Nutritionist • Gazzar recovery

Home
Egypt
Cairo
Nutritionist • Gazzar recovery

Contact information, map and directions, contact form, opening hours, services, ratings, photos, videos and announcements from Nutritionist • Gazzar recovery, Nutritionist, Cairo.

🏃‍♀️ Nutritionist • Saeed Elgazzar is a nutrition and athletic rehabilitation specialist at Smouha Club
📍ISSA SFN certified
📌online coach
🏊‍♂️ A page specialized in rehabilitation, nutrition, and recovery for swimmers and modern pentathlon athletes 🏊‍♂️ Gazzar Recovery Academy
أول أكاديمية عربية أونلاين في مصر والعالم العربي متخصصة في تغذية السباحين ولاعبي الخماسي الحديث.
نقدّم برامج تغذية وريكفري احترافية بإشراف د. سعيد الجزار — استشاري تغذية الرياضيين والتأهيل الحركي.

🎯 هدفنا: رفع أداء الرياضيين، تسريع الاستشفاء، وتحقيق أفضل النتائج في البطولات.
📩 تابعنا لمحتوى علمي، خطط غذائية، ونصائح احترافية مصممة خصيصًا للرياضيين.

05/12/2025

لا حول ولا قوة إلا بالله والله العظيم ما ليا نفس انزل اي حاجه تخص محتوي الصفحه.

05/12/2025

🚨🚨🚨 إغماء البطولات

السباح 🏊‍♂️
ممكن اعرف يا كوتش إيه سبب حدوث الإغماء للسباح داخل البطوله؟

الكوتش👨‍🏫
دي حاله اسمها
Shallow Water Blackout
ومعناها الإغماء المفاجئ تحت الميه بسبب نقص الأكسجين من غير ما الشخص يحس إن فيه خطر… وده بيحصل غالبا بعد كتم نفس طويل أثناء السباحة أو الغوص في مياه ضحلة.

❗ الفكرة ببساطة:

لما السباح ياخد شهيق كبير ويبدأ يكتم نفسه مدة طويلة…
ثاني أكسيد الكربون في الدم بينزل جامد، وده بيأخر الإحساس بالاختناق.
لكن الأكسجين بينزل أكتر وأكتر… لحد ما يوصل لمرحلة خطيرة فجأة والمخ يفصل → فيغمى عليه تحت الميه.

🔥 ليه الموضوع خطير؟
لأن السباح بيفقد الوعي فجأة وهو لسه شكله طبيعي…
مالوش مقدمات… مفيش كحة… مفيش شعور بالاختناق… فجأة ينام تحت الميه.

السباح 🏊‍♂️
وده بيحصل فين يا كوتش؟

الكوتش 👨‍🏫
📌 بيحصل غالبا في:
🏊‍♂️ سباحات السرعات خصوصا الـ 50M و 100M
🏊‍♂️ سباحة الباك
🏊‍♂️ سباحة لمسافات طويلة

1️⃣ السباح بيقلل مرات التنفس

في السرعات السباح:
• ياخد نفس أقل
• يحاول يحافظ على شكل جسمه
• ممكن يعمل لفة طول كامل بدون نفس

ده يخلي الأكسجين يقل… وثاني أكسيد الكربون يتجمع.

2️⃣ لو عامل Hyperventilation قبل السباق

بعض السباحين بياخدوا أنفاس سريعة قبل السباق عشان يحسوا إن صدرهم “مفتوح”.
ده بيقلل CO₂ ويمسح إحساس الاختناق، وده لو اتجمع مع قلة النفس أثناء السرعة → خطر الـ blackout يزيد.

3️⃣ المجهود العنيف يزيد سحب الأكسجين من المخ

لان السرعة القصوى اللي بيوصلها السباح بتخلي العضلات “تسحب” أكسجين سريع جدًا…
والأكسجين في الدم بينزل بسرعة كبيرة.
فالمخ يوصل لمرحلة نقص أكسجين شديد بدون ما يدي إنذار…
فتحصل نفس فكرة الـ Shallow Water Blackout.

