عيادة دكتور كريم حلمي لأمراض القلب والقسطرة القلبية

02/11/2025

من حالة حرجة إلى قصة أمل… تجربة بتأكد إن المستحيل مش في قاموس الطب❤️

قصة نجاح جديدة نفتخر بيها وحالة من أصعب الحالات اللي مرت علينا مؤخرًا.. الحاج / ربيع العباسي واحد من الحالات اللي بنعتز بيها جدا ❤️

⬅️الحاج ربيع جالنا العيادة بيشتكي بنهجان شديد مع اقل مجهود وضعف شديد بعضلة القلب وكل المؤشرات كانت بتقول ان الحالة حرجة وشرايين القلب في وضع خطير.

⬅️بعد الفحوصات الدقيقة قررنا نعمل قسطرة تشخيصية لتقييم حالة الشرايين …
وللاسف النتيجة كانت زي ما كنا متوقعين :
ضيق متعدد وحرج في جميع الشرايين ووضع القلب حرج للغاية ولا يحتمل التأجيل

⬅️الاختيار الاول كان جراحة قلب مفتوح لكن المريض رفض تماما .
⬅️وكان امامنا الاختيار الاصعب: التدخل بالقسطرة وتركيب دعامات دوائية رغم الصعوبة الشديدة بسبب ضعف عضلة القلب وخطورة الحالة وحالة الشرايين المتكلسة شديدة التعقيد.

⬅️ورغم كل التحديات… بفضل الله ثم مجهود الفريق الطبي، تم إجراء القسطرة بنجاح كامل 🙏
قدرنا نفتح الشرايين ونرجع الدورة الدموية للقلب بشكل طبيعي، وكانت النتيجة مبهرة❤️

⬅️النهاردة الحاج ربيع حالته مستقرة تمامًا:
النهجان اختفى، كفاءة عضلة القلب اتحسنت بشكل ملحوظ بعد ما كان فقد الامل انها ترجع تتحسن و ابتسامته رجعت تاني بعد رحلة طويلة من التعب 🌟

اللحظات دي هي اللي بتخلينا نؤمن أكتر إن الطب مش مجرد علاج…الطب رسالة أمل، وإيمان إن مفيش حالة ميؤوس منها طالما في علم… وإصرار… وتوفيق من ربنا❤️

26/10/2025

16/10/2025

بعد رحلة طويلة من المعاناة بين الجراحة والمضاعفات…
رجع الأمل من جديد بقسطرة دقيقة وناجحة ❤️

أ/ حنان مثال للقوة والصبر، بعد تجربة صعبة مع عملية قلب مفتوح غير ناجحة ومضاعفات كثيرة،
لكن بفضل الله، وبقسطرة دقيقة ، اتحسنت حالتها بصورة ممتازة ❤

👈 أ/ حنان من الناس اللي صعب تنساها… طيبة وذوق وكرم، بس كمان قوة وصبر غير عاديين.
قصتها بدأت من سنوات لما بدأت تشتكي من ذبحة صدرية، وبعد عمل القسطرة التشخيصية، كان القرار الصعب:
جراحة قلب مفتوح لزراعة ٣ شرايين.

👈 لكن الطريق ماكانش سهل…
بعد الجراحة حصل خراج في الجرح وصعوبة في الالتئام، وقعدت شهر كامل في الرعاية المركزة.
وبعد فترة قصيرة، رجعت الذبحة تاني، والقسطرة الجديدة أظهرت إن وصلتين من الشرايين المزروعة اتقفلوا تمامًا.

👈 لما قابلتها أول مرة في العيادة بعد المرحلة اللي فاتت، كان
ألم الصدر شديد، والعلاج الدوائي مش جايب نتيجة. عملنا قسطرة مرة اخري وكان الموضوع كبير ومعقد جدا ويستدعي التدخل الجراحي تاني ويكاد يكون علاجه بالدعامات مستحيل.
جراحة تانية كانت شبه مستحيلة بسبب الرفض القاطع و مشاكل الجرح السابقة.

