Taystot Rune Fehu

Taystot Rune Fehu Contact information, map and directions, contact form, opening hours, services, ratings, photos, videos and announcements from Taystot Rune Fehu, Astrologist & Psychic, Cairo.

Alpha α UMi Polaris 11767-898
صفحة تهتم بعلم الفلك والتاروت والفنجان وكل علوم الطاقة والماورائيات 🍀🌾 🪷🌻🌕☀️🪐🔥🔮✨👑💎💰🪙💵💶🧿🪬
A page Interested in astrology, Tarot reading and metaphysics
Alpha αUMi Polaris 11767-898
♈♉♊♋♌♍♎♏♐♑♒♓🕉️☯️☮️🔱🧲💲

01/01/2026

كل سنة وانتم طيبين وبخير وسعادة وصحة وسلامة وعافية ورزق وفير وغنى كريم وفضل عظيم من رب اعظم.
#سنةجديدة #سنةسعيدة ゚viralシ

ايه الاخبار معاكو ف جرايم العنف خصوصا ضد الستات والعنف الجنسي اللي نبهت عليه من اقل من شهر تقريبا؟صدقتوا الفلك ومعلمين ا...
16/12/2025

ايه الاخبار معاكو ف جرايم العنف خصوصا ضد الستات والعنف الجنسي اللي نبهت عليه من اقل من شهر تقريبا؟

صدقتوا الفلك ومعلمين الفلك زي حالاتي ولا لسه ؟😉😁

#معلمين 😂 #الفلك #باباالمجال

تفتكروا نجمة داوود دي جايبلنا ايه؟😉
12/12/2025

تفتكروا نجمة داوود دي جايبلنا ايه؟😉

ايه هي فكره الفراعنة عن الفلك؟ طب عرفوا ازاي ان في نجوم وكواكب ؟الناس فاكرة ان الفراعنة كانوا قاعدين على ضفة النيل يعدوا...
03/12/2025

ايه هي فكره الفراعنة عن الفلك؟ طب عرفوا ازاي ان في نجوم وكواكب ؟

الناس فاكرة ان الفراعنة كانوا قاعدين على ضفة
النيل يعدوا نجوم…

بس ايه هي الحقيقة؟

الحقيقة ان الناس دول كانوا بيعملوا هندسة فلكية قبل أي حد في الكوكب ما يفكر فيها.

---

الشمس: أول ساعة في تاريخ البشرية

الفراعنة اكتشفوا السنة بانها 365 يوم عن طريق حركة الشمس.

وكانوا بيعرفوا بداية السنة بظهور نجم Sirius مع الشروق…

ودي بتكون نفس اللحظة اللي بتعلن عن بداية فيضان النيل.

يعني الطبيعة كانت ماشية معاهم على مزاجهم.

الفراعنة اكتشفوا إن الشمس مش بس بتنور… دي .
زى. مدير ومعاه اجندة تعليمات ونفذ بعني هتنفذ

والكلام ده حصل من قبل ما اليونانيين يفوقوا من النوم اصلا.

ده ده غير طبعا استعانتهم بنجم الشعري اليمانيه
.

---

القمر: تقويم زراعي ومواعيد مقدسة

راقبوا تحركات القمر واحداثه وتصرفاته بملاحظات ودقه ، واشتغلوا بيه في الزراعة والطقوس الدينيه
القمر عندهم كان مش مجرد نور…
ده كان زي برنامج بينظم حياتهم كلها.

---

النجوم: كتاب مفتوح فوق السما والصف الاول في اولوياتهم

عندهم حاجة اسمها الديكانات
36 مجموعة نجمية بتقسم الليل لـ 12 ساعة.
يعني اخترعوا مفهوم الليل المقسم بالساعات من 4000 سنة!

