Dr Zahran

30/11/2025

بنشتغل عشان الفلوس
بس ممكن تكسب الاحسن من الفلوس

- احمد ربنا انك فى المشهد دا
انت الدكتور للى بيعالج مش المريض للى تعبان

- راعى قلق و خوف الناس و سيبها على الله

- جدد النيه لله انك بتخفف الم بنى ادم
و تقلل وجعه و قلقه

- صدقنى و الله
دعوه صادقه من بنى ادم ميعرفكش ممكن تغير حالك و حياتك و تغير اقدارك للاحسن

نصيحة من قلبى للزملاء

29/11/2025

من الحالات الطبية النادرة واللى بتأكد إن كل شيئ بقدر وترتيب إلهي:

طفل 4 سنوات يقع على إيده وتاخده أمه لدكتور العظام اللي بيطلب منها أشعة على إيده

تعمل الأم آشعة على إيد إبنها وترجع بيها لدكتور العظام اللي بيبص فى الآشعة ويندهش وهو بيسأل

الأم : إنتى اللى ماسكة إيد الولد مش كده ؟!!
الأم : أيوه يا دكتور أصله ماكانش راضى يثبت فدكتور الأشعة طلب منى أثبت إيده.
الدكتور : هي إيد الولد سليمة بس إنتى ما بتحسيش بألم بألم في إيدك ؟!!
الأم : ساعات يا دكتور بس أنا ما بحبش أكبر المواضيع

الدكتور : شوفی یا ستی ظاهر فى الآشعة بداية ورم في الجزء ده من إيدك ممكن يكون حميد وممكن يكون خبيث فلازم يتشال ويتحلل وماتقلقيش من النتيجة أيا كانت فده شيئ لسه في أوله ...

وفعلا يعملها الدكتور العملية وترجع نتيجة التحليل بنوع ورم خبيث ،، تاخد الأم كام جرعة كيماوى لمدة بسيطة وكام جلسة إشعاعى ويمن عليها ربنا بالشفاء التام ..

فسبحان من جعل النجاة فى قلب الإبتلاء وخفف برحمته أقداره ❤️

24/11/2025

تنميه زفت بشريه ☀️🐳

21/11/2025

Phil heath vs Ronnie Coleman 🤔🤔

21/11/2025

21/11/2025

عن الجـ ريمة البشـ عة في المدرسة الدولية:

= أنا آسف إني بكرر صدمتكم في بعض المدارس الدولية ومش بحب أتطرق لموضوعات زي دي.. لكن اللي حصل في إحدى المدارس الدولية بالقاهرة واسمها sseeds من أبـ شع وأسوأ الجـ رائم اللي ممكن تحصل بحق أطفال مدرسة في سن الطفولة.. وهي: الاعتـ داء الجـ سدي وحضراتكم فاهمين قصدي كويس.

= خمس أطفال ملهمش أي ذنب غير إن المدرسة اللي المفروض محترمة.. شغلت عندها الـ ٣ اللي في الصورة دول وحطيتهم وسط أطفال.. فكانت النتيجة: اعتـ داء من نوع بشـ ع.. وحط في خيالك كل شيء.. تهـ ديد واعتـ داء وتـ حـ رش وأشياء أخرى.. هي بالظبط اللي في دماغكم.. الله يحفظ أولادكم.

= بالصدفة البحتة ولية أمر عرفت إن ابنها حصل معاه كذا.. اتكلمت لقت أم تانية بتشتكي من ان طفلها قالها نفس الموضوع ثم أم تالتة ثم أم رابعة ثم أم خامسة.. والمتهمين: عاملين وفرد أمن بياخدوا الأطفال في مكان بعيد عن الكاميرات لكنه داخل المدرسة.. والمدرسة اسمها sseeds الدولية ومكانها ناحية السلام والعبور مش في العاصمة الإدارية الجديدة.

= لما اتكلمت مع أم طفل فيهم النهاردة.. كانت التفاصيل بشـ عة.. عن طفلها وباقي الأطفال الضحـ ايا.. حاجات بسمعها محدش يستوعبها ولا خياله ممكن يروح لها.. دول أطفال بيتعمل فيهم كدة ازاي! ومن امتى بقى: من السنة اللي فاتت.. اللي بيركب باص منهم وينتظر يركب الباص بيتاخد يتهـ دد ويحصل فيه كذا.. وطبعا بيتـ هـ دد لو اتكلمت هيحصل فيك كذا.. كان بيسكت غصب عنه لحد ما جه وقت وكل حاجة اتعرفت.

