عيادة د / محمد حسين أخصائي أمراض القلب والقسطرة القلبية

  • Home
  • Egypt
  • Cairo
  • عيادة د / محمد حسين أخصائي أمراض القلب والقسطرة القلبية

عيادة د / محمد حسين أخصائي أمراض القلب والقسطرة القلبية أخصائي أمراض القلب والقسطرة القلبية بمستشفيات هيئة ال?

بقينا نسمع كتير عن شباب كتير ولاد و بنات في سن صغير بيجلهم ذبحة صدرية او ساعات جلطة في الشرايين التاجية!!زمان مكناش بنسم...
03/03/2021

بقينا نسمع كتير عن شباب كتير ولاد و بنات في سن صغير بيجلهم ذبحة صدرية او ساعات جلطة في الشرايين التاجية!!

زمان مكناش بنسمع عن أمراض الشرايين التاجية دي غير في السن الكبير

لكن دلوقتي بقيت منتشرة بسبب السجاير و الشيشة و الاكل الغلط

طب ايه اشهر اسباب قصور الشرايين التاجية :

1. التدخين !!! تاني يا دكتور ؟؟ تاني و تالت و عاشر

2. الضغط..لو انت مريض ضغط و مش مظبطه و مش مهتم بيه و مطنشه هيفضل اغلب الوقت عالي..و هيعملك تصلب في الشرايين الي هتعملك ذبحة و لا قدر الله جلطة !

3. السكر..زي الضغط لو مش مهتم بيه و بتاخدله علاج و محافظ في اكلك..هيحصلك مضاعافات كتيرة منها الذبحات و الجلطات

4. الوزن الزيادة مشكلة كبيرة..لازم تخس..لو مش عارف تخس لوحدك تابع مع دكتور متخصص في التغذية و الريجيم..المهم تخس

5. ارتفاع نسبة الدهون في الدم..لازم تحلل كل فترة تحليل الدهون و لو محتاج علاج لازم تاخد اوعا تستهتر بالموضوع ده

دكتووور..هيا الوجبات السريعة مفيدة للقلب ؟؟ اه طبعا طبعا دي مليانة فيتامينات يا حبيبي..ستووووووب يابني طاااااااخ !! يع...
17/02/2021

دكتووور..هيا الوجبات السريعة مفيدة للقلب ؟؟ اه طبعا طبعا دي مليانة فيتامينات يا حبيبي..ستووووووب يابني طاااااااخ !! يعني انا عمال انبح في صوتي و اعيد و ازيد و اقول الدهووون الدهووون و تصلب الشرايين و جلطات القلب و تقولي مفيد !!!!

الوجبات السريعة ملاينة دهون و زيوت و هتعلي نسبة الدهون الضارة في جسمك خلي بالك من صحتك و قلل من الوجبات السريعة على قد ما تقدر و هنبقى نتكلم عن الاكل المفيد و الاكل الضار للقلب في بوست لوحده انشاء الله قولنا بقى ايه اكتر مطعم بتجيب منه اكل عشان نجربه D :D:

بما انك اعد جانبي و عمال تنفخ دخان سجايرك في وشي عايز اقولك كلمتين على السريعالتدخين من اهم اسباب تصلب الشرايين التاجية ...
11/02/2021

بما انك اعد جانبي و عمال تنفخ دخان سجايرك في وشي

عايز اقولك كلمتين على السريع

التدخين من اهم اسباب تصلب الشرايين التاجية الي بتغذي القلب و كمان بتعمل تصلب في شرايين الرجل لانها بتزود ترسيب الدهون على جدران الشرايين

يعني من الاخر هتجيلي هتجيلي..بذبحة بجلطة هتجيلي..يا اما تبطل تشرب سجاير و تبطل تنفخ في وش الناس و تبطل تدخين بكرامتك كده و تعيش سليم و زي الفل

يا اما هتجيلي و هركبلك دعامات و هتفضل ماشي على 4 ولا 5 ادوية طول حياتك


ركز معايا دقيقة كده و الانسة الي قاعدة ورا ركزي معايا دقيقة كده انت عارف ان ضغطك ممكن يكون عالي وانت مش عارف ؟؟اه يا دكت...
02/02/2021

ركز معايا دقيقة كده و الانسة الي قاعدة ورا ركزي معايا دقيقة كده

انت عارف ان ضغطك ممكن يكون عالي وانت مش عارف ؟؟

اه يا دكتور بس انا لسه صغير ده انا يادوب لسه تامم ال 28 سنة ! ضغط ايه الي بتككلم عنه ده ؟!

