الناصح

05/10/2025

محتارة تعملي إيه في اللانش بوكس بتاع الحضانة؟
هتلاقي هنا أفكار سريعة، صحية، ومغذية علشان ابنك ياخد كل اللي محتاجه من نشويات، بروتين، خضار وفاكهة
الفكرة إن الوجبة تكون متكاملة وسهلة التحضير من غير تعب
ومتنسيش البطاطس والطعمية في الفرن
إيه أكتر حاجة أولادك بيحبوها في اللانش بوكس؟
صحي

02/10/2025

أفكار للوجبات المدرسية صحية وسهلة
كل يوم بيكون تحدي نفكر ندي ولادنا إيه في اللانش بوكس يكون مغذي، يشبعهم، وكمان يحافظ على صحتهم ،هنا ٣ أفكار بسيطة

#

28/09/2025

كل أم نفسها ابنها يكون في المدرسة مركز وفايق، بس الحقيقة إن السر بيبدأ من اللانش بوكس 🎒✨
وجبة المدرسة مش بس تشبع، دي بتأثر على تركيزه، مزاجه، وحتى قدرته إنه يكمّل يومه من غير ما يتعب

علشان كده بنقترح عليكي ٣ أفكار لانش بوكس صحية وسهلة وإقتصادية وفي نفس الوقت يساعدوا ابنك يركز ويتعلم أحسن 👌
خلي اللانش بوكس وسيلتك إنك تدي له طاقة حقيقية طول اليوم 😍
تقدري تستبدلي الخضار والفواكه بالمتوفر عندك 🤩
- وصفة البانكيك ⬅️ عبارة عن ٢ صوابع موز ،مكعب زبدة ، بيضة ،كوباية لبن ، معلقة بيكينج بودر ورشة فانيليا 🥰 ممكن تزودي عليها اي نوع مكسرات مطحونة متوفر ✅
- البطاطا والبطاطس في الفرن ✅
- الحمص بيتسلق الاول قبل ما يتحمر في الفرن ✅
ولو عندك أي إستفسار سيبيهولنا في التعليقات وهنرد عليكي 👏✅
#تغذية

26/08/2025

البنات دول عمرهم 15 سنة بس…
لما احتاجوا يعملوا عرض ضمن دراستهم، قرروا يعملوه عن "الرعاية التلطيفية"!
الفكرة بدأت من البوستات والفيديوهات اللي شاركناها هنا على صفحاتنا، لكنهم كمان بحثوا بنفسهم، وأضافوا قصص ملهمة، والنتيجة؟ المركز الأول!
لما جيل صغير يفتح نقاش عن موضوع زي ده، ده أكبر دليل إن الوعي بيكبر، وإن التغيير الحقيقي دايمًا بيبدأ بالمعرفة
فخورين بالبنات دول وبكل حد بيحاول يعرف بنفسه أكتر.

تقدروا تقروا أو تحملوا دليل "خدمات الرعاية التلطيفية ورعاية الحالات المتقدمة في مصر" من اللينك اللي في البايو

#الناصح #وعي #شباب #تغيير

26/08/2025

البنات الحلوين دول سنهم 15 سنة بس، ومع ذلك لما اتطلب منهم يعملوا عرض تقديمي عن موضوع هما شايفينه مهم ومميز، كان اختيارهم هو "الرعاية التلطيفية"!
مش بس اكتفوا بالمعلومات والكلام اللي ناقشناه هنا على الصفحة وفي الدليل، لكنهم بحثوا بنفسهم وأضافوا معلومات جديدة وقصص واقعية ملهمة، والعرض بتاعهم كان فعلا مميز لدرجة انهم خدوا المركز الأول!
لما جيل صغير يعرف ويفتح نقاش عن موضوع زي الرعاية التلطيفية، ده بيقولنا قد إيه شغلنا -احنا وغيرنا - في التوعية مهم وفارق، وبيقولنا كمان إن التغيير بيبدأ بالمعرفة.
فخورين جدا بالبنات دول، وكل شخص واعي بيحاول يفهم أكتر ويغير.
لينك دليل "خدمات الرعاية التلطيفية ورعاية الحالات المتقدمة في مصر" للقراءة والتحميل:

https://shamseya.org/blog/publishing-of-the-guide-to-palliative-care-and-end-of-life-care-services-in-egypt

#الناصح

06/08/2025

انتشر مؤخرا كلام كتير عن صدور قرار وزاري برفع أسعار مستشفيات الصحة النفسية، وانه تقريبا معادش فيه حجز في الأقسام الداخلية مجانا أو بأجر رمزي، ورغم عدم وجود تأكيد أو نفي رسمي، لكن مهم نأكد على إنه الصحة النفسية مش رفاهية، وإن دعمها والاستثمار فيها مش فلوس على الأرض أو خسارة محتاجين نعوضها بدخل، الحقيقة إنه فيه دراسات بتقدر إن الدولار اللي بيتصرف على الاستثمار في الكشف والعلاج المبكر لبعض أمراض الصحة النفسية، بيكسب أربعة دولار، بييجو من توفير العلاج المتقدم، وتحسن انتاجية الفرد واللي بيراعيه، وعدم دخول الفرد و أسرته في دائرة الاحتياج لمعونات مادية، يعني ببساطة المجتمع والحكومات كسبانة بشكل مادي حقيقي من دعم الصحة النفسية، مش بس بشكل معنوي
#الناصح

31/07/2025

08/07/2025

06/07/2025

27/06/2025

22/06/2025

17/06/2025