Bedaya

Bedaya Bedaya counseling center

Empower your life to take new steps forward

Bedaya counseling center

VISION:
To empower all people to look inside themselves and make changes to better their lives. MISSION:
• To create a protected therapeutic space where people feel empowered to self-reflect on their past and present, make changes in their current negative thinking, harmful behaviors, and unhealthy relationships, and find happiness in living a meaningful life.
• To create a team of therapists and staff who provide our clients with attentive, empathetic, and reflective partners in the exploration of their lives, through listening, meeting them where they are at, providing tools to move them forward, and helping to guide them on a path to feeling better.
• To establish a cohesive team where team members feel cared for, included, motivated, recognized, and supplied with learning opportunities to grow and develop as professionals

من داخل غرفه العلاج النفسي 🪞**في أوقات الفقد أو الاشتياقبيفضل في كلاممحبوس جوا القلب.واحد من التكنيكس اللي بنستخدمها هو:...
21/01/2026

من داخل غرفه العلاج النفسي 🪞**

في أوقات الفقد أو الاشتياق
بيفضل في كلام
محبوس جوا القلب.

واحد من التكنيكس اللي بنستخدمها هو:
**رسالة ما اتبعتتش**

إنك تكتبي رسالة
لشخص كنتِ محتاجة تكلميه
وتقولي كل اللي ما عرفتيش تقوليه.

✍️ من غير فلترة
من غير تبرير
من غير ما تحكمي على مشاعرك.

الرسالة مش لازم تتبعت
ومش هدفها رجوع حد
هدفها إنك تفضّي
وتهدي
وتفهمي نفسك أكتر 🤍

أحيانًا
مجرد إنك تعبّري
بيخفف الحمل
وبيخليكي تحسي إنك مسموعة… حتى لو لنفسك.

لو حاسة إن في كلام واقف جواكي
يمكن الرسالة دي تكون أول خطوة للراحة ✨

16/01/2026

ابنك مش عصبي هو بيقلدك" 🗣️🧒
كلنا بنشتكي إن ولادنا عصبيين وصوتهم دايمًا في العالي، وبندور على حل لمشكلتهم.. بس هل سألنا نفسنا "هما جابوا ده منين؟" 🤔
الحقيقة الصادمة شوية إن ولادنا هما "مرايتنا".. الطفل بيشرب طباعنا بالمللي، لو صوتنا عالي وبنتعصب بسرعة، هو كمان هيعمل زينا بالظبط.
✅ الحل بيبدأ من عندكِ أنتِ:
1️⃣ اللوم سهل، بس التغيير هو اللي محتاج مجهود.
2️⃣ ابدأي بنفسك، حاولي تهدي في ردود أفعالك وتتحكمي في صوتك.
3️⃣ التربية مش بس توجيه للطفل، دي شغل مستمر على "نفسنا" عشان نكون قدوة بجد.
ولادنا يستاهلوا إننا نتغير عشانهم وعشان يطلعوا نفسياً أهدى وأسوى. ❤️
شاركونا في التعليقات.. إيه أكتر موقف حسيتي فيه إن ابنك بيقلد عصبيتك؟ 👇
#الأمومة

02/01/2026

“هو ابني اتبدّل؟… ولا بنتي مبقتش زي الأول؟”
بقى عصبـي، بيعند،
ولا عاجبه حاجة،
وبيزعق طول الوقت…
بس الحقيقة؟
هو مش اتغير…
هو بيكبر.
المراهقة مش قلة تربية،
ولا عناد متعمد،
دي مرحلة دماغه ومشاعره فيها
سابقين جسمه بخطوتين.
هو محتار،
مش فاهم نفسه،
وبيجرب يقول: أنا هنا
بس بطريقه صعبه شوية.
اللى محتاجه منك مش زعيق أكتر،
ولا مقارنة،
محتاج أمان
وحد يسمع حتى لو مش فاهم كل حاجة.
اسأله:
“مالك؟”
مش “انت ليه كده؟”
وافتكر دايمًا…
المرحلة دى بتعدّي
بس الأثر اللى بيسيبُه التعامل فيها
هو اللى # بيفضل 💛 #مراهقة


