د حاتم البيطار يوسف شاهين وحبي للسينما والاخراج

29/10/2025

Ballad of a Small Player 2025
and The Gambler 2014

فرق بين الفيلمين 11 سنة والاتنين بيتكلمو عن المقامر وفشله في تسديد الديون
هتكلم الاول عن الفيلم الاجدد لان
كولين فريل عمل فيلمين في نفس السنة
Ballad of a Small Player
والفيلم الفانتازي التاني
A BIG BOLD BEAUTIFUL JOURNEY 2025
والحظ اني شوفت الفيلمين بالفعل
واحد اديله 7 من عشرة
عن المقامر اللي اتعمل بطريقة ذكية والتويست بتاع البنت الصينية اللي اصبحت فكرة في عقله اوحتله بتسديد الفلوس المديون بها
رغم انتهاء الفيلم بطريقة غامضة
بس كولين فيرل عمل فيلمين من الناحية الجماهرية مش احسن حاجة بس عمل تمثيل جيد
رغم اختلاف القصص زي ما قولت
نرجع بقي لصلب البوست
فكرة المقامر وتدمير حياته لمجرد وقوفه على شفي المنحدر والمقامرة بكل ما يمتلكه
ام المكسب اللي مالوش اخر او الخسارة حتي الثمالة
وقد يتعرض للموت من الديانة اللي مستنيين فرصة للقضاء على المديون
فيلم كولين فيرل بالكامل في هونج كونج
والصورة في الجو الشرق الادني جميلة بس الفكرة فقيرة
والحركة مش كبيرة والخروج للطبيعة في مشهدين
الهروب من المباحث الانجليزية
والنهاية والقفلة اللي معجبتنيش

___________________
نيجي لفيلمي المفضل
gambler
مارك ويلبرج بشخصيته الباردة
مدرس انجليزي في الجامعة
بيدمر نفسه حرفيا وبيستدان مرتين بحوالي 500 الف دولار
مرة امه الثرية بتنقذه والتانية بياخد مهلة 7 ايام
بيسدد في نهايتها المبلغ وفوقه 100 الف كان يقدر يقامر بيها
الا انه رفض زي الفيلم الاول
المقامر الكبير بيوقف العادة السيئة
افتكر صديق طبيب ليا
حكالي عن انه خاض التجربة في موقع المقامرة في الرياضة
وكسب منه وخسر اللي كسبه بس قالي كلمة مش هنساها
الادرينالين بينسيك انك بتقامر بمرتب شهر
اشتغلت بيه حضور 36 ساعة بترميهم في لحظة واحدة
نفس اللي عمله المدرس اللي شافته طالبة كاتبه عنده في الجامعة وحبته وحاولت تبعده
لكنه استمر لحد ما سدد الديون اللي عليه
اخر مشهد بيجري مارك في الشارع بيعلن تحرره
من عبودية المقامرة
وعدم حب تدفق الادرينالين
لو هرشح فيلم
يبقي gambler
لانه على مستوي الفن احلي وقصته اجمل
واحداثه ابطئ بس اجمل وبتعيش لحظة بلحظة
حتي اخر مشهد بيحبس انفاسك
لما قامر بكل اللي معاه