ايه ده انت متعرفش ! لا ما هو الضغط دلوقتي بقى بيجي من غير استئذان !

و بيجي في السن الصغير كمان و ممكن يفضل عالي فترة طويلة من غير اي اعراض او شوية احساس بصداع عادي كلنا بنطنشه و بناخدله مسكن و شكرا !

الضغط اسمه (القاتل الصامت ) لانه بيسبب مضاعافات و بلاوي تانية كتير من غير ما الشخص يكون حاسس باي حاجة

زمان كنا بنقول للناس تبدأ تقيس الضغط من عند سن 40 ! دلوقتي مفيس سن معين و خصوصا لو انت مدخن او جسمك مليان او فيه تاريخ مرضي عندك في الاسرة لارتفاع ضغط الدم



اوعى تاخد دواء للقلب من نفسك !ناس كتير اول لما بتحس بشوية تعب زي نهجان او الم في الصدر او شوية لخبطة في ضربات القلب..بتن...
28/01/2021

اوعى تاخد دواء للقلب من نفسك !

ناس كتير اول لما بتحس بشوية تعب زي نهجان او الم في الصدر او شوية لخبطة في ضربات القلب..بتنزل الصيدلية او بتكلم واحد جارها او صحابها وبتاخد علاج من غير وصفة من طبيب !!

و احنا ك شعب بنعشق الفتي بس الفتي في الصحة بيودي في داهية !

ده تصرف غلط جدا لانه مش بس بيأثر على القلب ده كمان بيأثر على باقي أجزاء الجسم

لو حسيت باي اعرض تعب في القلب او اي جزء تاني في الجسم اسأل الدكتور المختص

ناس كتير بتشتكي من سرعة ضربات القلب او لخبطة في ضربات القلبشوية حاجات بسيطة هنقول عليها عشان تمنع الاضطراب او اللخبطة ال...
25/01/2021

ناس كتير بتشتكي من سرعة ضربات القلب او لخبطة في ضربات القلب

شوية حاجات بسيطة هنقول عليها عشان تمنع الاضطراب او اللخبطة الي بتحصل :

1. نام كويس..حاول في اجازتك او في وقت الراحة تشبع نوم..سيب الموبيل و سيب الفيس بوك و الانستجرام و نام كويس..الأجهاد و التعب بيلخبطوا ضربات القلب.

2. قلل من القهوة و الشاي و البيبسي و كمان الشوكلاتة مبقولش امنعها لا بقول قللها عشان كل المنتجات دي فيها كافيين و ده بيسرع ضربات القلب.

3. السجاير و الشيشة و الكحوليات..بعيدا عن الاضرار المعروفة الي بتودي في داهية زي تصلب الشرايين و الذبحات الصدرية و جلطات القلب لا دول كمان بيلخبطوا ضربات القلب و بيسرعوها..امنعهم تماما مش بس تقللهم.

4. اليوجا الي اتكلمنا عنها و الاسترخاء..كل ده بيقلل من الضغط العصبي و النفسي الي بيأثر على ضربات القلب..هدي اعصابك.

ناس كتير اوي اول ما تسمع سيرة القلب تقولك يا دكتووور انا عندي " ارتخاء في الصمام الميترالي " ! و تلقيه حزين اووي و متأثر...
20/12/2020

