طبيب غدد

17/02/2026

للأسف الزبادي ف سحورك مشكلة❤️‍🩹....الميعاد الأمثل للدواء قبل السحور بساعة ف لو سحورك فيه زبادي أو منتجات ألبان تأثير الدواء يقل والخمول يتمكن منك تاني 👌....
🌹واجبنا النصيحة والتوعيه....سلمتم🌹

11/02/2026

26/01/2026

التردد الحراري يقدر يخلصنا نهائيا من قصة العقد او التكيس لكن انواع واعداد معينه يعنى مش تضخم غدة عام او متعدد بكثرة ومش كل نوع نسيج ينفعله وده يحدده طبيبك لكن هو حل جديد وجميل بدون عمليات زي ماانتوا شايفين ...سلمتم❤️
#صحة #غدة #درقية

24/01/2026

الغدة الدرقية موجودة في مقدمة الرقبة من قدّام، تحت تفاحة آدم مباشرة، وقبل ما الرقبة تدخل على عظمة الصدر.
شكلها عامل زي الفراشة: جناحين يمين وشمال، ومتصلين ببعض في النص بجزء رفيع.
بالنسبة لحاجات حوالين الغدة:
من قدّام: مفيش غير الجلد والعضلات السطحية للرقبة.
من ورا: الغدة لازقة تقريبًا في القصبة الهوائية اللي النفس بيعدي منها، وعشان كده أي تضخم فيها ممكن يسبب إحساس ضغط أو كتمة.
من الجانبين: بتمر الأوعية الدموية الكبيرة اللي رايحة للمخ، وكمان الأعصاب المهمة اللي ليها علاقة بالصوت.
من تحت: قريبة من أعلى الصدر.
ومن وراها مباشرة: موجودة أربع غدد صغيّرة جدًا اسمهم الغدد جار الدرقية، دول مسؤولين عن توازن الكالسيوم في الجسم.
عشان كده أي مشكلة في الغدة الدرقية مش بس موضوع هرمونات وخلاص، لكنها في منطقة استراتيجية: قريبة من النفس، الصوت، والبلع، وده يفسّر ليه بعض الناس يحسوا بصعوبة بلع، بحة صوت، أو إحساس حاجة واقفة في الزور لما الغدة تكبر.
#تغذية #صحة #سبحان #الله

07/01/2026

✍️نقول أنواع الخمول غير الHashimoto's
▪️منهم ال subclinical ودي منتشره جدا ومعظمكم كدا بتكون فيها وظيفة الدرقية مش كامله يعنى فشل بسيط لسه معندوش القدرة إنه يكمل باقي صورة الخمول كلها على جسمك
▪️يعنى يظهر فى تحاليل عشوائية زي اللي بتروح تعملها قبل عملية أو رايح معمل ل check up كامل أو تأخر إنجاب مثلا ف الدكتور يلاقي تغير ف الوظائف يرتفع ال tsh شوية بس غالبا تحت ال 10 ويكون ال free t4 ف normal range لسه او منخفض قليلا
▪️بيكون معاها ظواهر تانيه زي ارتفاع الكوليسترول وأوقات يحصل لخبطة ف نبضات ووظيفة القلب
🤔 طيب أنا لو كدا المفروض أعمل إيه؟
▪️متابعتك مع طبيبك المباشر تكون فترات قريبه جدا بخلاف مرضى الهاشيموتو ..دكتورك بيراقبك كويس عشان يرجع وظائف الغدة طبيعية تاني بإذن الله
▪️اه عشان منساش تحليل الأجسام المضاده ف حالتك دي مش بيتعمل مره واحده بس لا ده بيتكرر ...هتسألني ليه🤔
▪️انت هتكون عملته ف الاول أصلا وطبيبك طمنك انك طبيعي مش عندك هاشيموتو ..لكن بيتعاد تاني اكتر من مره طبيبك اللي يحدد وقتها و مدى بعدهم عن بعض لإنك مش مضمون ممكن الحالة تقلب وتتغير ف أي وقت
سلمتم❤️

