https://www.facebook.com/107978905124585/

معاً - مروة عادل, 3 Ibrahim, El-Montaza, Heliopolis, Cairo Governorate, Cairo (2025)

06/07/2025

هل وصلت لمرحلة بتحس فيها إنك مش فاهم نفسك؟
حاسس إنك محتاج مساحة… تتنفس فيها وتفهم اللي بيحصل جواك؟
أيوه، كلنا مرينا باللحظة دي…

علشان كده، ولأول مرة، انطلقت "إرشاد أكاديمي" 🎉
منصة عربية، مصمّمة علشان تكون اليد اللي تسند، والعقل اللي يفهم، والقلب اللي يسمع.

مش مجرد دورات…
إرشاد = رحلة دعم نفسي وأسري حقيقي، بلغة بسيطة، وبمحتوى علمي معتمد.

والمفاجأة؟
بمناسبة الإطلاق…
بنقدملك كورس مجاني بالكامل من أكثر الموضوعات تأثيرًا وطلبًا:

🎓ورشة: الاحتراق النفسي – كيف تكتشفه وتتعافى؟
- أونلاين
- مدربين معتمدين
- محتوى علمي + خطوات عملية
- لأول 1000 شخص فقط!

استخدم كود الهديّة: ERSHAD100
علشان تدخل الورشة مجانًا بالكامل (بدون بطاقة – بدون شروط – هدية حقيقية)

الكود متاح فقط لمدة 72 ساعة أو لأول 1000 مشترك فقط
ومتاح الآن من هنا:

- رابط الموقع: www.ershadacademy.com
-رابط الورشة: https://shorturl.at/k8KFB

📢 شاركنا برأيك، وكن من أوّل المؤثرين اللي ساعدوا يبنوا أقوى منصة نفسية عربية!
رأيك = فرق حقيقي (سجل رأيك هنا بعد ما تحضر الورشة:الاحتراق النفسي )

06/07/2025

كل نجاح هو بداية جديدة، وكل اختيار لك هو شهادة ثقة من أهل الخبرة...
اليوم أشارككم بكل فخر وتقدير لحظة مهنية مميزة:
تم اختياري رسمياً للانضمام إلى منصة إرشاد، الأضخم في مجال التربية الخاصة، الصحة النفسية، والاستشارات التربوية والنفسية، في الوطن العربي كأحد أعضاء فريقها المتخصص والمُلهم.

هذه الخطوة ليست مجرد إنجاز، بل مسؤولية جديدة وشغف متجدد نحو صناعة فارق حقيقي في حياة الأطفال والأسر والمهتمين بمجالنا الإنساني العظيم.

التحاقي بهذا الكيان الرائد يمنحني الفرصة لتوسيع نطاق التأثير، ومشاركة المعرفة، والعمل مع نخبة من المختصين المتميزين والملهمين لرسم معالم رؤية جديدة في دعم وتمكين ذوي الاحتياجات الخاصة ومن يهتمون بهم.

القادم أفضل بإذن الله... وأعدكم أن أضع خبرتي وشغفي في خدمة كل رسالة تربوية وإنسانية تؤمن بقدرة كل إنسان وحقه في الحصول على الدعم المناسب .
https://linktr.ee/ershad.academy

05/06/2025

> "كل عام وأنتم بخير 🌙✨
عيد سعيد عليكم وعلى كل أحبابكم، ربنا يديم علينا وعليكم الفرح والسلام."

> "اللهم اجعل هذا العيد فرحة لكل قلب، وسعادة لكل روح.
عيد أضحى مبارك، وكل عام وأنتم إلى الله أقرب."

21/05/2025

"إزاي أقدر أسامح أهلي؟"
السؤال ده مش سهل… وبيجي من ناس مرّت بتجارب قاسية مع أهلها،
تجارب مليانة وجع، تجاهل، نقد، أو حتى عنف.

يمكن تكون سمعت كتير إن "التسامح راحة"،
بس الحقيقة إنك مش لازم تسامح قبل ما تعترف إنك اتأذيت.
التسامح مش نكران… ومش معناه إن اللي حصل كان بسيط أو مسموح.