28/10/2025

لقطة نادرة للفنان سعيد عبد الغني وزوجتة وهي الشقيقة الصغري للفنانة زهرة العلا

26/10/2025

دور عطر المراءة scent of a woman لالبتشينو

24/10/2025

مسلسل اهل كايرو
ربما شوفته زمان واتنسي
تاريخ عرضه 2010
افتكر ذكريات كتيرة اول مرة شوفته لان في رمضان بتكون مشاهدة متقطعة ومش بتركيز
لحد ما شوفته في قنوات المسلسلات اللي بتلخصه
عجبني جدا وهركز على التتر اللي حسين الجسمي
لخص حال مصر وقال اللي يلخص فئة مجتمعية بتظهر ادام الجميع رجال اعمال وناس مرتاحة لكن من حواها بلاوب
متدارية في بدل وسلطة ومحدش داري من الاغنية
لما بيرصد رؤساء التحرير الي بيشوهو الحقائق
او البطلة اللي خرجت من منطقة شعبية واتجوزت رجل اعمال عنده ميول استعراضية في الجنس ومشاكل نفسية
لدكتور صدلي مصري فاتح محل فول في امريكا وقرر يستقر في مصر بنجمة مجتمع وفنانة ميعرفش تاريخها
وهي محور المسلسل اه ماهي قصة قتلها طول المسلسل بتتناقش في اطار درامي
نيجي لبطل العمل معاون المباحث
اللي حياته الاجتماعية ملخبطة ومطلق ويعول
وبيدخل في علاقة مع صحافية هتساعده
خالد صالح حط طريقته اللي مليانة سخرية
في اكتر من موقف وهو بيحقق
تهكم على احوال مصرية صميمة زي الكاميرات
الكتير في الفندق بس مش شغالة
لقاءاته مع مدير امن الغندق اللي كول الوقت بيشيل تهمة الاهمال
عجبني رانيا يوسف اللي مظهرتش كتير بس الفلاش باك كان بيظهى جوانب غريبة
فنانة بتمثل اغراء بس مصرة تبدء حياتها الزوجية للمرة الرابعة بالصلاة والدور القنبلة بتاع رجل الاعمال للراجل ده ممثل قدير بجد
ودور كندا علوش السورية بدم وفكاهة مصرية بس اللهجة مش مظبوطة بس جود كاستنج عشان ملامحها الهادية
وسط التوتر بتاع التحقيقات
اللي عايز يعيش كام ساعة وبيحب دراما التحقيقات
هيتبسط جدا

24/10/2025

أكتر حاجة وقفت عندها في ندوة 50 سنة يسرا، كان سؤال أو طلب غير متوقع من النجمة ليلى علوي.

ليلى علوي كانت قاعدة جنب إلهام شاهين وهالة صدقي، وهما التلاتة تقدر تعتبرهم شلة يسرا صحاب اوي، بيتحركوا مع بعض، وبيروحوا وييجوا مع بعض، ووصلوا للنجومية تقريبا مع بعض.

📌وليلى طلبت السؤال، فالناس كلها توقعت إنها هتقول جملتين مجاملة أو موقف حلو جمعهم زي ما كله بيعمل، لكن ليلى طلبت قدام الجميع إن يسرا تقدم لها نصيحة هي وإلهام وهالة علشان يكونوا زيها، (أكيد مش في التمثيل ولكن في إنها حافظت على نفسها كأيقونة وإنسانة وإنها قدرت تحافظ على نفسها وتحتفظ بحب الناس ليها داخل الوسط وخارجه، وتكون محل تقدير من الجميع). وده كان طلب غريب الحقيقة بس ده دل على مصداقية ليلى جدا باعجابها الشديد بيسرا

يسرا حرفيا اتخضت من السؤال حتى نظراتها كانت بتقول كدة واتهربت من الإجابة تقريبا، دخلت في كلام تاني عن نفسها وحكت موقف تعرضت ليه في مهرجان وهي صغيرة، علشان تلغوش على السؤال

ليلى بقى رجعت تاني وطلبت منها النصيحة، وواضح جدا إنها كانت لحظة صدق من ليلى وأنها محتاجة فعلا نصيحة أو اعتراف قدام الجميع إن فيه حاجة ناقصاها محتاجة تكملها من عند يسرا، لكن يسرا تمسكت بموقفها ومجاوبتش، رغم إصرار ليلى