01/01/2026

حتى لو فيها فيتامينات حتى لو محتاج أليافها مع أن الألياف دي مفيدة للحيوانات مش لينا ف هي تضر الغدة الدرقية وتمنع امتصاص اليود الطبيعي ومن أكثرهم ضررا 👇
​1. الخضروات الصليبية (الأكثر شهرة)
​ بسبب احتوائها على الجويتروجينات:
• ​الكرنب (الملفوف).
• ​القرنبيط (الزهرة).
• ​البروكلي.
• ​اللفت.
• ​الفجل.
• ​براعم بروكسل.
• ​الجرجير.
​2. خضروات وأطعمة أخرى قد تؤثر
• ​السبانخ: تحتوي أيضاً على مركبات قد تؤثر على امتصاص اليود، لكن بنسبة أقل من الصليبيات.
• ​البطاطا الحلوة: تُصنف أحياناً ضمن الأطعمة التي تحتوي على مواد جويتروجينية ضعيفة.
• ​الصويا: (ليست خضروات بالمعنى الحرفي لكنها نباتية) تؤثر بشكل
ملحوظ على امتصاص أدوية الغدة الدرقية.
​.
🫵لو بتحبهم أوي يبقى كمية قليلة وبعد ما يتم طهيها جيدا فترة
خد الفيتامينات ومضادات الأكسدة من مصادر اللحوم والاسماك صدقني افضل بكتير وممكن المكملات من الصيدلية افضل برده
سلمتم❤️



#تغذية

27/12/2025

متنساش
مفيش قهوة بعد الثيروكسين
🚫 ☕️ 🚫

21/12/2025

⛔مرضى فرط نشاط الغدة الدرقية سواء كان GRAVE'S أو PLUMMER dis.أو malignant thyrotoxic nodule

🔴.الأعصاب🔴
علطول قلق وتوتر مستمر حتى ف أوقات الراحة
👈رعشة أو رجفة ف الأطراف متكررة ف أوقات مختلفة
👈قلة نوم أو نوم متقطع على خلاف العادة
👈الموضوع بيتطور حتى الكلام يبدأ يبقى سريع وأسلوبه ف الحوار مشتت
👈فقدان تركيز ف الدراسة ..بمعنى إنه نشيط أوي وممكن يفضل ساعات كتير يذاكر لكن ف النهاية مفيش تحصيل مفيش استيعاب كامل...برده نقصد على غير عادته
🔴الجلد🔴
جلده علطول رطب ودافئ ولايجف
👈زيادة تعرق في كل الجسم...ومقصدش أماكن موضعية زي كف اليدين والوجه...لا..الكلام هنا عن الجلد كله
👈الملمس ناعم وحتى الشعر يقل عن الأول أو يضعف
👈عارفين التشققات العادية اللى بتحصل عندنا عمرها ماتحصله
🔴الحرارة🔴
عنده حساسية للحرارة بمعنى إن أقل نسبة ف ارتفاع حرارة الجو دي بالنسبة له كأنه بيغلي فعليا
👈دايما حاسس إن الجو حر وتلاقيه لابس ملابس خفيفة ف عز فصل الشتاء وحران كمان
🔴القلب والأوعية الدموية🔴
القلب ينشط زيادة عن اللازم👈سرعة نبضات
👈ارتجاف أذيني
👈المريض بيحس بضربات جوا صدره وممكن يحس بيها حتى ف كل جسمه من كتر قوتها وسرعتها
👈ضغط دمه يرتفع لكن الانقباضي غالبا يعني الرقم اللي فوق ف القياس عالي والآخر طبيعي
🔴الجهاز الهضمي🔴
نشاط الجهاز الهضمي عبارة عن تغير الطبيعة اليومية إلى إسهال متكرر ""عدد المرات ف اليوم الواحد زاد عن المعتاد عليه""
🔴جحوظ العين
🔴ضعف العضلات
🔴نزول ملحوظ ف الوزن برغم التغذية المعتادة
سلمتم❤️