#احتواء
#اسمعني

22/12/2025

**"ابني بيعند معايا في كل حاجة!" 😩**
الأكل؟ عناد
النوم؟ عناد
المذاكرة؟ عناد
حتى اللبس؟ عناد!

بس الحقيقة…
**العند مش تحدّي، العند طلب مشاركة** 🤍

✨ جرّبي كده:

* **في الأكل** 🍽️
خليه يختار أو يساعدك في التحضير
* **في النوم** 🌙
روتين ثابت = نوم أهدى (قصة / موسيقى)
* **في المذاكرة** ✏️
ابدئي بحاجة بيحبها واحتفلي بأي خطوة
* **في اللبس** 👕
اختاري طقمين وهو يقرر

💡 لما الطفل يحس إن ليه رأي… العند بيهدى
العند محتاج **صبر + احتواء + حب** ❤️

جرّبي المشاركة بدل الأوامر… وهتشوفي الفرق 👌

#الأمومة

21/12/2025

لسه باجى ع بالك؟
فى موسم الأعياد،
وأنتِ بتقلبى فى الذكريات من غير قصد.
فى صورة قديمة،
فى مكان عدّيتى عليه،
فى أغنية جت فى وقتها الغلط.
وتسألى نفسك:
يا ترى ليه باجى ع بالك دلوقتى؟
علشان وحشة؟
ولا علشان الذكرى لسه ما اتقفلتش؟
ولا علشان فى حتة جواكى محتاجة تتحب؟
الذكريات بتطلع فى المواسم
مش علشان ترجع اللى راح،
بس علشان تفكرك
إن فى مشاعر ما اتعاشتش للآخر
ومحتاجة تتشاف… مش تتكتم.
فى اللحظة دى
ما تهربيش،
اسمعى السؤال،
وحاولى تردى عليه بلُطف.
مش كل اللى بييجى ع بالك
لازم يرجع لحياتك،
بعض الذكريات بتيجى
علشان تسيبك أخف… مش أوجع.
لسه_باجي

#ذكرى
#حنين
#مشاعر
#وجع
#قلب
#تعافي
#وعي
#شفا
#أعياد

18/12/2025

إنتي تستاهلي…
تستاهلي حد يختارك من غير ما تحتاري
ويحاول علشانك من غير ما تطلبي
حد ما يختفيش
وما يديش حب على قد مزاجه
ولا يخليكي دايمًا مستنية
ما ترضيش بالقليل
ولا بالفتافيت
ولا بأي إحساس يخليكي تشكي في قيمتك
إنتي مش زيادة في حياة حد
إنتي اختيار
وتستاهلي اللي يحس بده كل يوم تي_تستاهلي




#بنات





🤍

18/12/2025

ابنك عصبي زيادة؟ بيخاف من حاجات مش مفهومة؟ أو فجأة بقى بيتهته في الكلام؟ 😟
كتير مننا كأهالي بنبقى محتارين.. نوديه تخاطب؟ ولا نعدل سلوكه؟
الحقيقة إن في أوقات كتير، الطفل مش بيبقى محتاج "تمرينات" قد ما هو محتاج "دعم نفسي".. محتاج يحس إنه فاهم مشاعره وإنه مطمن.
الدعم النفسي ده مش "كلام وخلاص"، ده بيساعدنا:
✅ الطفل يعبر عن نفسه صح.
✅ نهدّي نوبات الغضب والخوف.
✅ نرجّعله ثقته بنفسه وإحساسه بالأمان.
وعشان مفيش طفل بيحب "الزهق"، بنعمل ده معاهم بطرق بيحبوها زي:
🎮 اللعب
🎨 الرسم والتلوين
⏳ اللعب بالرمل
كل ده بيخلينا نعرف "أصل المشكلة" فين ونحلها من جدرها.
نفسية طفلك هي الأساس.. لو هي تمام، كل حاجة تانية هتبقى تمام. ❤️