ناس كتير اوي اول ما تسمع سيرة القلب تقولك يا دكتووور انا عندي " ارتخاء في الصمام الميترالي " !
و تلقيه حزين اووي و متأثر و هو بيقولها :D
و يفضل يحكي و يشكي كأنه خلاص هيودع :D
طب ما تيجوا نعرف هو ايه هو الصمام الميترالي ده ؟ و يعني ايه الارتخاء الي بيحصل فيه ؟
باختصار سريع..ربنا خلق القلب 4 غرف..2 اذين واحد يمين و واحد شمال..و 2 بطين واحد يمين و واحد شمال
و كل بطين طالع منه شريان..البطين الشمال طالع من الاورطى و البطين اليمين طالع منه الشريان الرئوي و كل واحد ليه وظيفة مختلفة عن التاني و ده مش موضوعنا
ربنا خلق الصمامات في الجسم لوظيفة ثابتة انها تخلي الدم يمشي في اتجاه واحد بس..الدم يروح ميرجعش تاني
الصمام الميترالي ده واحد من 4 صمامات ربنا خلقها في القلب
موجود بين الاذين الايسر و البطين الايسر و بيسمح بمرور الدم من الاذين للبطين الايسر من غير ما يرجع تاني
بيتكون الصمام الميترالي من وريقتين واحدة امامية و واحدة خلفية بيقفلوا ويفتحوا زي الباب الكهربا بالظبط شغالين اوتوماتيك يعدوا الدم في اتجاه البطين و يقفلوا تاني

الوريقات دي اكيد مش متعلقة في الهوا..زي ما الباب ليه مفصلات ماسكاه متثبتة في الحيطة هم كمان ليهم مفصلات مسكاهم و متثبتة في جدار البطين الايسر
طب احنا كده عرفنا ايه هو الصمام الميترالي و بيتكون من ايه و مكانه فين..كان ايه لازمتها الرغي ده كله !!
ما انت عشان تفهم اسباب ارتخاء الصمام الميترالي لازم تفهم تركيبه و مكانه
طب ايه اسبابه ؟؟
بيكون واحدة من وريقات الصمام او ممكن الاتنين اطول من الطبيعي او الوتر ( المفصلات ) الي مسكاهم طويلة و فيها ارتخاء و ده هينتج عنه ان الصمام مش هيقفل كويس بعد ما الدم يعدي من الاذين للبطين الايسر و بالتالي هينتج عنه ارتجاع للدم !
نسبة الارتجاع دي بتكون متفواتة و مختلفة من شخص للتاني
طب نعالجه ازاي ؟
- اغلب حالات الارتخاء مبتحتجش علاج لانها بتكون بسيطة و مفيهاش اعراض
- بعض الحالات بيكون عندها نسبة ارتجاع بس بسيط و مش عامل عنده اعراض زي ( سرعة ضربات القلب..الم في الصدر ) و دي برضه مش محتاجة علاج لكنها محتاجة متابعة دورية مع الدكتور عشان نطمن ان نسبة الارتجاع مبتزدش
- بعض الحالات بيكون عندها ارتجاع شديد و اعراض واضحة ( سرعة و عدم انتظام ضربات القلب..الم شديد في الصدر..ضعف و شعور عام بالتعب بعد مجهود بسيط ) و دي علاجها يا اما بالادوية يا اما اجراء جراحة و دي الي بيحددها الدكتور
السؤال العبقري واحد هيقولنا و انا احدد نسبة الارتجاع ازاي ؟؟ لا اكيد مش انت الي هتحدد :D الدكتور هو الي هيحددلك و يقولك ايه الي يناسبك
و على فكرة ارتخاء الصمام الميترالي هو اكتر عيوب صمامات القلب انتشار

#شير عشان الناس تفهم و تستفيد
لمعلومات اكثر وللأستفسار يرجي الاتصال على 👇
٠١٠٠٠٠١٠٦٦٣📞
او يمكنك زيارتنا فى👇
🏠 ١١٣ شارع مصطفى النحاس - مدينة نصر
أعلي توكيل سامسونج - مركز The Doctors

تصلب الشرايين..كلمة بنسمعها و بنرددها كتير و احنا مش فاهمين معناها ؟!🤔👈ربنا خلق شرايين الجسم فيها مرونة توسع و تتمدد و ت...
16/12/2020

