Dr Shaymaa Mohey د/ شيماء محي الدين

04/12/2025

❄️ في الشتا… خلي بالك من الحفاض! ❄️
علشان البرد، البيبي بيعمل بول أكتر
والحفاض بيتملى بسرعه من غير ما ناخد بالنا 🍼

✨ عشان نتجنب التهابات الحفاض
✨ وكمان البيبي ما يحسّش بالبرد والبلل

📌 غيّري الحفاض أول بأول… حتى لو شكله لسه مش مليان!

دفّي البيبي… وبشرته دايمًا مرتاحة ❤

03/12/2025

للمهتمين بشغل العيادات وطوارئ الاطفال :
مطلوب اطباء اطفال ((طبيب وليس طبيبة )) للعمل بسلسلة مراكز طفلي لطب الاطفال وحديثي الولاده فرع الشروق✅
يشترط الاتي :
◀️نواب اطفال (حاصلين على الفرست على الاقل) & اخصائيين اطفال
◀️خبره بعمل العيادات وطوارئ الأطفال
◀️الاقامه بالقرب من الفرع او المناطق المحيطه لسهولة الوصول للعمل
◀️الشيفتات المتاحه من ١٠ مساء -١١ ص في فرع الشروق
للتفاصيل وتحديد الانترفيو برجاء التواصل مع

د. يمنى شاهين
(( واتس أب فقط ))
01012801405

30/11/2025

للمهتمين بشغل العيادات وطوارئ الاطفال :
مطلوب اطباء اطفال ((طبيب وليس طبيبة )) للعمل بسلسلة مراكز طفلي لطب الاطفال وحديثي الولاده فرع الشروق✅
يشترط الاتي :
◀️نواب اطفال (حاصلين على الفرست على الاقل) & اخصائيين اطفال
◀️خبره بعمل العيادات وطوارئ الأطفال
◀️الاقامه بالقرب من الفرع او المناطق المحيطه لسهولة الوصول للعمل
◀️الشيفتات المتاحه من ١٠ مساء -١١ ص في فرع الشروق
للتفاصيل وتحديد الانترفيو برجاء التواصل مع
د. يمنى شاهين
(( واتس أب فقط ))
01012801405

27/11/2025

خلي بالكم 🙏
دور البرد البسيط اللي بييجي للكبار…
لما بيوصل لحديثي الولادة ممكن يقلب بنزلة شعبية أو التهاب رئوي.

عشان كده:
❌ بلاش بوس للاطفال او البيبي
❌ وبلاش نقرب منهم لو عندنا أي أعراض تعب—حتى لو “رشح بسيط”.

احموا البيبيهات… مناعتهم لسه ضعيفة وبيحتاجوا أقل قدر من الميكروب عشان يتعبوا.
ربنا يحفظ ولادكم يا رب ❤

27/11/2025

رجاء حار 🙏
يا جماعة… كبار و أطفال… من فضلكم خدوا تطعيم الإنفلونزا.
مش بس الناس اللي عندها أمراض مزمنة، لأ… حتى الناس السليمة 100%.
وحتى اللي جاله الدور واتحسن ➡️ يتطعم برضه.

التطعيم بيقلل شدة الأعراض، وبيقلل فرص دخول المستشفى، وبيحميك ويحمي اللي حواليك.
لو سمحتوا… خليكم في الأمان ❤️�

26/11/2025

25/11/2025

✨ خلّيني أقولها بالراحة كده… التسنين مش شماعة لكل حاجة!

📌 التسنين مش بيرفع الحرارة قوي.
أعلى حاجة 38 – 38.5.
لكن 39 أو 40؟ لأ… ده مش تسنين، ده دور مرضي فلازم تقييم.

📌 التسنين مش بيعمل إسهال.
آه ممكن البراز يكون سايب شوية بسبب الريق الكتير…
بس ٦–٧ مرات في اليوم؟ ده اسمه نزلة معوية مش تسنين!

👌 عشان كده خلي بالك…
التسنين بيعمل:
• قرف وتزّن كتير
• رغاوي وريق على طول
• شد ودان
• يحط إيده في بقه
• يعض أي حاجة يلاقيها… including صباعك 😂

👶 والأعراض ممكن تبدأ من ٣ شهور…
لكن السنة نفسها بتطلع غالبًا على ٦ شهور،
فمتقلقيش من البداية دي.