16/12/2025

🥳 لما ابنك بيلعب في المركز... مش بيضيع وقت! 🧠
كتير من الأهل بييجوا يقولوا لي: "رحنا المركز، والطفل كان قاعد بيلعب ومبيعملش أي حاجة مهمة!" 🤔
الحقيقة اللي ممكن كتير منّا ميعرفهاش هي إن الأنشطة دي واللعب مش مجرد تسلية! دي طريقة عشان ننمّي مهارات كتير عند الطفل، زي:
👀 التركيز والانتباه: عشان يعرف يركّز في الكلام أو المذاكرة.
✋ تآزر الإيد والعين: عشان يعرف يمسك القلم كويس ويرسم ويلوّن.
🗣️ مهارات اللغة والكلام.
🚦 تقليل الاندفاعية: بيخلّيه يفكر قبل ما يتصرف.
⏳ استنى دورك: بيتعلم إزاي يصبر ويستنى دوره في اللعب أو أي حاجة تانية.
يعني الخلاصة: كل لعبة أو نشاط بيعمله الطفل، بيساعدنا نبني مهارة مهمة محتاج يشتغل عليها. الموضوع مش لعب وخلاص، ده تنمية وتطوير مستمر! ✨
قولولنا في الكومنتات، إيه أكتر مهارة حسيتوا إنها اتطورت عند طفلكم بسبب الأنشطة دي؟ 👇

14/12/2025

قبل ما الغضب أو القلق ياخدك… وقف لحظة ⏸️
واسأل نفسك 3 أسئلة مهمين:
1️⃣ أنا حسّيت بإيه؟
غضب؟ قلق؟ خوف؟ إحباط؟
2️⃣ إيه الفكرة اللي جات في دماغي؟
"مش مسيطر" – "هيحصل حاجة وحشة" – "مش مفهوم"
3️⃣ اتصرفت إزاي؟
زعقت؟ سكت؟ بعدت؟ اندفعت؟
👈 هنا بقى القوة الحقيقية 💪
مش إنك تمنع الإحساس…
لكن إنك تغيّر الفكرة.
✨ حط فكرة بديلة:
بدل: "أنا مش قادر أتحكم"
قول: "أنا متضايق دلوقتي، بس أقدر أهدى خطوة خطوة"
بدل: "لازم أرد فورًا"
قول: "ممكن أستنى وأختار رد أهدى"
🧠 لما الفكرة تتغير…
👉 الإحساس يهدى
👉 والتصرف يختلف
الغضب والقلق مش أعداء…
دول رسائل، وإنت تقدر تقراها صح مشاعري_مش_ضعف





#🤍

30/11/2025

“في ناس كتير… وأنا منهم ساعات… نفضل نجري ورا الإنجاز.
أعايز أعمل… أغير… أدرس… أطور…
وده مش وحش خالص، بالعكس!
بس الحقيقة؟
أوقات الجري ده مش بيكون بس علشان نكبر…
بيكون علشان نهرب.
نهرب من إحساس جوانا…
من صورة ذاتية مش عاجبانا…
من صوت بيقول: "لازم تعملي أكتر… علشان تبقي كفاية."
بس اللي محدش بيقوله…
إن أكبر إنجاز ممكن تعمليه،
هو إنك تتصالحي مع نفسك.
تبصي لنفسك بصدق… وتقبّليها…
من غير جلد… من غير مقارنة… من غير ضغط.
ساعتها بس…
الإنجاز يِبقى خفيف…
والتغيير ييجي براحة…
وتحسي إنك بتكبري علشانك إنتي…
مش علشان تهربي من النسخة اللي مش عاجباكي.
✨ حضّني نفسك… واعملي اللي تقدري عليه.
مش علشان تثبتي…
لكن علشان تستحقي."

🌸 ورشة “أحمّي ابني إزّاي؟” ورشة تطبيقية معمولة مخصوص لكل أمّ عايزة تحمي طفلها… من غير خوف ولا ارتباك.والأجمل؟✨ الورشة مع...
23/11/2025

🌸 ورشة “أحمّي ابني إزّاي؟”
ورشة تطبيقية معمولة مخصوص لكل أمّ عايزة تحمي طفلها… من غير خوف ولا ارتباك.
والأجمل؟
✨ الورشة معمولة Collaboration مميّز بين
Step Above Academy و Bedaya counseling center
علشان نضمنلك محتوى علمي + خبرة تربوية + أسلوب عملي يناسب كل أمّ.

