https://www.youtube.com/channel/UCyPzLkeTNuTBB0U5TDNw9qg

مؤسسة كياني للصحة النفسية, Cairo (2025)

30/11/2025

🫂انتى تستاهلى احاول علشانك ❤️
🔹ولو فضلتى زعلانه هحاول ثالث ورابع وعاشر ❤️

،🔹التفاصيل من هنا 👇👇
https://www.facebook.com/share/r/1JSF9ah4K3/

🌷الصحة النفسية للأسرة حياة🌷

🏡 مؤسسة كيانى للصحة النفسية 🌷
والتدريب والاستشارات .

د.أميرة أحمد عفيفي
استشاري الصحة النفسية والارشاد الاسرى.
عضو اتحاد المعالجيين النفسيين العرب .

30/11/2025

💬انتى تستاهلى احاول علشانك 🫂❤️
💬ولو فضلتى زعلانة هحاول ثالث ورابع وعاشر 🌷🍫

🔹فى الارشاد الزواجى والاسرى بنعلم العملاء مهارات كثير مختلفة للتواصل بشكل فعال وايجابي مع الشريك لان الهدف الاساسى انقاذ الحياة الزواجية ومعرفة مشكلاتها وحلها بحلول مختلفة غير الانفصال لو فى فرصة لده .

🔹وعلشان الحياة الزواجية والاسرية تكمل محتاجين ان الطرفين يقربوا لبعض اللى اخد خطوة تجاه طرف
الطرف الثانى محتاج يشوف الخطوة اللى اتاخدت تجاهه وعلشانه ويقدرها وياخد له خطوة زيها علشان يتقابلوا فى الاخر ويكملوا مع بعض .

🔹احنا بنحاول انما منقدرش نلزم اى عميل انه يكمل لان فى كثير بيقرروا الانفصال للأسف بعد سنوات طويلة سابت خبرات مؤلمة .

🔹او انهم بالفعل جربوا وحاولوا كثير واخدوا خطوات مش خطوة واحدة و للأسف الطرف التانى ولا هو هنا ولا حاسس انه بيفقد حياته الزواجية والاسرية بيتعامل على ان اللى قدامه مضمون هيروح فين يعنى 🙆

🔹لا للأسف هو الطرف اللى انت بتتعامل معاه على انه مضمون هتفاجئ انه مش مضمون وانه من كثر كبت المشاعر السلبية فى العلاقة والمواقف المؤلمة منك تجاهه
خصوصاً لو ده حصل لفترات طويلة ويأس الطرف اللى كان طول الوقت بيحاول مع شريكه انه يتفهمه ويسدد له اقل قدر من احتياجاته لما بييأس بيقرر يمشى وبإصرار علشان ينقذ نفسه من تجربة هو حكم عليها انها فاشلة .

🔹وهنا الجزء اللى جاى للرجال فقط
كلامى هيكون موجه للرجال الحقيقين فقط اللى عندهم قوامه وشعور بالمسئولية تجاه زوجته واولاده وبيته وهما هيتفهموا رسالتى.

🔹رسالتى ببساطة انى بحاول اوضح لهم الفرق فى التركيبة النفسية بينهم وبين زوجاتهم واللى بناء عليه اكيد احتياجات زوجاتهم تختلف تماماً عن احتياجاته كزوج.

🔹لا هدفى احملهم مسئولية العلاقة لوحدهم لان اى علاقة مسئولياتها تقع على طرفين ولا هدفى انتقدهم ولا احكم عليهم نهائيا ً.

🔹انا بتعامل مع الرجال والسيدات على انهم انسان مع مراعاة اختلاف طبيعة النوع بين الذكر والانثى والاختلافات السيكولوجية بينهم .

🔹 و لذلك هدفى انى اوضح نقاط للازواج اللى زوجاتهم طالبين الانفصال وهما مش شايفين الاسباب او حاسين انها اسباب تافهه.

🔹ولكنها عند الست مهمة وجداً تصل لاحتياج مفتقد مؤلم يخليها عايزه تمشى علشان تحمى نفسها من التعرض لمزيد من الالم الناتج عن اليأس من تسديد هذه الاحتياجات النفسية المختلفة .

🔹احنا فى الارشاد الزواجى والاسرى هدفنا الاسر تستقر والزوجات والازواج يكملوا حياتهم لاخر العمر بس فى صحة نفسية ورضا وسعادة مش فى قهر ولا حزن ابداً لان الانسان سواء ست او راجل بيعيش مرة واحدة فى عمره .

🔹خلونا نتفق ان الزوجة ست والست كائن رقيق حساس وانفعالى له احتياجات على مستوى المشاعر كثير ومتداخله ومعقدة فى فهمها انما بسيطة جداً فى تنفيذها .

🔹الست بتحب الاهتمام المستمر بحاجات بسيطة بس مستمرة تقولها انك شايفها وحاسس بيها وانها فى قلبك ملكة .

🔹الستات كائن يعشق التواصل العميق المستمر البسيط .

🔹انك مثلاً تبعت لها رسالة واتساب اب تقولها صحيتى اكلتى شربتى ولو ليها دواء اخدتى دواكى انتى بخير .