الفراعنة ماكانوش بيبصوا للسما بلا هدف دول .
عرفوا خرايط كوكبية مفصلة
يعني حرفيا اخترعوا الليل الرقمي قبل أي حد. متحددله كل شي بسحصل بليل وتأثيره عليك الصبح

---

المعابد والأهرامات: أجهزة قياس فلكية

الأهرامات مبنيه و بنظام يمشي بالظبط مع حزام أوريون.
ممرات المعابد مصممة تستقبل شروق الشمس في أيام محددة بالظبط.
كل حجر محطوط كان ليه هدف ومحسوبله حسابات كبيره جدا مش مجرد بنا وخلاص

---

الكهنة: علماء قبل العلم

الكاهن المصري ماكانش رجل دين بس…
ده كان فلكي، ومهندس، ومحلل بيانات، ودارس رياضيات.
متخيل؟
كانوا بيجمعوا ملاحظات عن السما قرون كاملة…
تخلي ويحللواها ويفسروها وعليها قدروا يفهموا ويعملوا حسابات وفهموا الفلك بطريقه تخلي ناسا نفسها بكل التكنولوجيا بتعتها تبقي عاجزه انها تفسر ازاي حصل كده منهم.

---

ليه كل الهوس ده بالفلك عند الفراعنة؟

لأنهم فهموا ان السما بتقول والارض بتنفذ
النجوم مش منظر النجوم رسايل.
وكل حركة فوق ليها معنى تحت.

---

الفراعنة ماكانوش بيبصوا للسما
الفراعنة كانوا بيقروها.
واللي فهموه هما زمان ، البشر لسه لحد النهاردة بيحاولوا يوصلوله.
ـــــ

دول اصلا قدروا يعرفوا ويفهموا اننا مش مجرد ارض وفي فوق شمس وقمر ونجوم . دول وصلوا لانهم عرفوا ان في مجره درب التبانه وهي اللي احنا عايشين فيها .

وقدروا يفسروا اننا عايشين فوق مننا طبقات متقسمه للي جاي ده

هما كانو شايفين السما نهر سماوى فوق الارض مغطيها كلها واتسمي بحر نون ( المايه البدائيه اللي خرج منها الكون) وده اللي بيمثل الفراغ الكبير في الفضاء.

وده تقريبا نفس تفسير حضارات كتير ان السما فيها نهر او السما اصلا عباره عن مايه بس الفراعنه قدروا يوصلوا لده بطريقه احسن لانهم توصلوا لفكره ان الخلق و الموت وعوده الروح كله بيجي من فوق من السما
.

نقوا مجرة درب التبانه ووصفوها بأنها الاله حتحور لان حتحور بيتقال عنها سيدة السماء الجنوبيه او الطريق الي الغرب في اتجاه الاموات .
.

هنوقف لحد هنا لان الموضوع كبير بس اوعدكم في بوست تاني قريب جدا تكمله الموضوع

#الفلك #الفراعنة #مجرة

الجرايم دي كلها خلال شهر واحد بس زي ماتوقعنا وقولنا بالظبط عنف غربب تجاه النساء واغلبها بداعي السلوك والفضايح حتي لو من ...
17/11/2025

الجرايم دي كلها خلال شهر واحد بس زي ماتوقعنا وقولنا بالظبط عنف غربب تجاه النساء واغلبها بداعي السلوك والفضايح حتي لو من باب الكدب..

ربنا يستر ع الجميع خصوصا اننا داخلين كلنا ع اتصالات صعبة جايه للأسف والعنف الداخلي هايزيد والفضايح والعصبية المفرطه. وفيه قطع علاقات كمان وسوء تفاهم وتقلبات مزاجيه وكلامية عند المعظم يصحبه ندم فيما بعد

كنو بقي الفترة دي وكتموا ع قد ماتقدروا اي شئ يطلع من بوقكو واسمعوا نفسكو الأول قبل ماتنطقوا الكلام. وحافظوا ع سرية بياناتكم ضروري ضروري ضروري خدوا حذركوا الامني والسري ف كل شئ ضروري ضروري تاني

اللهم بلغت اللهم فاشهد

#تسربيات #تسريب #فضايح #فضيحة #عنف #جرايم #جرائم #نساء #اطفال

يا مساء الخير ياللي معانا ياللي معانا التوت رون توقع وهنانا ياللي معانا 😁😂حد اتكلم عن الوعي الجمعي ده غير هنا؟😁لسه عايزي...
17/11/2025

