وفصاله في عامين د.نهى خيري

13/03/2025

🎊🎉🎊🎉🎊🎉

13/03/2025

🎉🎊🎉🎊🎉🎊

01/12/2024

*مفاجأة يا أمهااااات*
🎊🥳🎉🎊😘🥳🎉🥳🎊

*هدية*🎁🎁🎁🎁🎁 قيمة جداً للحوامل
والأمهات اللي ناويين على الخطوة دي قريب

*مجاناً مجاناً مجاناً*

كورس الاستعداد لاستقبال طفلك

لصاحبة الفضل الغالية
*د. أسماء صادق* ❤️❤️❤️❤️

بسم الله نبدأ سلسلة هدايا الأمهات
ونبدأها بكورس "استعدادات الأمهات والآباء قبل الولادة *مجانا
Antenatal Class for Expectant Mothers and Fathers.

المحتوى:
• شرح مبسط لعلم نفس حديثي الولادة:
كيف تفهم لغة واحتياجات طفلك حديث الولادة.

• التغيرات النفسية للأمهات والآباء بعد الولادة:
التعرف على اضطرابات ما بعد الولادة وكيفية التعامل معها.

• الرضاعة الطبيعية:
التعرف على الصعوبات التي قد تواجه الأمهات وكيفية تجنبها او التعامل معها
(آلام أو نزيف مصاحب للرضاعة/ لبن قليل! / زيادة وزن غير مرضية/ صفراء حديثي الولادة/ التهابات او خراج الثدي،…… )

لتجربة أمومة وأبوة سلسة ومبهجة ومثمرة.

*********

المحاضر: د. أسماء صادق
• استشاري طب الأطفال وحديثي الولادة.
• استشاري طب الرضاعة الطبيعية، IBCLC
• أول طبيبة مصرية تحصل على شهادة “تقييم سلوك حديثي الولادة” Neonatal behavioral assessment
من مركز Brazelton - كامبريدج، المملكة المتحدة، ومستشفى Boston للأطفال - الولايات المتحدة.
• مدير كورس دعم حياة حديثي الولادة Neonatal life support , بمجلس الإنعاش المصري ومجلس الإنعاش الأوروبي.

**********

تفاصيل الكورس:
• المدة: 5 ساعات (يتخللها 2-3 coffee breaks)
• مخصص لـ: الأمهات والآباء في النصف الثاني من فترة الحمل.
• المكان: مركز LactAid، الفرع الرئيسي بمصر الجديدة
• الموعد: الجمعة ١٣ ديسمبر الساعة ٢م.

يقدم هذا الكورس من ١١ عام في مركز LactAid center
وتم خلالها تطويره وإعادة تصميمه ليضم ما يحتاج الام والأب معرفته ويتناسب مع قدرات الام البدنية على الحضور في هذه الفترة من الحمل .

تكلفة الكورس:
التكلفة الاصلية للكورس 700 جنيهًا،
لكن هذا الكورس مقدم "مجانًا" ل٢٥ أم.

ملحوظة:
للتأكيد الحجز، يتم دفع مبلغ 200 جنيه جدية حجز، يُسترد عند الحضور أو عند الاعتذار قبل الكورس بيومين.

*******

للحجز والاستفسار:
يرجى الاتصال بمركز LactAid عبر الرقم:
📞 01150921535
(متاح من 11 صباحًا حتى 4 مساءً، يوميا عدا الجمعة).

يرحب، بل وينصح بشدة، بحضور الأب.... (أو الجدة أو الخالة أو من سيتواجد مع الام أول أيام بعد الولادة).

ويرحب بحضور أطباء الأطفال حديثي الولادة وأطباء طب الرضاعة الطبيعية و أطباء النساء والتوليد بالتنسيق مع المركز

Course event 👇🏼
https://www.facebook.com/share/15eaNHejpt/?mibextid=9l3rBW

منتظرين تشريفكم
ويسعدنا مشاركتم البوست مع المهتمين
دمتم بكل خير 🌹🌹🌹💚

27/06/2024

https://youtu.be/JHIaNNObUyU?si=dCpeeSWWJ7LOM_fN

تمرينات تقوية عضلات الفك للرضاعة ١.بعد عملية فك ربط اللسان او الشفة٢. لتقوية الفك الصعيف بعد فترة استخدتم الببرونة او التواجد بالحضانة٣. تقوية عضلات الطفل ال...

