد

☑️ انزيمات الكبد عشان نقيم مدي تأثر وظائف الكبد بالدهون اللي عليه

☑️ فيروسات كبدية لاستبعاد أسباب تليف الكبد

☑️ تحاليل شاملة للدهون في الدم عشان نقدر نحمي الكبد ونمنع اعادة تكونه

✨️ شرفونا باتصالاتكم واستفسارتكم ✨️
احنا دايما متاحين في أي وقت لخدمتكم 🫶
🤍

بتمني ليكم كل الخير والسعادة♥️

للتواصل
01033400687
01063690956
01022551357

♥️
♥️

16/10/2025

حياتكم أمانة في ايدينا وصحتكم هدف أسمي لينا 🤍🤍

بنحاول دايما اننا نكسب قلوبكم ونحافظ علي ثقتكم 🩷🩷🩷

هتلاقينا دايما قريبين منك وفي أقرب وقت ومكان تلاقينا جنبك 🩷🩷

احنا في عياداتنا 🫡 طوَّرنا وجدِّدْنا من أداءنا عشان نقدر نقدم ليك خدمة تليق بيك🌼🌼

شعارنا هو ♥️
وهدفنا اننا نوصل ليك في أي مكان وفي أي وقت 🤍

بتمني ليكم كل الخير والسعادة♥️

للتواصل
01033400687
01063690956
01022551357

♥️
♥️

دكتور محمد أبو فطيرة Dr. Mohamed Abou Fateera

21/11/2025

20/11/2025

16/11/2025

14/11/2025

08/11/2025

06/11/2025

02/11/2025

30/10/2025

28/10/2025

23/10/2025

21/10/2025

16/10/2025

Address

Telephone

Website

Alerts

Contact The Practice

Shortcuts

Share

Category

عيادات بي هيلثي كلينيك المتخصصة