وكان رد يسرا حلو اوي قالت لو هنصحك يبقى بيني وبينكم، مش قدام الناس، والحقيقة هي دي النصيحة اللي يسرا قدمتها للجميع مش بس لصديقاتها ليلى علوي وإلهام شاهين وهالة صدقي، إنها مجاوبتش، لأنها ذكية كفاية لدرجة الإدراك بإن النصيحة معناها كشف عيوب كل واحدة فيهم، ودا اللي مسمحتش لنفسها إنها تعمله قدام الكاميرات، رغم إصرار ليلى

وهنا يسرا مدركة إنها علشان تكون صادقة في النصيحة ممكن تجرح صاحبتها، فليه تعمل كدا قدام الناس

الحقيقه ان دا موقف رغم بساطته معناه كبير أوي، وبيأكد إن يسرا استثناء وهتفضل استثناء

24/10/2025

خناقة في لوكيشن تصوير مسلسل العوض الجديد.

عامل البوفيه كان بيقدم كوباية قهوة لمساعد المخرج. وايده اتهزت والوش راح. المساعد زعق فيه وقال: ما تخلي بالك يا بني ادم انت ايدك بتتهز وبتترعش ليه كده؟

العوض كان في اوضته بيستعد لتصوير المشهد. ولما سمع صوت زعيق.. خرج يشوف في إيه،

عشان يلاقي عامل البوفيه واقف على جنب بيعيط ومكسور خاطره. العوضي سأله حصل ايه؟ الشاب دموعه كانت في عينيه وقال انا تعبان بقى لي يومين يا استاذ احمد وخدت علاج وجيت عشان اليوم ما يتخصمليش..

وانا بقدم القهوة للاستاذ اللي هناك ده ايدي اتهزت والشهر راح..

العوضي باس على راسه وقال له طب روح اعمل كوباية قهوة غيرها وهاتها وانا هبقى قاعد جنبه ولما تيجي قل له اتفضل وشوف انا هعمل ايه وهجيب لك حقك ازاي،

العوضي عمل اذكى حركة ممكن يجيب بها حق الشاب الغلبان وينصفه قصاد الناس كلها اللي اتحرج قصادهم،

راح وقعد جنب مساعد المخرج بشكل طبيعي جدا وفضل يتكلم معاه كأن ما فيش من ناحيته اي حاجة.

العوضي كان مستني اللحظة المناسب وفعلا اللحظة دي جت اول ما عامل البوفيه وصل معاه القهوة راح يقدمها للمساعد..

وقتها العوض حرك ايديه والقهوة وقع منها شوية على حجر مساعد المخرج العوضي قال له معلش ما خدتش بالي.. مساعد المخرج بكل احترام قال له ولا يهمك يا استاذ احمد فداك اي حاجة.

هنا بقى العوضي ما قدرش يمسك نفسه وقال له وهو متعصب.. ولا يهمني؟ أنا دلقت القهوة عليك وبوظت لك هدومك واتلسعت وبتقول لي فداك ولا يهمك!.. والواد الغلبان وش القهوة بس اتهز منه قليت منه قصاد الناس وخليته في نص هدومه؟

عشان هو غلبان وعايز ياكل عيش يبقى يتهان ويتشتم وانا اوقع القهوة عليك وابوظ لك هدومك وتمشي كانك لا مؤاخذة عاملها على روحك وتقول لي فداك عشان انا النجم وما ينفعش تتكلم معايا؟..

العوضي قال له والله العظيم ما هاكمل المسلسل ده ولا هاخليك تشتغل هنا غير لما تتأسف للشاب ده وتردله اعتباره وتعرف ان كلنا واحد ومفيش حد احسن من حد وزي ما انا بغلط واي زميل بيغلط وبنعيد المشهد عشرة ولا عشرين مرة يبقى عامل بوفيه من حقه يغلط ونقوله ولا يهمك..

مش نزعقله ونحرجه قصاد الدنيا كلها.. المساعد حس ان العوض متعصب ومش ناوي يعدي الموقف.. قاله خلاص انا هدخل للعامل اراضيه بيني وبينه.. لكن العوضي قال لأ .. قصاد الناس كلها زي ما اتهان قصاد الناس..

