دوائي .د/ أحمد وهدان

دوائي .د/ أحمد وهدان منصة علمية من خبراء متخصصين في الدواء والتحاليل والتغذية والتجميل
(1)

20/01/2026

معلومات مهمة عن الانسولين
خلي بالك
*الانسولين الي اتجمد باظ خلاص مبقاش فعال
* الانسولين ممكن يتحفظ بره الثلاجه لمده ٢٨ يوم يستخدم خلالهم
* الانسولين ميدخلش الثلاجه شويه ويخرج شويه بره
تغيير درجه الحراره بيكسره
* الانسولين لما يتخزن في الثلاجه صلاحيته لحد الاكسباير الي عليه ولو بره الثلاجه ٢٨ يوم ولو اتحل علي محلول او خرج من الفيال بتاعته يفضل ١٤ يوم
* اقلام الانسولين ممكن بره الثلاجه لمده ٢٨ يوم لا تقلق المهم ما تتعرضش لدرجه حراره اعلى من ٣٠ ولا تتعرض للشمس المباشره
* درجه الحراره مبتحولش الانسولين لماده ضاره لكن بتخلبه اقل فاعليه حسب الدرجه الي اتعرض ليها وحسب المده
الكلام ده ينطبق برده علي اوزمبك ومونجارو حقن التخسيس

19/01/2026

الموافقة على ويجوفى 25 حبوب للتخسيس كأول GLP حبوب للتخسيس 🎓🌹

كنت عملت فيديو فى ديسمبر 2025 وشرحت فيه كل شىء .. بس حابب اجمع كل شىء قلته فى الفيديو فى صورة بوست مكتوب لسهولة وسرعة معرفة أهم المعلومات

جمعتلك الخلاصة في 6 فقرات دسمين ... عشان تكون ملم بكل تفصيلة في الدواء الجديد ده 👇

🧬 1. العيلة الدوائية: الدواء ده بينتمي لعيلة الـ (Glucagon-Like Peptide-1 Receptor Agonists) أو اختصارا (GLP-1 RA) ... ودي العيلة اللي كانت حكر على الحقن سنين طويلة لأنها (Peptide) وبتتكسر في المعدة ... لكن الإعجاز العلمي هنا إنهم استخدموا تكنولوجيا اسمها سناك (SNAC Technology) ... ودي عبارة عن مادة (Absorption enhancer) بتحمي الدواء من حموضة المعدة وبتزود امتصاصه عشان يوصل للدم بفاعلية ... وبكده بقى عندنا أول (Oral Peptide) للتخسيس في العالم 🧬.

⚙️ 2. ميكانيزم الشغل: الدواء ده بيشتغل بذكاء شديد على محورين أساسيين فى الجسم ... الأول بيشتغل مركزى على المخ (Central Nervous System) وتحديدا مركز الشبع ... فبيبعت إشارات قوية للمخ انك شبعان ومش محتاج اكل (Satiety Promotion) ... والمحور التانى على المعدة (GI Tract) بانه بيبطأ حركة المعدة وتفريغ الاكل منها (Delayed Gastric Emptying) ... فالمريض يحس ان بطنه مليانة لفترة طويلة جدا بعد اقل كمية اكل ... والنتيجة النهائية هى (Caloric Deficit) قوى يؤدى لنزول الوزن 📉.

💊 3. الجرعات والتركيزات: النظام هنا لازم يمشى بالتدريج "سلم طالع" عشان نتفادى الأعراض الجانبية ... مبنبدأش بال 25 mg خبط لزق كده ... الكورس غالبا بيبدأ بتركيزات صغيرة زى (3 mg) لمدة شهر ... وبعدين نرفع ل (7 mg) ثم (14 mg) ... ولأول مرة فى التخسيس هنكمل ونوصل للجرعات العالية الجديدة (25 mg) وممكن نوصل ل (50 mg) يوميا ... وده عشان نوصل لنتايج تضاهى نتايج الحقن القوية زى ال (Wegovy) بالظبط 📊.

🤢 4. الآثار الجانبية المتوقعة: ضريبة التخسيس القوى ده بتكون غالبا فى الجهاز الهضمى (Gastrointestinal effects) ... اشهر شكوى هى الغثيان (Nausea) خاصة مع الناس اللى أصلا سهل يرجعوا من أى دواء أو نفسيا ... وممكن يحصل إسهال (Diarrhea) او إمساك (Constipation) ... الاعراض دى بتبقى فى قمتها مع بداية العلاج او مع كل رفعة جرعة (Dose Escalation).

❤️ 5. الفوائد على أعضاء الجسم: الموضوع مش بس تخسيس وشكل جمالى أو رياضى ... الدراسات (Clinical Trials) اثبتت ان الدواء ده كنز لمرضى القلب ... لانه بيقلل خطر الإصابة بالجلطات والسكتات الدماغية (CV Risk Reduction) ... ده غير تأثيره الساحر فى تقليل دهون الكبد (Fatty Liver) وتحسين مقاومة الانسولين (Insulin Sensitivity) ... وحماية الكلى (Renal Protection) على المدى البعيد ... يعنى إحنا بنعالج "متلازمة الايض" (Metabolic Syndrome) بالكامل مش بس بننزل كيلوهات على الميزان 🫀.

⚠️ 6. أهم نصائح الصيدلى للمريض (Patient Counseling): دى اهم نقطة ودورك المحورى هنا كصيدلى ... الدواء ده "حساس جدا" وطريقة بلعه هى سر مفعوله ... لازم يتاخد على "معدة فاضية تماما" (Fasting State) اول ما يصحى من النوم ... ويبلعه ب "بوق مية صغير" (لا يتعدى 120 مل) ... وممنوع ياكل او يشرب او ياخد اى دواء تانى لمدة "30 دقيقة كاملة" بعد الحباية ... اى تهاون فى التعليمات دى هيخلى الامتصاص صفر كأنه ماتخدش اصلا ... فلازم تأكد على النقطة دى مليون مرة 🚫.

Address

Cairo

Telephone

+201030906706

Website

Alerts

Be the first to know and let us send you an email when دوائي .د/ أحمد وهدان posts news and promotions. Your email address will not be used for any other purpose, and you can unsubscribe at any time.

Contact The Practice

Send a message to دوائي .د/ أحمد وهدان:

Shortcuts

Share

Share on Facebook Share on Twitter Share on LinkedIn
Share on Pinterest Share on Reddit Share via Email
Share on WhatsApp Share on Instagram Share on Telegram

Category