Dr. Mohamed Magdy El Naggar

Home
Egypt
Cairo
Dr. Mohamed Magdy El Naggar

Official Page of ‏Dr. Mohamed Magdy El Naggar‎‏

03/02/2026

هل البواسير دايمًا معناها عملية؟
ولا في حالات كتير ممكن تتحسن بالعلاج والمتابعة من غير تدخل جراحي؟

وهل البواسير بتصيب كبار السن بس؟
ولا الشباب كمان ممكن يتعرضوا ليها بسبب نمط الحياة؟

في حلقة جديدة من Hemocure Podcast
بتكلم معاكم ببساطة عن مرض البواسير،
وأجاوب على أكتر الأسئلة اللي بتتكرر في العيادة.

01/02/2026

في أكتر من 17 مرض ممكن يصيبوا الش*ج والمستقيم.
منهم أمراض أعراضها مؤلمة وواضحة،
ومنهم أمراض أخطر… وصامتة، بتيجي من غير إنذار.

السؤال المهم:
إزاي نلحق نفسنا قبل ما المشكلة تكبر؟
وإمتى لازم نكشف من غير تأجيل؟

في حلقة جديدة من Hemocure Podcast
بتكلم معاكم بصراحة ووضوح عن:

أخطر الأمراض اللي الناس بتتأخر في اكتشافها

العلامات اللي ماينفعش تتجاهلها

وإزاي الكشف المبكر بيفرق فرق كبير في العلاج

تابعوا الحلقة الجديدة
مع د. محمد مجدي النجار
عيادات هيموكيور.

27/01/2026

الخوف والإحراج من الكشف عن أمراض الش*ج
مشكلة حقيقية بتمنع ناس كتير إنها تطمّن على نفسها…
رغم إن الحل غالبًا بيكون أبسط مما يتخيّلوا.

في بودكاست هيموكيور
هنتكلم بصراحة وهدوء عن الخوف ده،
وليه الكشف الطبي خطوة مهمة وآمنة،
وإزاي نكسر حاجز القلق والإحراج عند المرضى.

25/01/2026

من داخل مركز عيادات هيموكيور بالقطامية

22/01/2026

في يوم من الأيام
اتولدت بنت صغيرة… زي القمر 🌙
لكن من أول نفس في حياتها، بدأت رحلتها مع وجع مش سهل.

اتولدت من غير فتحة ش*ج
واتعملها بعد أيام من ولادتها عملية لتخليق الش*ج والمستقيم.
العملية نجحت… بس الحياة بعدها ما كانتش سهلة.

كبرت
وعاشت سنين طويلة من غير تحكم في البراز
وجع جسدي… ووجع نفسي أكبر
نظرات، تعليقات، إحراج، خوف، وانسحاب من المجتمع
لحد ما اتكوّنت جواها تروما ما حدش شايفها غير اللي عاشها.

دخلت العيادة
بنت صغيرة في السن… كبيرة في الوجع
قعدت قدامي، وبصوت مكسور قالت جملة
لسه رنّانة في وداني لحد دلوقتي:

“أنا عايزة أبقى زيكو…”
وبعدها انفجرت في العياط.

ساعتها حسّيت إن الموضوع مش عملية
ده حياة كاملة واقفة على قرار
وأمل إنسانة نفسها تعيش طبيعي… من غير خوف.

النهارده
دخلنا العمليات
وعملنالها عملية زرع صمام صناعي ذكي متطور حول الش*ج
واحدة من أصعب وأدق العمليات في تخصصي
عملية محتاجة علم، خبرة، تركيز، وإيمان.

وبفضل ربنا
وبجهد فريق كامل اشتغل بقلبه قبل إيده
العملية نجحت 🤍

ولما تأكدنا إن كل حاجة تمام
ما حدش فينا قدر يمسك دموعه
لأننا ما كنّاش بنحتفل بنجاح جراحة
كنا بنحتفل بولادة أمل جديد
وبداية حياة مختلفة لبنت استحملت أكتر من سنها.

الطب مش شغلانة
الطب رسالة
وفي لحظات زي دي
بنفتكر ليه اخترنا الطريق الصعب…
وليه لسه بنصدق إن ربنا بيستخدم إيدينا
علشان يغيّر بيها حياة ناس 💙

دعواتكم ليها
إن اللي جاي يبقى أرحم
وأجمل
وأقرب للطبيعي اللي كانت بتحلم بيه من زمان

17/01/2026

سعدت جدا باستقبال حضراتكم النهاردة كان يوم طويل بس ماحسناش بتعبه ابدا ♥️

14/01/2026

سعيد جدا بالعودة للعمل من جديد بعد اجازتي السنوية

طاقة جديدة بعد فترة راحة رائعة مع العائلة

ومتحمس جدًا الحقيقة لمقابلة مرضانا الأعزاء وفريق عملي المميز من بداية يوم السبت الموافق 17 من يناير 2026

مستنيكم في العيادة
وإن شاء الله نكون دايمًا سبب في راحتكم.

للحجز والاستفسار: 15251

10/01/2026

يا حلاوتك يا بلادي ♥️♥️♥️

09/01/2026

جمعة مباركة إن شاءالله …

بعد فترة من العمل خارج مصر وقضاء أجازة السنة ، متحمس جدا لرجوعي لبلدي ولمرضايا الكرام .. شحنت طاقتي وجددت شغفي وأوعد حضراتكم بتقديم أفضل خدمة طبية ممكنة إن شاء الله

مستني اشوفكم بعد ١٠ أيام من النهاردة وهنقضي ال١٠ أيام دول في ترتيب وتنظيم المواعيد لتلافي اوقات الانتظار الطويلة اللي كانت اكبر مشاكل العيادة ..

وحشتوني جدا ومستني اشوفكم ♥️♥️

سنة جديدة سعيدة ان شاء الله علينا وعلي حضراتكم يارب

07/01/2026

في العيد ده، أتمنى يكون السلام ساكن قلوبكم،
والمحبة نور في بيوتكم،
وكل سنة وأنتم بخير وأمان.

اعياد ميلاد مجيدة ♥️🤩

31/12/2025

كل عام وحضراتكم طيبين .. سنة سعيدة جميلة وحلوة ولطيفة علي قلوبنا وقلوب حضراتكم يارب ♥️♥️

Happy new year my dear friends. ♥️

29/12/2025

الجزائر 🇩🇿 كان ليها استقبال وإحساس جميل جدا الحقيقة
من أول يوم، حسينا إننا وسط أهلنا.

خضنا تجربة علمية مهمة اتبادلنا فيها الخبرات الطبية،
وكان الهدف دايمًا إننا نشارك خبرتنا ونطور شغلنا ونوصل لأفضل معدلات النجاح العالمية

أيام نعتز بيها،
وتأكيد إن مشاركة العلم دايمًا ليها أثر طيب وبيكمل.

مكملين في هيموكيور،
ننقل خبرتنا ونستمر في طريق التطوير والمعرفة في كل مكان.

شكرا للجزائر وشكرا Artifact ❤️🇩🇿

Address

7 شارع شهاب
Cairo
12655

Telephone

+201142002899

Website

http://www.hemocureclinic.com/

Alerts

Be the first to know and let us send you an email when Dr. Mohamed Magdy El Naggar posts news and promotions. Your email address will not be used for any other purpose, and you can unsubscribe at any time.

Contact The Practice

Send a message to Dr. Mohamed Magdy El Naggar:

Shortcuts

Want your practice to be the top-listed Clinic in Cairo?