أول خطوة في طريق التسامح؟
إنك تسمح لنفسك تحس بالحزن والغضب،
وتتكلم عن اللي مريت بيه… من غير ما تقلل من مشاعرك أو تبرر لحد.

تاني خطوة؟
إنك تبدأ تشوف إزاي التجربة دي أثرت عليك،
وإزاي تقدر تبدأ تعيد بناء نفسك، بعيد عن الصورة اللي أهلك رسموهالك عنك.

التسامح مش علشانهم… هو علشانك.
علشان تحرر قلبك من ثقل الألم، وتسمح لنفسك تعيش حياة تستحقها.
مش لازم تبقى علاقتك بيهم مثالية، ومش لازم تنسى،
لكن تقدر توصل لمكان جواك فيه راحة، حتى وسط كل الاوجاع

ولو مش قادر توصل للخطوات دي لوحدك،
مفيش أي عيب إنك تطلب مساعدة.

العلاج النفسي بيساعدك تفهم، تتعافى، وتسامح… على طريقتك.

خد وقتك، وامشي على قد ما تقدر،
بس خليك دايمًا فاكر:
أنت مش مجبور تشيل كل حاجة لوحدك.
لو الكلام لمسك، أو حسيت إنك محتاج مساعدة علشان تتعامل مع مشاعرك دي،
أنا هنا علشان أسمعك وأساعدك.
ونشتغل سوا على خطوات التعافي والتسامح بطريقتك، وبالسرعة اللي تناسبك.
ابدأ رحلتك النفسية من أجل نفسك… مش من أجل حد تاني.

#معًا_لصحة_نفسية_أفضل

05/05/2025

حين تتغير النظرة...

ليست كل العلاقات تنهار بسبب خيانة أو صدمة مفاجئة. أحيانًا، تنكسر ببطء... بصمت... مع كل مرة نشعر فيها أننا غير مرئيين، غير مقدَّرين، أو مجرد اعتياد في حياة من كنا نراهم كل الحياة.

الألم لا يعلو صوته دائمًا، بل يتسلل كجرح صغير لا نلتفت له، ثم يكبر في الخفاء، حتى نجد أنفسنا فجأة ننظر لذلك الشخص بعين مختلفة، لا تحمل نفس البريق، ولا حتى نفس الشوق.

إعادة تقييم العلاقة لا تحدث في لحظة غضب، بل تبدأ من لحظات صامتة من التساؤل: "هل ما زلت أُقدَّر؟ هل ما زلت أُحتَرم؟"

تتآكل الصورة شيئًا فشيئًا. لا بسبب خطأ واحد، بل بسبب إهمال متكرر، كلمة جارحة، صمت قاتل، أو تعامل بارد لا يليق بمكانة من منحناه القلب دون حساب.

ثم يأتي ذلك الشعور القاسي، حين يتحول وجودهم من مصدر للدفء، إلى عبء نفسي، ومن حديث نشتاق له، إلى طنين مزعج لا يُحتمل.

ليس القسوة في الخيانة، بل في التحول من مكانة عالية إلى لا شيء. من إحساس بالأمان إلى شعور بالغرابة... وكأننا نفيق على حقيقة أن كل ما بنيناه كان من طرف واحد فقط.

وهنا لا يكون القرار بدافع الغضب، بل بدافع النضج.

نحتاج أن نعيد ترتيب مشاعرنا، أن نسترجع ذواتنا، ونفهم أن الاحترام لا يُنتزع، بل يُحفظ، وأن القلب لا يُؤجَّر لمن لا يُتقن السكن فيه.

في النهاية، بعض العلاقات لا تُنهيها المعارك، بل ينهيها الصمت، وفقدان القيمة... والوعي بأننا نستحق أكثر.
معا ...لصحه ...افضل
د/ مروه عادل
#مشاعر ًا

30/04/2025

التحرش الجنسي بالأطفال... ليس دائمًا بصوت أو جُرح مرئي.