يا مساء الخير ياللي معانا ياللي معانا التوت رون توقع وهنانا ياللي معانا 😁😂

حد اتكلم عن الوعي الجمعي ده غير هنا؟😁
لسه عايزين تتأكدوا ان وانه مواقع النجوم قسم عظيم
#الابراج #الفلك #ترامب #ابيستن #تسربيات #فضايح #فضائح #فضيحة #كلينتون #امريكا

حد عرف تفاصيل تسريبات ابستن؟😁قولنا ولا ماقولناش؟😁لسه عايزين تتأكدوا ان وانه مواقع النجوم قسم عظيم #الاب...
17/11/2025

حد عرف تفاصيل تسريبات ابستن؟😁
قولنا ولا ماقولناش؟😁
لسه عايزين تتأكدوا ان وانه مواقع النجوم قسم عظيم
#الابراج #الفلك #ترامب #ابيستن #تسربيات #فضايح #فضائح #فضيحة #كلينتون #امريكا

كانت صور بشعة ماحدش يدور عليها ياريت.عشان تعرفوا فعلا ان #الفلك حق ونبهنا ع بشاعة الجرايم من النوعية دي اول امبارح وقول...
09/11/2025

كانت صور بشعة ماحدش يدور عليها ياريت.

عشان تعرفوا فعلا ان #الفلك حق ونبهنا ع بشاعة الجرايم من النوعية دي اول امبارح وقولنا هاتفضل كده حبة وقت حلوين.
ويادوب مالحقناش يفوت كام ساعة ع توقعاتنا وسمعنا كذا حادثة لحد النهارده اهو للاسف.

ربنا ينجينا ويهدي نفوسنا ويريح بالنا ويغزي شيطاننا اللهم امين.

#ركز #ركزوا # #الابراج #ابراج #كواكب

بقالنا فترة متكلمناش في مواضيع ممكن تكون مفيده ليكم بمعني انها تشرحلكم فكره الفلك جت منين ومين اللي تنسب ليه اكتشاف الفل...
09/11/2025

بقالنا فترة متكلمناش في مواضيع ممكن تكون مفيده ليكم بمعني انها تشرحلكم فكره الفلك جت منين ومين اللي تنسب ليه اكتشاف الفلك عموما.. طبعا بلا اي شك و بدون منازع فاساس الفلك واكتشافه ( العراق) اعظم و اول حضاره علي وجهة الارض ..

طب هما اكتشفوا الفلك ازاي ؟؟ خد عندك بقي.

الفلك عند البابليين كان يعتبر زي سجل للالهه او دفتر تسجيل بمعني ايه ؟

البابليون من حوالي 1800 ق.م – 500 ق.م) كانوا أول ناس في التاريخ يوصلوا لفكرة ان السما نظام مش فوضى.
شافوا ان حركه الكواكب مش عشوائية، فبدأوا يرصدوا كل حاجة ليل و نهار بالذات فوق برج “زقورة” ، اللي اصلا هو معبد وكان شبه مرصد فلكي بدائي.

كان عندهم كهنة فلكيين اسمهم ( البارو - baru)
دول اللي بيراقبوا السما ويكتبوا الملاحظات وبيفسروها على إنها رسائل من الآلهة للملك أو للشعب.
---
ازاي عرفوا مواقع الكواكب؟
كانوا بيكتبوا اللى رصدواه على الواح طين بنظام الكتابة المسمارية. كل ليله بيسجلوا مكان الكواكب بالنسبة للنجوم و وقت شروقها وغروبها و أوقات الخسوف والكسوف.
ومع مرور السنين البيانات دي كترت وتراكمت فبدأوا يكتشفوا نظام وانماط متكرره يعني مثلا كوكب معين بيرجع لنفس النقطة بعد فترة معينه ومن هنا عرفوا إن لكل كوكب دورة زمنية خاصه بيه.
---
بالنسبة ليهم الكواكب مش مجرد أجسام في السما دي الهة بتتحرك قدام عينيهم. كل كوكب كان ليه اله محدد وصفات مرتبطة بيه.