السباح🏊‍♂️
طيب هل فعلا في العالم كله تم الغاء التدريب علي كتم النفس؟

الكوتش 🏊‍♂️
ايوه يا بطل الكلام ده اتلغي نهائيا من سنه 2000
و الأبحاث اثبتت انه في منتهي الخطوره و كل الابحاث الجديده بتنصح و بتأكد التدريب علي تنظيم النفس وليس كتم النفس 👌
عشان هو السبب الأول في حالات Shallow Water Blackout عند السباحين المحترفين والهواة. 👌

السباح 🏊‍♂️
طيب لا قدر الله لو الاغماء ده حصل مع سباح ايه اللي المفروض يحصل؟

الكوتش 👨‍🏫
- نزول فوري من فريق الانقاذ الي السباح
- إفاقة السباح و عمل الاسعافات اللازمه ووضعه علي أجهزة التنفس وسط فريق كامل من الجهاز الطبي القائم علي البطوله. و سيارة اسعاف مجهزه بالكامل.
- نقل السباح الي المستشفي لعمل الكشف الطبي اللازم للاطمئنان علي حالته.

حتي و إن حدث ولكن الإسعاف الفوري قد ينقذ حياه 👌👌👌👌

04/12/2025

مهم جدا 🚨🚨🚨
حكاية السباح و نقص الأكسجين 🏊‍♂️👌

🏊‍♂️💭 السباح:
بقولك يا كوتش هو فعلا ممكن سباح يفقد الوعي في بطوله بسبب نقص الأكسجين؟ 😳

👨‍🏫🔥 الكوتش:
طبعا يا بطل الموضوع ده خطير جدا ولازم تعرف اسبابه 👌

🏊‍♂️💭 السباح:
قول يا كوتش

👨‍🏫🔥 الكوتش:
طيب ركز وعد معايا

1️⃣ مجهود جامد جدا بدون تنفس كافي 💢😤
وده بيأدي استهلاك أكسجين أسرع من الطبيعي و تراكم حمض لاكتيك عالي
بعدها دوخة أو فقد تركيز آخر 10–15 متر
ولو فقد الوعي يحصل غرق فورًا 💀🌊

2️⃣ دخول مية في مجرى الهواء 💦😵
نقطة مية واحدة لو دخلت غلط أثناء التنفس الجانبي شوف تعمل ايه

انقباض لحظي في الحنجرة
تمنع دخول الهواء ثواني
تسبب اختناق مفاجئ
بعداها دوخة أو فقد وعي لو اللاعب كمل وهو مخنوق
ودي بتحصل في السرعات العالية جدًا.

3️⃣ اضطراب مفاجئ في ضربات القلب ❤️⚡
السباق القصير بيجمع بين:

مجهود 100%
توتر عصبي
أدرينالين عالي
لو اللاعب عنده استعداد بسيط لمشاكل نبض، يحصل:
تسارع أو عدم انتظام
دوخة
فقد وعي
غرق خلال ثواني.

4️⃣ هبوط سكر الدم أو ضعف التغذية قبل السباق 🍯⚡
لو اللاعب:
صايم
واكل قليل
أو عنده مشاكل تنظيم سكر
يحصل: ضعف حاد آخر السباق
رعشة
دوخة
فقد وعي مفاجئ.

5️⃣ تشنج عضلي قوي أثناء السباحة 💢⚡
تشنج عضلة الفخذ أو البطن فجأة:

يمنع اللاعب من الطفو الطبيعي

يعطل النفس
يسبب هلع
ممكن يؤدي لفقد وعي وغرق.

6️⃣ مشاكل صحية غير مكتشفة 🩺⚠️

🏊‍♂️💭 السباح:
طيب ايه الحل يا كوتش لو حاجه من دي حصلت 😰

👨‍🏫🔥 الكوتش:
الكارثه دي مشكله لازم تتلحق فورا والا تتحول لكارثه ⚠️💥

🏊‍♂️💭 السباح:
ازاي يا كوتش 😳

👨‍🏫🔥 الكوتش:
لازم يتوفر عوامل الأمان والسلامة الضرورية للسبّاحين في البطولات وده عن طريق:

1️⃣ وجود منقذين مدربيين وواقفين في نقاط واضحة 🛟💪
مش أي منقذ و خلاص…. لازم:
يعرف يتعامل مع فقد الوعي في الماء
يعرف يسحب اللاعب بسرعة
جاهز في أي لحظه بأجهزة الإنعاش الأساسي (CPR + AED)

2️⃣ تقييم طبي كامل قبل البطولات 🩺📊
خصوصًا للرياضيين المنافسين:

رسم قلب (ECG)

ضغط وسكر

3️⃣ تغذية وسوائل وسكر دم مضبوط قبل السباق 🍌💧
قبل 30–60 دقيقة:

سناك كربوهيدرات بسيط
شرب مياه كفاية
تجنب السباق على معدة فاضية تمامًا
ده يحمي من الهبوط اللي يؤدي لفقد الوعي.