كثير من الأطفال يتعرضون لانتهاكات من أشخاص مقرّبين جدًا منهم، لكنهم يصمتون.
يصمتون لأنهم خائفون، أو لا يفهمون ما يحدث، أو لأنهم يظنون – بطريقة مؤلمة – أنهم هم السبب.

وهناك من يُخفي ألمه بابتسامة،
يحاول التصرف بـ "طبيعية" وهو يخوض داخليًا معركة صامتة:
بين الخوف، والارتباك، وفقدان الثقة في كل من حوله.

هنا يأتي دورنا كمربين، ومعالجين، وآباء: أن نلاحظ، ونفهم، ونصدق.

مؤشرات يجب الانتباه لها:

تصرفات جنسية لا تتناسب مع عمر الطفل

تقلبات مزاجية أو نوبات غضب غير مبررة

عزلة أو تعلق زائد بشخص معين

كوابيس متكررة أو اضطرابات في النوم

"تمثيل" أن كل شيء على ما يرام، بينما هناك شيء من الداخل مكسور
انتبه ولنا هنا وقفه
في بعض الحالات النادره يحاول الطفل الاخفاء بتمثيل حياته بأنه طبيعي جدا وراء هذا قصص مخفيه داخليه مؤلمه

ما يحتاجه الطفل:

أن نُعلمه خصوصية جسده وحدود الآخرين

أن نصغي له دون تخويف أو اتهام

أن نصدق روايته، ونطلب الدعم المهني إذا لزم الأمر

الطفل لا يصرخ دائمًا... أحيانًا صمته هو الاستغاثة الحقيقية.

23/04/2025

الطلاق: وجع القلب وصراع العقل والمشاعر

مش بس ورقة، ده زلزال بيسيب أثر في كل حاجة جواك.
مشاعر زي الإحساس بالفشل، الوحدة، الخوف من بكرة، وحزن على بيت اتفكك.
والأصعب لما أولادك يتأثروا كمان.
إيه اللي ممكن تحس بيه بعد الطلاق؟

صراع داخلي: بتحس إن فيك جزء بيقول "أنا لازم أكمّل"، وجزء تاني محطم ومش قادر.

تأنيب ضمير: حتى لو القرار كان صح، بيفضل صوت جواك بيقول "كان ممكن أستنى شوية".

الارتباك العاطفي: مشاعر متلخبطة بين الحنين، والغضب، والخوف من المستقبل.
إزاي تبدأ تتعافى؟

اعترف بمشاعرك: الإنكار مش قوة، القوة إنك تعترف وتتقبل.
اختار الطريق الصحي: بدل ما تغرق في الوجع، احكي لحد فاهم، مش أي حد.
اشتغل على نفسك: كل وجع بيحمل جواه فرصة. دي فرصتك تطلع أقوى.
ابني حياة جديدة: الطلاق بداية صفحة، مش نهاية كتاب
ابدأ من جديد بقوة ووعي
رحلة التعافي بتبدأ بخطوة.. مع مختص يقدر يحتويك ويمشي معاك الطريق.
خد القرار إنك تختار لنفسك حياة تستحقها.
معا... د/ مروه عادل
#معًا_لصحة_نفسية_أفضل

#معًا_نسمعك

25/02/2025

---

مرحلة التعافي من الألم

لما يعدي علينا موقف مؤلم، طبيعي نحس بالحزن والتعب، والدنيا تبان سودا، ونفقد الثقة في اللي حوالينا. بس أول خطوة في رحلة التعافي هي إنك تعترف بألمك، تعترف إن الموقف كان صعب، وإنه مجريش زي ما كنت متوقع. هنا، بتحط نفسك قدام المرايا، وده بداية الوعي اللي هيساعدك تتخطى اللي حصلك.

الوعي هنا معناه إنك تفهم نفسك، وتفهم اللي حواليك، وتدرك إننا مختلفين، وإن المشكلة مش فيك. لازم تستوعب إن الألم له فترة وهتعدي، ممكن تطول شوية، بس في الآخر هترجع لحياتك الطبيعية. الأهم إنك تتصالح مع نفسك ومع اللي أذاك، مش شرط تسامح أو تنسى، لكن تقبل إن اللي حصل جزء من رحلتك.