19/12/2025

قصور الدرقية بيؤدي لتراكم مواد معينة (مثل حمض الهيالورونيك اللي موجود فى المفاصل عشان يسهل الاحتكاك ويمنع الخشونة)فمن رحمة ربنا بيك ان الخشونه اللي بتعاني منها بسبب وزنك المفروض بتكون اكتر من كدا لو مفيش التراكم ده
سلمتم❤️

18/12/2025

توتر وعصبية..ضيقةبالصدرقلة نوم..زعيق طول اليومإرهاق العين لمجرد النظر
🫵بداية نشاط الدرقية🫵

11/12/2025

✍️نظام تغذية لمريض خمول الدرقية (تخسيس ورفع الحرق)
✍️الأساسيات والنصائح العامة

▪️ الالتزام بالدوا: النظام ده مكمل للعلاج الدوائي (الثيروكسين) ومش بديل عنه. الدوا لازم يتاخد على معدة فاضية، وبعديه بـ ساعة على الأقل قبل أي أكل أو شرب (مشاكل القهوة).
▪️ مفيش تجويع: هنعمل وجبات صغيرة ومتكررة (كل 3-4 ساعات).
▪️ شرب المياه: 3 لتر يومياً (حوالي 8-10 كوباية). تساعد في حرق الدهون وتقليل الاحتباس.
▪️الأكل مش سلق: هنستخدم بهارات وطرق طهي كتيرة (شوي، طهي على البخار، سوتيه) عشان النظام يكون مستساغ.

✍️قائمة الأكلات المسموحة والمشجعة (تاكل منها)

▪️البروتينات (رفع الحرق ودعم العضلات):

· اللحمة: صدر فراخ (منزوع الجلد)، لحم بتلو قليل الدسم.
· السمك: سمك مشوي (مخصوص السلمون والسردين والتونة، ليهم فايدة كبيرة للدرقية).
· البقوليات: الفول (مطبوخ بدون قلي)، العدس، الفاصوليا البيضاء، الحمص. (ينقعوا كويس قبل الطهي).
· البيض: مسلوق أو أومليت بالزبده البلدي (كميه قليله جدا).
· الألبان: زبادي قليل الدسم، جبنة قريش، جبنة بيضاء قليلة الملح.

▪️الخضروات (ألياف وفيتامينات):

· الورقيات: خس، خيار، كرفس، جرجير، فلفل ألوان، كوسة، ملوخية، سبانخ (مطهية).
· معلومة: الخضروات الصليبية زى الملفوف، القرنبيط، البروكلي، ممكن تاكلهم بعد طهيهم فقط ومدة غليان طويله (الطهي بيقلل المادة اللي ممكن تعوق الدرقية). متاكلهمش ني لانهم غلط على الدرقيه .

▪️النشويات (الدهون البنية والكربوهيدرات المعقدة):

· العيش: عيش بلدي أسمر أو عيش سن.
· الأرز: أرز بسمتي .
· المكرونة: مكرونة بنية (قمح كامل).
· البطاطس: بطاطس مسلوقة أو مشوية، مش مقلية.
· الشوفان: بداية صحية ل الفطار.

▪️الدهون الصحية (دعم الهرمونات وامتصاص الفيتامينات):

· الزيوت: زيت زيتون، زيت جوز الهند (على السلطة أو في الطهي).
· المكسرات: لوز وعين جمل (حبة يومياً مش كيس😂).
· الأفوكادو: نص حبة أفوكادو.

▪️المشروبات:

· مياه، قهوة (بعد الدوا بساعة)، شاي أخضر، زنجبيل، قرفة.
يفضل سكر دايت من الانواع الطبيعيه

✍️ نموذج يومي مفصل (مثال تطبيقي)

▪️على الصحيان (وقت الدوا): كوباية مية كبيرة. (الدوا على معدة فاضية).
· بعد الدوا بـ ساعة:
· كوباية شاي أخضر أو قهوة سادة (مش حلوة).