تصلب الشرايين..كلمة بنسمعها و بنرددها كتير و احنا مش فاهمين معناها ؟!🤔
👈ربنا خلق شرايين الجسم فيها مرونة توسع و تتمدد و ترجع لحجمها الطبيعي حسب كمية الدم الي ماشية فيها
👈لما نسبة الدهون بتزيد في الجسم بتترسب في الجدار الداخلي للشريان و ده بيسبب ضيق و تصلب في الشريان و يخليه يفقد مرونته..هبسطهالك
👈 لو فيه شارع كبير ( الشريان ) متقسم ٣ حارات يعني بياخد ٣ عربيات ماشين جنب بعض ( الدم الي ماشي في الشريان )..بدأنا نحط رملة على الجانبين بتوع الشارع ( الدهون ) فالشارع بقى اضيق وبدل ما يشيل ٣ عربيات بقى يشيل اتنين..حطينا رملة اكتر بقى بدل ما يشيل عربيتين بقى شايل عربية واحدة !
👈هو ده الي بيحصل في الشريان بالظبط لما الدهون تترسب فيه..طبعا الكلام ده في كل شرايين الجسم و خصوصا الشرايين التاجية الي بتغذي عضلة القلب.
👈 و من اشهر اسباب تصلب الشرايين 👇
بيفقد الشرايين مرونتها.
لارتفاع نسبة الدهون في الدم.
الضارة و انخفاض نسبة الدهون النافعة.
#التدخين..التدخين..التدخين وما ادراك ما التدخين !
.
و مضاعفاته
و مضاعفاته
يا ترى الشرايين عندك بقت تاخد كام عربية 😃 ؟

لمعلومات اكثر وللأستفسار يرجي الاتصال على 👇
٠١٠٠٠٠١٠٦٦٣ 📞
او يمكنك زيارتنا فى👇
🏠 ١١٣ شارع مصطفى النحاس - مدينة نصر
أعلي توكيل سامسونج - مركز The Doctors

فية معلومات طبية غلط وخرافات كتيرة بتتقال عن امراض القلب......بوست خفيف هيفهمنا حاجات كتيرة مكناش واخدين بالنا منها1-ان ...
13/12/2020

فية معلومات طبية غلط وخرافات كتيرة بتتقال عن امراض القلب......
بوست خفيف هيفهمنا حاجات كتيرة مكناش واخدين بالنا منها
1-ان امراض القلب مبتجيش الا للناس الكبار فى السن : طبعا الكلام دة مش مظبوط نهائي لأن امراض القلب مش مرتبطة بسن معين...
أمراض القلب مرتبطة بعوامل كتيرة جدا زى العادات الغزائية الغلط
(الاكل المليان دهون والأكل الى غرقان ملح)
والعادات السيئة زى التدخين وفى كامان العوامل الورائية وجينية ..عشان كدة امراض القلب مش مرتبطة بسن معين لا دى ممكن تيجى من ازل الاطفال لحد الشباب
2-مريش القلب يبقى فى راحة تامة :طبعا دى كارثة لان مفيش حاجة اسمها متتحركش بالعكس احنا بننصح مريض القلب انه يتحرك ويمارس حياتة الطبيعية
بس بقدر معين ميسبش اجهاد لية ..الراحة التامة دى بتسبب جلطات فى الرجل ممكن تأدى لا قدر الله لجلطات فى الشريان الرؤى ودة بقى موضوع تانى خالص
3-مريض القلب ممنوع من الرياضة : دى معلومة غلط
احنا بننصح مريض القلب يمارس الرياضة بعدد معين ولوقت معين على حسب حالتة بدو مانحمل علية او نتعبة
4-أمراض القلب بتيجى فى الرجالة بس: ودة طبعا مش منطقى خالص..
لان البنات بيصابوا بأمراض القلب بنسبة تكاد تكون قريبة من نسبة اصابة الرجال
الأختلاف ممكن يكون فى سن الاصابة بس
5-مادام باخد علاج للضغط والسكر يبقى قلبى زي الفل : وطبعا دة كلام مش صح لأن
مرضى الضغط والسكر لازم يظبطوا اكلهم كويس جدا ولازم يمارسوا رياضة من وقت للتانى لان الامراض دى بتاثر على القلب وشرايينة على المدى البعيد
6مريض القلب ممنوع من اكل الدهون نهائي : ودة كلام مش حقيقى لأن جسم الانسان بوجة عام بيحتاج لنسبة من الدهون زى الدهون الغير مشبعة الى هيا مفيدة للجسم بس بكمية
معينة طبعا وهنتكلم عن الفرق بينها وبين الدهون المشبعة بعدين
7-لو محستش بوجع فى صدرك يبقى انت قلبك سليم :طبعا دة كلام مش منطقى لان الناس رابطة مرض القلب بالم فى الصدر وطيعا دة كلام غلط
الم الصدر طبعا من اشهر اعراض القلب ولكن لية خواص معينة مش اى الم فى الصدر يبقى الم قلب دة غير ان فية اعراض تانية كتير بتدل على وجود مشكلة فى القلب