❗ إنما… لو فيه حرارة عالية أو إسهال شديد → لازم مراجعة دكتور.

ولو عايزة تعرفي أكتر عن:
• أعراض التسنين الحقيقية
• إمتى نقول الطفل متأخر
• طرق آمنة لتخفيف الألم
• إزاي تتعاملي مع العض أثناء الرضاعة

تابعي الكومنتات 👇

25/11/2025

✨ عايزة مخ طفلك ينور ويشتغل بكفاءة؟
اختاري له كل يوم حاجات تغذي الدماغ وتزوّد التطوّر 👶💪
وده أسهل مما تتخيّلي!

اختاري بينهم يوميًا بعد إتمام الشهر السادس:
• السمك (خصوصًا اللي فيه أوميجا 3)
• زيت الزيتون نقطة فوق الأكل
• البيض “السوبر فوود الحقيقي”
• الزبادي اللي بيظبط الهضم والمناعة
• البروتين الحيواني زي اللحمة والفراخ
• المكسرات المطحونة (بدون سكر طبعًا)

حاجات بسيطة… لكن بتفرق فرق جبّار في النمو والتطور ❤️

25/11/2025

✨ تطعيم السنة ونص مهم جدًا جدًا… وخليني أقولك
:
مش بيعمل توحد ولا ليه علاقة بالكلام ده إطلاقًا،

بسسس… هو فعلاً من أصعب التطعيمات نفسيًا على الأمهات 😂

يومه بيبقى ممتلئ مشاعر من أول دقيقة…

توتر، شد أعصاب، حضن جامد…
وبعدها يا إما دمعتين وتتعدّي،
يا إما فيلم أكشن كامل 😅

طب قوليلي…
تجربتك كانت عاملة إزاي في تطعيم السنة ونص؟

25/11/2025

🔥 معظم اللي ماشي دلوقتي في كل بيت… مش دور برد عادي خالص!
أكتر الحالات اللي بشوفها اليومين دول:
• حرارة ٤٠ مش بتستجيب بسهولة للخوافض
• كحة كحة كحة… لدرجة إن الصوت بيغيّر 🤦‍♀️
• والأعراض بتقعد ٥ أيام لأسبوع كامل
وبعض الأطفال… للأسف قلبوا التهاب رئوي.

يا جماعة…
ده مش البرد اللطيف اللي يجيلك يومين وتعدّي!
ده الإنفلونزا القوية اللي تطعيم الإنفلونزا بيحمي منها أصلاً. 💉

ومهما اتأخرتوا…
لسه الوقت ما فاتش!
الشتا طويل… والموجات لسه جاية.

طعمّوا عيالكم…
واحميهم من تعب مالوش أي لازمة ❤

25/11/2025

🌪️ الدور شغال في كل بيت اليومين دول!
بس متقلقيش… إحنا هنا ننقذك من دوامة الكحة والرشح والسخونية 😅✨

👶💗 أطفال كتير اليومين دول بيجي لهم:
• كحة وبلغم
• رشح وسخونية
• خمول وقلّة نفس
وطبعًا الأم بتبقى ماشية تقول: “هو في حد مش تعبان؟” 🤣

💡 الحقيقة: الفيروسات ناشطة بسبب تغيّر الجو، وده طبيعي يحصل… المهم نعرف نتصرف صح 👇

⸻

🎯 اعملي إيه أول ما الأعراض تظهر؟
✓ اعزلي الطفل عن باقي الأطفال
✓ سوائل كتير
✓ متديش أي أدوية كحّة من نفسك
✓ راقبي النفس ودرجة الحرارة كويس
✓ روّحي لدكتور الأطفال لو الأعراض زادت

⸻

❤️‍🩹 وعلشان متلفّيش كتير…
📩 ابعتيلنا على الرسائل لو محتاجة خطة علاج مناسبة لحالة طفلك.
وهرد عليكِ بنفسي ❤️✨

24/11/2025

“أكتر حاجة عمري ما اتعود عليها… لما طفل يدخل العيادة ويقولّي: إنتي طيبة؟
ودي اللحظة اللي بتفكرني… أنا هنا ليه أصلا ❤️”