▪️الفطار (بعد ساعة من الشاي):
· 2 بيضة مسلوقة أو طبق زبادي كبير مع ملعقة شوفان ورشة قرفة.
· خيار أو خس.
· خبز: ربع رغيف بلدي أسمر أو سن.
· سناك بين الفطار والغدا :
· تفاحة أو كوباية زبادي
▪️ الغدا (الوجبة الرئيسية):
· بروتين: قطعة فراخ مشوية أو سمكة مشوية أو شريحة لحم بتلو .
· نشويات: 4 ملاعق أرز بسمتي أو ربع رغيف بلدي أو حبة بطاطس صغيرة مسلوقة.
· سلطة خضراء كبيرة: خس، خيار، طماطم، فلفل ألوان. (الصلصة: زيت زيتون + ليمون + خل + ثوم).
· طبق خضار سوتيه: كوسة أو فاصوليا خضراء أو سبانخ مطهية.
▪️ سناك العصر:
· كوباية زبادي بالشوفان أو ثمرة فاكهة متوسطة (برتقال، جوافة، كمثرى) أو جبنة قريش.
▪️ العشاء (خفيف وقبل النوم بـ 3 ساعات على الأقل):
· طبق سلطة فواكه (تفاح، برتقال، جوافة).
· أو كوباية زبادي.
· أو بيضة مسلوقة مع خيار.
· طول اليوم: شرب ماية باستمرار.
✍️نصائح لرفع الحرق (مهمة قوي)

1. الحركة: المشي يومياً 30 دقيقة، حتى لو تقسمهم على فترات. ده أهم حاجة لتنشيط الدورة الدموية ورفع الحرق.
2. البروتين في كل وجبة: كما في النموذج، البروتين بيستهلك طاقة أكتر لهضمه.
3. البهارات الحارقة: زنجبيل، قرفة، فلفل أحمر، كركم (الحبهان). تضيفهم على الأكل أو المشروبات.
4. النوم الكافي: 7-8 ساعات ليلاً. قلة النوم بتخلي الجسم يحتفظ بالدهون.
5. تقليل التوتر: التوتر بيزيد هرمون الكورتيزول اللي بيخزن دهون وبيأثر على الدرقية.
✍️تحذير مهم جدا تفهم ان
▪️ النظام ده عام، ومحتاج تعديلات حسب وزنك وعمرك وفحوصاتك (مثل مستوى فيتامين د، والحديد، والB12، والزنك، والسيلينيوم) ووجود أمراض تانيه زى السكر أو الضغط.
▪️ لو عندك مقاومة إنسولين، محتاج تعديل في كميات النشويات .
سلمتم❤️

10/12/2025

✍️لو أنت مريض خمول درقي و تعاني من سمنه الأكلات الممنوعة أو المحدودة (تتجنبها أو تقللها

1. الدهون الضارة: السمنة والزبد، اللحمة الدهنية، الجلد، المقالي (بطاطس، باذنجان، فلافل)، الصلصة البيضاء.
2. السكريات البسيطة: السكر الأبيض، الحلويات، الشوكولاتة بالحليب، المربى، العصائر المعلبة، المشروبات الغازية (حتى الدايت).
3. الكربوهيدرات المكررة: العيش الأبيض (الفينو)، الأرز الأبيض العادي، المكرونة البيضاء، الحلويات الشرقية.
4. الأطعمة المعالجة: اللانشون، البسطرمة، السجق، البفتك، الأكلات الجاهزة، المعلبات.
5. ملح الطعام: التقليل منه عشان ميحبسش مية في الجسم. واستخدام بدائل طبيعية زى الليمون والخل والبهارات.
6. بعض الخضروات (نيئة): الملفوف، القرنبيط، البروكلي، الفجل (يؤكلوا مطهوين فقط)
سلمتم❤️