#القهوة اغلبنا بيحب القهوة ....فينا اللى بيشربها علشان يفوق ويصحصح والى بيشربها من باب المزاج !ولما رمضان بيجى بيصدعونا...
12/12/2020

#القهوة
اغلبنا بيحب القهوة ....
فينا اللى بيشربها علشان يفوق ويصحصح والى بيشربها من باب المزاج !
ولما رمضان بيجى بيصدعونا بقى ! قهوتى حبيبتى ومش عارف اشتغل وهموت وهنتحر وكمية افورة مش طبيعية
بس خلى بالك اى حاجة فى العالم لو زادت عن حدها بتقلب للضد !
يعنى مثلا القهوة ليها بعض الفوايد للقلب زى انها مضادة للأكسدة ودة بيحسن الى حد ما من اداء عضلة القلب
بس زى ماليها فوايد ...ليها سلبيات لأن الافراط فى شرب القهوة لية اضرارة
مشكلة القهوة انها فيها كافيين الى هو برضة موجود فى الشاي والشيكولاتة والبيبسى
الافراط فى شرب القهوة بيأدى لأستثارة الجهاز العصبى وافراز هرمونات زى النورادرينالين
الى بيسبب تسارع فى ضربات القلب واوقات ممكن تسبب خلل فى ضربات القلب
تانى حاجة ممكن القهوة تعملها انها بترفع الضغط تقريبا لنفس الاسباب الى بتأدى لتسارع ضربات القلب يعنى عيان الضغط لازم ياخد بالة جدا ويحجم من شرب القهوة والانسان الى معندوش ضغط لازم يتجنب شرب القهوة
قبل المجهود البدنى زى لعب كورة او جيم وغيرة لان دة طبيعى بيزود الضغط خلى بالك
كمان الابحاث والتجارب اثبتت ان القهوة بتعلى نسبة الكوليسترول والدهون الثلاثية والدهون الضارة (LDL)
بس خلينا فاكرين ان دة فى حالة الافراط فى شرب القهوة
باختصار شديد شرب القهوة بقدر معقول ومناسب مفيهوش خطورة عليك دة فى حالة لو انت مش مريض قلب او ضغط
حب نفسك عشان قلبك يحبك
شير بقى عشان الناس الى مصدعانا باقهوة

البوست دة بكلم فية كل الناس سواء كنت بتعانى من مشاكل فى القلب او لا فية معلومات طبية غلط وخرافات كتيرة بتتقال عن امراض ا...
12/12/2020