🔹او رسالة لو انت مشغول تقولها انا مشغول بس سبت كل حاجة اطمن عليكى وارجع اكمل اللى ورايا .

🔹رسالة لو اى موضوع مزعلها تقولها متزعليش انتى غالية عندى حتى لو كل الناس انتى عندهم شخص عادى عندهم انا لا انتى اغلى واجمل شريك فى حياتى .

🔹ولو زعلانه منك كلمها افهم منها شجعها تعبر عن مشاعرها وتخرج اللى جواها اللى عادة لما تسمعه هتلاقيه انه احتياج شديد لوجودك واهتمامك .

🔹شيكولاته صغيرة من نوع بتحبه ورده ولو واحده هتسعدها بشرط انه ده يحمل صفة الاستمرارية مش كل يوم يعنى بس نقول ميعديش اسبوع من غير حاجة حلوة بسيطة وغير مكلفة على الاطلاق انما هتسعدها جداً .

🔹مينفعش الراجل الحقيقى يبقى بخيل على زوجته واهل بيته من حقه يحدد امكانياته ويقول انا اقدر اوفى ده ومقدرش اوفى ده انما ميبقاش بخيل لانه بيصغر فى نظر زوجته لو اضطرت تخاف من عدم توافر الجانب المادى لها ولاولادها وتشتغل وتتعب او تبقى كل حياتها خناقات وهى عارفه انك معاك فلوس وانك بخيل مشاعر والتزامات حياة .

🔹لو الست جاية من مستوى اجتماعى اعلى منك ومادى اعلى منك متتطمعش فيها وفى اهلها نظام ما هما عندهم كثير اخد بقى عيب الرجالة بجد متعملش ده .

🔹متبخلش عليها وتقول والدها او والدتها اغنياءعندهم كثير يدوها ويدوا عيالى ما هو جدهم ولا جدتهم ياخدوا منه.

🔹 عيب ده مالوش علاقه بالقوامة ده له علاقة بالتخلى عن المسئولية واستغلال الزوجة واهلها مادياً وبرضه هتنزل من نظرها ورجولتك فى ميزانها هتكون صفر .

🔹كونك عندك مركز اجتماعى ده مش ضمانه ان الست متمشيش خالص لانها مش متجوزة مركزك الاجتماعى هى متجوزاك انت كونك فى مركز اجتماعى ده شئ جميل.

🔹 انما مش سبب كافى لاستمرار ونجاح الحياة الزواجية لو انت مستغل مثلا او بخيل او شخص لا مبالى ومالكش اى مواقف لا معاها ولا مع الولاد ولا مع اى حد .

🔹كونك غنى او مركزك المالى ممتاز ده مش سبب كافى ان الزواج يستمر وانت بتسئ للزوجة لفظياً او بدنياً.

🔹 الراجل المحترم عمره ما يقول الفاظ بذيئه لزوجته ولا فى بيته ولا يهينها ولا يعنفها نفسياً او جسدياً ابداً بالعكس يحميها ويدللها ويحترمها قدام ولادها لانها امهم اللى بتربيهم فى غيابه والاحترام اكيد متبادل.

🔹مش الرجولة انه حتى لو الزوجة طلبت الطلاق انك تهددها انك هتتجوز واحدة تانى وانه عادى انتى مشيتى غيرك تيجى واحسن منك عيب مفيش راجل محترم متربى يعمل كده .

🔹حتى لو ناوى يعمل ده فعلياً وده حقه استنى لما تنتهى العلاقة واعلن ده مش تهددها نفسياً وهى لسه جوه العلاقة حتى لو هى بتحاول تنهيها حاول انت تحافظ على صورتك كراجل محترم حتى وانت ماشى .

🔹دى كانت شريكة حياتك وام اولادك واكلت معاها عيش وملح ميصحش توصل لها رسالة امشى واجيب غيرك الرجالة الحقيقية مش محتاجين يتصرفوا كده ابداً.

🔹 الرجالة معظمكم عارفين ان الزوجات بيترضوا بحاجة بسيطة وبسرعة كمان ولو كلمتين حلوين بيهدوا ولو الموضوع مهم هتبقى محتاجة مشاركة فى الحياة وقت ليها وقت للولاد وتحمل مسئوليتهم معاها محتاجة تواصل زواج. واسرى لان دى حياتها وفطرتها .

🔹 انما انتوا بتكبروا دماغكم بطلوا تكبير دماغ واسمعوا زوجاتكم وعبروا عن حبكم هتلاقوا منهم كل الحب والحنية والعطاء والخير.

🔹الستات عادة بتحاول وكثير قبل ما تاخد خطوة الانفصال لانهم بالفطرة البيت والزوج والولاد امانهم ودفاهم فى الحياة فلما الست تقرر تدوس على كل ده وتمشى معناه انها غالباً حاولت وكثير لحد ما يأست من انصلاح الحال.

🔹وغالباً المرة اللى دماغها قفلت فيها ومصممة تنهى كل شئ كان قبلها مرات طلبت فيها ده وانت مسمعتش او اخدتها على قد عقلها او عملت انك هتتغير لحد ما ترجع وتسكت وترجع ريما لعادتها القديمة .

