دكتورة / نشوى عبود - Dr. Nashwa Aboud

25/09/2025

موعدنا مع همسة الخميس .
ويارب تعجبكم.
مع تحياتى للجميع. دكتورة / نشوى عبود
https://www.facebook.com/DrNashwaAboud1

15/09/2025

هل أنا أم جيدة أم لا؟
بعد شغل عدة سنوات فى مجال تقديم الاستشارات النفسية والأسرية، وبعد ملاحظة أن الأم لها تأثير كبير فى حياة أولادها، واستقرارهم النفسى، وصحتهم النفسية، توجد بعض الملاحظات أريد أن أقولها رداً على سؤالكم هل أنا أم جيدة أم لا؟
متى أعرف إذا كنت أم جيدة أم لا؟
حاولت أن ألخص في السطور القادمة بعض الحالات التي يمكن ملاحظتها على نفسك وأن تتابعى سلوكياتك مع أولادك.
 تكوني أم غير جيدة إذا كان إبنك:
• بيخاف منك أكثر ما يحبك.
• بيسمع كلامك فقط لأنه خائف من العقاب وليس حباً فيكى.
• يحكى لصاحبه أسراره وأنتِ لا.
• يصل إلى سن الثانوى أوالجامعة ولا يعرف كيف يخطط لمستقبله.
• يحب خالته أو عمته أكثر منك.
• يفضل الجلوس بعيد عنك.
• لا يراكى قدوة بالنسبة له.
تكونى أم غير جيدة إذا كنتِ:

• أنانية ولا تحبى إلا نفسك.
• اشتريتى له موبيل أو تابلت لكي ترتاحى من طلباته، وتتركيه بمفرده أمام شاشة ولا تعرفى ماذا يتابع عليه.
• تجلسى فى غرفتك بمفردك وكل واحد فى البيت فى غرفته، ونادراً ما يدور حوار بينك وبين أولادك.
• تفضلى شغلك ودراستك عليه.
• تشعرى أن إبنك عبء عليكى أو عقبة فى تحقيق مستقبلك.
• حين يكون كل كلامك نقد وتوبيخ فقط.
• تنسى تحضنى إبنك وتحتويه وتسمعي مشاكله.
• تستهرى بمشاكله الصغيرة ، فغداً سوف يخفى عنك المشاكل الكبيرة.
• لا يوجد علاقة جيدة أو حوار، ولا حتى تتحدثى معه.
• كلامك معه لا يؤثر فيه، ويعمل ما يريد دون اعتبار لكلامك.
• لا يكون لك فعل مميز عند إبنك يطلبه منك، مثل عمل أكلة معينة يفضلها من يديك، أو لعبة يريد أن يمارسها معك، أو غيرها من الأفعال المميزة التي يطلبها منك فقط.
وغيرها كثير من السلوكيات الخاطئة، والتى معناها إنك لست أم جيدة.
وما هو الحل:
 حبى نفسك وحبى أولادك.
 علميهم الحب والحنية .
 احضنيهم واسمعى مشاكلهم الصغيرة مهما كانت.
 كونى صديقة لهم قبل ما تكونى الأم حتى لا يخفوا عنك شىء.
 نظمى وقتك بين شغلك وحياتك ولو هيأثر على رعايتهم اتركى شغلك واتفرغى لهم.
 لابد يكون فى أنشطة مشتركة بينكم، وليس كل شخص في غرفة منفصلة.
 ازرعى فيهم الثقة فى نفسك وفيكى؛ حتى يشعروا بأمان ولا يخافوا منك.
 وإذا اضطريتى إلى استخدام العقاب لابد أن تدركى أن العقاب له ضوابط معينة وله مدة ويختلف من فعل خاطئ إلى آخر.
وفى النهاية عزيزتى الأم، يجب أن تتفهمى أن الزمن تحول من السهل إلى الصعب، والمشاكل أصبحت جديدة ومختلفة عن جيلك، ولابد أن يكون عندك وعى بما يحدث من حولك؛ حتى تعرفى كيفية التعامل مع أولادك في وسط هذه الظروف المتغيرة.
وأخيراً :عزيزتى الأم، لا تلومى نفسك وتعلمى كيف تغيرى طريقتك مع أولادك، وثقى إنه لا يوجد أم تعرف كل قواعد التربية مائة بالمائة، ولكن كل أم تتعلم من خبرتها ،وتجاربها ،وإحساسها بأولادها.
وبهذا إن شاء الله تقدرى تربى بطريقة صحيحة وتكونى أم جيدة.
أتمنى أكون قد جاوبت عن كل أسئلتكم.
إذا عجبك المقال برجاء كتابة تعليق والضغط على الإعجاب.
مع تحياتى
د/ نشوى عبود
دكتوراة فى علم النفس الإكلينيكى
إستشارات نفسية – إرشاد أسرى
ت : 01227181401