البوست دة بكلم فية كل الناس سواء كنت بتعانى من مشاكل فى القلب او لا
فية معلومات طبية غلط وخرافات كتيرة بتتقال عن امراض القلب......
بوست خفيف هبفهمنا حاجات كتيرة مكناش واخدين بالنا منها
1-ان امراض القلب مبتجيش الا للناس الكبار فى السن : طبعا الكلام دة مش مظبوط نهائي لأن امراض القلب مش مرتبطة بسن معين...
أمراض القلب مرتبطة بعوامل كتيرة جدا زى العادات الغزائية الغلط
(الاكل المليان دهون والأكل الى غرقان ملح)
والعادات السيئة زى التدخين وفى كامان العوامل الورائية وجينية ..عشان كدة امراض القلب مش مرتبطة بسن معين لا دى ممكن تيجى من ازل الاطفال لحد الشباب
2-مريش القلب يبقى فى راحة تامة :طبعا دى كارثة لان مفيش حاجة اسمها متتحركش بالعكس احنا بننصح مريض القلب انه يتحرك ويمارس حياتة الطبيعية
بس بقدر معين ميسبش اجهاد لية ..الراحة التامة دى بتسبب جلطات فى الرجل ممكن تأدى لا قدر الله لجلطات فى الشريان الرؤى ودة بقى موضوع تانى خالص
3-مريض القلب ممنوع من الرياضة : دى معلومة غلط
احنا بننصح مريض القلب يمارس الرياضة بعدد معين ولوقت معين على حسب حالتة بدو مانحمل علية او نتعبة
4-أمراض القلب بتيجى فى الرجالة بس: ودة طبعا مش منطقى خالص..
لان البنات بيصابوا بأمراض القلب بنسبة تكاد تكون قريبة من نسبة اصابة الرجال
الأختلاف ممكن يكون فى سن الاصابة بس
5-مادام باخد علاج للضغط والسكر يبقى قلبى زي الفل : وطبعا دة كلام مش صح لأن
مرضى الضغط والسكر لازم يظبطوا اكلهم كويس جدا ولازم يمارسوا رياضة من وقت للتانى لان الامراض دى بتاثر على القلب وشرايينة على المدى البعيد
6مريض القلب ممنوع من اكل الدهون نهائي : ودة كلام مش حقيقى لأن جسم الانسان بوجة عام بيحتاج لنسبة من الدهون زى الدهون الغير مشبعة الى هيا مفيدة للجسم بس بكمية
معينة طبعا وهنتكلم عن الفرق بينها وبين الدهون المشبعة بعدين
7-لو محستش بوجع فى صدرك يبقى انت قلبك سليم :طبعا دة كلام مش منطقى لان الناس رابطة مرض القلب بالم فى الصدر وطيعا دة كلام غلط
الم الصدر طبعا من اشهر اعراض القلب ولكن لية خواص معينة مش اى الم فى الصدر يبقى الم قلب دة غير ان فية اعراض تانية كتير بتدل على وجود مشكلة فى القلب
هنتكلم عن كل نقطة من ال7 نقط دول كل واحدة فى بوست منفصل بالتفصيل ان شاء الله

بوست طوييييل بس هيفرق معاك جدا جدا يا ريت نقرأه للاخر ناس كتيرة بتسأل عن سبب الام الصدر و هل الالم الي عندهم ده الم قلب ...
12/12/2020

بوست طوييييل بس هيفرق معاك جدا جدا
يا ريت نقرأه للاخر

ناس كتيرة بتسأل عن سبب الام الصدر و هل الالم الي عندهم ده الم قلب و لا حاجة تانية !

و مشكلتنا ك شعب بنحب نفتي اوي اوي في الطب و كل واحد بيتكلم من وجهة نظره

لكن الطب مفيهوش فتي كل مشكلة بيكون ليها وصف معين و خواص محددة بنشخصها على الاساس ده

هنتكلم النهاردة عن اسباب الوجع الي بيجي في منطقة الصدر..انواعه ايه و اسبابه

مش هنقدر نتكلم عن كل الاسباب لانها كتيرة جدا لكن هنتكلم عن اشهر الاسباب

1. الأسباب المتعلقة بالقلب :

: او الاسم الصحيح ليها جلطة الشريان التاجي..باختصار القلب عضلة زي اي عضلة في الجسم بيجيلها امداد دموي شايل الغذاء و الاوكسجين عشان تقدر تشتغل..الشريان التاجي هو المسؤل عن الوظيفة دي مع القلب و بالتالي هو من اهم الشرايين الي في الجسم ا
لانه بيغذي اهم عضلة في الجسم و هي القلب..لو حصل جلطة فيه بتقفله و بتعمل الام شديدة في الصدر

: و هيا مرحلة ما قبل الجلطة ممكن تكون ذبحة مستقرة يعني الم الصدر بيجي مع المجهود و بيروح مع الراحة و ممكن تكون غير مستقرة و دي الاخطر و ساعتها الالم بيجي بدون اي مجهود ممكن و انت قاعد او نايم

: مين تيموري ده ؟ ده الغشاء المبطن لعضلة القلب و بيحوط القلب من برة ربنا خلقه لاسباب كتيرة منها حماية القلب..اوقات كتيرة بيحصل التهاب في الغشاء ده بيعمل الام في الصدر و ده علاجه بسيط

( الاورطى ) : لا انت كنت ماشي كويس ! تسلخ ايه و ابهر ايه ! احنا نعرف ان التسلخات دي بتبقى تحت بس 😀 لا ركز معايا كده
الشريان الابهر او شريان الاورطى هو شريان الحياة لانه طالع من البطين الايسر للقلب محمل بالدم الي مليان اوكسجين و غذاء و بيوصله لكل اعضاء الجسم من اول المخ لحد صوابع رجلك..طب و ده بيتسلخ ازاي ؟ يعني الطبقة الداخلية المبطنة للشريان انقسمت او انفصلت و الدم بقى ماشي في الطبقتين و ده خطر جدا و مش شائع و اسبابه المشهورة الارتفاع المزمن لضغط الدم او يكون الصمام الاورطي ثنائي الشرفات و هنتكلم عنه بالتفصيل الملل .