= مدرسة سايبة بلا إشراف.. عمال وأمن بعضهم زي اللي في الصورة.. طبيعي النتيجة تكون كارثية.. أطفال بنين وبنات.. ما بين تلاتة لخمسة.. منهم بنين وبنات.. كل ذنبهم إن أسرهم آمنوا إنهم في مدرسة كبيرة وبمصاريف كبيرة معتقدين إنها آمنة.. لكنها شبه مستباحة.

= لما شوفت فيديو لطفلة وهي رايحة مع الضابط المحترم توريه المكان اللي كانت بتروح فيه مع المجـ رم تحت التهـ ديد.. حسيت بقهرة أب بيشوف بنته وهي مرعوبة وبتصوت وعايزة تجري وتعيط من خوفها وذكرياتها السيئة مع مكان الجـ ريمة.. الضابط أخدها في حضنه وقالها متخافيش.. وباباها ومامتها كانوا بيحاولوا يهدوها ويطمنوها.. ده مشهد واحد من مشاهد مفيش بني آدم عنده ذرة دم وإحساس يستحملها على طفلة.

= حضور ضباط شرطة قسم السلام للمدرسة بعد بلاغ النجدة كان أسرع ما يكون واتعاملوا بمنتهى الاحترام والرقي والجدية والأبوة مع الأطفال وأسرهم.. حتى داخل قسم شرطة السلام.. اتعاملوا بمنتهى الأبوة.. وحبايبي الأطفال خضعوا لكشف طبي شرعي وفحوصات تحت تأمين الشرطة.

= للسيد وزير التربية والتعليم.. المتهمين الآن في قبضة العدالة.. وأنا أثق في الشرطة وعدالة القضاء.. باقي دور وزارة التعليم في محاسبة المدرسة بأقصى العقوبات الإدارية المنصوص عليها في القانون والقرارات الوزارية. وبحكم صرامتك مع باقي المدارس الخاصة والدولية التي وقعت فيها مخالفات أثارت الرأي العام وكانت أقل فداحة وكارثية من تلك الكارثة.. أنتظر من سيادتك كالعادة نفس الصرامة مع هذه المدرسة التي فقدت الحد الأدنى من الأمان والسلامة للأطفال واستباحت أجسـ ادهم بعناصر شبه مجـ رمة سمحت بتوظيفهم في المدرسة دون رقابة أو متابعة أو تأمين أو إشراف.. وأقل عقوبة وضع المدرسة تحت الإشراف المالي والإداري وربما إلغاء الترخيص.

= بعيدا عن كوني صحفي في الأهرام مختص بوزارة التعليم.. لكن أنا كأب لبنتين.. مش هسيب الأطفال دي ولا هسيب المدرسة قبل ما تكون عبرة مع ثقتي في إجراءات الوزارة.. ونصيحتي: خدوا بالكم من ولادكم واتكلموا معاهم طول الوقت عن يومهم في المدرسة.. مش معنى إن ابنك متعايش ومكمل ومش بيتكلم عن واقع مرير عايشه لمجرد إنك شايفه في بيئة آمنة أو حياته طبيعية.. جايز يكون مضطر للسكوت بسبب مطاردات مجـ رم.. شارك البوست علشان المجـ رمين دول يكونوا عبرة والمدرسة تكون عبرة وكل اللي يدافع عنها ويبرأها يبقى عبرة.

21/11/2025

نصايح سريعة وآمنة لنزول الماء الزائد من الجسم بدون ما تأثر على صحتك أو أداءك:

✅ 1. قلّل الملح (الصوديوم)

الملح هو أكتر عامل بيحبس المية.
جرّب تقلل:
• الأكل الجاهز
• المخللات
• الشيبسي

✅ 2. زوّد البوتاسيوم

البوتاسيوم بيوازن الصوديوم وبيساعد على إخراج الماء.
أفضل مصادر:
• موز
• بطاطا
• أفوكادو
• سبانخ
• زبادي

✅ 3. اشرب مياه أكتر

يمكن غريب، بس شرب الماء بيقلل احتباس الماء.
2.5–3 لتر يوميًا حسب وزنك ونشاطك.

✅ 4. قلّل الكربوهيدرات يومين تلاتة

كل جرام كارب بيشيل معاه 3 جرام مياه.
قلل العيش – الرز – المكرونة مؤقتًا لو عايز تنشف بسرعة.

✅ 5. شاي أخضر / قرفة / جنزبيل

مشروبات مدرة للبول بشكل طبيعي وبتقلل الانتفاخ.

✅ 6. حركة خفيفة + عرق

المشي نص ساعة أو تمرينة خفيفة بتسحب مياه محبوسة كتير.

✅ 7. نوم كويس

قلة النوم بتزوّد الكورتيزول → زيادة احتباس المياه. حاول 7 ساعات.

⚠️