30/12/2021
الـكـولــيستــرول.⚠️⚠️
ايه هو وايه انواعه؟ و ايه سبب زيادته عند بعض الناس؟
ازاي نحافظ على معدله الطبيعي؟؟
🎯 الكوليسترول هو بيتصنع بنسبة 80% في الكبد و 20% مصادر غذائيهك (لا يوجد في مصادر نباتية)
⭕️يدخل في انتاج الخلايا.
⭕️انتاج ڤيتامين د (المهم للعظام)
⭕️انتاج الهرمونات. (الاستروجين و التستوستيرون و البروجسترون)
ــــــــــــــــــــــــــــــــــــــــــــــــــ
🎯 منه نوعين..
1️⃣ الضار LDL: ده بينتقل في الدم ويترسب على جدران الشرايين وبالتالي الشرايين بتبقى ضيفة وبتصعب حركة الدم و ده لو زاد يسبب تصلب شرايين وذبحة صدرية مع المجهود.
2️⃣ النافع HDL: ده بيجمع الكوليسترول الزيادة ويرجعه الكبد عشان مايترسبش في الشرايين.
ــــــــــــــــــــــــــــــــــــــــــــــــــ
🎯 العادات الضارة اللي بتزود الكوليسترول.
🍄 التدخين.
🍄 الوزن الزائد.
🍄 نظام غذائي غير صحي.
🍄 الخمول و قلة الحركة.
ــــــــــــــــــــــــــــــــــــــــــــــــــ
⚠️ المعدل الطبيعي المفروض يكون أقل من 200.
نقلله ازاي:
🔸امنع تدخين.
🔸خِس.
🔸قلل التوتر.
🔸زود شرب الميه.
🔸البعد عن الأكل عالي الدهون زي المقليات وبلاش السمن النباتي ويُفضل سمن بلدي وتكون بكمية صغيرة.
🔸استخدم الدهون الصحية. (زيت الزيتون🫒،
المكسرات بذور الشيا، الأفوكادو🥑زبدة الفول السوداني)
🔸اتحرك و اعمل رياضة نص ساعة يومياً.(الحركة مهمة جداً لتقليل الكوليسترول).
🔸زود في أكلك الأكل الغني بالخضار والفاكهه و بالألياف :البقوليات زي الفاصوليا والحبوب الكاملة زي
الشوفان والبليله)
🔸أكل السمك الغني بالأوميجا 3.السلمون والتونا🐠والسردين🐟