وفعلا ده اللي حصل والعوضي هو كمان باس دماغ الشاب وقالو انت فوق راسنا كلنا ودورك ميقلش عن دور اي حد هنا واي حد يضايقك تاني او يكلمك بطريقة وحشة تعالى قولي وشوف انا هعمل ايه؟..

الشاب رفع راسه من تاني قصاد الكل وحس ان بقى له ضهر والعوضي كل ما يصور مشهد ينده عليه عشان ييجي يتفرج ويقول له رأيه..

العوضي مش مجرد ممثل نجم بنحب نتفرج عليه وخلاص.. تحسه واحد مننا وخارج من وسطنا فعشان كده ما بيحبش ابدا اي حد يفتري او يجي على شخص بسيط.

21/10/2025

21/10/2025

جمعنا لكم اهم فنانين رحلوا عن عالمنا في اخر 20 سنة
وياما متعونا بفنهم وأعمالهم الفنية
عايشين معانا بأعمالهم الجميلة اللي كل لما بقارنها بالجالية بعرف أن قاعدة
Old is gold

21/10/2025

السنيدة فى السينما المصرية نعرفهم شكلا فقط.. تعرف على أسمائهم
اكثر من فنان وفنانة من نجوم السينما المصرية الذين امتعونا بأدوارهم وجميعنا نحفظ ملامحهم جيدا، لكن الكثير لا يعرف أسماءهم الحقيقية وقصص حياتهم وكيفية دخولهم لعالم الفن وهم ليسوا كومبارس بقدر كونهم فنانين لهم أدوار مؤثرة فى السينما أو يقدمون أدوارا مساعدة وبعضهم تطور من تقديم أدوار صغيرة لتقديم أدوار أساسية فى الأفلام مع أبطالها وحقهم علينا أن نعرف الجمهور بهم ليعرف أسماءهم مثلما يحفظ وجوههم وهم بالمناسبة يتعدى عددهم الـ500 فنان وفنانة

21/10/2025

- مصطفى ، ما هي خلفية الخلاف بينك وبين المخرجة إيناس الدغيدي، وما سبب اتهامها لك بتعاطي المـخـ💨ـدرات؟

= هي القصة بدأت لما اتعرض عليا دور البطولة في فيلم مجـنون أميرة من إخراج الأستاذة إيناس الدغيدي. في الأول كنت فاكر إني هعمل دور ثانوي، لكن بعد ما قريت السيناريو اتحمست جدًا للمشاركة.
ومن تاني يوم تصوير، لاحظت إنها مش مقتنعة بيا كممثل، وقالت لي نصًا: (إنت مش بتاعي.. إنت بتاع السبكي)، وبعد كده حصل سوء تفاهم لما غبت يوم عن التصوير بسبب تعبي، فخدت مني موقف.

ولما الفيلم نزل في السينما، ما حققش النجاح اللي كانت متوقعاه، وبدأت تحمّلني مسؤولية فشله. مع إن الفيلم ما اتعملوش دعاية كافية ، ومع ذلك اتقال إن أنا السبب. حتى في الأفيش، اسمي كان آخر اسم رغم إني البطل.

بعد فشل الفيلم، الأستاذة إيناس طلعت في برنامج سنة 2017 وقالت إن أنا كنت بتعاطى ومـدمن، وده سبب لي مشاكل كبيرة، خصوصًا وأنا مسافر لإحدى الدول العربية. الكلام انتشر على السوشيال ميديا، واتنشر بصوتها وفيديوهاتها، وده وجعني جدًا.

- رديت عليها؟ نفيت الكلام؟ هل فيه أي صحة للكلام اللي اتقال؟

= لأ، ما فيهوش أي صحة، وأنا كنت ناوي أرد قانونيًا، بس في الآخر ما عملتش كده.
الصحفيين اتصلوا بيا وقتها علشان أرد، لكن قلت لهم إن المحامي هو اللي هيتصرف.
وبعد كده نزلت أخبار إني هقاضيها، لكن أنا اكتفيت بدعوتي لربنا، لأني دايمًا بسيب حقي له، وربنا ما بيضيعش حق حد.

