Psyc Mohamed Atef

08/12/2025

المؤسسة العربية للصحة النفسية والتدريب
بتقدّم لي هدية قيّمة جدًا
والشرط الوحيد إن اثنين من أغلى أصحابي يوافقوا!
يا Ahmed Kholif
ويا Ãyããt Hussein
هل أنتم موافقين إني أحصل على الهدية المجانية دلوقتي؟"


https://bit.ly/4pZbtPL

03/12/2025

🎁 عايز كل ده مجانًا؟
أيوه… كل ورش شهر ديسمبر مجانية تمامًا! 🔥

ومن ضمنها 👇
🎓 ورشة إدارة الجلسة العلاجية
مع د. محمد عبد الحليم صالح

💡 الورش كلها مجانية
وحتى البرنامج التدريبي المتكامل
“العلاج المعرفي السلوكي للاضطرابات الجنسية الوظيفية”
بـ 750 جنيه بدلًا من 2000 فقط!

📌 برامجنا التدريبية مدعومة بالكامل لدعم تطوير الأخصائيين النفسيين 💪

📲 اشترك الآن في جروب المنحة التدريبية المجانية
واستمتع بكل الورش مجانًا: من هنا 👉
https://chat.whatsapp.com/LNxLUGlIKBs9YP6fibCa8z

المبادرة مقدمة من:
المؤسسة العربية للصحة النفسية والتدريب
رئيس مجلس الأمناء أ. مرزوق الغنامي 🌿

30/11/2025

اوعى في يوم تجلد نفسك وتلومها على اخطاء زمان
بخبرة ووعى انهارده

23/11/2025

18/11/2025

إزاي فيه ناس بتقع وناس بتقوم وتتصدم وتقاوم وتكمل طريقها؟

في ناس أول ما تقابل مشكلة… بتتهز.
وناس تانية بتتعب… بس بترجع تقف.
الفرق مش في القوة، الفرق في .

الصمود مش إنك متحسّش…
الصمود إنك تحسّ وتتألّم… وترجع تكمل.

علميًا:
الصمود هو قدرة عقلك إنه يتكيّف مع الضغط،
ويفهم الموقف زي ما هو،
ويلاقي طريق للنجاة حتى لو الدنيا مكعّبة.

طبب ليه مهم ؟لإنه بيقلل القلق، يمنع الانهيار، ويخلّي قرارك أهدى.

طيب ليه علامات؟ طبعا زي
بتركّز في الحل مش المشكلة
بتتأثر بس متغرقش
عندك مرونة… تغيّر خطتك ومكمل
بتعرف تقول: "محتاج مساعدة" بدل "أنا لوحدي"

طيب اعمل ايه علشان ازود درجة
اسأل نفسك: أقدر أعمل إيه دلوقتي؟
خفّض توقعاتك… واشتغل على اللي تقدر عليه
اعترف بمشاعرك من غير ما تحاكم نفسك
اتعلم من كل سقطة… حتى لو كانت وجع

فس النهاية احب ااكد ان الصمود مش موهبة…
الصمود عادة بتتبني كل مرة تقف فيها بعد ما تقع فلو حسيت إنك واقع… فده أول طريق الوقوف.

18/11/2025

العلاج بالقبول والالتزام (ACT) هو نهج علاجي نفسي حديث يهدف إلى زيادة المرونة النفسية من خلال قبول الأفكار والمشاعر المؤلمة بدلاً من مقاومتها. يساعد هذا العلاج الأفراد على الالتزام بسلوكيات تتماشى مع قيمهم الشخصية لعيش حياة ذات معنى، ويستخدم تقنيات مثل اليقظة الذهنية، والتقبل، وتحديد القيم، والالتزام باتخاذ إجراءات.
المبادئ الأساسية للعلاج بالقبول والالتزام (ACT)
القبول: تقبل المشاعر والأفكار السلبية دون محاولة تغييرها أو القضاء عليها.
الفصل المعرفي: تعلم ملاحظة الأفكار كمجرد أحداث عقلية عابرة بدلاً من اعتبارها حقائق مطلقة.
العيش في الحاضر: تطوير الوعي باللحظة الحالية وتركيز الانتباه على ما يحدث الآن.
الذات كسياق: إدراك "الذات" كمنصة ثابتة لمراقبة التجارب، بدلاً من أن تكون هي الأفكار والمشاعر نفسها.
القيم الذاتية: تحديد القيم الشخصية الأساسية التي توجه السلوك وتوفر معنى للحياة.
الالتزام: اتخاذ إجراءات عملية ومحددة تتماشى مع القيم الشخصية، حتى في وجود مشاعر أو أفكار صعبة.

