Dr.Ghada Heshmat

Dr.Ghada Heshmat Couples therapists

-- Child, Adolescent and Adult
Therapy
Family Therapist

26/10/2025

في لحظة معينة
You just stop explaining yourself
وتختار سلامك النفسي قبل أي حاجة، قبل الناس، قبل الضجيج، قبل حتى الكلام اللي وجعك!
Because peace isn’t a luxury, it’s survival
واللي يختار السلام النفسي عمره ما يخسر،
هو بس بدأ يمشي في طريقه الصح
amr shelil

26/10/2025

‏الرُّوحُ إذا آوتْ..داوَتْ
وإذا أحبَّتْ..أحيَتْ..!
والأرواحُ على صفائِـهَا تَتَلاقَىٰ ..

26/10/2025

مش كل رجل أو امرأة طباعهم صعبه يبقوا نرجسيين ...
ومش كل حد متقلب مزاجيا يبقى شخصية حدية أو ثنائي القطب ... النرجسية اضطراب يتميز بالأنانية المفرطة والتلاعب الشديد،
والحدية تتميز بالتطرف العاطفي والتعلق القلق ...
# الشخص الصعب ممكن يبقى عنيد أو متسلط لأن عنده أخطاء معرفيه تخليه غير مرن،
والعصبية ممكن تكون بسبب عدم التنشئة على التواصل الفعال وضبط النفس،
والتقلبات المزاجية ممكن يكون سببها التوتر،
لكن بالعلاج المعرفي قد يكتسب هؤلاء مهارات المرونة وضبط النفس وتهدئة التوتر ...
لكن اضطراب الشخصية هو تكوين غير سوى للبنية النفسية للشخص ...
ياريت بلاش كل واحد يشخص حسب خبرتة الحياتية
لأن التشخيص له معايير نفسية وأعراض سلوكية ونمط فكري وعاطفي خاص بكل اضطراب وبينهم متشابهات دقيقة يعرفها المتخصصين في الصحة النفسية.

24/10/2025

ليه عقلك بيخونك؟
يمكن عمرك ما سألت نفسك…
هو أنا ليه ساعات بتصرف ضد مصلحتي؟
ليه ممكن أقول لنفسي “كنت عارف” بعد ما أغلط؟
وليه ببقى عايز أتغيّر… بس مش قادر آخد الخطوة؟
الجواب مش فيك…الجواب جوا “عقلك”.
العقل اللي دايمًا بيحاول يحميك، بس أوقات بيخنقك.
اللي بيخاف يوجّعك، فبيحبسك في الأمان… حتى لو الأمان ده وجع أكبر.
عقلك مش دايمًا صاحي… بس دايمًا ناوي الخير
هو مش جهاز منطق، هو نظام إنذار.
بيخاف من الجديد، فبيحافظ على القديم.
بيبرر غلطك علشان يحافظ على صورتك قدام نفسك.
بيختار السهل بدل الصعب، والمعتاد بدل المجهول.
لكن الحقيقة إن “الراحة” اللي بيحاول يحافظلك عليها…
هي اللي بتسرق منك فرصتك إنك تكبر وتتطور.
ساعات العقل بيعمل فيك زي أب حنون بس قلق…
بيمنعك من الطيران، خوفًا إنك تقع.
بس مايعرفش إنك محتاج تقع شوية…
علشان تتعلم تطير.

جواك عقلين بيتكلموا بلغتين :
واحد سريع… بيسمع إحساسك ويجري.
واحد هادي… بيسمع ويفكر قبل ما يتحرك.
الأول بيقولك: “اللي راحة قلبك فيه هو الصح.”
والتاني يهمسلك: “طب استنى… هو ده فعلاً قلبك ولا خوفك؟”

الوعي بيبدأ لما تبطل تصدّق أول صوت جواك،
وتبدأ تسمع للصمت اللي بعده.

