Dr.Ali ELnagar-صيدلي الخير

Home
Egypt
Cairo
Dr.Ali ELnagar-صيدلي الخير

(دكتور صيدلي/علي محمود النجار)
✅بقدم استشارات مجانية في مايخص الأدوية ومنتجات العناية بالبشرة والشعر
(1)

20/07/2025

معظمنا دلوقتي بيدور علي مكمل غذائي فيه عنصر الزنك ويكون بتركيز عااالي وسعره معقول

في بوست النهارده هقدملكم واحد من افضل انواع الزنك اللي موجود في الصيدليات....منتج مصري وجودته كويسة جدا وتركيز الزنك فيه بأعلي تركيز موجود وهو 50مجم وسعر العلبة 30كبسولة ب110ج 🌟🌟🌟🌟

فايدة الزنك ايه ؟؟؟؟

أهم فوايد الزنك انه مقوي ممتاز للمناعة وكمان بيعالج تساقط الشعر وتحفيز انتاج الكولاجين وكمان بيعالج مشاكل الاظافر

جرعته : بتكون كبسولة كل يوم بعد الفطار

05/06/2025

كل سنة وانتم طيبين جميعا....عيد مبارك عليكم♥️♥️

01/06/2025

بتدور علي مكمل غذائي يكون فيه ماغنسيوم بتركيز عالي وسعره كمان يكون مناسب بدل المستورد اللي عدي 1000ج‼️

👈في بوست النهارده هقدملكم ((سانسو ماغنسيوم)) بتركيز عالي جداا من الماغنسيوم 250مجم وسعر 160ج 👌♥️

🌟 أهمية الماغنسيوم في انه مكمل غذائي مهم جدا في تقوية العظام وكمان تقوية عضلة القلب ومهدئ طبيعي وممتاز للاعصاب

🌟كمان هو مكمل غذائي طبيعي بيساعد علي النوم ودا حل ممتاز لأي حد مننا بيعاني من صعوبة في النوم وكمان بدون أثار جانبية♥️

✅لايك ومشاركة للبوست علشان يوصل للناس♥️

#ماغنيسيوم #الارق #العظام

25/05/2025

بتعاني من أمساك او اسهال وانتفاخات ووزنك بينزل باستمرار؟؟

👈بنسبة كبيرة الاعراض دي بتكون اعراض جرثومة المعدة واللي اسمها H-PYLORI واللي بنتأكد منها عن طريق تحاليل البراز

🌟طيب جربت أدوية كتير ومفيش نتيجة ؟؟؟

👈اللي قدام حضراتكم في الصورة نوعين أدوية لسة نازلين قريب جدااا في مصر ودول أن شاء الله افضل تركيبة لعلاج الجرثومة وبتتسمي ((التركيبة الثلاثية)) أو ((التركيبة المتكاملة))💪👌

✅بتكون عبارة عن 3 مواد فعالة وهما

🗣️Bismuth....ودا عبارة عن مطهر قوووي جدا
وبيحسن من اداء المادتين التانين اللي معاه

🗣️ tetracycline ودا مضاد حيوي قوي
🗣️ metronidazole ودا مطهر معوي ممتاز

✅طيب فيه كام نقطة مهمة ناخد بالنا منهم لو قررنا ناخد أي نوع من الادوية دي👈👈

🚨لون البراز هيكون غامق ودا عادي ماتقلقش خاالص ودا بسبب وجود مادة Bismuth 📌

🚨نبعد خاالص عن منتجات الالبان ومنتجات الكالسيوم او ماغنسيوم عن جرعة الادوية دي علشان هتقلل مفعولها خااالص

🚨نستخدم كريمات واقي الشمس ((صن بلوك)) علشان الادوية دس بتعمل حساسية شديدة ناحية الضوء

🌟🌟الادوية دي لسة نازلة جديد بس ممتازة وفعالة جدااا في علاج جرثومة المعدة وعلاج نهائي ان شاء الله💪♥️

15/05/2025

🌟استخدام المضاد الحيوي خطر في دور البرد؟..

👈مش أي دور برد يبقي لازم مضاد حيوي

✅فيه كام حالة كدا وقتها لازم استخدم مضاد حيوي💯

📌اول حاجة لو فيه سخونية بتروح وتجي ومش بتقل خااالص

📌 التهابات واحتقان جامد في ذورك مع صعوبة البلع

📌ظهر عليك اعراض التهابات في الاذن أو فيه كحة ببلغم ‼️

✅ بلاش بقا نستخدم مضادات طول الوقت لانه مع الوقت المضادات الحيوية بتقلل مناعتنا وبتعمل مشاكل في المعدة

#مضادات #البرد

30/04/2025

بمناسبة أن الكل بيحذر النهارده من رياح الخماسين والأتربة والعواصف🙆🏽‍♂️🙆🏽‍♂️🙆🏽‍♂️🤕

جمعتلكم النهارده أفضل كورس لعلاج وكمان الوقاية من حساسية الصدر و الجيوب الأنفية إن شاء الله 💪♥️♥️

✅ أول نوع في الصورة ويعتبر علاج واسمه((تلفاست تركيز 180مجم)) ودا عبارة عن مادة Fexofenadineبأعلي تركيز موجود وهو علاج ممتاز لأعراض الحساسية لمدة اسبوع او اسبوعين

🌟بينزل منه شراب مناسب للأطفال من عمر 6شهور👶

✅النوع التاني معانا وهو ((سنجولير 10مجم)) والمادة الفعالة هي Montelukast ودي مع الوقت بتوقف خالص مسببات الحساسية

👈 الكورس بتاعها قرص مساءا لمدة 3شهور

🌟بينزل منها للأطفال اكياس 4مجم وأقراص مضغ 5مجم💪

🗣️ياريت لايك ومشاركات للبوست علشان الكل يستفيد♥️♥️

#الحساسية

29/04/2025

هو استخدام المضادات الحيوية ليه مخاطر؟؟؟؟!