👈 الموقف دا من أصعب المواقف لأي دكتور…
قدامك مريضة بتعاني، وحلول محدودة جدًا ومعقدة ولكن كان لازم حل

👈 وهنا بدأنا ندوّر على أمل جديد…
وبفضل الله، اتعملت قسطرة قلبية دقيقة جدًا
عالجنا بيها الضيق الموجود بالشرايين والنتيجة كانت أكتر مما تمنينا ❤️
الأعراض اتحسنت بصورة ممتازة وقلت عن الاول بكتير
يمكن تكون من أصعب الحالات اللي خدت وقت ومجهود كبير…لكن راحة المريض دايمًا هي اغلي مكافأة❤️

📌 في وسط الصعوبات دي كلها، كان في بطل صامت…
ابنها أ/ محمد، اللي عمره ما فقد الأمل، تعب معاها في كل خطوة، وماكانش بيسيبها لحظة

14/10/2025

شكرا شركة Marcyrl علي توفير عينات مجانية بكميات كبيرة من ادوية لا غني عنها لمرضي القلب والشرايين..الحاجات اللي زي دي بتحل ازمة مرضي كتير من اهالينا الغير مقتدرين🙏

شكرا د/ نورهان راضي علي الاهتمام والمتابعة 👏

26/09/2025

الحاجة/ زينب الست الجميلة الطيبة بعد تقريبا سنة من قسطرة علاجية لعلاج ضيق حرج ومتعدد بكل شرايين القلب بدون تدخل جراحي🌹

👈من سنة الحاجة زينب تعرضت لجطة قلبية حادة مع ارتفاع انزيمات القلب وضعف بعضلة القلب مع الم شديد بالصدر وكان لازم التعامل بشكل فوري.

👈عملنا القسطرة التشخيصية عن طريق اليد وكانت المفاجأة ان في ضيق حرج ومعقد بكل شرايين القلب ..الحل في الحالات دي بيكون جراحة القلب المفتوح وبعد مناقشة الاهل رفضو تماما فكرة الجراحة …ومع صعوبة الدعامات نظرا لطبيعة الشرايين المعقدة ولكن ثقة الاهل فينا واصرارهم كان كافي ان احنا نقرر علاج الشرايين الصعبة دي عن طريق الدعامات .

👈عملنا قسطرة علاجية ناجحة ودعامات دوائية علي مرحلتين عالجنا بيهم كل الشرايين بدون اي تدخل جراحي .

📌مع المتابعة كفاءة عضلة القلب رجعت لطبيعتها والاعراض تحسنت بشكل ملحوظ وبعد سنة من المتابعة حالتها ممتازة وزي الفل 🌹

13/09/2025

حمد الله علي سلامتك مدام / ايفا 🌹

👈مدام ايفا اتعرضت لجلطة باحد الشرايين المغذية لعضلة القلب وتم علاجها في الوقت المثالي عن طريق القسطرة من اليد وخرجت بالسلامة بعد ساعتين فقط .

👈الضغوط النفسية الشديدة من اسباب جلطات القلب لذلك يجب مراعاة الانفعال والحزن والزعل المبالغ فيه .

04/09/2025

لقاء مع احد مرضانا الاعزاء الشيخ عبد الفتاح بعد مرور سنة علي عمل قسطرة علاجية لعلاج ضيق شرايين معقدة بدون الحاجة لعمل قلب مفتوح🌹

👈هيحكيلنا تجربته من بداية التعب لحد النهاردة ويطمنا عليه 🌹

👈حالته كانت عبارة عن ضيق حرج بكل الشرايين المغذية للقلب مع ضيق حرج بجزع الشريان الرئيسي واللي في الحالات دي لازم المريض يعمل جراحة قلب مفتوح ولكن دلوقتي نقدر نشتغل الحالات الصعبة دي عن طريق القسطرة ونرجع المريض لحياته مرة تانية ❤️

04/09/2025

كل عام وانتم بخير بمناسبة المولد النبوي الشريف 🌹

01/09/2025

كنت فاكره دور برد ⁉️

👈مرضي كتير جدا بيجو يشتكو من الام بمنطقة الصدر او احساس بعدم الارتياح والعامل المشترك بينهم كلهم هو انهم بيفسرو الالم ده علي انه شوية برد .

👈اخي المريض الام الصدر لازم تحترمها وفور حدوثها لازم تتطمن علي قلبك ..ده كلام لا يقبل الهزار او الانتظار .

👈اهو المريض ده كان من الناس دي بيجيله الم في صدره من فترة ولكن اهمله وقال شوية برد وهيروحو ومع ازدياد التعب قرر يكشف ولما عملنا القسطرة لقينا ضيق حرج في الشريان الامامي النازل وهو اهم شريان لتروية عضلة القلب ..تم العلاج بتركيب دعامة دوائية مع العلاج الدوائي اللازم

📌وجع الصدر او النهجان مع تنميل في الذراع او الم في الفك او الرقبة كلها اعراض لضيق شرايين القلب فمتتاخرشي انك تتطمن علي قلبك لو حسيت بالاعراض دي

21/07/2025

❗️ حالة من اليأس والحزن والموت البطئ بيعيشها مريض الشرايين التاجية المعقدة بمجرد ما يتقاله حالتك محتاجة جراحة قلب مفتوح .