27/06/2024

مهم جدا يا أمهات✅✅✅

02/06/2024

اى ام عاوزه ملخص مفيد لأساسيات الرضاعة، الكتاب حلو اوى❤️ و سعره فى متناول الناس....ربنت يكرمها د.نهى خيرى على المجهود ده ❤️
كتاب رحلتي مع رضيعي حتى الفطام

29/12/2023

ونفكر تاني الأمهات كل عام وأنتم بخير

يا دكتورة أنا بارضّع
أصوم ولا مصومش؟⁉️

جاوبيني الأول على الأسئلة دي:

❓عندك مشاكل صحية ؟
سكر/ ضغط/ مرض مزمن

❓بتاخدي أي أدوية؟

❓عندك أو كان عندك مشاكل في الرضاعة؟

❓ابنك عمره كام؟

❓بترضعيه كام مرة في اليوم؟

❓دخلتيله أكل؟
❓لو آه امته وكمية وعدد ونوع الوجبات إيه؟

❓ابنك حاليا عنده أي مشاكل صحية؟
نزلة معوية/ دور برد/كحة

❓صيامك في دولة من اللي بيصوموا أكتر من ١٢ساعة ولا أقل؟

💔إيه يا دكتورة ده 🥺
هوا تحقيق😭

🔛 أيوة بالظبط كده
تحقيق عشان منجيش عليكي ولا على طفلك ولا على حق ربنا عليكي...

وكمان بعد كل ده أنا مدخلتش في نيتك.. إنما أنا باتكلم في تخصصي

◀️لكن فيه خطوط عامة أقدر اشرحهالك....

🔸الأم اللي بترضع بتجيب في المتوسط لتر إلا ربع إلى لتر لبن يومياً

🔸والواقع إنك لو قصرتي شوية في شرب المية جسمك بيحاول يحتفظ بكل قطرة..في سبيل إنقاذ حق البيبي😲
فمثلاً تلاقي مفيش غير قليل من البول الغامق جداً
وقيسي على ذلك

🔸الميه اللي هتاخديها المفروض تكون متوزعة على مدار اليوم
وبالتالي كل شوية يتكون شوية لبن متوزعين بردو

📚نوصل الوقتي لحقيقة نقص الماء لوحده كل الفترة دي فعلا بيقلل كمية اللبن..
يبقى لو الطفل معتمد عليكي في الرضاعة وبيرضع حصري لو صمتي هتضريه..🥵
والقاعدة لا ضرر ولا ضِرار

🔸عشان كده الرحمن اللي خلقك إداكي الرخصة تفطري فحافظ عليكي وعلى طفلك من التهلكة
وكمان رضاكي إنه بيحب أن تؤتى رخصه كما يحب أن تؤتى عزائمه
يعني يحب يشوف منك الطاعة وإنتي قوية ويحب ترتاحي طالما رخصلك وإنتي ضعيفة
والأمر أشد هنا لأن فيه طرف ضعيف لا يملك لنفسه شيء فربنا سبحانه وتعالى كفل له حقه....

التفصيلة دي للي قبل 6 شهور وابنها معتمد عليها🤱🏼🤱🏼🤱🏼

🎙️غير كده كل أم وطفل ليهم حكايتهم وجوابهم الخاص على الأسئلة اللي فاتت وبناءا عليه يتحدد إن كان يؤخد بالرخصة أو بالعزائم👍🏻

❌ولا مبرر لحرمان الطفل من حقه في الرضاعة في سبيل الصيام
❌متقوليش هافطمه قبل رمضان عشان متعبش في الصيام

❌ولا هادخل أكل بدري عشان يسيبني شوية واعرف أصوم

🎙️حق طفلك في الرضاعة الطبيعية عاجل ومش هتقدري تعوضيه
الصيام له رخصة خلته في حالتك ممكن يكون آجل أو فيه بديل
💕 وكل رمضان وأنتم طيبين💕


د. نهى خيري
طبيبة استشاري طب الرضاعة الطبيعية ومتابعة النمو
البورد الدولي لاستشاريي طب الرضاعة الطبيعية
عضو الجمعية المصرية لاستشاريي الرضاعة الطبيعية ELCA
عضو الأكاديمية الدولية لطب الرضاعة الطبيعية ABM

28/10/2023

11/10/2023

عرفتي إنك حامل ❤️

ألف مليون مبروك ويارب تقومي بالسلامة وربنا يرزقك طفل سليم معافى 🤲

بالمناسبة دي هاقولك على حاجتين هيفرقوا معاكي أوي 🤩

١) لازم تسمعي محاضرة دكتورة أسماء صادق اللي هتساعدك تفهمي طفلك 🩵 وده اللينك
https://m.facebook.com/story.php?story_fbid=269318178946955&id=100076063245935&mibextid=Nif5oz

٢) لازم تشتري كتاب رحلتي مع رضيعي حتى الفطام تقرأيه وتفهميه وتخليه عندك مرجع عشان هتحتاجيه طول الوقت 💜 وده لينك الصفحة
https://www.facebook.com/profile.php?id=100089993645590&mibextid=ZbWKwL