🔹يا ريت الرجالة تعرف اكثر عن التواصل الفعال مع الزوجات وان الزوجة دى ست ليها تركيبة نفسية مختلفة تماماً وبعيد جداً عن تركيبتك النفسية بنفس القدر اللى احنا مختلفين فيه بيولوجياً وفى شكلنا الخارجى عن بعض احنا مختلفين فى التركيبة السيكولوجية جداً.

🔹وده يتطلب مجهود من الزوجين فى ان كل واحد يعرف عن شريكه واحتياجاته المختلفه وطرق تلبيتها ازاى .

🔹وقتها بس هيبقى عندنا المرونة انى لما اللى قدامى ياخد خطوة اخد له نفس الخطوة لحد ما نتقابل .

🔹مش تحس انها وحيدة وانها بتحارب طواحين الهواء ولوحدها فتتوقف عن محاولاتها يائسة وترجع بدل الخطوة اللى اخدتها عشرات الخطوات وبعدين تدى ضهرها وتمشى وهى مرتاحة لقرار انها مترجعش لان مفيش فايدة ولا امل .

🔹بلاش نوصل مع الشريك للنقطة دى بلاش لان ساعتها احنا مهما حاولنا منقدرش نتدخل فى قرار العميل وللأسف الشديد بيكمل اجراءات انفصاله بقناعة كامله واصرار شديد

🔹اول لما شريكك يقولك عاوز انفصل انتبه لان ده اول جرس انذار .تجاهلك ليه بعد وقت هتفاجئ انه قرار ونهائى للأسف .

🔹لانه فى خلال الفترة من اول انذار لحد القرار النهائى تأكد انه كان بيديك فرص ومواقف ويشوف انت بتعمل ايه لحد ما اتأكد انه مفيش فايده فأنفصل عنك عاطفياً وانت مش عارف لانك مش مهتم ثم تفاجئ بقرار طلاق بإصرار لا رجعة فيه .

🔹محدش بقاله سنين متجوز بيطلب يطلق فجأة فى يوم وليلة ارجع بالذاكرة وركز هتلاقى انه اكيد فى جرس انذار وفرص ومواقف كثير قالك انا مجهد نفسياً محتاجين ناخد بالنا من العلاقة سوى بس انت لا شفته ولا سمعته.

🔹 ولما لاقاك لا شايفه ولا سامعه حس انه لوحده وقرر ان الشركة دى خسرانه ونفك الشراكة اللى كلها الم ووجع قلب دى وابعد .

🔹 اتمنى ان اى حد بيمر بفترة انفصال يراجع نفسه بالعدل ويشوف كام مرة شريكه طلب منه انه يتفهمه ويتفهم احتياجه وهو استهتر وقال زوبعة فى فنجان ولا اهتم .

🔹 الزواج مودة ورحمة ومن اجمل واعمق العلاقات على وجه الارض ان يبقى لك ونس امان وحنيه سند وحماية كل واحد رفيق التانى فى رحلته فيكملوا الرحلة مع بعض متونسين ببعض وساندين على بعض .

🔹 اللهم آلف بين كل الازواج والزوجات واحفظ كل الاسر آمين والهمهم البصيرة والحكمة لاستكمال حياتهم آمين 🤲

🌷الصحة النفسية للأسرة حياة 🌷

د.أميرة أحمد عفيفي
استشارى الصحة النفسية والارشاد الاسرى
عضو اتحاد المعالجيين النفسيين العرب

29/11/2025

🔹مش عارفه ده نضج ولا زهد 🤔

🔹انتوا ايه رأيكم شاركونى 🫂

🫂الانسان محتاج يرتاح شوية ❤️

👌حقيقية👇

🔹فى حكايات كثير عدت علينا تعبنا واخدت من طاقتنا
وحان الوقت نتعافي بالراحة من كل الحكايات دى .

🔹واول خطوة للتعافى انك تحكى وحد يسمعك
من غير ما يصدر احكام ولا يدى نصايح ولا ينتقدك
حد يمد قلبه يطبطب على قلبك .

🔹ودى اول خطوة للتعافى ان قلبك يلاقى حد يحن عليه وبس وفى هدوء ...حد ناضج عارف يعنى ايه طبطبه .

🔹مش عايز يعمل دوشة علشان يقول انا موجود .

🔹وده اللى هتقدمه فى ورشة انت بطل الحكاية .

🔹الورشة اون لاين زووم مجاناً .

🔹للسيدات فقط 👌🙈

🔹تابعونا لكل التفاصيل على صفحاتنا قريباً.

🔹وفى البوست ده هتقدروا تعرفوا الورشة عن ايه 👇

https://www.facebook.com/share/v/1A9piU82Fj/

🔹 حابين نفتكر مع بعض دايماً أن

🌷 الصحة النفسية حياة 🌷

د.أميرة أحمد عفيفي
استشارى الصحة النفسية والارشاد الاسري.
عضو اتحاد المعالجيين النفسيين العرب .

