Dr. Ahmed Fares - Nutrition Coach

15/02/2026

ليه وزنك مبيتحركش؟ سر "خداع الجسم" و إزاي تستخدم "الدايت بريك" عشان ترجع تخس تاني؟

بتعمل دايت بقالك فترة وفجأة الميزان مبيتحركش؟ حاسس إنك "بتشم الأكل وبتتخن"؟ في الفيديو ده هنعرف ليه بيحصل ثبات في الوزن وايه هي ظاهرة التأقلم (Metabolic Adap...

08/02/2026

في الفيديو ده هنعرف مع بعض:

السر وراء الويجوفي: ليه هو نفسه الأوزمبيك بس ببراند مختلف؟

لعبة شركات التأمين: ليه الأوزمبيك للسكر والويجوفي للتخسيس؟

الجرعات والتركيزات: ليه الويجوفي بيوصل لتركيز 2.4 ملغ وايه فايدة ده؟

إزاي بتخسسك؟ مفعول الحقنة الأسبوعية على "دوشة الأكل" وحرق الدهون.

تحذيرات مهمة: التحاليل المطلوبة ومين الناس اللي ممنوع تلمس الحقن دي؟

الرضاعة والحمل: هل ينفع نستخدم الويجوفي في الفترات دي؟

أخيراً حقن الويجوفي (Wegovy) وصلت، والكل بيسأل إيه الجديد وايه الفرق بينها وبين حقن الأوزمبيك؟ في الفيديو ده هنكشف المفاجأة اللي الشركات مش عايزة تقولها بوضو...

02/02/2026

الفترة الأخيرة فيه كلام كتير جداً إن أي حد بياخد حقن الـ GLP-1 (زي الأوزمبيك والمونجارو) وزنه هيرجع يزيد تاني بمجرد ما يوقف.. لكن الحقيقة إننا محتاجين نبص على "تصميم الدراسات" اللي قالت كده قبل ما نحكم.
​لو حللنا دراسات كبيرة زي STEP-1 و SURMOUNT-4، هنلاقي إن زيادة الوزن حصلت لسببين واضحين جداً:
​1- التوقف المفاجئ: المشاركين في الدراسة وقفوا الحقن مرة واحدة وهم على أعلى جرعة، من غير أي تدريج (Down-titration).
​2- رفع الدعم فجأة: بمجرد ما وقفوا الحقن، وقفوا معاها كمان المتابعة الغذائية والرياضية اللي كانت موجودة طول فترة الدراسة.
​بيولوجياً.. إيه اللي بيحصل؟
الجسم لما بيفقد وزن، بيبدأ يدافع عن نفسه عن طريق زيادة هرمونات الجوع وتقليل معدل الحرق. لما بنسحب الدواء "فجأة" وهو في قمة تأثيره، إحنا بنسيب المريض يواجه الجوع ده لوحده ومن غير أي خطة حماية، فطبيعي يحصل ارتداد للوزن.
​
​السمنة مرض مزمن: والأمراض المزمنة مش محتاجة "كورس" ونخلص، محتاجة خطة إدارة طويلة المدى.
​مبدأ الـ Deprescribing: في شغلي، مفيش حاجة اسمها نوقف الدواء مرة واحدة. لازم نمشي بمبدأ سحب الجرعات بالتدريج، وفي نفس الوقت نكون بنقوي "عادات الأكل والنشاط البدني" عشان هي دي اللي هتسندك لما مفعول الدواء يقل.
​الهدف مش بس الرقم على الميزان: الحقن دي وسيلة بتساعدنا نتحكم في الشهية عشان نعرف نبني أسلوب حياة صح، لو استعملناها كحل وحيد من غير تغيير حقيقي، يبقى بنأجل المشكلة مش بنحلها.
​الخلاصة:
زيادة الوزن بعد الحقن مش قدر محتوم، هي نتيجة لغياب خطة الانتقال (Transition Plan) من الدواء للحياة الطبيعية. السؤال اللي المفروض نسأله مش "هل الوزن هيزيد؟"، السؤال هو "إزاي ننتقل بأمان من مرحلة العلاج لمرحلة الحفاظ على الوزن؟".
​د. أحمد فارس
Clinical Pharmacist & Nutrition Coach