4️⃣ تعليم السباح التعامل مع شرقة المايه 💦😵
أي سباح لازم يتعلم:

لو حصلت شرقة يهدأ
يطلع على سطح المياه فورًا
ما يكملش السباق وهو مخنوق
لان انقاذ الحياة اهم من البطولة 🥇❌

5️⃣ لازم متابعة علامات الإرهاق قبل السباق 😓⚠️
لو اللاعب عنده:

دوخة
غثيان
تنفس سريع
صداع
إجهاد شديد
لازم يتمنع من السباق فورًا.

6️⃣ لازم السباح يتدرب صح على النفس 🫁💪
الهدف:

تنظيم دخول الهواء
التنفس المنتظم
ما يقللش النفس زيادة عن اللزوم
يتعلم يتنفس من بدري في السباق مش آخره
ده يمنع نقص أكسجين شديد.

7️⃣ وجود فريق طبي مجهز بجانب حمام السباحه 🩺⚡
لازم يكون فيه:

أكسجين

جهاز صدمات كهربائية (AED)

حقيبة إسعافات كاملة

🏊‍♂️💭 السباح:
ياااااااه يا كوتش ده الموضوع خطير!!! 😱🔥

👨‍🏫🔥 الكوتش:
الموضوع في منتهي الخطوره يا بطل ولازم كلنا ناخد بالنا و ده الطبيعي في أي بطولة 👌

04/12/2025

نداء عاجل الى / فخامة السيد رئيس الجمهورية
هناك اهمال جسيم ادى الى وفاه طفل كان حلمه يكون بطل. حيث قامت البطولة فى مكان ينقصه عوامل الامن و السلامة و المراقبه و الرعايه الطبيه و اداره بطوله و حمام لا تعرف معني المسؤليه و ليس هناك من يمثلنا و يمثل الدوله و قادر علي اتخاذ القرار الصحيح غير سيادتكم.
سياده الرئيس
ابن من ابناءك توفى فى غياب اليقظه و الاهتمام و تحمل المسؤليه.
و شكرا جزيلا لسيادتكم.

03/12/2025

يوسف محمد. الحاره 7️⃣💔
الموضوع مش مستحمل كلام. الكلام مش حيغير واقع حصل. الكلام ده بصفه عامه علشان تحافظ علي حياة إبنك اللي محدش. في الدنيا حيخاف عليه زيك اظن الكلام واضح.
نصيحه لوجه الله لكل ولي أمر 👇

✅ ابنك تركز معاه من اول ما ينزل لحد ما يطلعلك بأمان 👌

❌ متنزلش ابنك بطولة غير وانت متأكد إن اتعمله فحص طبي مظبوط.

❌ متنزلش ابنك بطولة من غير ما تعرف أخبار النبض بتاعه إيه ❤️‍🩹.

❌ متنزلش ابنك بطولة غير وانت متأكد إن كل تحاليله مظبوطة… خصوصًا الهيمجلوبين 🩸.

❌ متنزلش ابنك بطولة غير وانت متأكد إن ضربات قلبه مظبوطة ❤️.

❌ متنزلش ابنك بطولة وهو واخد كافيين قبل البطولة ☕… لا جرعة زايدة ولا مش زايدة.

❌ متنزلش ابنك بطولة مش شايف فيها جهاز طبي ولا لايف جارد 🚑🏊‍♂️.

❌ متنزلش ابنك بطولة وتجازف بروحه… وإنت عارف إن التغذية بتاعته بايظة ومش هتتحمل مجهود بطولة 🍽️⚠️.