- إنت شايف إنك كنت سبب في فشل الفيلم زي ما اتقال؟

= طبعًا لأ. أستاذ عمرو، هي اللي اختارتني بعد فيلم ليلة البيبي دول وقالت لي إنها هتقدمني كبطل.
طيب قدمتلي إيه عشان أطلع نجم؟
حتى الماديات ما كانتش حاجة كبيرة، والفيلم نفسه اتظلم.
نزل في العيد اللي بعد رمضان، وكان الناس وقتها واخدة موقف من الأستاذة إيناس بعد تصريحها المشهور (ربنا ما يكتب عليّا الحجاب).
الجمهور غضب منها، مش مني، وده أثر على الفيلم.

- لكن النهارده، بعد السنين دي كلها، بتبرئ نفسك من تهمة إنك مـدمن أو بتتعاطى؟

= أكيد، أبرئ نفسي تمامًا.
وكمان بعد سنين، لما حصلتلي حادثة من حوالي سنتين، بدأت الناس تردد نفس الكلام، وقالوا إني كنت متعاطي، رغم إن ده مـحـ.ـصلش.
التحاليل ما أثبتتش أي حاجة، وكانت الحادثة قضاء وقدر.

- تحب تقول إيه للأستاذة إيناس الدغيدي النهارده؟

= هقولها كلمة واحدة بس : الله يسامحك.

21/10/2025

بيفطروا سوشي.. وبيتكلموا بالشوكة والسكينة.. ومبيخرجوش من الكومباوند.. وحياتهم عبارة عن: “بابي ومامي وأخواتي بيفطروا مربي يوماتي”..

حكاية أكتر فنانات عايشين في إيجيبت مش مصر
👇

الأولى تارا عماد..
وأبوها مصري وأمها من الجبل الأسود، واتقابلوا في القاهرة وحبوا بعض واتجوزوا وخلفوا تارا سنة 93.
وفي سن 4 سنين ظهرت لأول مرة على الشاشة في بعض الإعلانات على التليفزيون.

وكتير ميعرفوش عنها إنها خدت لقب ملكة جمال إفريقيا للمراهقين سنة 2010، وكانت الوصيفة لملكة جمال العالم في نفس السنة.
وتارا بتتكلم 4 لغات: إنجليزي، وألماني، ومونتينيجري، وعربي، وبتعشق الحيوانات وعاملة جمعية للرفق بالحيوان، وهي تعتبر من مؤسسي مصطلح “إيجيبت” في مصر بسبب استايلها وعودها وكمان طريقة كلامها.

وتيجي بعدها جميلة عوض.. أحلى بسكوتاية في إيجيبت.

وعيلتها كلها فنية من أول جدها لحد مامتها، وجميلة وارثة الشغلانة أبا عن جد.
ودرست الإعلام وكمان دخلت كلية سياسة واقتصاد، لحد ما قررت تتجه للفن وأخرجت أول فيديو كليب لنسمة محجوب.
وبعدها مثلت في “تحت السيطرة” مع نيللي كريم سنة 2015، لكنها اتعرفت أكتر من فيلم “هيبتا” سنة 2016، اللي كان خارب الدنيا وقتها ويعتبر أكتر فيلم رومانسي حقق إيرادات في شباك التذاكر.

وجميلة عايشة حياتها بالطول والعرض، وفرحها كان جامد أوي على المونتير أحمد حافظ، وأسماء جلال رقصتلها وولعت الدنيا.

وعندك هدى المفتي..
وعاشت طفولة صعبة بسبب التنمر، وحتى أهلها كانوا مطلعين عينها بسبب لبسها، لحد ما دخلت عالم الفن وانطلقت وبقت واحدة تانية ومن ألمع فنانات إيجيبت.

