04/06/2025
في ناس ما بتدورش على مكانها الحقيقي،
بتكتفي بالمكان اللي فَضي فجأة.
وفي بيوت اتبنت على تصميم مش من اختيارهم،
بس قالوا "كفاية إنه جاهز".
وفي فساتين اتلبست مش لأنهم كانوا بيحلموا بيها،
بس علشان "الفرصة دي مش هتيجي تاني".
بس الغريب؟
إنهم بعد كل ده،
يفضلوا يبصوا لصاحب الحلم الأصلى...
ويقلدوا تفاصيلها، نَفس اختياره
نَفس الأماكن، ونَفس الستايل،
وكأنهم بيحاولوا يقنعوا نفسهم…
إن الدور لسه ممكن يتلعب.
بس الحقيقة؟
الأدوار اللي ما كانتش ليك من الأول،
هتفضل دايمًا واسعة... مهما حاولت تفصلها على مقاسك
