14/10/2025
ايه هي الاعراض أو الداعي الطبي اللي محتاج اروح لاستشارية رضاعة طبيعية ؟
١) جلسات ما قبل الولادة لان ده اكتر وقت الأمهات بتبقى مركزة فيه انها تعرف كل المعلومات اللي تخص الرضاعه وازاي احافظ عليها من اول لحظة بعد الولادة وايه الحاجات الصح وايه المعتقدات الخطأ المنتشرة اللي محتاجين نتجنبها
٢) بعد الولادة مباشرة لمعرفه أوضاع الرضاعة المناسبة للأم والطفل وتفادي مشاكل الالتقام والوجع لانه مش طبيعي خالص انه يبقى في وجع مع الرضاعة
٣) متابعة وزن الطفل مع الرضاعة الطبيعية عشان نتفادي اي نقص للوزن أو أي اضطراب في إنتاج اللبن لان اهم حاجة الاكتشاف المبكر للمشاكل دي بيحلها أسهل وأسرع
٤) جلسات إعادة الارضاع في حالات قلة اللبن لاي سبب وكيفية التعامل معها وبروتوكول إعادة الارضاع
٥) حالات التهاب الثدي وخراج الثدي للمحافظة على الرضاعة الطبيعيه وتفادي الحدوث المتكرر لذلك
٦) علاج التهاب وتشقق الحلمات ده السبب الرئيسي فيه هو وضع الرضاعة الخطأ
مش كريمات ولا مرطبات خالص اللي هتحل المشكلة دي
٧) جلسات امهات الكفالة الابطال لبداية بروتوكول تحفيز انتاج اللبن لتحضير الرضعات المشبعات للاطفال المكفولين
دمتم سالمين
