What are the opening hours?

Monday 12pm - 8pm Tuesday 12pm - 8pm Wednesday 12pm - 8pm Thursday 12pm - 8pm Saturday 12pm - 8pm Sunday 12pm - 8pm

https://www.instagram.com/dralielhaddad/

Dr.Ali Elhaddad - د.علي الحداد, المنصورة : شارع جيهان . أمام بوابة الجهاز الهضمي. برج جيهان الطبي . الدور التاني, Cairo (2025)

05/11/2025

سيناريو بين سيدة و دكتورهـــــــــــــا 🤰👨‍⚕️
بعد ما فشلت عمليتها للحقن المجهري 💔

03/11/2025

أسرتي الكبيره ،أنا بمر بظرف صحي الفتره دي ،،عندي اصابه في رجلي
بتضطرني أمشي دايما ساند علي حد وناس كتير منكم شافتني وانا داخل العياده ساند علي حد،،،الدكاتره مانعني من النزول للشغل ورغم كدا بقالي أسبوعين بنزل واجي علي نفسي ،طول مانا قادر اجي علي نفسي ،واللي شافني ف العياده الاسبوعين اللي فاتوا شافني وانا قاعد علي كرسي السونار مبقمش من عليه بال١٠ ساعات طول وقت العياده (لأن الخطوات البسيطه من كرسي المكتب للسونار بتاخد مني مجهود كبير ) ولست العمليات اللي ممكن توصل ل١٠ ساعات رغم تعبي الحمد لله بنزل واشتغلها بحط كرسي جنبي ولما اتعب من الوقفه اقعد ارتاح شويه واقف اكمل عمليتي لأني مقدر ان الناس بردوا تعبانه وفي ناس واخده مواعيد عمليات من فتره ومينفعش تتأجل والحمدلله بمجهود جبار مقصرتش في واجبي ولاشغلي الفتره اللي فاتت لكن المجهود دا للأسف مأخر شفاء رجلي ،،انا كاتب البوست اشكر كل( حبايبي )اللي مش اسمهم حالاتي دول اهلي واسرتي الكبيره الأزواج والزوجات المحترمين اللي دعولي وقالولي سلامتك ،، واللي قدروا والتمسوا العذر لما السكرتيرات قالولهم امبارح الدكتور موجود بس هيكشف علي عدد معين من الحالات بس الحالات اللي محتاجه قرارات ،بشكركم من كل قلبي ،،وبشكر الناس المحترمين الذوق اللي لما السكرتيرات كلموهم عن اعتذاري عن العياده بكرا التلات وبعده الاربعاء قدروا ودعوا بالشفاء ،، أنا بكرا عندي عمليات الصبح باذن الله هنزل اعملها لكن مش هقدر اروح العياده ،،،ليا عتاب بس لحالتين(طلبت من البنات معرفش اساميهم علشان مكشفش عليهم بعد كدا وانا مضايق ) اتكلموا مع السكرتيرات بشكل سيء
وبطريقه فظه ولاقدروا تعبي وكلام من نوعية احنا نعمل ايه يعني والكلام دا ولهم اقول :الطبيب انسان زيكم والله يمرض مثلما تمرضون ويذهب للأطباء مثلما تذهبون ويدعوا الله ان يمن عليه بالشفاء مثلما تدعون وربنا يرزقكم العلام والفهم والرحمه ولين القلب ،والأطباء كتير ممكن حضرتك تسيبينا وتروح لدكتور يلبي طموحاتك بدون ماتضايقينا ولاتضايقي البنات بالكلام ،،،اختصارا ياجماعه انا شغال عملياتي عادي لكن اجازه من العياده بكرا وبعده (التلات والاربعاء)لكن العياده شغاله عادي وفيها طبيبين أخصائيين مكاني علشان الناس اللي واخده مواعيد وبروتوكلات علاجهم متعطلش بطمنكم أطباء ناضجين متخصصين ف تأخر الحمل (معايا في يهب بقالهم سنيين ولازم تفهموا ان يهب دا مركز كبير ماشاء الله متخصص في علاج تأخر الحمل وبيجيلوا ناس من كل المحافظات مش علشان علي الحداد بس لكن (يهب دا مركز فيه مجموعه من الاطباء منهم دكتور اسمه علي الحداد ومش مميز عنهم ولاحاجه )دلوقت ماشاءالله فيه ٨ أطباء في ناس منهم معاهم شهادات أعلي من شهادات علي الحداد ٨ أطباء ولسه بيكبر ومكان ماشي بسيستم ونظام لايتوقف علي وجود شخص واحد ولو حضرتك متعوده عالعيادات التقليديه اللي فيها الدكتور والسكرتيره بدون تيم وبدون روح جماعيه للمكان فرجاء رجاء متضايقيناش بكلامك وتوجهي لهناك من سكات وهنتمنالك كل خير )العياده شغاله عادي ياجماعه وهيقدمولكم أفضل خدمه
وباذن الله انا موجود في العياده من يوم الأحد القادم ❤️🙏

