16/03/2021
اول ما المدام ما تعرف انها حامل .. تقوم تجرى ترجع فى الحمام مع انها كانت من ثانية كويسة 😂🤣
القئ او الترجيع ده شكوى متكررة لازم دكتور النسا يسمعا فى عيادته فى اليوم ١٠ مرات يا اما ميعرفش ينام 🤣🙈😂
بس هل كل واحدة شكوتها و اعراضها للقئ واحدة ؟!!!
فى مدام تيجي تقولك قرفانة ، بطنى مقلوبة ، برجع مرتين ،
فى واحدة تانية تقولك انا مش بخرج من الحمام ولا بسيب الكيس من ايدي
و من هنا هنتكلم عن ☝️☝️
قئ الحمل و القئ المستعصى ؟! 😰😢🤢
لازم نفهم كام مصطلح كده مهمين الاول
القىء إلى هوا الترجيع🤮🤮
الغثيان عاوزه ترجع ، بس مفيش ترجيع🤐🤐 .
الأول ،، لازم نفرق ما بين قىء الحمل و القىء المستعصى 👇👇👇
* قىء الحمل ،، دا حاجه معظم الحوامل بتحس بيه اول 3 شهور و يتحسن من الشهر الرابع و فى الغالب بيبقى الصبح
بيبقى جى ضيف مش خفيف اوى على قلب الحامل بس مستحملينه و بنقول بكره يغور فى داهيه و نكسر وراه زير .
** القىء المستعصى دا حاجة خطيرة ... ترجيع لدرجة العذاب 😈😈
بردو بيحصل فى أول شهور الحمل ،،، لكنه يعتبر عرض محتاج علاج و تدخل سريع لان ساعتها الست بتبقى منظرها و حالتها يصعب على الكافر 😢😰
دا بيكون ترجيع مستمر على طول .. من اول ريحة الاكل مش الاكل نفسه لحد بق المياه
طبعا البهدلة معظمها من فقد سوائل الجسم
القئ المستعصى بيحتاج فى الاغلب حجز بالمستشفى و العلاج الدوائى و عمل تحاليل باستمرار للاطمئنان و متابعة تحسن الحالة
و علشان كده ، لازم نفرق ما بين انواع و صفات الترجيع علشان علاجاتهم بتفرق ... ممكن تنظيم الاكل لوحده يكفينا و ممكن مستوى اعلى ناخد ادوية للعلاج و فى مستوى الوحش بقى الى هو حجز بالمستشفى
كل الى اقدر اقول ليكي .. ان شاء الله لكل مشكلة معانا حل
احملى انت و خلى المتابعة علينا 🤗💪💪💪
