Dr.samar kamal diabetes and nutrition, د.سمركمال للسكر و التغذية العلاجية

05/11/2025

الي كتب البوست بيهزر بس ميعرفش ان دي احيانا علامة انذار علي الاصابةً بمقاومة الانسولين و بالتالي #السكر..

29/10/2025

مريض السمنة الي مؤشر كتله الجسم فوق ٢٧ و معاه امراض تانيه زي السكر و الضغط و دهون الكبد و مفاصله تعبانه و كوكتيل الامراض الي بيسببه زياده الوزن ؛لو مقتنعش ان السمنة مرض و لازم يتعالج (علاج دوائي +نظام غذائي +حركه و رياضه)
💫هيفضل طول عمره في دوامه السمنة ,بيلف من دكتور لدكتور بيدور علي حد يعمله دايت الربع رغيف و البيضه المسلوقه بطريقه مشبعه 🥚🍳و مش هيلاقي .

لما يعترف انه عنده مشكله و ان السمنة فعلا مرض ؛نص مشكلته هتتحل

03/10/2025

Diabetes at 50 begins at10 ....
جمله حقيقيه جدا علي اساس ان #كان ده بنشوفه في كبار السن 🙂‍↕️
و للاسف حاليا يوميا بنشوفه في سن العشره عادي و في الاطفال، بسبب الاكل و العادات الغلط و اهمال متابعة الوزن في الاطفال....
#دسمركمال

14/09/2025

"تحليل #التراكمي دايما كويس و عمري ما حسبت اكل و لا افهم فيه"
الجملة دي
دايما بسمعها من سكريين النوع الاول الي متشخصين سكر من سنين طويله و عمرهم ما حسبوا الاكل ،
📌او مش عوزين يتعلموه
📌اومحدش اصلا قالهم عليه قبل كده😞
؛ و علي اساس شايفين ان مادام التراكمي كويس فهما كده ماشين صح ❌🤔....

📌ما هو التراكمي لو كويس ؛يبقي حاجه من اتنين:
ياجايه معاك بالبركة...... يا بتهبط كتير و مش واخد بالك ....

و بالفعل اول ما بسال علي #الهبوط ؟!!بيقولوا اه فعلا بنهبط كتير....

📌اعرف ان انخفاض السكر المتكرر بيسبب مضاعفات زيه زي التراكمي العالي ،ان لم يكن اخطر كمان...

فكده كده لازم تتعلم حسابات الاكل مع #الانسولين

11/09/2025

لو شخص بتحبه عنده السكر او قبل السكر ادعمه بانك ✍️..

11/09/2025

عند التشخيص بالسكر خصوصا النوع الاول لاول مره ؛في الغالب المريض نفسه بيكون في حالة ذهول و مش فاهم ،خصوصا لو مفيش تاريخ في العيله للسكر ..
فجأه بيسمع انسولين و حسابات اكل و تحاليل دوريه و بيحس ان حياته اتغيرت في ثانيه...

المرافق هنا لازم يخلي باله لان احيانا اسئلته بتصعب الموقف ع المريض لدرجة البكاء للاسف ...

اسئله زي
🌟هو ممكن يبطل الانسولين في يوم ؟!
🌟يعني كده كل لما ياكل حاجه يحقن ؟!ده كده كتير ؟!
🌟كل حاجه هياكلها يقعد يحسبها و يوزنها ؟!الموضوع ده صعب ازاي هيعمل كده؟!!!
🌟طيب ممكن يجرب اقراص يمكن مياخدش انسولين؟!
و..و...
اسئله كلها مشروعه تسألها لكن 👈 المهم توقيت السؤال.

✅💫في اول التشخيص ، بيكون محتاج دعم نفسي اكتر، فخلي الاولوية انك تدعمه و تطمنه

04/09/2025

و انت بتاكل #موز عشان فيه #بوتاسيوم عشان تضبط الضغط و تقول ما الدكتور الي قالي ......

📌افتكر ان الموزة 🍌 اصلا البوتاسيوم الي فيها اقل من ١٠ ٪؜من احتياجاتك
في حين ان فيها #سكر ١٥ جم كارب تقريبا...