01/11/2025

يبدو أن حفل موكب المومياوات المدهش رفع سقف طموحاتنا، والآن وقع هذا السقف فوق رؤوسنا.
كلنا نتذكر الكادرات السينمائية والإخراج العالمي، والموسيقى باللغة المصرية القديمة لأول مرة كأننا سافرنا سبعة آلاف عام للخلف… كانت حالة أشبه بالسحر.

أمّا الاحتفال الأخير، فبصراحة لا شيء فيه كان مصريًّا إلا الآثار نفسها.
ما علاقة الأوبرا بالفراعنة؟ ما علاقة الصراخ والآهات التي بلا معنى؟
لقطات الدرون كانت ضعيفة، والألعاب النارية أقل بكثير من المتوقع.
كنا ننتظر شيئًا مبهرًا… فلم نجده.

الملل كان واضحًا على وجوه أغلب الضيوف، أو هكذا بدا.
جاءوا بناس من آخر الدنيا لنصيبهم بالصداع.

ضيوف كثيرون ظهروا أثناء استقبال الرئيس، لكن بدون ذكر أسماءهم، فقط أشخاص يمرون ويصافحون، وهذا مشهد يُفقد الحدث قيمته وفكرته.

ولفت انتباهي ضيف بدلته عليها بقع واضحة جدًا.

أما خالد العناني، فالتايتل المكتوب تحته كان: المرشح لمنصب مدير اليونسكو
بينما هو فاز بالفعل وأصبح المدير.
أمر بسيط لكنّه يكشف غياب الدّقة.

حتى رمز الحياة (عنخ) الذي كان البعض يمسكه… واضح عليه الرّداءه، ولحام واضح وكان ممكن يتعمل بخامات واهتمام أفضل بكثير.

ولا توجد قطعة موسيقية واحدة من الحفل تصلح أن تبقى في الذاكرة، أو نسمعها بعد سنين، أو تصبح رمزًا لافتتاح أكبر متحف في العالم.

أحمد عز وزوجته – أسوأ ظهور.
البدلة والكرافتة والفستان… كأنهم خارجين من خناقة.

هشام طلعت مصطفى… لماذا الظهور هنا؟
رجل ناجح وبزنس مان فذ، نعم، لكن الجميع يعرف مشكلته السابقة. وجوده في هذا السياق لم يكن مناسبًا.

وبشكل عام:
لماذا رجال الأعمال في حدث أثري عالمي؟
ليه ياخدوا هم اللقطه بدلًا من العلماء والأثريين؟

جايبين مغنية سوبرانو تقدّم الحفل.
المغنية تغني.
تقديم الحفل له ناسه المتخصصين.

⸻

الإيجابيات:
• الإبهار البصري جيد
• الأزياء جميلة
• السيسي كان موفقًا في كلمته
• السيدة انتصار السيسي كانت أنيقة جدًا
• كلمة فاروق حسني كانت رائعة وصادقة
• هدى المفتي، أحمد غازي، وسلمى أبو ضيف طالعين بشكل ممتاز

⸻

خسارة:
حدث بهذا الحجم وهذه القيمة… كانت فرصة ذهبية ضائعه.
وكان يمكن استغلالها بشكل أفضل بكثير.