اه طبعا ليه مخاطر لانه طبيعي مش كل موقف يحصلك تاخد مضاد حيوي ومش كل واحد يقولك خد مضاد حيوي تسمع كلامه‼️

⚠️اخطر مشكلتين بيحصلوا لما نفضل نستخدم مضادات حيوية كل شوية هما الاتي

🌟اول مشكلة بيقلل المناعة عن طريق أنه مع الوقت جسمك بيكون حساس مع اي نوع ميكروب أو بكتريا أو اي دور برد عادي

✅تاني مشكلة المضادات الحيوية بتموت البكتريا النافعة اللي موجودة في المعدة ومع الوقت هتعاني من مشاكل في الهضم والتهابات في القولون باستمرار🙆🏽‍♂️🙆🏽‍♂️

🚨الحل أننا مانستخدمش المضادات الحيوية الا عن طريق الدكتور المختص وعلي حسب الاعراض وقتها👌👌

28/04/2025

بتدور علي افضل علاج لمشكلة الكحة والبلغم💪👌👌

كمان بدور علي علاج بدون آثار جانبية ويكون آمان تماماااا لجميع الناس وآمان مع مرضي السكر والضغط ♥️♥️

👈 اكياس ((اسيتيل 600مجم)) كيس مرة واحدة في اليوم بعد الوجبة الرئيسية 👌👌
#الكحة #بلغم

27/04/2025

بتدور علي افضل علاج لمشكلة الأملاح؟؟؟!👌

👈 العلاج اللي في الصورة من تحت (((زيلوريك 300مجم)) كان متاز في علاج الاملاح بس حاليا ناااقص جدا ومختفي ❌❌

🌟نجي بقا لأفضل الادوية حاليا لعلاج مشكلة الاملاح وهو ((فيبوريك 80مجم)) ودا جواه مادة Febuxostatودي ممتازة جداااا في علاج زيادة الاملاح وخاصة اللي في الدم 💪💪

✅جرعته بتكون قرص مرة أو مرتين قبل الاكل بنصف ساعة⌛

#الاملاح #علاج #زيلوريك

24/04/2025

🗣️معلومة مهمة جدااا بخصوص أدوية الكوليسترول⚠️⚠️

تفتكروا ايه السبب ان ادوية الكوليسترول بتسبب الام شديد في
جسمك كله واوقات كتيرة بيكون الم شديد جدااا🚨🚨

✅ادوية الكوليسترول فيه منهم انواع كتيرة بتكون المادة الفعالة اخر كام حرف في الكلمة Statin ودي للاسف في معظم ادوية الكوليسترول وأدوية مشهورة جدا

👈الادوية دي بتعمل مشكلة كبيرة في جسمنا وهي انها بتقلل من انزيم مهم جدا لجسمنا وأسمه CoQ enzyme وعلشان كدا بتحس بوجع شديد في كل جسمك وكمان لأنها بتقلل من مستويات الكالسيوم جوا جسمك مع الوقت ⚠️

🌟المشكلة دي كمان ممكن لو ماشيين فترات كبيرة تسبب مشاكل في التهاب الاعصاب وارهاق باستمرار‼️

✅علشان كدا لو حضرتك ماشي علي ادوية الكوليسترول والدهون الثلاثية أنك تستخدم وقتها مكمل غذائي فيه
Co Q enzyme

⌛ياريت نعمل لايكات ومشاركات للبوست علشان نعرف الناس المعلومة المهمة دي ♥️♥️
#الكوليستيرول

23/04/2025

تفتكروا فيه مسكن آماااان تماما وأثاره الجانبية قليلة جدااا؟

👈 الاجابة طبعا مادة الباراسيتامول تعتبر اكتر مسكن آمااان تماما علي المعدة وكمان آمان مع مرضي السكر والضغط العالي♥️

✅اشهر الادوية اللي منتشرة في الصيدليات وجودتها ممتازة وهو بنادول ودوليبران 💪👌👌

🌟ناخد بالنا ان قرص واحد(( دوليبران)) بيكون زي تأثير قرصين من(( البنادول الازرق))👌

👈مناسبة تماما مع كل الناس ماعدا مريض الكبد بتكون ممنوعه عليه ولازم استشارة الطبيب

22/04/2025

في سلسلة البديل الارخص ...بوست النهارده هقولكم فيه معلومة مهمة جدا جدااا

🌟علاج الكوليسترول المستورد ((كريستور)) اللي ب 368ج ....نفس التركيبة والمادة الفعالة موجودة في علاج مصري ومفعوله كويس جدا وهو ((Rositor)) ولو حسبة بسيطة هنلاقي ان 28قرص منه ب 116ج فقط ونفس المادة الفعالة بالضبط♥️

✅لايك ومشاركة للبوست علشان المعلومة توصل لأكبر عدد♥️

Address

Cairo
Cairo

Website

https://www.facebook.com/profile.php?id=100006683566952&mibextid=eHce3h

Alerts

Be the first to know and let us send you an email when Dr.Ali ELnagar-صيدلي الخير posts news and promotions. Your email address will not be used for any other purpose, and you can unsubscribe at any time.

Contact The Practice

Send a message to Dr.Ali ELnagar-صيدلي الخير:

Shortcuts

Want your practice to be the top-listed Clinic in Cairo?