29/11/2025

🔹انت بطل الحكاية .

🔹كل الجروح لها دواء .

🤝قريباً🤝

🔹 مجاناً - اون لاين زووم.

🔹للسيدات والشابات فقط.

🔹يسعدنا متابعتكم لنا دائماً.

🏡 مؤسسة كيانى للصحة النفسية 🌷
والتدريب والاستشارات

د.أميرة أحمد عفيفي
استشارى الصحة النفسية والارشاد الاسرى
عضو اتحاد المعالجيين النفسيين العرب

29/11/2025

🔹انت بطل الحكاية .

🔹كل الجروح لها دواء .

🤝قريباً🤝

🔹 مجاناً - اون لاين زووم.

🔹للسيدات والشابات فقط.

🔹يسعدنا متابعتكم لنا دائماً.

🏡 مؤسسة كيانى للصحة النفسية 🌷
والتدريب والاستشارات

د.أميرة أحمد عفيفي
استشارى الصحة النفسية والارشاد الاسرى
عضو اتحاد المعالجيين النفسيين العرب

28/11/2025

اتق شر الحليم إذا غضب
🔹فى نوعين من الناس 👇

1️⃣ النوع الاول 👇

🔹 نوع من الناس تسمح له يدخل حياتك فى علاقة آمنه فيمتن جداً لمعاملتك الحسنة له وانسانيتك معاه ومساعدتك ودعمك له ويحترم حدودك ويخاف على زعلك .

🔹 وده اللى ينطبق عليه انك إذا اكرمت الكريم ملكته.

🔹ودى العلاقات اللى غالباً الحليم هيفضل حليم وصبور
ولو زعل هيقولك لانك اظهرت حسن نيه فى التعامل من خلال مواقف فيها حب واحترام وامتنان لكل ما هو متبادل بينكم .

2️⃣النوع التانى 👇

🔹 مش هيقدر حلمك وصبرك عليه ده وهيظن انه قادر يتخطى حدوده معاك وانت بتتفرج عليه بتشوف اخره ايه

🔹وهو مش مقدر صبرك على تصرفاته ومواقفه المخزيه
وتلاعباته النفسية وطريقته بتاعه السم فى العسل اللى كلها لؤم وفاكر ومعتقد انك مش فاهم او انك مش قادر توقفه عند حده ✋

🔹 وده اللى ينطبق عليه إذا اكرمت اللئيم تمردا.

🔹مش قادر يفهم ان فى ناس متربية بتحاول تبقى على المعرفه من غير ضرر ولا ضرار وانها صابره لفتره على امل ان الطرف الاخر يحترم نفسه والعلاقه وحدودها.

🔹لحد ما التانى يسوق فيها ويجاهر بتعدى حدودك علانية بلا رادع .

🔹ساعتها بس مش اتقى شر الحليم إذا غضب
لا اتقى شر الحليم إذا قرر يعرفك حجمك وحدودك
ويرجعك للمكانة الحقيقية اللى تستحقها .

🔹لان المكانة اللى ادهالك طلعت كبيرة عليك .

🔹الحليم ده شخص صبور عنده قيم واخلاق بتخليه يديك فرص ويصبر عليك انما الاوبشن ده مش للأبد .

🔹الشخص الحليم بالفعل مش بيغضب لا بيتصرف
ويا ريت متوصلوش لده 👇

🔹لانك اكيد هتتفاجئ بوش انت استحاله كنت تتوقعه او تتخيل ان ده نفس الشخص اللى كنت فاكر انك قادر تأذية وتتخطى حدودك بمنتهى البجاحة معاه .

🔹فى فرق كبير بين ان الشخص يكون هين ولين وصبور
وانه يكون ضعيف وبلا حدود .

🔹فأتقى رد فعل الحليم إذا قررت انت تسوق فيها
وقرر هو يفوق لك ويرد عليك .

🔹 مين فيكم استخدم مقولة اتقى شر الحليم إذا غضب .

🔹نتقابل اخر يوم فى السنة ان شاء الله .

🌷الصحة النفسية حياة 🌷

د.أميرة أحمد عفيفي
استشارى الصحة النفسية والارشاد الاسرى
عضو اتحاد المعالجيين النفسيين العرب

28/11/2025

يا واسع الجود
لا تهذبنى بالمنع ... هذبنى بالعطاء
وادب قلبى بالنعم
اجعلنى عبد احسان ... لا عبد امتحان

🎥الفيديو بيقول 👆

📝البوست بيقول 👇

وفى فجر يوم الجمعة
🔹يا واسع الجود يا رحمن يا رحيم هذبنى يا مولاى كما تشاء فسبحانك رب الخير ولن تهذبنى الا لخير تعلمه .

🔹فأنت تعلم ما فى نفسي ... ولا اعلم ما فى نفسك
فأنت رب العالمين والمستضعفين .

🔹وانت تعلم كيف يكون تهذيبى فلك الحمد و الشكر على نعمة التهذيب كيفما كانت بالمنع او العطاء
فسبحانك انت ربى العليم الخبير .