30/01/2026

ناس كتير بتتعامل مع التبديل بين ريبيلسيس وأوزمبك كأنه نفس الدوا بس شكل مختلف
وهو فعلا نفس المادة Semaglutide بس التحويل ليه قواعد عشان مايحصلش stacking ولا نقص فعالية خصوصا مع ريبيلسيس اللي امتصاصه حساس جدا

1️⃣من ريبيلسيس لأوزمبك
التحويل اللي مكتوب بشكل واضح في النشرة هو السيناريو ده
لو المريض مستقر على Rybelsus 14 mg يوميا
تقدر تحوّله لـ Ozempic 0.5 mg أسبوعيا
وتبدأ الحقنة تاني يوم بعد آخر قرص

ولو المريض مش على 14 مجم أو لسه بيطلع في جرعات أقل
ساعتها غالبا المنطقي يكون الالتزام بـ titration الأوزمبك المعتاد لتقليل أعراض المعدة
0.25 أسبوعيا 4 أسابيع ثم 0.5 وهكذا

2️⃣ من أوزمبك لريبيلسيس

برضه النشرة محددة التحويل الموثق ده
لو المريض على Ozempic 0.5 mg أسبوعيا
ممكن يتحول لـ Rybelsus 7 mg أو 14 mg يوميا
ويبدأ ريبيلسيس خلال 7 أيام من آخر حقنة (وغالبا بنخليه على ميعاد الحقنة اللي بعدها)

ملاحظة مهمة جدا
مفيش جرعة مكافئة من ريبيلسيس لو المريض كان ماشي على Ozempic 1 mg

3️⃣الغلطة اللي بتبوّظ الاستجابه مع ريبيلسيس حتى لو الجرعة صح
ريبيلسيس مش قرص عادي
لازم يتاخد
أول ما تصحى
على معدة فاضية
بمياه بس وبكمية صغيرة حد أقصى 4 أونصات (120ml)
وتستنى 30 دقيقة قبل أي أكل أو شرب أو أدوية بالفم
غير كده الامتصاص يقل والنتيجة تبان كأن الدوا مش شغال
(شرحناها بالتفصيل قبل كده)

4️⃣تداخلات مهمه
الريبيلسيس بيأخر إفراغ المعدة فممكن يغيّر امتصاص أدوية بالفم
وفي الدراسات زوّد تعرض الـ Levothyroxine بحوالي 33%
فتابع وراقب خصوصا لو الجرعات حساسة

5️⃣مينفعش ريبيلسيس وأوزمبك مع بعض
وخلي التحويل دايما منظم لأن نصف عمر السيماجلوتايد طويل والتداخل في التوقيت يفرق

اتكلمت بالتفصيل عن الادويه دي عندي على قناة اليوتيوب

30/01/2026

أدوية GLP-1 زي مونجارو أو أوزيمبك ماينفعش تتوقف فجأة، لأن السمنة أصلًا مرض مزمن...

اللي بيحصل في الواقع إن الجسم بيتعود على الدوا، الشهية بتقل، الوزن ينزل…

فلما يتشال الدوا مرة واحدة، الجوع بيرجع بسرعة، والوزن غالبا بيرجع.
علشان كده الإيقاف الصح له شكل واضح:

أول حاجة، ما نفكرش في الإيقاف غير لما الوزن يثبت،
والأكل يبقى منتظم، والنشاط اليومي يبقى عادة يوميه

بعد كده، الجرعة بتتقلل واحدة واحدة.