31/10/2025

كنت داخل غرفة العمليات اليوم اقوم بعمل منظار لازالة أورام ليفيه العمليه استمرت تقريباا ٣ ساعات (ودا وقت عادي بالمناسبه في عمليات تحتاج لضعف هذا الرقم من الساعات ) وأنا اساسا الفتره دي (عندي اصابه في رجلي مأثره علي المشي عندي بشتغل بس بيبقي في كرسي جنبي أوقات ارتاح دقايق وأقف اكمل تاني )لما ربنا يتم شفائي قريبا باذن الله لااااازم لااااازم أحكيلكم عن تجربتي العظيمه مع التعب دا لأن كانت كلها رسايل من ربنا أو هكذا أنا شوفتها،،المهم العمليه كانت جميله وبالبلدي قرفتها حلوه ولم يكن بها أي مشاكل ،،في اخر ١٠ دقايق من العمليه وهي مرحلة غسل البطن ومراجعة الغرز الجراحيه والتصوير البانورامي تمهيدا للخروج بالمنظار سمعت صوت دوشه بالخارج وأصوات عاليه ويبدو انها سيده تريد دخول العمليات عنوه ويحاول التمريض والفنييين والأطباء المقينين منعها ،،خرجت لها وجدتها أم الحاله التي كنت اقوم لها بالعمليه وفي حاله هيستيريه غير طبيعيه من الخوف والرعب عايزه اشوف بنتي ،،بنتي اتأخرت في العمليه ،،خرجوهالي ،،حاولت تهدءتها نجحت محاولاتي ٥ دقائق فقط واخبرتها اني انهيت العمليه بنجاح ويقوم الطبيب المساعد الان بتقطيب غرز بورتات المنظار وستخرج لغرفة الافاقه وخلال ربع ساعه لنصف ساعه ستخرج وان لو الأمور سيئه مش هقعد جنبك ماسك موبايلي وعمال اتكلم مع زملائي عن افتتاح المتحف ،،ولو الأمور سيئه هتلاقينا كلنا بنجري ورا بعض ،،،المهم بعد ٥ دقايق انتابتها نفس الحاله الهستيريه الوسواسيه ،،عايزه اشوف بنتي وبكاء وصراخ بشكل غير طبيعي ،،، الشاهد في الموقف دا ،،ولا ااقصد هذه السيده الفاضله (االمسكينه) لا احد يعلم ماذا رأت في حياتها لتكون بهذا الخوف المرضي علي ابنتها لكن الشاهد اني افتكرت الايه القرانيه اللي بتقول (وكلهم اتيه يوم القيامة فردا) ،،،وافتكرت الايه اللي بتقول (يوم يفر المرء من أخيه وأمه وأبيه )وافتكرت الايه المرعبه اللي بالنسبالي هي أكتر ايه مرعبه في القران (يود المجرم لو يفتدي من عذاب يومئذ ببنيه وصاحبته وأخيه )
يعني من كتر العذاب يطلب من ربنا يعذب ابنه مكانه
،،،محدش هينفع حد ،،وان الدنيا دار ابتلاء واختبار ومحن وان القلق يجب وضعه في حدوده الطبيعيه لأن حرفيا لا احد يملك شيء ،
وان الاطمئنان الحقيقي مش في السيطره ( بعد الأخذ بالأسباب ) لكن الاطمئنان الحقيقي في التسليم