🔹اللهم انى اسألك ان تؤدب قلبى فلا تأخذنى الا وانت راضى عنى .

🔹اللهم انى عبدك الفقير اليك جئت لهذه الدنيا غريباً لا اعرف الا انت سبحانك .

🔹جئت لهذه الدنيا وحيداً ولم اختار لى فيها انيس الا كتابك العزيز صديق النور .

🔹وسأغادرها كما جئتها غريباً وحيداً
فاللهم استرنى فوق الارض وتحت الارض ويوم العرض عليك
انا وكل احبتى آمين .🤲

🤲اللهم لقاء وجهك الكريم بقلب سليم 🤲

🤲جمعتكم كلها بركة ودعوات مستجابه لكم ولاحبابكم آمين.

د.أميرة أحمد عفيفي
استشارى الصحة النفسية والارشاد الاسري
عضو اتحاد المعالجيين النفسيين العرب

25/11/2025

درس فى ٢٠٢٥
شوط امشى اقطع علاقات

🎥الفيديو بيقول👆

📝البوست بيقول 👇

🔹فى العلاقات اللى يقدرك قدره .
🔹واللى يحن عليك حن عليه.
🔹اللى انت استثناء فى حياته خليه استثناء فى حياتك.
🔹واللى انت عادى فى حياته خليه عادى فى حياتك.
🔹واللى انت مش مهم فى حياته خليه مش مهم فى حياتك .
🔹واللى بيأذيك ويتلاعب نفسياً وعقلياً بيك فى علاقة مرهقه لا متأذيهوش ولا تعمل معاه زى ما عمل معاك
سيبه وامشى وريح دماغك ووفر طاقة لحد تانى ياخد مكانه.

🔹 اعمل بلوك من قلبك ومن حياتك ومن تواجدك .
🔹 اعمل بلوك من حبك ومن اهتمامك ومن حنيتك ومن كرمك ومن جدعنتك.

🔹البلوك حل ممتاز بيقول انا حاولت احافظ عليك واحافظ على علاقتى معاك
بس انت صممت تأذينى واتعاملت معايا على انى مضمون .

🔹فعرفتك انى مش مضمون ومشيت.

🔹البلوك حل رائع بيقول للطرف التانى بيقول لقد نفذ رصيدكم انت اصبحت غريب .

🔹واللى بيمشى وهو مدرك مش بيرجع ابداً.

🔹انما اللى بيمشى وهو غضبان لسه قدامك فرصة تضحك عليه لحد ما يدرك .

💬عن دروس ٢٠٢٥👇

🤝اللى حابب يشارك فى البوست يقولنا اتعلم ايه السنة دى تسعدنا مشاركته اكيد 🤝

📝وفى كل الحالات ورقة وقلم ل ٢٠٢٥'علشان نخرج متعلمين دروس خلصت.

🙈مش محتاجين نكررها تانى فى ٢٠٢٦ 👇

د.أميرة أحمد عفيفي
استشارى الصحة النفسية والارشاد الاسري
عضو اتحاد المعالجيين النفسيين العرب

25/11/2025

💬 التحرش بين الجريمة والجهل والفقر
💬التحرش بين غياب القيم و الاخلاق والدين

🔹الانسان الفرق بينه وبين الحيوان ان عنده اخلاق و عقل وارادة وبيتعلم وقبل كل كده المفروض ان عنده علاقه روحانيه مع الله .

🔹والعقل والارادة والتعلم يخلوه قادر على التفكير .

🔹والتفكير هو عملية عقلية عليا معقدة من خلالها يستطيع الانسان مواجهة المواقف وحل المشكلات والتحكم فى كل ما يدور فى حياته فى وجود قيم و اخلاق و مثل عليا وعلاقة حقيقية مع الله تجعله متزن وقادر يدير شهواته ( اى كانت ش**ة مال او جنس او سلطة او اكل حتى ) ويتحكم فيها ويقبل انها جزء منه بس عليه ادارته والتعامل معاه بشكل صحى وليس العكس .

🔹لان لو الشهوات هى اللى اتحكمت فى الانسان اصبح حيوان مع احترامي الكامل للحيوانات لان دى فطرتها ومش بتفكر .

🔹اللى بيحصل فى المدارس ده من تحرشات جنسية وانتهاكات واعتداء فى وجود تكهنات الى انه جريمة مخططة تجاه المجتمعات ليسود فيها المثلية وتصبح مقبوله وعادى.

🔹 لانه حتى الان برغم من وجود عجز الهوية الجنسية المتمثل فى المثلية الا انه لا مقبول ولا عادى ومازال يشخص على انه اضطراب صاحبه محتاج يسعى للعلاج مش يفرض علينا قبول انه عادى ولازم نقبله وده حتى الان مش عارفين ينجحوا فيه اننا نقبل ويبقى عادى .

🔹 فلو مخطط بالفعل زى ما فى تكهنات مؤخراً بتشير لده نظراً لانتشار الحوادث اللى من النوع ده .