وبتقول: “كل صحابي اللي كانوا بيأذوني ويتنمروا عليا دلوقتي بيتمنوا يتصوروا معايا ويسلموا عليا”.

وهدى بتقلب الدنيا بإطلالاتها في المهرجانات، ولما حد بينتقدها بترد تقول: “أنا حرة وأعمل اللي أنا عايزاه”.

وبعد هدى.. سلمي أبو ضيف.
ودي بقى من إيجيبت على حق.
كانت بتشتغل عارضة أزياء، وده بسبب وزنها اللي مكملش 50 كيلو.

ولما كان عندها 16 سنة اشتغلت مذيعة في الراديو، وسافرت أمريكا وعاشت فترة كبيرة في نيويورك واختلطت بالمجتمع هناك، لحد ما بقت واحدة منهم.

وسلمي بتشتغل مع براندات عالمية، واللي ساعدها في ده باباها صاحب محل القماش الكبير، وده اللي خلاها تحب اللبس وتشتغل فيه.
وسلمي قالت إنها متعرفش حاجة عن اللبس المصري، وكل لبسها بتجيبه من فرنسا، وفساتينها اللي بتظهر بيها في المهرجانات كلها “سينياه”.

شايف مين نجمة الجيل منهم

21/10/2025

اسمه الكامل رشدي سعيد بغدادي أباظة، أحد أبرز نجوم العصر الذهبي للسينما المصرية، وُلد في 3 أغسطس عام 1926 بمحافظة الشرقية، لأسرة عريقة تعود أصولها لعائلة أباظة الشهيرة، وكان والده سعيد بغدادي أباظة من كبار رجال الشرطة، أما والدته فكانت سيدة إيطالية الأصل رقيقة الملامح وراقية الطباع.

نشأ رشدي في بيئة أرستقراطية مرفهة، وتلقى تعليمه في أرقى المدارس حتى حصل على شهادة البكالوريا من كلية سان مارك بالإسكندرية، وهي مدرسة معروفة بتخريج أبناء الطبقة الراقية. كان شاباً طموحاً، يجيد عدة لغات أجنبية بطلاقة، ويُعرف عنه عشقه الكبير للرياضة، خاصة الملاكمة وكمال الأجسام، حتى أصبح بطلاً في كليهما، مما زاد من وسامته وحضوره اللافت للنظر.

كان من المفترض أن يلتحق بكلية الطيران، حيث كان حلمه أن يصبح ضابطًا طيارًا أو بحريًا، لكن ميوله للغات ورغبته في السفر والانفتاح على العالم جعلته يختار طريقاً مختلفاً. لم يكن التمثيل مطروحًا على الإطلاق في ذهنه، ولم يتخيل يوماً أن يصبح فناناً، إلا أن القدر كانت له كلمة أخرى.

ففي يومٍ من الأيام شاهده المخرج أحمد بدرخان بالصدفة، ولاحظ وسامته اللافتة وكاريزمته الطبيعية، فاقترح عليه أن يدخل عالم السينما، وكانت تلك اللحظة هي نقطة التحول الكبرى في حياته. لكن دخول مجال الفن في ذلك الزمن كان مرفوضًا اجتماعيًا، خصوصًا في الأسر الثرية، فاعترض والده بشدة وحدثت بينهما قطيعة طويلة استمرت عشر سنوات كاملة.

تدخل أفراد العائلة مرارًا لمحاولة الصلح، لكن دون جدوى، حتى جاءت مناسبة خطوبة شقيقته رجاء أباظة، فطلب الوالد من ابنه الحضور، وهناك حدث المشهد المؤثر الذي ظل عالقًا في ذاكرة رشدي وأقاربه، حين ركع أمام والده يقبّل يده طالبًا عفوه، فبكى الاثنان وتعانقا، لتُطوى صفحة الخلاف الطويل.