🙏 ومن النعم اللي ربنا انعم علينا بيها في مهنتنا هي اننا نبقي سبب ولو بسيط في تغيير حياة مرضي زي دول بدون تدخل جراحي .

👈 حالة جديدة ونجاح جديد بفضل الله لمريض من مرضي الشرايين المعقدة اللي عمل قسطرة تشخيصية في احد المستشفيات وكان القرار فيه هو جراحة قلب مفتوح .

👈 القرار ده علي حد وصفه بدل حياته واثر علي حالته النفسية بصورة كبيرة ومع رفض المريض وسعيه لحل اخر غير الجراحة لعلاج حالته بلغناه ان في حلول اخري وبفضل الله تم عمل قسطرة علاجية ناجحة وعلاج كل الشرايين وتركيب ٤ دعامات دوائية واعادة تروية عضلة القلب بشكل كامل مع تحسن تام ل الام الصدر والنهجان .

دكتور كريم حلمي ⚠️
📍مدرس (م)أمراض القلب والقسطرة القلبية.
📍أخصائي أمراض اختلال كهرباء القلب وتركيب المنظمات الصناعية.
📍أخصائي القلب والقسطرة القلبية بمستشفي بدران.
📍أخصائي القلب والقسطرة القلبية بمستشفيات الشرطة.
📍عضو الجمعية الأوروبية لأمراض القلب
ابعتلنا عشان نحجزلك ميعاد فى أقرب وقت ♥️
للحجز والاستفسار:
📲01114242367
📩 أو عن طريق الواتس اب:
01060423213
📨او اضغط هنا لسرعه التواصل عن طريق واتساب
https://wa.link/g65939
عناوين العيادات :
📌اسطنها-ناصية شارع مسجد نور الدين اعلي حلويات نيو كريز
📌عزبة ابوباشا -طريق بنها/اسطنها فوق سنتر صلاح حلمي
📌القاهرة /مركز كارديو تك -الدقي

29/06/2025

👈لو انت مريض قصور شرايين تاجية ومركب دعامات قبل كدا ومهمل في الادوية ولسة بتدخن ياريت تركز في الفيديو ده.

👈من الحاجات المهمة جدا اللي بنقولها لمرضانا اللي ركبو دعامات في شرايين القلب ان العلاج شرط اساسي مش رفاهية بمعني انك مش عشان ركبت دعامة انك كدا بقيت سليم ولكن المحافظة علي الدعامة عن طريق تناول ادوية السيولة والكوليسترول وايقاف التدخين مع علاج الضغط والسكر دي شروط اساسية لابد منها واي خلل في حاجة من دول ممكن الدعامة تتسد بكل بساطة .

👈الحالة اللي في الفيديو لمريض مركب دعامة من ٦ شهور ولكن مستمر في التدخين وغير ملتزم بالادوية وبالتالي النتيجة كانت انسداد كلي في الدعامة .

👈تم علاج المريض عن طريق القسطرة وفتح الشريان المقفول والتوصية بايقاف التدخين والاالتزام الكامل بالعلاج الدوائي

دكتور كريم حلمي ⚠️
📍مدرس (م)أمراض القلب والقسطرة القلبية.
📍أخصائي أمراض اختلال كهرباء القلب وتركيب المنظمات الصناعية.
📍أخصائي القلب والقسطرة القلبية بمستشفي بدران.
📍أخصائي القلب والقسطرة القلبية بمستشفيات الشرطة.
📍عضو الجمعية الأوروبية لأمراض القلب
ابعتلنا عشان نحجزلك ميعاد فى أقرب وقت ♥️
للحجز والاستفسار:
📲01114242367
📩 أو عن طريق الواتس اب:
01060423213
📨او اضغط هنا لسرعه التواصل عن طريق واتساب
https://wa.link/g65939
عناوين العيادات :
📌اسطنها-ناصية شارع مسجد نور الدين اعلي حلويات نيو كريز
📌عزبة ابوباشا -طريق بنها/اسطنها فوق سنتر صلاح حلمي
📌القاهرة /مركز كارديو تك -الدقي