Aya ehab consultant - Mamia-ماميا

06/11/2025

لما حد من حبايبك بيموت بتحس ان الدنيا وقفت …
متبقاش فاهم هو ازاي انت لسه عايش منه بعده …
مهم اوي في المرحله دى تساعد غيرك او تعمل خير عشان تشغل نفسك بمشاكل غيرك …
وتحاوط نفسك بحبايبك عشان هما اللي هيعرفوا يطلعوك من اللي انت فيه ..
ودا كان خلاصه الفيلم ❤️

04/11/2025

الروح نزلت عشان تختبر الحياة …
بس فى وسط الرحلة اتلهت بالحياة نفسها …
من غيرها الحياة ملهاش طعم …
ارجع لروحك عشان ترجع تستمتع بالحياة …

01/11/2025

في يومٍ من الأيام، في وقتٍ من الأوقات،
وفي زمنٍ من الأزمنة…
مصر نقشت أول سطر في التاريخ.

غيّرت مفاهيم،
وعلّمت قارات،
وكل شوية بتثبت إن التاريخ عمره ما بيقف،
وإنها دايمًا بتنقش… علشان يتحفر في الأذهان.

وزي ما اتحفر زمان،
هيتحفر النهارده في أذهان العالم كله
إن مصر بتفتتح أعظم متحف في التاريخ الحديث 🇪🇬✨

اللي يقولك “التاريخ مباني ونقوش”،
قوله: “التاريخ أثر… أثر بيتنقش في قلوب ووجدان البشر.”

أثر كل نفس بتشوفه،
بتتمنى هي كمان تسيب نفس الأثر.
أثر بيلهم كل روح إنها تتطور،
وتعتز بأصالتها،
وتفتكر إنها فريدة… ومفيش زيّها.

وهتفضل مصر، مهما دار الزمن،
بتسيب أثر… وبتلهم كل النفوس.

حدث زي دا كفيل إنه يعيد إحساسك بالفخر،
ويفكّرك إنك اتخلقت لحاجة أكبر بكتير
من إنك تكون مجرد شخص جاي الحياة وماشي،
لإنك شخص كل خطوة في رحلته بتسيب أثر…
وبتكتب سطر جديد في التاريخ.

الأثر اللي سايباه مصر جوايا،
من أيام وأنا قاعدة جنب أخويا
نتفرج على الأفلام الوثائقية عن مصر القديمة،
ونتنافس مين فينا هيجيب معلومة مبهرة أكتر عن جدودنا.

الأثر دا هو اللي خلاني، بعد ٤ أيام توقف عن نشر المحتوى،
أقرر النهارده أكتب البوست دا من كتر ما انا فخورة و متحمسة ومش عارفه اقاوم انى اشارك احساسى بهذا الحدث العظيم …
لأن اللي دايمًا بحلم بيه
هو إني أسيب أثر.

ودي مش صدفة،
دي حاجة بتجري في دمي و دمك من أيام أجدادنا.
لأنك طالما مصري…
يبقى لازم تسيب أثر.

اوعى حد يشكك فى عظمتك و فرديتك ….
اوعى حد يشكك فى أصالتك و أهميتك …
اوعى حد يشكك فى وجودك و خلودك …
اوعى حد يشكك فى أثرك و تأثيرك …

شكرًا يا مصر.
شكرًا إني اتخلقت هنا ♥️

28/10/2025

اللي بيتعلق بسرعه مش دايمًا بيحب بسرعه… أحيانًا بيكون بيدوّر على إحساس افتقده جواه.
بيفتكر إن الشخص هو السبب في النور اللي حسّه، مع إن النور ده كان جواه من الأول بس احتاج حد يلمسه عشان يبان.
علشان كده التعلق مش دايمًا حب، ساعات بيكون نداء من روحك بتقولك “ارجعلي أنا”.