09/10/2023

الحقيني يا دكتورة
لبني مغرقني🥛🥛🥛🥛

وكمان ابني مش مرتاح😠

بعد ما جتلي هجمة اللبن على اليوم التالت بعد الولادة كنت بارضع حسب الطلب عشان المخ هيظبط الانتاج حسب احتياجات الطفل زي ما قريت قبل كده وفعلا عملت كده ورغم كده

👶🏻البيبي
🔹مش بيخلص الثدي
🔹ده غير إن عنده مغص على طول
🔹 وكمان بيرجع كتييير
🔹وبيبقى متضايق من اندفاع اللبن
يشرق ويتعصب ويبعد نفسه

👆🏻وأنا
🔹 صدري مزند أكتر الوقت
🔹واللبن بيقطر منه لوحده
🔹وتعبت بصراحة حتى مرة سخنت واترعشت وأخدت مضاد حيوي..

🫵🏻طب وعملتي إيه؟
واحدة صحبتي قالتلي اشفط عشان متعبش فبشفط كل ساعة🥺 وبرميه 🫣
وحاسة إنه بيزيد أكتر مبلحقش أشفط 🙃

اعمل إيه يا دكتورة ؟
تعالي أقولك الأول المعلومة المهمة جداً في الحالة دي

تصنيع اللبن ده عرض وطلب
بمعنى إن طول ما أنا باسحب أو باشفط فكده معناه إن المنتج بيتسوق تلقائي المخ يدي إشارات للغدد اللبنية اللي هي المصانع عشان تزود الانتاج ما المنتج بيتسحب..

بعد ٣ أيام من الولادة بتحصل هجمة اللبن والثدي بيتملي لبن وده زي اختبار لمنتج جديد ها الطفل هيرضع أد إيه واحنا نظبط الانتاج عليه..
المخ بيعرف إنه اتبقى كذا في الثدي خلاص مش هاصنعهم تاني دول زيادة وكده خسارة عليا
ويصنع بس على أد ما الطفل سحب ورضع
الطفل بينزل له لبن يكفيه بالظبط بعد كده ولو قابلتنا طفرات نمو فالاحتياج زاد بيرضع أكتر فالمخ بيفسر الاحتياج ويزود المنتج خلال يومين تلاتة من السحب الكتير
يعني القصة عرض وطلب👍🏻

في حالة الأم دي اللبن زاد عشان نصيحة صحبتها إنها تشفط كل شوية وبالتالي دخلنا في حلقة مفرغة
كل ما تشفطي أكتر كل ما لبنك زاد أكتر..
طب نعمل إيه؟
🔹لو الكلام ده في أول ١٠ايام من الولادة يبقى محتاجة زيارة عاجلة لاستشاري الرضاعة عشان ممكن يكون في خلل هرموني
وممكن يكون فيه خطأ في الرضاعة الطفل مش متمكن إنه يرضع كويس..
🔹لو الثدي بيتملي جداً بنحتاج نعصر الكمية اللي تريحنا فقط يعني يادوب تريحنا عشان المخ ميزودش أكتر..
🔹لو مع ذلك حصل رعشة سخونية دي علامة التهاب محتاجة تدخل استشاري الرضاعة..
🔹وضعية الرضاعة مهم تستلقي على ظهرك عشان اندفاع اللبن ميدايقش البيبي..
🔹وممكن تعصري شوية بسيط قبل الرضعة عشان طفلك يعرف يمسك الثدي..
🔹تكرعي طفلك مرة في النص🔹ترضعي مرات متتالية من نفس الثدي عشان طفلك ياخد الدهون والمغص بتاع لبن المقدمة يقل..
🔹البرا يكون بيرفع الثدي للشعور بعدم التقل وفي نفس الوقت مش زانق الجناب ليعمل انسداد في قناة لبنية..
🔹اللي نازلة الشغل فرصة تخزن لوقت عوزة في الديب فريزر بيحفظ من ٦ شهور لسنة
وطبعاً مترميش لبنها ده الذهب السائل..


د. نهى خيري
طبيبة الأطفال واستشاري طب الرضاعة الطبيعية ومتابعة النمو
البورد الدولي لاستشاريي طب الرضاعة الطبيعية IBCLC
عضو الجمعية المصرية لاستشاريي الرضاعة الطبيعية ELCA
عضو الأكاديمية الدولية لطب الرضاعة الطبيعية ABM
للاستفسار والحجز
01062451779
التجمع الخامس

05/10/2023

أفطم ابني امته؟
منظمة الصحة العالمية نصحت وأوصت باتمام العامين.. وده مثبت بالأبحاث..

02/10/2023

النعناع والبقدونس بيقللوا اللبن
خاصةً لو بتاخدي كميات