30/10/2025

يوم السبت في السابعه مساء العالم كله علي موعد مع افتتاح أعظم متحف ف العالم (بلامنافس) المتحف المصري الكبير ،،واللي متوقع يكون حدث مبهر واستثنائي ولازم الناس تتجمع لمشاهدته مع بعض ،،ولأول مره يمكن في التاريخ الاثار المصريه تعرض بالشكل اللي تستحقه ،،لما كنت بزور المتحف المصري في التحرير كنت بحزن علي طريقة عرض الاثار المصريه وتكدسها وكنت بقول ازاي مش قادرين نستغل الكنز اللي في ايدينا بالشكل دا ،،لكن أن تأتي من متأخرا خير من أن لا تأتي ،لازم كلنا نشكر ربنا ونحمده علي نعمة الأمن والأمان في منطقه كلها حروب وصراعات اذا كان في ليبيا ولا السودان ولا اليمن ولا سوريا وغيرها ،وندعي لأخواتنا بالسلم والأمن بدعوكم جميعا لمشاركة بوستات عن المتحف وعن الافتتاح،زي مابتعملوا ترندات لحاجات ملهاش لازمه ،هنستفيد كلنا لما نعمل لهذا الحدث العظيم ،خلوا العالم كله يتمني يزور اثار أعظم حضاره ،،متوقع يكون المتحف دا باب خير كبير للمصريين ويفتح ابواب رزق كتير ،،وبشجعكم كمان علي زيارة المتحف مع أطفالكم والشركات كمان ممكن تنظم رحلة يوم واحد لموظفينها وان شالله في (يهب) ❤️هنعمل دا قريبا وهنشارككم اليوم دا ،،،لأول مره هنعمل حاجه تليق بأعظم حضاره اللي عملت حاجات اعجازيه طب وفلك وفن وهندسه ومعمار ،،هرم خوفو اللي فضل أعلي مبني علي وجه الأرض لمدة ٣٨٠٠ سنه واحجار وزنها ١٥ طن رفعوها كأنهم سحره،،اتجاهات الهرم نفسه الأربعه نسب انحرافات تقترب من الزيرو ،،عمليات جراحيه وتقويم كسور واسنان،،اسرار تحنيط خياليه ،،،تقويم دقيق سنه ٣٦٥ يوم ،،معابد مهيبه عملاقه بدون اسمنت ،،مسلات ورثناها وااقفه من الالاف السنين ،،زي مازرعوها،،مسلات وزنها ٤٠٠ طن وطولها ٣٠ و٤٠ متر يعني عماره ١٣ دور
ورق البردي(اختراع مصري خالص ) بعدين تم تصديره لليونان وروما وبقي الماده الأساسيه للكتابه لمدة ٢٠٠٠ سنه ،،وسبق الورق الصيني ب٣٠٠٠ سنه كامله ،،،مهم في البوست دا ااقول ان السياحه مش بس اثار ،،في حاجه كمان اسمها السياحه العلاجيه ومصر مؤهله تكون قبله لمحيطها من الجيران في تقديم خدمات صحيه بجوده ممتازه وبكفاءة أطباء لامثيل لهم في العالم (مش شيفونيه )دي حقيقه ،،،ناقصنا بس سيستم قوي ،،في مجالي مثلا تأخر الحمل والمناظير والحقن المجهري مصر من أعلي دول العالم في نسب نجاح عمليات الاخصاب المساعد والحقن المجهري وبأسعار ااقل من ١/٥ وأحيانا ١/١٠ من دول تانيه ونسب نجاحهم ااقل كمان ،،وانا عندي حلم ان يهب دا يتحول لمركز كبير للاخصاب المساعد يجيله ناس من كل الدول العربيه ويبقي احد اسلحة القوه الناعمه لمصر ،،ونفسي القياده في البلد تهتم بملف السياحه العلاجيه ،،،عندها اطباء اكفاء واسعار زهيده ،،،فاضل بس شوية تنظيم ،،مصر بلد جميله والشعب دا زي الدهب ممكن يجي عليه شوية تراب لكنه ابدا لايصدأ ❤️

دي صورة للأميره :لينا علي الحداد بالزي الفرعوني❤️

28/10/2025

لكل من يعاني من امساك
لما ابنك الصغير يسيب باب التلاجه مفتوح ،،التلاجه بتعمل صوت ،،الصوت دا نداء استغاثه من التلاجه