بس إزاي تعرف إنك تعافيت؟
✅ لما تبطل تفكر في إنك لازم تنسى، لأن مفيش حد بينسى تجربة مؤلمة، لكن بيتعلم منها.
✅ لما تبص لنفسك وتفتكر إنت كنت فين وبقيت فين، وتشوف قد إيه كبرت ونضجت بعد الألم.
✅ لما تقدر تقول لنفسك: "حمدالله على سلامتي"، هنا بس تعرف إنك تعافيت بجد.
معا... د/مروه عادل
معًا ... لصحة نفسية افضل
معًا ... للتعافي من الألم
معًا ...لحياة أهدى وأسعد

23/02/2025

إزاي تتفرج على نفس الفيلم مرتين وتتوقع في المره الثانيه أن النهاية ممكن تكون مختلفة؟

تخيل نفسك قاعد بتتفرج على فيلم للمرة التانية، وانت عارف كل الأحداث بالحرف، بس رغم كده، عندك أمل إن النهاية هتتغير! الموقف ده هو بالظبط اللي بيحصل في كتير من العلاقات والخلافات، خصوصًا بين الأزواج. كل مرة بيحصل خلاف، بتدخل فيه متوقع رد فعل مختلف، وعندك امل إن الشخص اللي قدامك هيستوعب، وهياخد خطوة جديدة، لكن في الواقع... السيناريو واحد، ونفس النتيجة بتتكرر!

ليه بنتوقع تغيير من غير ما نغير؟

السر في إننا بنتمسك بالأمل، حتى لو كان أمل مفقود. بنقول لنفسنا "يمكن المرة دي يفهمني"، "يمكن يحس بيا"، "يمكن يتغير"، لكن الحقيقة إن مفيش حاجة بتتغير لو إحنا ما غيرناش الطريقة اللي بنتعامل بيها مع الموقف. كل مرة بتدخل فيها نفس الحوار بنفس الأسلوب، طبيعي توصل لنفس النتيجة.

رحلة الطاقة المهدورة!

وهنا تبدأ رحلة من الإنهاك النفسي اسمها "رحلة الطاقة المهدورة". كل مرة بتحاول فيها تقنع الطرف التاني يتغير، أو تستني منه استجابة مختلفة، انت بتستهلك من طاقتك ومشاعرك بدون فائدة. وده اللي بيسبب إحباط متكرر، وزعل مستمر، وفي الآخر بتلاقي نفسك مستنزفة عاطفيًا بدون أي تقدم حقيقي في العلاقة.

الحل؟ افهم اللعبة!

قبل ما تدخل في نفس الخلاف للمرة الألف، اسأل نفسك:

هل الشخص ده فعلاً قادر يتغير؟ ولا دى طبيعته اللي مش هتتغير؟

هل في طريقة تانية للتعامل مع الموقف غير التكرار والاستنزاف؟

هل الأفضل إني أركز على تقبل الواقع بدل ما أعيش في أمل زائف؟

لما تبطل تتوقع تغيير من غير ما تغير طريقتك، وقتها بس هتعرف تاخد قرارات أنضج، وهتوفر طاقتك لحاجة تستاهل!

21/02/2025

: فك التعلق...

إيه اللي بيخليك لسه متمسك بالعلاقة رغم إنها مؤذية ليك؟

لما تكون متعلق عاطفيًا بشخص بشكل عميق، مش بس بيكون عندك مشاعر تجاهه، لكن كمان بتتعلق بيه لدرجة إنك مش قادر تسيب العلاقة حتى لو كانت مش صحية. ده غالبًا بسبب إنك بتحس إنك هتفقد جزء من نفسك لو ابتعدت. ده ناتج عن حاجة ممكن تكون مش متسدة من زمان، يمكن من أيام الطفولة.