فوائد العلاج بالقبول والالتزام (ACT)

زيادة المرونة النفسية: القدرة على التكيف مع الظروف الصعبة دون الشعور بالانهيار.
تقليل تجنب التجارب السلبية: يقلل من استراتيجيات التجنب التي قد تزيد من المشاكل النفسية على المدى الطويل.
تحسين الصحة النفسية: يساعد في التعامل مع مجموعة واسعة من الاضطرابات مثل الاكتئاب والقلق والألم المزمن.
تعزيز الشعور بالمعنى: يساعد الأفراد على عيش حياة أكثر توافقًا مع ما يهمهم حقًا.

15/11/2025

الصدمة النفسية مش السبب الرئيسي لاضطراب ثنائي القطب لكنها ممكن تكون عامل مساعد أو محفز لظهور الأعراض عند شخص أصلا عنده استعداد وراثي أو بيولوجي للاضطراب لان اضطراب ثنائي القطب مرتبط بشكل أكبر بـعوامل وراثية زي (تاريخ عائلي لنفس الاضطراب أو اضطرابات مزاجية)
ومرتبط ايضا يتغيرات بيولوجية في كيمياء الدماغ او عدم اتزان في النواقل العصبية زي الدوبامين والسيروتونين لكن فكرة الصدمة النفسية أو التجارب القاسية في الماضي فهي ممكن تزود احتمالية ظهوره أو تسرع ظهوره أو تزود حدته لو فيه استعداد لكن مش سبب مستقل لوحدها.
على سبيل المثال ممكن شخصين يتعرضوا لنفس الصدمة وواحد يظهر عنده ثنائي القطب والتاني لا ودا بيكون على حسب الاستعداد الجيني والبيولوجي.
كمان مهم جدا نعرف ان الصدمة ممكن تؤدي لاضطرابات تانية غير ثنائي القطب زي اضطراب ما بعد كرب ما بعد الصدمة او الاكتئاب الشديد أو حتى اضطراب الشخصية الحدية او القلق العام وده ممكن يعمل أحيانا خلط ولخبطة في التشخيص لو الي شغال على الحالة مش متخصص فاهم التشخيص التفريقي كويس

10/11/2025

"مثلث الشخصيات المظلم"

ده مصطلح نفسي بيشير لثلاث سمات شخصية غير سوية لما تجتمع في شخص واحد، بتخليه اناني ، بارد عاطفيًا ، بيستخدم الناس لمصلحته ومبيحسش بالذنب
والسمات دي هي:
النرجسية والماكيافيلية والسيكوباتية
اولا النرجسية : الشخص النرجسي بيحب يكون مركز الاهتمام.د وشايف نفسه "أهم" من الناس وديما عنده إحساس مبالغ بقيمته وكمان حساس جدًا للانتقاد وهتلاقيه محتاج دايمًا تقدير وإعجاب.

ثانيا الماكيافيلية : وده الشخص اللي بيعرف يخطط ويحسبها صح وبيستخدم الناس بذكاء وهدوء كمان بيعرف يجامل ويظهر بمية وش وهدفه مصلحته… حتى لو الوسيلة مش سوية.

الشخصية دي في العلاقات بيظهر عليه إنه طيب وبريء… لكن من جوه حساباته ماشية عليك خطوة بخطوة.

تالت سمة هي السيكوباتية
الشخص السيكوباتي مابيحسش بالذنب وبارد و مبيتعاطفش مع حد وعادي جدا يأذي غيره بمنتهى السهولة .. انسان مجازف ومتهور.

الشخصية دي في العلاقات يحسسك إنك مش إنسان، وإن مشاعرك ولا ليها قيمة.

تخيل لما التلات صفات دول يجتمعوا في شخص واحد؟

ده بيبقى أخطر نمط في العلاقات ودا ليه؟
لأن:
عنده ثقة وشخصية جذابة (نرجسي)
بيعرف يخطط ويرتب (ماكيافيلي)
مبيضيعش وقت في مشاعر (سيكوباتي)
يعني يعرف يدخل حياتك، يكسب ثقتك، وبعدين يدوس عليك من غير ما يحس.