يعني كمثال بسيط كده

الشمس
(Shamash) شمش
اله العدالة والنور – يرمز للحق والوضوح

القمر
(Sin) سين
اله الحكمة والزمن ودورة الحياة

عطارد
(Nabu) نابو
اله الكتابة والعلم – راعي الكتبة والأنبياء

الزهرة
(Ishtar) عشتار
الهة الحب والحرب – مزدوجة: بتعطي وتدمر

المريخ
(Nergal) نيرجال
اله الحرب والوباء – رمز القوة والدمار

المشتري
(Marduk) مردوخ
الهه الأعظم، سيد اللالهه، رمز الحكم والنظام

زحل
(Ninurta) ننورتا
اله الزراعة والمحارب الحكيم – رمز الصبر والصرامة

الكواكب السبعة دي كانوا شايفينها العين السبعة للالهة
وهي اللي منها اتبنى بعدين النظام الفلك التنجيمي اللي خدته حضارات زي الإغريق ثم العرب.

طب ازاي استفادوا من الفلك؟ كان ليه طرق كتير منها

1. التنجيم الملكي:
كانوا بيراقبوا السما علشان يعرفوا مصير المملكه.
مثلا لو كوكب نيرجال (المريخ) ظهر في اتجاه معين، كانوا يفسروها إنها حرب جايه من الشرق.

2. التقويم والمواسم:
حركات القمر والكواكب ساعدتهم في تحديد الشهور الزراعيه ومواسم الفيضان والزراعه.
التقويم القمرى اللي استخدموه هو اصل التقويم البابلي اللي اثر بعدين في التقويم العبرى والاغريقى.

3. النبوءات:
كل ظاهرة سماويه (كسوف، مذنب، شهاب) كانت تعتبر علامة.
فلو حصل خسوف والمشتري في كوكبه معينه، الكهنة يكتبوا مثلا (سيموت ملك في الغرب)
يعني السماء عندهم كانت نظام الهي للتواصل.
---
البابليون هم اول ناس ربطوا الكواكب بالرموز والالهه والمعاني.
هم اللي زرعوا فكرة ان حركة السما بتكشف مصير الارض وده اللي اتطور بعد كده للتنجيم الكلاسيكي.
يعني باختصار البابليون حولوا الفلك من مجرد رصد الى لغة مقدسة بين الانسان والسما.

ودي بداية علم الفلك واكتشافه من العراق وهنبدا نشرح تسلسل اكتشاف الفلك مع كل حضارة بنفس الطريقه ان شاء الله قريب..

#فلك #ابراج #كواكب #بابل #مردوخ #العراق

ياجدعان انا مالحقتش وربنا قولت التوقعات حتى عشان نصطبح بالخبر ده. 😂عشان تعرفوا مدى سرعة وقوة وزيادة التحرشات دلوقت هاتبق...
06/11/2025

ياجدعان انا مالحقتش وربنا قولت التوقعات حتى عشان نصطبح بالخبر ده. 😂
عشان تعرفوا مدى سرعة وقوة وزيادة التحرشات دلوقت هاتبقي عامله ازاي .

فارجوكم ارجوكم خلي بالكم جدا جدا الفترة دي معلش.

وربنا ينجينا ويحمينا كلنا من اذى كاملين العقل والدين.

اللهم ثبتنا وقوينا .

خلي بالكم لاخر مره عشان فعلا الموضوع هايبقي بايخ اوي اوي فعلا وزايد عن حده. حاولو ماتخلوش الافكار دي تأثر عليكم بالسلب والخوف الزايد لكن الحرص واجب فكروا بس ازاي تحمو نفسكم وعيالكم الفترة دي وان شاء الله تعدي ع خير.

#ركز #ركزوا

Address

Cairo

Opening Hours

Monday 6pm - 10pm
Tuesday 6pm - 10pm
Wednesday 6pm - 10pm
Thursday 6pm - 11pm
Friday 5pm - 10:30pm
Saturday 6pm - 10pm

Website

Alerts

Be the first to know and let us send you an email when Taystot Rune Fehu posts news and promotions. Your email address will not be used for any other purpose, and you can unsubscribe at any time.

Shortcuts

Share

Share on Facebook Share on Twitter Share on LinkedIn
Share on Pinterest Share on Reddit Share via Email
Share on WhatsApp Share on Instagram Share on Telegram

Category