كانت بدايته الفنية في فيلم "المليونيرة الصغيرة" عام 1949 أمام الفنانة فاتن حمامة، ولم يكن يتوقع أن يصبح من بعدها أحد أهم نجوم الشاشة الفضية. ورغم صغر دوره في البداية، إلا أن ملامحه الأوروبية، وصوته الرجولي، وأناقة حضوره جعلته محط أنظار المخرجين.

وفي عام 1950، سافر رشدي إلى إيطاليا لمدة ستة أشهر، باحثًا عن فرصة للظهور في الأفلام الأوروبية مستفيدًا من إتقانه للغات، لكنه لم يُوفّق في تحقيق النجاح هناك فعاد إلى مصر ليكمل مشواره الفني.

توالت بعد ذلك أعماله المميزة التي رسّخت مكانته بين كبار نجوم السينما، ومن أبرز أفلامه التي تركت بصمة خالدة في ذاكرة الجمهور:
🎬 امرأة على الطريق،
🎬 الطريق،
🎬 طريق الأمل،
🎬 الرجل الثاني،
🎬 صراع في النيل،
🎬 في بيتنا رجل،
🎬 الزوجة رقم 13.

تنوّعت أدواره بين الرومانسي والعاطفي والدرامي، وأجاد تجسيد شخصية الرجل الوسيم القوي الجذاب، حتى أصبح يُلقب بـ "دنجوان السينما المصرية".

أما على الصعيد الشخصي، فقد كانت حياة رشدي أباظة مليئة بالأحداث والزيجات المثيرة:
💍 كانت تحية كاريوكا أولى زوجاته عام 1952، واستمر زواجهما ثلاث سنوات فقط قبل الانفصال.
💍 وفي عام 1955 تزوج من السيدة بربارا الأمريكية، وأنجب منها ابنته الوحيدة قسمت رشدي أباظة، التي كانت نور عينيه، لكن الزواج انتهى عام 1959 بعد أربع سنوات.
💍 أما الزواج الثالث فكان من الفنانة سامية جمال عام 1960، وهو أطول وأشهر زيجاته، واستمر قرابة 18 عامًا من الحب والعشرة الجميلة حتى انفصلا عام 1977.
💍 وفي عام 1967 تزوج لفترة قصيرة جدًا من النجمة صباح، واستمر زواجهما أسبوعين فقط، بينما كانت سامية جمال ما تزال في عصمته!
💍 وآخر زيجاته كانت من نبيلة أباظة ابنة عمه عام 1979، واستمرت معه حتى رحيله.

ورغم كثرة زيجاته، إلا أن الجميع أجمع على أنه كان رجلًا رومانسياً بطبعه، محبًا للحياة، خفيف الظل، شديد الكرم والوفاء لأصدقائه.

أُصيب رشدي أباظة في سنواته الأخيرة بمرض سرطان الدماغ، وبدأت حالته الصحية تتدهور تدريجيًا، لكنه ظل يعمل حتى آخر لحظة في حياته، إذ كان يُصوّر فيلمه الأخير "الأقوياء" أمام الفنان عزت العلايلي، حين داهمه المرض بشدة، وتوفي أثناء التصوير يوم الأحد 27 يوليو عام 1980 الموافق 13 رمضان 1400 هـ، عن عمر يناهز ثلاثة وخمسين عامًا.

ولم يتمكن من إنهاء مشاهده الأخيرة، فأكملها بدلاً منه الفنان القدير صلاح نظمي.
رحل رشدي أباظة، لكنه ترك وراءه إرثًا فنيًا لا يُنسى، وصورة محفورة في ذاكرة عشاق السينما كأحد أكثر نجومها وسامةً وجاذبيةً وأناقة، وظلّ اسمه حتى اليوم رمزًا للرجل الشرقي الوسيم الذي جمع بين الشهامة والرقة، والقوة والعاطفة.