طيب إزاي نعرفه بدري؟
ركز كويس وشوف لو الشخص دا بيمدح نفسه كتير وبيقلل من اللي حواليه وديما بيحسسك إنك غلط يجي وقت الجد تلاقيه مش موجود. بيلعب على مشاعرك ويقلب عليك فجأة .. وعادي جدا بيزعل الناس وهو ما بيتأثرش
كل دي مؤشرات و إنذار ..

طيب هل ممكن تغيير الشخص الي بتتجمع فيه كل السمات دي؟

بصراحة… نادر جدًا
لأن هو شايف نفسه شخص ممتاز ومافيش زيه ومش شايف إنه مؤذي أصلاً
رغم دا فيه علاج لكن العلاج بينجح بس لما الشخص يعترف بوجود مشكلة ويكون عنده الرغبة الصادقة والارادة للتغيير… وده قليل جدًا.

النصيحة الأهم

لو اكتشفت شخص فيه السمات دي:
حط حدود واضحة
ما تستغلش نفسك بحجة إنك “تغيره”
لأن النمط ده مش بيتغير بالرومانسية… بيتغير بالعلاج وطول الوقت وبقرار منه هو شخصيا ..

05/11/2025

مهم نعرف ان مش كل حاجة لازم نعيشها بنفسنا علشان نتعلمها بالعكس احنا كمان بنتعلم بالملاحظة والتقليد.

و يوضح دا تجربة “الدمية بوبو” الشهيرة الي أثبتت إن الأطفال اللي شافوا الكبار بيتصرفوا بعنف بقوا هما كمان بيتصرفوا بعنف.
وده يوضح تأثير القدوة والإعلام والتنشئة الاجتماعية وتاثر الابناءبما يشاهدونه من افعال الاباء.

ودا يؤكد ان السلوك مش مجرد رد فعل…
ده كمان نموذج بيتشاف ويتنقل من جيل لجيل علشان كدا وجب الانتباه من الاباء لتصرفاتهم أمام الأبناء.

01/11/2025

الاشتراط الإجرائي
سكنر كان شايف إن السلوك مش بيتأثر بس بالمثير، لكن كمان بالعواقب اللي بتيجي بعده.”

يعني لو تصرفك بيكافئك → هتكرره
ولو بيجيبلك عقاب → هتتجنبه

مثلاً: طفل كل مرة يرتب سريره بياخد حلاوة → هيكرر السلوك.
لكن لو اتعاقب لما يغلط → هيقلل السلوك ده.

وده بقا اللي اسمه الاشتراط الإجرائي
والي اصبح الأساس في تعديل السلوك والعلاج السلوكي الحديث.

31/10/2025

في بدايات القرن العشرين، ظهرت المدرسة السلوكية كنوع من الثورة ضد التحليل النفسي.
جون واتسون، مؤسسها، كان شايف إن النفس البشرية لازم تُدرس زي أي علم تاني،
يعني بالملاحظة والتجربة مش بالتأمل أو التحليل الداخلي.

السلوكيين قالوا:
"احنا مش هنقيس دواخل الإنسان… لكن هنقيس سلوكه، لأنه هو اللي بنشوفه ونقدر نتحكم فيه."

فبقت المعادلة عندهم بسيطة جدًا
مثير »---» استجابة
وده الأساس اللي بُني عليه علم النفس السلوكي كله

30/10/2025

فرويد كان شايف إن اللي بنشوفه من شخصيتنا هو "قمة جبل الجليد"،
لكن تحت السطح في مساحة ضخمة اسمها اللاوعي — وهي اللي بتتحكم فعلاً في مشاعرنا وتصرفاتنا من غير ما نحس.

اللاوعي بيخزن الحاجات اللي اتكبتت زمان، من ذكريات وأفكار ومشاعر، واللي ممكن تظهر فجأة في الأحلام أو الزلات الكلامية أو حتى في نوبات الغضب.

علشان كده في المدرسة التحليلية الهدفه إننا "نغوص تحت السطح" ونفهم إيه اللي بيحرّكنا من جوه…
لأن اللي مش واعي بيه، هو اللي ممكن يتحكم فيك.