2.الأسباب المتعلقة بالرئة

: الغشاء البلوري هو الغشاء الي بيحوط الرئتين وظيفته نفس الغشاء التاموري الي حولين القلب و بيحصل فيه التهابات زي الغشاء التاموري بالظبط و ده منتشر جدا لانه بيحصل بسبب التعرض لتيارات الهو والبرد او الاهمال في العلاج من دور برد.

: الشريان الرئوي شريان كبير طالع من البطين الايمن للقلب و بينقسم لشريان يمين رايح الرئة اليمنى و شريان يسار رايح للرئة اليسرى وظيفته انه شايل دم مفيهوش اوكسجين بيوديه الرئة ياخد الاوكسجين منها و يرجعه تاني للقلب عشان القلب يوزعه لباقي الجسم..الجلطة الكاملة الي بتقفل الشريان الرئوي تماما بتبقى خطيرة جدا .

: هيرجع تاني يقولنا كلام مش مفهوم ! هفهمك..ده عبارة عن تسرب هواء في المنطقة الي بين الرئة و الضلوع و ده اسبابه كتير زي طعنة نافذة في الصدر في حادثة عربية و بعض امراض الرئة ممكن تسببه و ده بيعمل الام حادة في الصدر و صعوبة في التنفس .

3. الأسباب المتعلقة بالجهاز الهضمي :

: اي التهابات او قرحة في المعدة بتعمل حرقان و الم في منطقة فم المعدة و الصدر مشابه لوجع القلب و دي علاجها سهل و بسيط .

: ارتجاع المريء بيسبب اضطرابات في البلع و تقلصات المريء بتعمل الام في الصدر و ضيف في التنفس احيانا .

: التهابات وحصوات المرارة او التهابات البنكرياس بتعمل الام في البطن ممكن تمتد للصدر .

4. الأسباب المتعلقة بالعظام و العضلات :

: اي ضلع في صدرك بيتكون من جزئين جزء عظمي و جزء غضروفي ساعات بيحصل التهاب في الجزء الغضروفي ده بيسبب الم في الصدر.

: عضلات الصدر زي اي عضلات في الجسم ممكن تلتهب و ممكن يحصل فيها شد عضلي و ده بيعمل الم في الصدر.

: لو حصل حادثة لا قدر الله او خبطة في منطقة الضلوع ممكن تأدي لكسر في الضلع او كدمة و ده هيسبب الم في الصدر .

5. الأسباب المتعلقة بالجلدية :

#اشهر سبب عندنا هو الهربس النطاقي او الحزام الناري او الهربس zoster كلها نفس المسميات لمرض واحد و ده بينتج عنه بثور في منطقة الصدر و الظهر و بيسبب الم في الصدر .

اخر حاجة و دي مشهورة جدا جدا و خصوصا في البنات عشان كده انا هعملها بوست لوحدها اتكلم عنها

هيجي واحد ناصح بعد ما يقرأ البوست يقولي طب هنفرق ازاي نوع الوجع الي بنحس بيه ؟!! هرد اقوله لا انت متفرقش انت اول ما تحس بالم شديد في صدرك تتطلع على اقرب عيادة او مستشفى عشان كل ما كان الوقت اقل كل ما انت هتستفيد اكتر لكن مش يجيلك وجع في صدرك تدخل على منتدي فتاكات و تفضل تقرا لحد ما تحصل مصيبة 😀

شير عشان الناس تستفيد و تفهم

Address

مصطفى النحاس
Cairo

Website

Alerts

Be the first to know and let us send you an email when عيادة د / محمد حسين أخصائي أمراض القلب والقسطرة القلبية posts news and promotions. Your email address will not be used for any other purpose, and you can unsubscribe at any time.

Shortcuts

Share

Category