#الأمل في التغيير كتير من الناس بيمسكوا في علاقات مؤذية لأنهم عندهم أمل في تغيير الشخص التاني. بيظنوا إنهم هم اللي هيغيروه، وإن وجودهم معاه هيخليه يتحسن. لكن الحقيقة إن الشخص اللي بيؤذيك غالبًا مش هيتغير، حتى لو حاول وعدك.

#الخوف من الوحدة في ناس كتير بتخاف تبقى لوحدها، وبتفكر إنهم مش هيلاقوا علاقة تانية. الوحدة بقت عندهم كابوس. علشان كده بيستمروا في علاقة مش صحية عشان يهربوا من الوحدة.

#الدورة النفسية للإساءة والتسامح في بعض العلاقات اللي فيها إساءة متكررة، بتلاقي إنك دايمًا في دائرة مغلقة: لحظات حلوة وكلام حلو، وبعدها إساءة، ثم تصالح ووعود، وهكذا. ده بيخليك مش قادر تخرج منها، لأنك دايمًا بتغفر وبتعتقد إن الأمور هتتغير في المرة الجاية.

#فقدان الثقة بالنفس ونقص الاستحقاق لو الشخص المؤذي دايمًا بيقلل من قيمتك، أو بينتقدك باستمرار، بتبدأ تحس إنك مش تستاهل أفضل من كده. ممكن تفضل في العلاقة لأنك مش شايف إنك تستحق حاجة أفضل.

#طب الحل فين؟
#العلاقات المؤذية بتستهلك طاقتك، وبتخليك دايمًا في حالة تعب. الأمل لازم يكون مبني على واقع وتحسن حقيقي. لو دايمًا بتقول لنفسك "يمكن يتغير"، يبقى أنت عايش في وهم.

#فقه الأولويات أهم حاجة إنك تبني أولوياتك صح. الأولوية لنفسك، ثم للآخرين. لو إنت في علاقة بتأذيك نفسيًا، يبقى لازم تقيم الأمور وتفكر في نفسك أولًا.

#وأخيرًا إحسبها كويس: لو الخسارة في العلاقة أكبر من المكاسب، يبقى لازم تحمي نفسك وتشتغل على ذاتك عشان تقدر تاخد القرار الصح.

#معًا_لصحة_نفسيه_أفضل
#معاً_لتخطي_العلاقات_السامه

17/02/2025

"مش قادر أسامح أهلي"
دي الجملة اللي بتتقالي كتير من ناس كتير، سواء كانوا أطفال، شباب، أو حتى ناس في الأربعينيات. بسمعها من الناس اللي مروا بتجارب قاسية جدًا من أهلهم. في اللحظة دي، الشخص بيبقى زي الطفل اللي لسه مار بتجربة مؤلمة، بيحكي عن سوء معاملة كبيرة تعرض لها سواء من الأب أو الأم. والمشكلة إنه ساعات بيحكي بنفس مشاعر الطفل اللي جواه، بيعيش نفس الألم، نفس الحزن اللي كان حاسس به وهو صغير.

الأسوأ من ده إن الشخص ده بيبقى شايف لو الاساءه من الاب إن ألام ما وقفتش جنبه، والعكس صحيح وإن أخواته ما حموهش من الإساءة. بيكون حاسس إنهم تركوه لوحده، وكأنهم ما عملوش حاجة عشان يخففوا عنه.

الوضع ده صعب جدًا، لأن الإساءة بتكون واضحة، ومؤلمة لدرجة إن الشخص ده مش قادر يمشي قدام بسببها. في الحالة دي، مش قادره أقوله له "انسَ"، لأن مفيش حد يقدر ينسى. بس الصح هو إننا نفكر ازاى نكمل في حياتنا ازاى نقدر نتجاوز الاساءه بشكل نفسي سليم مش ننسى.