12/09/2025

ألبوم عمرو دياب
طبعاً الصفحة هنا مش فنية لكنها صفحة نفسية واجتماعية ودايما بتطلبوا تعليق على الأحداث الى بتحصل أو مسلسل أو رأيى في حاجة مثلاً وعشان الناس الى بتزعل مننا كلنا عارفين إن الفن أذواق والاختلاف في الرأي لا يفسد للود قضية.
بعد ما رجعنا من المصايف وهندخل في جو المدارس كنت عايزة أقول رأيى في ألبوم عمرو دياب الصيف ده لأنه مش في نفس مستوى الألبومات القديمة بتاعته.
وبغض النظرعن حياته الشخصية ولبسه وعلاقاته وهل هو كويس ولا وحش أنا معرفوش شخصياً أنا بتكلم عن الأغانى الى بيعملها بس.
وكان السؤال: لى أنا وكل جيلى هو إحنا عجزنا قوى كده؟
وسبب السؤال هو: إن من كام يوم عمرو دياب نزل ألبوم جديد، وطبعا الجينز ميعرفوش إن جيل الثمانينات والتسعينات كان بالنسبة له يعنى إيه عمرو دياب نزل ألبوم جديد؟ يعنى المصيف وهنشغله في العربية طول الطريق، يعنى شريط فاضى ونعمله كوكتيل مع شرايط قديمة، يعنى تقعد سهران تكتب كلمات أغنية بتحبها وتحطه في كشكول حبيبتك، يعنى بوستر عمرو دياب عايز تشتريه وتعلقه في أوضتك، يعنى كل العربيات معدية مشغلة نفس الشريط، يعنى تفضل مستنى هيصور كليب منه إمتى وياترى أغنية إيه؟
يعنى ذكريات كتير محدش هيفهمها إلا الى مر بيها فعلاً وعمل حاجة من الحاجات دى.
لكن السنة دى بصراحة الألبوم مش حلو قوى أو معجنبيش أنا زى كل مرة؛ يمكن أنا عجزت شوية عن زمان، لكن الكلمات والأغانى مش زى المتوقع منه.
عمرو دياب عامل زى النادى الأهلى جمهوره مستنى كل مرة يكسب ولو أتعادل بيكون زعلان.
أنا شايفة إنه عمرو دياب مخسرش لكنه إتعادل مع نفسه.
هو بقي بيغنى عشان بيحب الغناء والموسيقى لكن بدون اهتمام بالكلمات أو تأثيرها.
مين يقدر ينسى: تملى معاك، أو عايش ومش عايش، والليلة دى، وأيام وبنعيشها؟
وحتى في الأغانى الجديدة في: أنت الحظ، واخدين راحتهم، ومعرفش حد بالأسم ده.
كلها كانت أغانى فيها موسيقى حلوة وكلمات علمت مع الناس وحفظتها.
بصراحة أنا من معجبين عمرو دياب لكن بقوله أنت محتاج تركز شوية على الكلمات عشان الناس الى بتفضل مستينة متحبطش.
ومفيش داعي للتواجد وخلاص لإنك كده كده موجود على كل المنصات والمواقع وهتلاقى معظم الى بيعمل بحث عن عمرو دياب بيكون عن الأغانى القديمة أكتر من الجديدة وده أكيد هيلفت نظرك إن الأغانى القديمة كانت أحلى من دلوقتى.
ولا إحنا فعلاً كبرنا وعجزنا وراحت علينا خلاص؟
إذا عجبك المقال برجاء كتابة تعليق والضغط على الإعجاب.
مع تحياتى
د/ نشوى عبود
دكتوراة فى علم النفس الإكلينيكى
إستشارات نفسية – إرشاد أسرى
ت : 01227181401

https://www.facebook.com/DrNashwaAboud1

06/09/2025

من ساعة ما طلبت آرائكم فى طبيعة الشغل معانا فى الجلسات وبصراحة رسائلكم الجميلة اسعدتنى جدا والصورة
دى للناس المتابعة فى صمت وبتبعت على الخاص .
شكرا لكلامكم الحلو.بجد اسعدنى جدا. تحياتى للجميع.

06/09/2025

سؤال مهم لكل متابعى الصفحة:
ما هو الشىء المميز فى جلسات دكتورة نشوى سواء فى العيادة أو اونلاين؟
وهل تشعر باختلاف بينها وبين اى طبيب كنت متابع معاه من قبل؟
اتمنى الإجابة من كل الى حضر فى الجلسات وعارف طبيعة الشغل.
وشكرا لكم جميعا.

05/09/2025

الحمد لله حمداً كثيراً. جمعة مباركة عليكم جميعاً.

04/09/2025