لصحة طفلك مع د. محمود كامل

01/11/2025

مصر.. أم الحضارات 🇪🇬

افتتاح المتحف المصري الكبير مش بس حدث، ده احتفال بتاريخنا العريق 🌟
كل حجر، كل تمثال، كل قطعة بتحكي قصة حضارتنا اللي ألهمت العالم 🌍✨

خلينا نفتخر، نحتفل، ونوري العالم جمال مصر وروعتها 💛❤️💚

#مصر

01/11/2025

01/11/2025

ايوة طبعا لازم لما تقعدي ترضعي تخلي جمبك لتر مياه تشربي فيه 🤣

وياريت لو نحط شوية سناكس، تمر، تفاح، سلطة فواكه، توست لبنة و خيار، ساندوتش تركي او فراخ، بار جرانولا 😂 والله مش عيب 😜

دي مش طفاسة حضرتك هرمون اوكسيتوسين اللي بيتفرز في جسمك مع نزول اول قطرة لبن كفيل انه يحسسك بالعطش الشديد و مع زيادته جسمك بيبتدي يحرق سعرات حرارية عشان ينزل كل اللبن اللي في الثدي للبيبي عشان يشبع 🥰

فالموضوع عايز طاقة ؟! اه عايز طاقة انتي محتاجة جسمك يقدر يغذي الطفل دا كل مرة يطلب فيها الرضاعة علي مدار اليوم 🥲

ضيفي علي كدة لو انتي مش من النوع اللي بيشرب كدة كدة ٣ لتر مياه علي مدار اليوم فأنتي بالتأكيد هتحسي بعطش السنين مع كل رضعة ولو طنشتي شوية جسمك هيجف جداااا و انتاج اللبن عندك مش هيكون بنفس الكفائة 🙄

فعلي الاقل لو مكنتيش ملتزمة بشرب مياه بإستمرار يبقي تجيبي لتر مياه جمبك مع كل رضعة تشربي فيه وانتي بترضعي 🤩

وياريت الازازة تبقي مفتوحة و قريبة من ايدك عشان مش عايزين فضايح بالله عليكي 😂

رايحة فين عرفي الست اللي قاعدة لنا في الصحرا دي 😌

معا لصحة افضل لأطفالنا

01/11/2025

🌸 زبده الكاكاو عند الأطفال 🌸

كثير من الأطفال يحبوا يلعبوا أو يأكلوا زبدة الكاكاو 💄 بسبب لونها الجميل ورائحتها الحلوة.

✅ لو النوع معروف وموثوق، ممكن يحصل إسهال بسيط فقط، ومفيش خطر كبير.
⚠️ لكن الأنواع المجهولة أو الرخيصة تحت “بير السلم” ممكن تحتوي مواد ضارة مثل الكحول أو الفينول أو مركبات مجهولة المصدر، ودي خطر على صحة الأطفال.

💡 نصيحة: اشتروا الماركات المعروفة والموثوقة حتى لو أغلى شوية، وتجنبوا أي حاجة مصدرها غير معروف.

معا لصحة أفضل لأطفالنا 💙

01/11/2025

🌀 موسم حساسية الصدر قرب يدخل عند الأطفال 🌀

لو طفلك بيكح كتير أو عنده أي من الأعراض دي، لازم تكشفي عند دكتور 👩‍⚕️👨‍⚕️:

✅ كحة مستمرة بعد كل دور برد، مش زي نزلة البرد العادية اللي بتتحسن خلال أسبوع أو ١٠ أيام.
✅ الكحة الليلية أو حول الفجر، ممكن تصحيه من النوم.
✅ أزيز أو تزييق في الصدر ممكن تسمعيه أو تحسيه.
✅ الكحة بتزيد مع الدخان، العطور، الغبار، أو حبوب اللقاح.
✅ الكحة بتزيد مع المجهود: لعب، جري، طلوع السلالم، ضحك أو بكاء.
✅ تحسن الكحة مع موسعات الشعب الهوائية أو جلسات البخار أو أدوية الكورتيزون حسب وصف الطبيب.
✅ تاريخ عائلي للحساسية سواء جلدية، أنف، صدر أو عين.
✅ تكرار الأعراض على مدى أسابيع أو أشهر، مش عرض عابر لمرة واحدة.

💡 لو طفلك عنده أي من الأعراض دي، الكشف المبكر والعلاج المناسب يحميه من مشاكل أكبر ويخلي نومه ولعبه أحسن 👍

معا لصحة أفضل لأطفالنا 💙
د. محمود كامل
استشاري طب الأطفال وحديثي الولادة وكلى الأطفال
عضو الجمعية المصرية لطب وزراعة كلى الأطفال
زميل جامعة إيموري – أتلانتا، الولايات المتحدة

01/11/2025

ياريت مانعتمدش على وصفات من العطار مش صح...
حالات تسمم كتيرة بتحصل بسبب الموضوع دة
ولو خدوا ، يا ريت بس لما يروحوا مركز السموم تبقوا عارفين الاسم العلمي بتاع المادة الاكثر تأثيراً في العشبة اللي اخدوها عشان الدكاترة تعرف تشتغل 😀
بلاش الاسماء اللي من عينة رِجل العفريت و منقوع الوطاويط والحاجات دي 😅😅

01/11/2025

🚫 مينفعش طفلك يتم سنة وانتي لسه بتغيريله قدام الناس 🙄

الطفل من عمر سنة لازم يبدأ يتعلم إن جسمه له خصوصية، وإن التغيير أو الحمّام ليهم مكان خاص 👌

📍 ليه ده مهم؟
لأن لما الطفل يشوف إن التغيير عادي قدام الناس، بيتبرمج إن جسمه مش له خصوصية، وده بيأثر عليه لما يكبر في احترامه لجسمه وجسم غيره 💔

🧩 تعليم الخصوصية يبدأ من بدري جدًا:
🚫 مينفعش الأخوات يغيروا قدام بعض،
🚫 ولا يتحموا سوا،
🚫 ولا نحمّي أطفال العيلة كلهم مع بعض حتى لو “لسه صغيرين”.
حتى لو كلهم أولاد أو كلهم بنات ❌
كل طفل له خصوصيته.

⚠️ الزغزغة في الجسم مش لعب!
▪️ممنوع أي حد — حتى المقربين — “يزغزغ” الطفل في جسمه أو في أماكن حساسة.
▪️الزغزغة ممكن تبين لعب وضحك في الأول، لكنها تلخبط إحساس الطفل بجسمه، وتخليه مش قادر يفرّق بين اللمس الآمن واللمس المؤذي 😔

🚻 من سن سنتين
ابدئي تعليمي طفلك إزاي يدخل الحمام لوحده بالتدريج،
ويفهم إن ده مكان خاص ميدخلش فيه غير ماما أو بابا بس وقت المساعدة.

💡 اللي بنعمله مش مبالغة…
ده تربية وقائية بتمنع مشاكل كبيرة في المستقبل:
▪️تحمي الطفل من التحرش 🚫
▪️تعزز الثقة بالنفس ✅
▪️وتعلّمه احترام حدود جسمه وجسم غيره ❤️

📚 المصدر:
▪️الأكاديمية الأمريكية لطب الأطفال (AAP) – حماية خصوصية الطفل وتعليم حدود الجسد
▪️منظمة اليونيسف (UNICEF) – تعليم الأطفال عن سلامة الجسد وحقوقهم

👨‍⚕️ معًا لصحة أفضل وتربية أكثر وعيًا لأطفالنا 🌿