🔹 فده مخطط شيطانى مدروس لان العاملين فى المجال النفسي عارفين ان نسبة مش قليلة من اللى اتعرضوا للتحرش فى الطفولة وخاصة من نفس النوع عرضه بنسبة كبيرة لاضطرابات الهوية الجنسية اللى منها المثلية الجنسية .

🔹وفى مجتمعات تتسم بالكبت المغلف بالمحافظة الزائفة فى ظل جهل عن ان التربية الجنسية نوع من انواع التربية وبيتعاملوا معاها على انها عيب .

🔹ووجود فقر مع غياب الاخلاق والقيم وعلاقة مع الله تحمى الانسان من نفسه الامارة بالسوء تخلى البعض يبيع نفسه للشيطان بفلوس .

🔹فبيعمل اى حاجة بأى شكل يأذى بيها اى حد ويقبض.

🔹والمجتمعات اللى تركيبتها المجتمعية بهذا الشكل دى أفضل بيئة لنجاح مخطط شيطاني جداً زى ده.

🔹 ه لان الطفل معندوش معلومات من اهله ولا من المدرسة يتصرف ازاى ويدافع عن نفسه ازاى .

🔹 ممكن جداً يكون عنده معلومات عن اماكن العورة وعدم لمسها من اى شخص غريب انما ممكن جداً كمان معندوش باقى المعلومات زى 👇

🔹ان لو حاول اى حد غريب او قريب يلمسك بالقوة صرخ جامد واطلب المساعدة.

🔹وانه لو نفذ ده بالقوة وهددك متخافش منه تعالى احكيلى وانا هاساعدك واخد حقك واحبسه بالقانون .

🔹فالطفل ميخافش ويروح يحكى وهو مطمن لانه واثق فى ان امه وابوه معاه وهيساندوه .

🔹 الطفل فى التربية الجنسية محتاج يعرف انه ميبقاش فى علاقات قريبة مع ناس غريبه ولا بالابتسام حتى الا فى وجود الام والاب فقط والابتسام ده حتى لحد بينا وبينه مسافه .

🔹 فعامل النظافه والامن اعاملهم بإحترام ولكن بمسافة لانهم اغراب فمفيش حاجة اسمها العب معاهم او يقربوا منى لانهم تحت بند الاغراب .

🔹ولان المجتمعات المزيفة بتخاف من احكام الاخرين ففى الحالات اللى الولاد اتعرضوا للتحرش حتى لو الاهل عرفوا نسبة كبيرة منهم هتسكت علشان كلمة الفضايح اللى فى سلم الوعى تساوى الشعور بالخزى .

🔹 فلو اعتبرت انه مخطط ومش حوادث فهو مخطط مدروس طبعاً وبيبدء بالبحث عن اشخاص تنطبق عليهم مواصفات التتفيذ بمقابل مادى ( مع ظهور الدارك ويب ).

🔹 يبدء بكسر الطفل الصغير وتعويده على نمط منحرف جنسياً منذ الطفولة فيقبل انماط شبيهة فى الشباب ويفقد هويته الجنسية ويضطرب واعتقد ان كتاب البرتوكلات الشهير اتنفذ بالفعل.

🔹 فى وجود تربه خصبة لناس تعانى من الجهل والفقر فهو لا بيفكر صح بشكل واعى مع الاحتياج المادى الشديد ودفع مبالغ باهظة فى غياب اخلاقى ودينى هتتم ابشع واسوء الجرايم الانسانية لان الانسان فى الحالة دى مش انسان اصلاً.

🔹 وكذلك فى حالة ان الانسان ممكن يكون ميسور الحال بس دون قيم اخلاقية ولا علاقة حقيقة مع الله وليست علاقات مزيفه تبان كأنها مع الله امام الناس وحقيقة ما بينهم وبين الله لا يعلمه الا الله .

🔹المواضيع كثرت وكبرت وبقت ثقيله على النفس ومؤلمة وجداً.

🔹الموضوع له تفاصيل كثير جداً اكثر من حوادث تحرش وانضباط فى نظام المدارس لانه مش بس فى المدارس ولكن هو الاكثر خيفة لنا انه فى المدارس لان اكيد مش هنقعد الولاد فى البيت .

🔹المجتمعات علشان تتزن وينصلح حالها لابد ان تبدأ بالفرد فلازم اعادة بناء الفرد اخلاقياً وقيمياً وروحانياً وثقافياً وتعليمياً.

🔹المجتمعات المزيفة محتاجة يعاد تربيتها وتتعلم قيم اخلاقيه فى وجود علاقة حقيقية مع الله والا مع الوقت سيصبح الانضمام للغابات ارحم حقيقي مما نراه حالياً.

🔹دخول مجتمعات منغلقة ولديها كبت ولا تستطيع ان تتعامل مع الاحتياجات الجنسية بشكل صحى وواعى يجعلها فريسة للإنفتاح بشكل مدمر .

🔹وجود جهل ومخدرات وفقر مع مواقع اباحية مفتوحة للجميع من الطفل للكبير دون رقابه مع غياب الاخلاق والقيم والدين .

🔹 كأنك بتربي وحش فى شكل انسان يخرج على الناس منعدم التفكير مغيب من المخدرات وجاهل ومعبأ بمشاهد اباحية ويريد ان يفجر ما بداخله من سوء فى الاخرين وطبعاً معروفة اضعفهم الاطفال .