كذلك الامساك غالبا بيكون نداء استغاثه من جسمك
بيقولك في مشكله من فضلك حليها

في الفيديو هتفهمي ليه انتي بالذات بيحصلك امساك
وازاي تتجنبيه وتعالجيه

27/10/2025

اني لكم ناصح أمين ،،،يؤسفني أقول ان مش دايما الزوجين
في مركب واحده ،،كتير بشوف زوجات بتقاتل من أجل
ربنا يرزقها بطفل متابعات وتحاليل وأشعه وصبغه ومناظير وعمليات متكرره من الحقن المجهري ،،وعلي النقيض الزوج بالبلدي سالت ايده
بيرفض يتابع معاها وبيكتفي انه عمل تحليل وطلع كويس وحلي مشكلتك انتي بقي ،،،وهي بتبقي شايله المسؤوليه لوحدها من أول القرارت لحد الفلوس والماديات وهنا محتاج ااقول للسيدات دول
متعمليش في نفسك كدا ،،لو جوزك مش داعم وبيساعدك
يبقي دا وضع غلط ،،لو جوزك قاعد في البيت مستنيكي ينظر عليكي عملتي ايه ف الكشف ويضايقك ويبكتك ويتفلسف ،،متقعيش في الفخ دا ،،لازم يشيل معاكي المسؤوليه ،،،(طبعا في أزواج ملايكه ،،أنا شوفت ازواج بيلبسوا زوجاتهم الحذاء بكل حب وشوفت ازواج بتسبق زوجاتها في الكشف وتقولي لو تحاليلها فيها حاجه مش كويسه متعرفهاش علشان متزعلش (طبعا بعرفها ) وشوفت ازواج بتمثل انها مش عايزه تخلف وان الموضوع مش فارق معاهم علشان ميكسروش بخاطر زوجاتهم ) ،،،في الصوره دي راجل عمره ٧٠ سنه وانجب ودا بالمناسبه عادي جدا في شغلنا بس انجب من مين من زوجه تانيه عمرها (أصغر )اللي عايز اقوله ان الزوجه غير الزوج وخصوبتها ليها فترة صلاحيه سنوات معدوده ،،فلا تنخدعي بوهم التسويف والتأجيل تحت أي اعذار ليه ؟
لأن انتي مش زي جوزك ولا جوزك زيك

25/10/2025

المعلومات اللي مراكز الحقن المجهري مش هتعرفهالك ،،
طريقة شرح بسيطة ازاي تقترحي علي معمل الحقن المجهري توزيع أجنتك المجمده في تانكات النيتروجين

24/10/2025

كانت امبارح مش ماما
انهاردت بقت ماما

20/10/2025

الست من دول تبقي ممرمطه جوزها في المحاكم ومطلعه عينه وجايباله حكم سنه سجن وفي الاخر تكتب عالفيس بوك ( لو كان خيرا لبقي)😄

18/10/2025

عمرك ماهتكون مقدم خدمه ناجح دكتور او محامي او بياع في محل او مدير عمل ناجح ..بدون مايكون عندك القدرة علي قراءة ماحولك و تصنيف الاشخاص في بيئة العمل.بدون مايكون عندك القدره ع فهم دوافعهم .مش كل ابتسامه هتكون صادقه ومش كل غلطه تبقي مفيش فرص بعدها ..وفي غلطه مينفعش تدي فرص بعدها .اللي يكدب مره يكدب الف مره .اللي يكدب سهل اوي يسرق.موظف واحد فاسد او مهمل سهل يعدي الف موظف .لازم اللي شغال معاك يحبك ويحترمك وعلشان يحبك لازم انت كمان تحبه وتحترمه .التقدير اغلي من الدهب .لاتطلب طلبا من موظف مرتين .معني ان تطلبها ثانيا انه لم يفعلها اولا .احترم من يخطيء فيعتذر .ولا تحترم من يخطيء فيبرر.الموظف الذي لايقبل الانتقاد .موظف مفصول لم يصدر له قرار الفصل بعد واخيرا ممكن تشغل معاك اللئيم والغبي والتافه ..كل دي عيوب قد تكون مغفوره ...الا انه ميكونش انسان ❤

Dr.Ali Elhaddad - د.علي الحداد

05/11/2025

03/11/2025

01/11/2025

31/10/2025

30/10/2025

28/10/2025

27/10/2025

25/10/2025

24/10/2025

20/10/2025

18/10/2025

Address

Opening Hours

Website

Alerts

Contact The Practice

Shortcuts

Share

Category

Monday	12pm - 8pm
Tuesday	12pm - 8pm
Wednesday	12pm - 8pm
Thursday	12pm - 8pm
Saturday	12pm - 8pm
Sunday	12pm - 8pm