اكتب في الكومنت كلمة تعلّق وهيجيلك التفاصيل ❤️

17/10/2025

انتي زي القمر كدا كدا

15/10/2025

أنا الكون و الكون أنا
كل حاجة حواليك مرايه ليك
كل حاجة حواليك رساله ليك
لو فهمت الفكرة دى هتسكن و هتهدى

دى كانت رساله روحى يا ترى ايه رسالتك انت ؟⁩⁩⁩

15/10/2025

⁨ أوقات بنفتكر إننا بنحب، بس في الحقيقة إحنا بنتعلّق.
التعلق بيخليك تفقد نفسك وانت بتحاول تمسك في التاني.
تحس إن وجوده بيطمنك، وغيابه بيهدك.
تحاول ترضيه عشان ما يبعدش، حتى لو على حسابك.
الحب الحقيقي مش كده…
الحب وعي، فيه مسافة أمان بينك وبين التاني،
فيه حرية مش خوف، قرب مش تملك.
لما تحب وانت مكتفي، العلاقة تبقى اختيار مش احتياج 💫
اكتبلي فى الكومنت تعلق و ابعتلك تفاصيل الحجز عشان نشتغل سوا على التعلق⁩

11/10/2025

08/10/2025

الروح بسيطة كل التمارين اللى كاتبها هى اول ما بتتفعل بتحصل لوحدها انت مش بتحتاج تعملها …
بس طول ما هى مش متفعله ولسه تايهه ما بين العقل والنفس …

هتحتاج منك انت مجهود تعمل التمارين دي🤍

شوف باقى البوستات عشان توصل لاحسن نتيجه🤍

اكتبولى اكمل فى نوع البوست دا ولا لا ؟⁩

06/10/2025

صوتك الداخلى هو دليلك ازاي تعيش فى الحياة …
هو الكتالوج بتاعك انت …
موجود جواك طول الوقت مش محتاج غير انك تكون واعى بيه …
الصوت دا بتقل قوته مع الوقت لما بنبعد عنه ونصدق اصوات ناس تانيه …
امشى ورا احساسك هتلاقي انك حبايبك وناسك ❤️

اكتب في الكومنت انهى نقطه انت فعلا بتعملها !⁩

05/10/2025

⁨ ‎أهم قيمة عندى في شخصيتى هي الحرية .
‎دايماً يتقالي اني بجناحات مليش ماسكه .
‎يترسملي خط وعمري ما همشي عليه.

‎رحلتى مع الحرية اخدت أطوار كتير …
‎مرورا بالتربيه واني كنت طفله صعبه …للبس وانا صغيره كنت بلبس حاجات يستحيل حد يلبسها غيري …
‎ للجواز واني مينفعش اخد اوامر من غير تفكير.
‎للشغل عايزا اقدم حاجة مختلفة.
‎ بس خلاصة التجربه …
‎أن الحرية الحقيقة في الاختيار مش في الاختلاف …
‎الحرية مش في الرفض بس .

‎جزء من حريتك انك تختار تطيع .
‎جزء من حريتك انك تختار تقلد .
‎جزء من حريتك انك تختار توافق .

‎الحرية فى القرار نفسه حتي لو قررت انك تبطل تطير .
‎العصفور بيطير وشويه وبيبطل بس هو اللي قرر يبطل يطير هو اللي قرر يدخل القفص .

‎دمتم أحرار محلقين❤️🪽⁩

01/10/2025

خلص الشهر بخسوف قمره، وبالعربية اللي قررت تشتغل وهي واقفة، وبـ يحيي اللي بيكبر وبيحب السوشي 🍣.
خلص بالرسائل اللي وصلتني من وسط الكركبة، تذكّرني إن ليا معنى وتأثير حتى وأنا في قمة شكوكي.
وأكتر حاجة صعبه، إني اكتشفت مشكلة صحية كبيرة.. صعبة، بس واضحة إنها رسالة.
الجسد بيقوللي: “خلي بالك”، والحياة بتفكرني إن حتى وسط العبثيات، لسه فيه فرصة إني أبطّأ وأسمع وأعيش بصدق. �