🔹 وجود اهمال وبذخ واموال بشكل مبالغ فيه مع فئة عمرية صغيرة محدش فاضى يربيها يخرج لنا حوادث تحرش .

🔹فى غياب الوعى والتفكير والاخلاق وعلاقه روحانية حقيقية مع الله للأسف لابد ان يكون القانون هو الرادع لاى انسان فاسد علشان يخاف لان اصبح مفيش حاجة تانى للأسف تردعه .

🔹اصبح حيوان مفكر بيستخدم عقله فى تدبير الجريمة او اخفاء معالمها وحول العقل من اداة يرقى بها الى اداة يحقق بيها الجرايم.

🔹القانون لابد ان يتم تعديله بشكل رادع لكل الفئات العمرية وتعلن عن الاحكام فى وسائل الاعلام والا لنا الله وفقط فى اللى جاى .

🔹التربية الجنسية علم من علوم التربية مش حاجة عيب نخجل منها ولابد من تدريسه بشكل علمى راقى فى المدارس يعرف الولاد حدود جسدهم والمحافظه عليه والتعامل ازاى فى مختلف المواقف والاجابه عن اسئلتهم بشكل علمى راقي .

🔹 مادة الاخلاق تدرس من حضانة للولاد بشكل يحبوا يتعلموه ويتدربوا على التعامل خلقياً بشكل راقى ما بينهم وما بين بعض وما بينهم وبين اى حد .

🔹 الدين يتم تدريسه بإهتمام لان اى دين هو اهم مصدر للأخلاق والقيم .

🔹 اى حد يشتغل فى مدرسة لابد ان يخضع لاختبارات صحة نفسية من ضمن مصاريف المدارس الناس تتأكد ان اللى معاهم فى المدرسة ناس اسوياء صحتهم العقلية والنفسية صحيحة .

🔹 لابد من وجود اخصائى نفسي واجتماعى فى كل مدرسة مش نلغى علم النفس .

🔹 الاباء والامهات يعرفوا اكثر عن التربية وعن اولادهم يروحوا المدرسة من وقت للتانى يسألوا على ولادهم يشوفوا الناس اللى بترعى ولادهم مين وده حقكم احنا كل ام او اب له نظرة فى اللى بيتعامل مع اولاده .

🔹 يا رب اصلح احوالنا واحوال اولادنا وبلادنا ولا تؤاخذنا بما فعل السفهاء منا آمين .

🔹 ربنا ولا تحملنا ما لا طاقة لنا به واعفو عنا واغفر لنا وارحمنا .

🔹 اللهم انا استودعناك اولادنا فأحفظهم بحفظك يا من لا تضيع ودائعه .

د.أميرة أحمد عفيفي
استشاري الصحة النفسية والارشاد الاسرى
عضو اتحاد المعالجيين النفسيين العرب

22/11/2025

الاعتذار عندما تدوس قدمى بغير قصد ... لا عندما تدوس قلبى .
🎥الفيديو بيقول 👇

الاعتذار عندما تدوس قدمى بغير قصد ... لا عندما تدوس قلبى
الاعتذار عندما تكسر كوباً او قلماً احبه ... لا عندما تكسر خاطرى .
الاعتذار عندما تجرح غلاف كتاب اعرتك اياه ...لا عندما تجرح لى كرامتي وقد آمنتك عليها

📝البوست بيقول👇

🔹لاول مرة مش هاعلق على الفيديو هنا على الصفحة ولكن هاعلق عليه شخصياً معاكم وده يسعدنى ويشرفنى اكيد وانتوا متأكدين من ده من خلال تجاربكم المختلفة معايا اللي شاركنى تجارب طبعاً

🔹واللى مشاركنيش تجارب وحابب اكيد يتفضل.

🔹 الايفنت مخصص للشابات والسيدات فقط من مصر والوطن العربي وافريقيا واى دولة فى العالم .

🔹فين وازاى .

🔹تابعونا وانتوا هتعرفوا كل التفاصيل .

🫂واللى مهتم ...يكتب فى التعليقات مهتم .

🔹وهيوصلوا دعوة مجانية على الخاص من فريق الدعم الفنى للمؤسسة للمشاركة فى الحدث الهدية اللى بنجهز له اخر يوم فى ٢٠٢.٥

🔹طولحد ما تنزل كل التفاصيل احب اقولكم حاجة بسيطة

📚كل حد فينا ومننا عنده حكاية او حكايات .

🫂فى منها اللى حكاه ... وفى منها اللى لسه متحكاش ومحبوس من غير نقطة نهاية .

🔹هتعملوا ايه فى الحكايات اللى انتوا ابطالها .