✔️ متنزلش ابنك بطولة على حساب حياته 👌❤️
كلامي موجه لك كولي أمر لان محدش حيخاف علي ابنك اكثر منك و هذا ليس اتهاما لك بالتقصير و لكن لتجنب أخطاء كل من له دور في هذا الخطأ الجسيم 👌
خلص الكلام ✋

02/12/2025

إنا لله وإنا إليه راجعون
[ يَا أَيَّتُهَا النَّفْسُ الْمُطْمَئِنَّةُ ارْجِعِي إِلَى رَبِّكِ رَاضِيَةً مَّرْضِيَّة فَادْخُلِي فِي عِبَادِي وَادْخُلِي جَنَّتِي ]
توفى الى رحمة الله تعالى السباح يوسف عبد الملك سباح نادى الزهور لمرحلة ١٢ سنة ربنا يصبر أمه و أبوه ويسكنه فسيح جناته ويلهم أهله وذويه الصبر والسلوان.

01/12/2025

حكاية السباح مع الكاكا 🏊‍♂️

السباح 🏊‍♂️
بقولك يا كوتش 🧢 بيقولوا الكاكا جامده جدا للسباحين 😍 ايه الحوار ده ؟

الكوتش 💪:
يااااااااه يا بطل 😎 هي جامده بس؟

السباح 🏊‍♂️
طيب ماتجيب الفايده يا كوتش 😅

الكوتش 💪:
طيب اسمع يا بطل و سجل يا تاريخ 📝

🥇 أولًا: الكاكا مصدر طاقة سريع جدًا ⚡

لأنها غنية بالكربوهيدرات الطبيعية (حوالي 18–20 جم لكل 100 جم) أغلبها من الجلوكوز والفركتوز،
وده بيديلك طاقة سريعة قبل أو بعد التمرين.

وكمان مثالية كـ وجبة قبل التمرين بـ45–60 دقيقة لأنها ما تسببش ثقل في المعدة 😋

💪 ثانيًا: الكاكا بتساعد على التعافي العضلي 🩸

لأنها بتحتوي على البوتاسيوم والمغنيسيوم، وده بيساعدك على:
✅ تقليل الشد العضلي بعد السباحة.
✅ إعادة توازن الأملاح بعد التعرّق الشديد.

ده غير إن فيتامين C العالي فيها 🍊 بيساعد في تقليل الالتهابات وتسريع شفاء الأنسجة العضلية.

❤️ ثالثًا: الكاكا بتساعد في تحسين وظائف القلب والدورة الدموية 🫀

لأنها غنية بمضادات أكسدة قوية زي البيتا كاروتين والفلافونويد، وده بيساعد على:
💨 تحسين ضخ الدم أثناء المجهود.
🛡️ حماية القلب من الإجهاد التأكسدي الناتج عن التدريب الطويل.

🧬 رابعًا: الكاكا مهمة جدًا في دعم المناعة في فترات الحمل التدريبي 💥

لأن غناها بفيتامينات A وC وE يقوي الجهاز المناعي 🦠
ويقلل فرص الإصابة بنزلات البرد 🤧 خصوصًا في المواسم الباردة لما يكون التدريب في الماء.

🍃 خامسًا: الكاكا مفيدة للهضم والمعدة 😌

لأن أليافها بتساعد على:
🌀 تنظيم حركة الأمعاء.
🚫 منع اضطرابات الجهاز الهضمي بعد الوجبات.

السباح 🤽‍♂️:
طيب امتى ناكلها يا كوتش؟ ⏰

⚡ أفضل توقيت تاكلها فيه:
🥭 قبل التمرين بـ 45 دقيقة → طاقة سريعة + خفيفة على المعدة
🥭 بعد التمرين مباشرة → لتعويض الجليكوجين
🥭 خلال اليوم كسناك → مصدر طبيعي للطاقة والمغذيات

و بالنسبة لو سباح عنده مقاومة انسولين او سكري 🩺:
تُؤكل بكميات محدودة (نصف ثمرة متوسطة) لأنها مرتفعة نسبيًا في السكر.

🍒 نصيحة مهم تعرفها :
❌ متاكلش الكاكا مع البروتين الحيواني أو منتجات الألبان الثقيلة في نفس الوجبة
لأنها ممكن تبطّئ الهضم.