يا مامي…
إحنا عارفين إنكِ بتحاولي على قد ما تقدري،
بس الخوف ساعات بيزيد… والأسئلة مابتخلصش:
“أحمي ابني إزاي؟ أكلّمه عن إيه؟ وابدأ منين؟”

وعشان كده الورشة دي اتعملت علشانك إنتي،
علشان تريّحي قلبك… وتزودي وعيك… وتخرّجي وأنتي مستعدة بجد.

✨ في الورشة هتتعلمي:
* إزاي تشرحي لطفلك حدود جسمه بطريقة بسيطة ومناسبة لسنه
* إزاي تعلّميه يقول “لأ” وهو واثق ومش خايف
* العلامات الهادية اللي ممكن تشير لخطر
* تتعاملي إزاي مع كلمة غريبة أو سؤال محرج
* إمتى تقلقي… وإمتى تكوني مطمّنة
* خطوات عملية تخلي البيت مكان آمن فعلًا
* الأخطاء اللي بنعملها من غير ما نقصد وبتأثر على أمان الطفل

كل ده بأسلوب عملي وتطبيقي…
يعني هتقدري تطبّقي من تاني يوم مع ابنك.

🎯 الورشة مناسبة لـ:
– الأمهات
– المدرسين والمربّين
– الأخصائيين
– أي حد بيتعامل مع أطفال وعايز يتكلم معاهم بشكل علمي وآمن

✨ ليه الورشة دي مختلفة؟
لأنها مش مجرد كلام…
دي ورشة فيها:
وعي + أدوات + لغة صح + فهم نفسي + خطوات عملية
و Collaboration بين جهتين هدفهم الأول حماية الطفل ووعي الأم.

📅 الخميس – 4 ديسمبر 2025
⏰ الساعة 8 مساءً
🕒 المدة: ساعتين عملي
📍 Online – تقدري تحضري من بيتك بكل سهولة

📞 للاشتراك والتفاصيل:
من خلال الجروب:
https://chat.whatsapp.com/CQNvk7ZIgsWDjHQsb7zu6w

خُدي خطوة… خلي طفلك واعي وآمن… وإنتي مطمّنة ❤️✨

23/11/2025

عشان تحمي ابنك من التحرّش، لازم تكوني واعية لأي تغيّر بسيط يحصل عليه.
التغيّرات دي مش لازم تكون واضحة… ساعات بتبان في تفاصيل صغيرة، لكن ليها معنى كبير.
التغيّرات اللي لازم تاخدي بالك منها:
يبدأ يخاف من مكان معين أو شخص معين.
صعوبة في النوم، قلق أو كوابيس.
يرجّع يعمل حمّام على نفسه بعد ما كان متخطّي المرحلة دي.
مشاكل في الإخراج: إمساك شديد أو ألم/التهاب في المناطق الخاصة.
تغيّر مفاجئ في الأكل: يأكل كتير جدًا أو يمتنع عن الأكل.
يبكي أو يتنرفز من غير سبب واضح.
ينعزل أو يبقى عصبي أكتر من العادي.
المهم إنك تكوني دايمًا واخدة بالك… وأول ما تلاقي حاجة اتغيّرت، تسألي وتفهمي السبب

ثانيًا – وجود "وقت خاص" بينك وبين ابنك كل يوم
ده أكبر خط دفاع.
الوقت اللي بيحس فيه بالأمان وبيحكيلِك كل التفاصيل.
العادة دي لازم تبدأ من أول ما الطفل يبدأ يتكلم… لأنه لو ما اتعودش يحكي وهو صغير، مش هيعرف يفتح قلبه وهو كبير.










Address

٣٤ شارع العروسي, طوسون, روض الفرج
Cairo
11631

Opening Hours

Monday 10am - 10pm
Tuesday 10am - 10pm
Wednesday 10am - 10:15pm
Thursday 10am - 10pm
Saturday 10am - 10pm
Sunday 10am - 10pm

Website

Alerts

Be the first to know and let us send you an email when Bedaya posts news and promotions. Your email address will not be used for any other purpose, and you can unsubscribe at any time.

Shortcuts

Share

Share on Facebook Share on Twitter Share on LinkedIn
Share on Pinterest Share on Reddit Share via Email
Share on WhatsApp Share on Instagram Share on Telegram

Category