بنقع في نفس الغلط ليه؟
لأننا بنتغذى على “وهم الفهم”.
بنفتكر إننا عارفين نفسنا،
بس الحقيقة إننا بنعيش بنسخة قديمة منها.

تختار اللي بيطمنك، مش اللي بيناديك.
تدافع عن رأي مش لأنك مؤمن بيه،
لكن لأنك مش قادر تتحمل فكرة إنك كنت غلط.

أول طريق التحرر هو الملاحظة مش الحرب
مهاجمة نفسك مش وعي، الوعي إنك تبص لنفسك بحب وتفهمها.
اسأل نفسك :
– أنا بدافع عن فكرتي ولا عن خوفي؟
– أنا بتكاسل ليه؟
– إيه الإحساس اللي بيستخبى ورا كل “مش قادر”؟
كل إجابة منهم مفتاح لباب جواك كان مقفول من سنين.

خطوات استرجاع قيادة عقلك:
خُد نفس قبل القرار:
العشر ثواني دول ممكن يغيّروا مصيرك.
اكتب أفكارك المندفعة:
الكلمة على الورق بتفقد سحرها… وبتكشف حقيقتها.
راجع نفسك بصدق:
مش علشان تلومها، لكن علشان تفهمها.
اقبل إنك مش دايمًا على حق:
“أنا مش متأكد” جملة ممكن تنقذك من ألف غلطة.
اهدأ.
العقل الهادي بيشوف ما لا تراه العيون المتوترة.
الهدوء مش كسل… ده وعي على مهل.

“العقل مش دايمًا ضدك… بس محتاج تتعلم تمشيه على نور وعيك، مش على ظل خوفك.”
لما تفهم إن خيانة العقل مش خيانة فعلية،
بل محاولة بدائية للحماية…
ساعتها هتبدأ تصالح نفسك،
وتعرف إنك مش عايز “عقل جديد”
إنت محتاج “وعي اعمق
عماد_الحكيم

24/10/2025

"متصيد الأخطاء لم يمس الحُب قلبه ... وملتمس الأعذار قد فاض قلبُه حُبًا."

21/10/2025

في الحب لو اتبدل احساس الامان بالخوف
فقد اهم عنصر فية وتحول لعلاقة كلها قلق
والخوف والحب لا يجتمعوا كتير في قلب واحد
مشاعر مضادة
فبيحصل قلق الم ثم بعد

20/10/2025

كلمة عايز افرحة
عايزاة مبسوط
او بعمل كدة علشان افرحها
اشوفها فرحانة
من اعلي درجات الحب الحقيقي

20/10/2025

الحب الي في وحدة مبقاش حب بقي
عازب متزوج
اصعب كتير من عازب بيدور علي نصة التاني
الغربة والوحدة في العلاقات من اكثر المشاعر قسوة

19/10/2025

الست الودنية لا تؤتمن في ود او عشرة

19/10/2025

الرجل قليل الكلام مرهق وغامض

19/10/2025

لو مش حاسس ان لك الاولوية والاهمية في بداية العلاقة اعرف ان العلاقة هتنتهي بانك ولا شيء

18/10/2025

في العلاقات
لما تقول الي يضايقك ذي ما متقولش
يبقي متقولش
لان مفيش ليك خاطر
مش معمول قيمة لزعلك
محتاج تراجع حساباتك تاني انك تستمر في العلاقة او لاء

Address

407 Ninty Street South
Cairo

Opening Hours

Monday 12pm - 6pm
Tuesday 12pm - 6pm
Wednesday 12pm - 6pm
Thursday 11am - 5pm
Sunday 12pm - 6pm

Website

Alerts

Be the first to know and let us send you an email when Dr.Ghada Heshmat posts news and promotions. Your email address will not be used for any other purpose, and you can unsubscribe at any time.

Shortcuts

Share

Share on Facebook Share on Twitter Share on LinkedIn
Share on Pinterest Share on Reddit Share via Email
Share on WhatsApp Share on Instagram Share on Telegram