🔹هنقولكم ...تابعونا ❤️

👇 لان 👌

🌷الصحة النفسية حياة 🌷

🌷مؤسسة كياني للصحة النفسية 🏡
والاستشارات والتدريب

د.أميرة أحمد عفيفي
استشاري الصحة النفسية والارشاد الاسرى
عضو اتحاد المعالجيين النفسيين العرب

22/11/2025

🫂ان تكون ملاذاً آمناً... يعنى ان يخلع الاخرون فى وجودك سترة الحذر❤️

🔹احنا محتاجين فى رحلة الحياة نلاقى ملاذ آمن ولو مرة فى العمر .
🔹 و محتاجين اننا نخلع ستره الحذر والخوف والقلق ولو دقايق لمرة واحدة فى العمر .

😉جاهزين للحدث الاكبر والالطف فى نهاية ٢٠٢٥ من المؤسسة لكل عملائها فى مصر والوطن العربي وافريقيا واى انسان من اى دولة فى العالم اكيد يشرفنا بالحضور .

🔹طيب لو مش جاهزين ... اجهزوا 🙈
وتابعونا .

🔹اللى جاهز وحابب يشاركنا يكتب لنا فى التعليقات كلمة معاكم .

🔹 الايفنت للسيدات والشابات فقط .

🔹ربما حان الوقت لكى للحصول على ملاذ نفسي آمن
ولو مرة واحدة.

👇 لان 👌

🌷الصحة النفسية حياة 🌷

🌷مؤسسة كياني للصحة النفسية 🏡
والاستشارات والتدريب

د.أميرة أحمد عفيفي
استشاري الصحة النفسية والارشاد الاسرى
عضو اتحاد المعالجيين النفسيين العرب

20/11/2025

اعلم انك تمر بأوقات صعبة هذه الفترة يا صديقى

🎥الفيديو بيقول 👇

انك تمر بأوقات صعبة هذه الفترة انا ارى ذلك واشعر به
انك لا تستطيع ان تشرح اى شئ وهذا امر طبيعى .
انت تبذل كل ما بوسعك اعلم ان حتى الاشياء الصغيرة صعبة احيانا لكننى ادعو الله ان يعاونك لتحاول و برحمة الله لن تبقى الامور كذلك دائماً صدقنى يا صديقى انت عزيز على اكثر مما تتوقع .

📝البوست بيقول 👇

🔹نعم اعرفكم خير المعرفة انتم القابعون فى هدوء.

🔹لا تفضلون الاماكن المزدحمة ولا العلاقات المزدحمة .

🔹تحبون البيت واهله والقليل جداً من الاصدقاء.
لا يتعدون اصابع اليد الواحده .

🔹وتضعون الحدود للغرباء لانكم تخافون على انفسكم
فأنتم ادرى الناس بحال حساسية قلوبكم .

🔹حينما تنزل بقلوبكم طامة من ابتلاءات الحياة
تعتزلون كل شئ وفى هدوء ايضاً.

🔹يصيبكم المرض فتغلقوا كل شئ حتى تتعافوا .

🔹يصيبكم الالم فتبتعدوا عن كل ما يزعج ذلك الالم
وينفرد كل منكم بالاخر فيستحى الالم من صبركم ويهدأ بأمر الله ورحمته.

🔹انتم اصحاب القيم التى لا تتغير
ولديكم من العند فى عزة انفسكم حتى السموات السبع.

🔹وامام كرامتكم فليذهب العالم بمن فيه .

🔹نعم اعرفكم انتم الناجحون بشكل مذهل وهادئ
لا يرى منكم الاخرون الا خطوات متقدمه تدفعهم للكثير من الثرثرة والمشاعر السلبية .

🔹انتم من لديكم ابتسامه ساحرة واثقه تجعل المحبين يذوبون حباً وتجعل الكارهين يموتون غيظاً.

🔹نعم انتم لم ولن تتكررون الا مرة واحدة فى الحياة
لا يعلم احد طبيعتكم الا من عاش معكم منذ نعومة اظافركم
انتم من يقولون عنكم تم تربيتكم مئات بل الالاف المرات
انتم المهذبون دائماً وابداً.

🔹انتم المتواضعون بثقه تصل لعنان السماء.

🔹انتم الحنونون بشكل لا يصدق وحاسمون بنفس القدر .

🔹انتم السر واللغز للغرباء فى تلك الحقبة من الزمن
والامان كل الامان لمن يعرفكم جيداً.

🔹هون الله عليكم تلك الايام الثقال
فالفقد عندكم لمن تحبون وكأن جزء من روحكم قد ذهب حين ذهبوا .

🔹ولكن ماذا نفعل هم فقط جاءت محطتهم لم ولن ننفصل عنهم وابدا.

🔹سنتلاقى حيث لا فراق ابدا ولا فقد ابدا
طابت قلوبكم من حملها الثقيل .

🔹يا رب .. خفف وهون .

🔹اللهم حنان من لدنك لمن فقد عزيز روحه .

🔹 ربنا ولا تحملنا ومن نحب ما لا طاقة لنا به .

مؤسسة كياني للصحة النفسية

30/11/2025

30/11/2025

29/11/2025

29/11/2025

29/11/2025

28/11/2025

28/11/2025

25/11/2025

25/11/2025

22/11/2025

22/11/2025

20/11/2025

Address

Telephone

Website

Alerts

Contact The Practice

Shortcuts

Share

Category