✨ نهاية الكلام ✨
كلها طريه و مسكره 😋 عشان الناشفه ممرره 🤗

مع Gazzar Recovery 🍒🐎
💪 الحكايه مبتنتهيش 💪

وبس خلاص 🤗

29/11/2025

شدوا حيلكم يا أبطال شغلوا النيتروس 🔥
و إنزلوا بقوة الحصان الأسود 🐎🏊‍♂️

29/11/2025

حكاية السباح والجبنة القريش 🏊‍♂️ 🧀

👦 السباح
يا كوتش، كل الناس بتقول إن الجبنة القريش مهمة للسباح، بس أنا بصراحة مش بحبها خالص كلها فتافيت و مبتجيش معايا … الكلام ده صح ولا ايه الدنيا ؟

👨‍🏫 الكوتش

انت اللي بتاكلها غلط يا وحش 💪 انا حخليك تحبها و تنسي الفتفته 😂
بس لازم تعرف فايدتها الاول 👌
الجبنه القريش فيها بروتين عالي 🥩 بيبني عضلاتك ويحافظ عليها.

و فيها كالسيوم 🦴 يقوي العظام و يخليها اد المجهود .

و فيها أحماض أمينية 🧬 تساعدك على الريكفري بعد التمرين.
يعني بصراحة حاجه جامده اخر حاجه !

👦 السباح:
طب ما أنا مش قادر أبلعها فتافيت يا كوتش فتافيت 😂 أعمل إيه؟

👨‍🏫 الكوتش

ولا يهم انسي الفتفته ويلا ناكلها كريمي 👌
خلي والدتك تضربها في الخلاط مع كوباية زبادي مع إضافات تخليها أجمد من أي جبنة:
✨ مرة مع زيتون 🫒
✨ مرة مع بسطرمة 😋
✨ مرة مع حبة البركة وزيت الزيتون 🌿

وساعتها هتحس إنك بتاكل احلي كيري 🤗
وعيش يا بطل احلي تمرين 🏊‍♂️

الجبنة القريش مش لازم تتاكل ناشفة مفرفته 👌

مع🐎 Gazzar recovery 🍒حتعرف تاكل القريش من غير فتافيت 😉

وبس خلاص 🤗

27/11/2025

جاهز تكسر أرقامك في بطولة الجمهورية ؟🔥
لو إنت سباح زعانف وعايز تدخل البطولة بأعلى طاقة وقوّة… يبقى لازم تبدأ تجهيزك من دلوقتي 💥🏊‍♂️

✨ Gazzar Recovery
هو المكان الوحيد اللي هيدخلك البطولة جاهز بدنيا و غذائيا 💯 👇

اللي هتاخده معانا 💪

✅ برنامج غذائي كامل مصمم لشخصك أنت وبس
💪 دعم عالي باقوي الفيتامينات والمعادن
🍚 توزيع بروتين وكارب مضبوط للسباحين
🛡️ خطة تغذية قويه تناسب بطولتك و تأهلك لحد البطوله
🥤 مشروبات ريكفري قوية تعملها بسهولة في البيت
🧊 بروتوكول ريكفري كامل بعد الأحمال والبطولات (حمامات ثلج – مساج – تدفئة)
تقدر تنفذه في المكان اللي تحبه

⚡ اختار اللي يناسبك:

🔹 برنامج تجهيز البطولة فقط
🔸 أو متابعة شهرية كاملة

🎁 المفاجأة:
مشتركي المتابعة الشهرية بياخدوا برنامج تجهيز البطولة كامل مجانًا 🥇

🍒🐎 مع Gazzar Recovery… طاقتك عمرها ما هتخلص.
ابدأ دلوقتي وادخل البطولة وأنت في أقوى نسخة منك 🚀

📩 اسأل دلوقتي عن تفاصيل تغذية البطولات و المتابعة الأونلاين مع Gazzar Recovery

Address

Cairo

Website

https://payhip.com/Gazzarrecoveryacademy

Alerts

Be the first to know and let us send you an email when Nutritionist • Gazzar recovery posts news and promotions. Your email address will not be used for any other purpose, and you can unsubscribe at any time.

Contact The Practice

Send a message to Nutritionist • Gazzar recovery:

Shortcuts

Want your practice to be the top-listed Clinic in Cairo?

Nutritionist • Gazzar recovery

05/12/2025

05/12/2025

04/12/2025

04/12/2025

03/12/2025

02/12/2025

01/12/2025

29/11/2025

29/11/2025

27/11/2025

Address

Website

Alerts

Contact The Practice

Shortcuts

Share

Category