أقل جرعة شغالة، وفواصل أطول بين الجرعات،
مش قطع مفاجئ وخلاص.(إلا في بعض الحالات ممكن نوقف فيها فجأه)
وفي نفس الوقت، لازم نركز على أسلوب الحياة أكتر (حركه يوميه، تمرين، اكل صحي)
بروتين أعلى، أكل فيه الياف اكتر، تمارين مقاومة، نوم مظبوط.
لأن الشهية هترجع، ودي حقيقة بيولوجية مش ضعف إرادة.
أخطر فترة فعلًا هي بعد التقليل أو الوقف.
هنا المتابعة لازم تبقى قريبة:
لو الوزن بدأ يطلع، لو الجوع زاد، لو الحركة قلت… نلحق نفسنا بدري.
وعشان كده، لازم يكون في خطة إنقاذ من الأول:
لو زاد الوزن كام كيلو نوقف التقليل؟
إمتى نرجع خطوة ورا؟
وهل الشخص ده محتاج جرعة محافظة طويلة المدى؟
الخلاصة؟
الدواء ده مش كورس.
هو أداة ضمن رحلة طويلة.
والإيقاف الذكي أهم بكتير من النزول السريع.

د احمد فارس

27/01/2026

بعد التغيرات الجديده في الهرم الغذائي الامريكي ...
بوست على صفحه وزاره الزراعه الامريكية بينصح الناس تشرب لبن كامل الدسم ..

بعد ٤٠ سنه من الدعاية الكاذبه و المضلله لمنتجات منزوعه الدهون ..low fat/ skimmed

و ده اللي كنا بنقول عليه من سنين ..
ماتخفش من الدهون في الاكل

هتكلم بالتفصيل عن الهرم الغذائي الجديد 2026 في الفيديو القادم على اليوتيوب

18/01/2026

النهارده في ضجة كبيرة حوالين حقن التخسيس
ناس بتتكلم عن Ozempic
ناس عن Mounjaro
وقليل جدًا اللي فاهم إن في جيل جديد جاي يقلب اللعبة اسمه Retatrutide.

في الفيديو ده هنشرح ببساطه:
أدوية التخسيس بتشتغل إزاي جوه الجسم؟
الفرق بين:

GLP-1 (أوزمبيك – ساكسندا)
GLP-1 + GIP (مونجارو)
GLP + GIP + Glucagon
Triple Agonist (Retatrutide)
الجيل الجديد

ليه أغلب الناس بتخس وزن… بس بتخسر عضلات؟
إزاي تحافظ على الكتلة العضلية أثناء استخدام الحقن
أشهر الـ Side Effects (الارتجاع – الخمول – الدوخة) وطرق تقليلها

التحاليل الأساسية اللي لازم تعملها قبل ما تبدأ

مين ينفع له الدواء ومين ممنوع يستخدمه

هل Retatrutide هيكون بديل لعمليات التكميم فعلًا؟

⚠️ مهم جدًا:
حقن التخسيس مش حل سحري، ومينفعش تتاخد لوحدك من غير إشراف طبي وتحاليل، خصوصًا لو عندك تاريخ مع البنكرياس أو الجهاز الهضمي.

النهارده بقى في ضجة كبيرة حوالين حقن التخسيسناس بتتكلم عن Ozempicناس عن Mounjaroوقليل جدًا اللي فاهم إن في جيل جديد جاي يقلب اللعبة اسمه Retatrutide.في الفيد...

23/09/2024

الميزان مش مهم في الدايت، ركز في العلامات دي دليل على نزول الوزن

22/09/2024

اشهر ادوية زيادة الحرق و التخسيس (هتخس ١٠ كيلو في الشهر)😉

21/09/2024

ازاي نقدر نزود معدل حرق الجسم للدهون

20/09/2024

ازاي نثبت الوزن؟ طريقة تثبيت الوزن بعد الرجيم

19/09/2024

ازاي تخس من غير ما تلتزم بالدايت