و عشان تاخد احتياجاتك من #البوتاسيوم من الموز محتاج تاكل ١٢ موزه في اليوم 🌟يعني هتاخد سكر ما يعادل مثلا ٤ ل٥ كانز كولا مثلا 🤔

💫يعني هتتخن⬅️ فضغطك هيعلي اكتر مش هيقل

📌في مصادر تانيه اغني بالبوتاسيوم من الموز و مريض الضغط ليه نظام غذايي مخصص اسال طبيب التغذية عليه

📌الضغط علاجه جزء كبير منه ⬅️ ضبط الوزن
🌟كل كيلو بتنقصه من وزنك بيحسن من ضغط الدم بنسبه ١ مم زئبقي
يعني لو خسيت بس ١٠ كيلو انت قللت ضغطك ١٠ درجات
و بالتالي قللت ادويتك مع الوقت و حسنت من صحة قلبك

و بنسبه كبيره كمريض الضغط هيكون عندك مشكله في الوزن ،
و افتكر ان ٩٠٪؜ من اسباب الضغط مش معروفه و حاليا مربوطه بمقاومة الانسولين و السمنة

فضبط وزنك في الاساس و استشير طبيب تغذيه مع طبيب القلب صدقني هتستفاد اكتر و هتاخد معلومه ادق ...
#دسمركمال

02/08/2025

27/07/2025

حاليا كتير #بيشتكي ان في نقص في #جلوكوفاج الف اكس ار و مش بيلقوه بسهوله، الدوا ليه بدائل كتير اسال الصيدلي عليها هيساعدك
المهم متوقفش علاجك🙏

☘️دي امثلة من البدائل المتوفرة..
Glucophage 1000 xr
Maxophage1000xr
Metformin 1000xr
Mepagphage1000xr

#دسمركمال

18/07/2025

لما شخص سكري يجي العياده و اسأله بتحسب كارب ؟!
و يقولي :اه معامل الكارب ١٥ و التصحيح ٥٠ و الرفع كذااا
الله اكبر بجد 😹🫶👏👏👏👏👏⁩

23/05/2025

🔴هل ممكن الشفاء منه ❓

الشفاء من السكر علميا بيطلق عليه "diabetes remission" .
و هو ببساطه ان التراكمي يكون اقل من 6.5% بدون تناول اي ادوية لمدة ٦ شهور👏👏👏👏

🔶️ليه بيسموها remission مش شفاء تام ❓️
لان بيفضل في احتمال انه يرجع تاني لو اهملت ، فمهم تتابع باستمرار تحاليلك الدوريه و تبقي حريص ان التراكمي يفضل تحت ال ٦.٥ .

🔶️اوصل للمرحلة دي ازاي❓️
كلمه السر هي ،نزول ١٠ ل ١٥ % فقط من الوزن بيحسن #السكر و #الضغط و كمان #الكولسترول..

🔶️اي الانظمه الي بتساعد ❓️
اشهر ٣ انظمه غذائية يساعدوك هما " نظام قليل النشويات"
، نظام البحر المتوسط
، نظام قليل السعرات "
لو استدعت الحالة الصحية ...

🔸️افتكر دايما ان انك تضبط سكرك و توقف ادويتك تماما #بالتدريج 👏،
؛ او انك تتحول من سكر معتمد علي الاقراص💊 لسكر معتمد علي الانسولين 💉 مع الوقت بسبب اهمال الوزن🥞 واختيارك لاكل غيرصحي .

#دسمركمال

19/05/2025

قصة نجاح جديدة في #الشفاء من
شاب ١٨ سنة
كان ممكن التعامل معاه انه خلاص مريض سكر و يفضل طول حياته يتعامل علي الاساس ده و يعيش علي ادوية السكر في انتظار المضاعفات
الحمد لله مع ضبط الاكل و نزول الوزن اكتر من عشرين كيلو
بنظام اكل فقطططط

قدر يدخل في
الحمد لله
#دسمركمال
سكر النوع الثاني يمكن الشفاء منه 💁🏻‍♀️♥️