لا بقدر اقوله واجبره يسامح علشان نقدر نكمل حياتنا من غير ما يكون عندنا ثقل أو عذاب من الماضي. عندك حق في كل مشاعر الألم دي، بس أوقات اللي محتاجين نعمله هو إننا نقرر نكمل حياتنا بشكل صحي نفسيا،

بيبقى محاصر في صراع كبير: حبك لوالديك من ناحية، ايوه حبه للاب أو للأم هنا حب فطرى سليم وذكريات الإساءة من ناحية تانية. وفي اللحظة دي، بتحس بحيرة كبيرة. صحيح إنك بتحبهم ، ده شيء طبيعي جدا ، لكن مشاعر الإساءة اللي كنت حاسس بيها تظل مرافقة ليك.

أنا هنا مش علشان أقولك "انسَ" أو "سامح"، لكن علشان أقولك إن الحل مش في التوقف عند الإساءة، لكن في إنك تتخذ قرار تحافظ فيه على حياتك. الحل إنك تقدر تعيش حياة صحية وسعيدة. ده مش من أجلهم، ده من أجل نفسك.

خد القرار. فكر كويس. ولو أنت مش قادر تعدي من المرحلة دي لوحدك، أنا هنا علشان أساعدك. لو مررت بتجربة صعبة زي دي، لازم تلاقي حد يساعدك عشان تقدر تكمل حياتك.

مهم جدًا: لو حاسس إنك مش قادر تتجاوز الإساءة دي لوحدك، متترددش تروح لأخصائي علشان يساعدك. متفكرش إن الحل في مجرد الحديث مع صديق أو حبيب، لأن الموضوع ده مش هينتهي لحد ما تتعامل معاه بشكل سليم و صح. العلاج مع متخصص هو اللي هيخليك تكمل حياتك بشكل سليم نفسيا
#معًا_لصحة_نفسية_أفضل

15/02/2025

القفله .. بلوك القلب الحقيقي

المؤشر الحقيقي لإنتهاء صلاحية إنسان في قلبك..
هي دي المرحلة اللي بيوصلها الإنسان لما مشاعره بتخلص تمامًا تجاه شخص..
اللحظة اللي بيفقد فيها حماسه أو رغبته في بذل أي ذرة طاقة زيادة ناحية شخص..
ممكن تعدي مواقف كتير تضايقك، تفوت تصرفات فيها إساءة، تقدم وتُحسن وتراعي وتطبطب وتشتري الخاطر بس بتيجي في لحظة وتحس إنك تستاهل أحسن من كدة!

ماتستاهلش يتم أذيتك أو تجاهلك أو التفريط في
حقوقك أو الإساءة ليك بالقدر ده..
وفجأة بيحصل القفلة وبدون مقدمات..
مافيش حب ولا في كره؛ حتى الغضب بيختفي، بيكون إحساس بالفراغ تمامًا ناحية الشخص ده...
علاقاتنا بالناس مرهونة برصيد بيتحدد حسب مَعزّة الشخص وكل ما التعامل كان بحب واهتمام، كل ما الرصيد بيزيد.
وكل ما التعامل كان فيه تهاون، وتعدّي، وإساءة متكررة، الرصيد بيقلّ...

ماتوصلش حد بتحبه إنه يعملك بلوك من قلبه ..
بلوكات الفيس والواتس بتتعمل وتتفك ألف مرة..
بس القلب لو قفل بتبقى النهاية حتى لو فوقت بعد اللحظة دي وحاولت تعوضه بيبقى خلاص مشاعره خلصت وصبره انتهى وشغفه اتطفى..

"وحين تنفرُ روحٌ من أخرى، فما من سبيل لإحداث ما يغيّر ذلك
فالنفور كالإدراك … وقوعه لا يمكن نفيُه أو تغيّره أو عكس مساره مهما حدث!"

القلوب ليها طاقة، فراعوا قلوب اللي بتحبوهم زيادة شوية عن العادي عشان ماتفقوش بعد فوات الآوان..
معا... لصحه نفسيه افضل
معا... د/ مروه عادل

معاً - مروة عادل

06/07/2025

06/07/2025

05/06/2025

21/05/2025

05/05/2025

30/04/2025

23/04/2025

25/02/2025

23/02/2025

21/02/2025

17/02/2025

15/02/2025

Address

Website

Alerts

Contact The Practice

Shortcuts

Share

Category