استشاري التغذية العلاجية

28/06/2020

لا تترك عزيز عليك يعاني سوء التغذية
أساليب التغذية للمرضى المنومين بالرعايات المركزة و مرضى صعوبة البلع و قصور الأمعاء و الأورام متعددة و متطورة باستمرار
إلجأ للمتخصص لحماية مريضك من سوء التغذية و تدهور حالته الصحية
نرحب باستفساراتكم و استشاراتكم على رسائل الصفحة
واتساب و اتصال 😤0️⃣1️⃣1️⃣1️⃣7️⃣0️⃣8️⃣0️⃣0️⃣6️⃣6️⃣
متاح زيارة المريض بالمستشفى بموعد مسبق
#

30/09/2018

22/09/2018

مقال د.محمد سامي و د.بهاء الشيخ عن تأثير نقص الحديد على التحصيل الدراسي و أسبابه و علاجه

المسئول,الأول,عن,مستوى,التحصيل,الدراسى,نقص,«الحديد»,سبب,انعدام,التركيز,والقلق,والتوتر

14/09/2018

البوست ده بيوضحلنا المعلومات الغذائية لوجبات كتير مننا بيجيبها من غير ما يعرف عنها حاجة
طبعا الموضح هنا هو السندوتشات فقط لسة البطاطس و البيبسي و غيره
كمية السعرات اللي بتاخدها من وجبة واحدة ممكن تكون السعرات اللي جسمك بيحتاجها ليوم كامل او اكتر
ده غير كمية ملح الصوديوم اللي بتوصل في سندوتش واحد ل 3 او 4 اضعاف الاحتياج اليومي
نخللى بالنا احنا بناكل ايه و ممكن يضرنا ازاي

14/08/2018

#
بوست طويل بس مهم
مهم جدا قراءة food label لاي مأكولات بنشتريها و المفروض كمان المطاعم تعمل food label للوجبات بتاعتها لأن المفروض أكون عارف أنا بأكل ايه
طيب كيفية قراءة ال food label?
زي ما احنا شايفين في الصورة اول حاجة بيقولي عليها
Serving size يعني حجم الوحدة أد ايه
و الوحدة دي اللي هيقولي بعد كده مكوناتها و دي بتكون على حسب العبوة يعني لو بسكوت مثلا هلاقيه كاتبلي الوحدة 3 بسكوتات او 2 مثلا لو حبوب هلاقيه كاتبلي الوحدة كوب او نصف كوب او ربع كوب
لو مشروب هتلاقي الوحدة بالمللي و غالبا اي وحدة هتلاقي جنبها وزنها
في الصورة معانا الوحدة 1 كوب ووزنها 228 جم
طيب تاني حاجة هنلاقي servings per container
و دي بتقولي العبوة اللي معايا فيها كام وحدة علشان اعرف لو اطافست و كلتها كلها انا خدت اد ايه
نيجي بقى للجدول اللي تحت و ده بيشرحلي مكونات وحدة واحدة من العبوة كسعرات و جرامات نشويات و البروتين و الدهون و غيرها من الحاجات اللي موجودة
طيب مثلا العبوة دي الوحدة فيها 280 كالوري فلو كلت العبوة كلها هضرب ال 280×2 لان زي ما قولنا العبوة دي وحدتين
مهم كمان نعرف نوع الدهون اللي موجودة و يفضل ان Trans fats تكون 0
طيب ايه النسبة اللي في الجنب دي ؟ النسبة دي بتقولك الوحدة دي فيها نسبة اد ايه من كامل استهلاكك اليومي من كل نوع فيها فمثلا هنلاقي الدهون 20% ما معناه ان استهلاكك لوحدة وحدة بيديك 20% من المفروض تاخده من الدهون و هكذا