اتكرر الموقف ثلاث مرات …
فغضب جنكيز غلبه، وقطع رأس الصقر بسيفه.
وبمجرد ما وقع الصقر… حسّ جنكيز بوخزة في قلبه.
صاحبه اللي عاش معاه العمر كله… مات على إيده.
طلع فوق مصدر الميّة… لقى بركة كبيرة فيها حيّة ميتة، وقد ملأت البركة بالسُمّ.
ساعتها بس فهم… إن الصقر كان بيحميه مش بيمنعه.
وإن اللي كان بيضايقه… هو نفسه اللي كان بينقذه.
وأدرك جنكيز أن صاحبه كان يريد منفعته!
لكنه لم يدرك ذلك إلا بعد أن سبق السيف العدل!!
فكر كتير قبل أن تفقد من تحب
قبل ما تعادي حد بيحبك… اسمع.
قبل ما تخسر حد واقف في صفّك… روّق.
مش كل خلاف عداوة… ومش كل منع جرح.
أوقات اللي بيوقفك … بيكون هو سبب نجاتك.
فكّر قبل ما تظلم… يمكن اللي قدّامك بيحاول ينقذك
وأنت مش واخد بالك.
07/12/2025
مش بطلب كتير… ومش بتخانق.
بس ليه كل كلمة بقولها لازم تتحوّل لسؤال وجدل وتبرير؟
ليه عمري ما حسّيتها بتاخد كلامي بجد… ولا حتى بتقدّر حبي؟
أنا زعلان… مش عشان هي مش بتسمع كلامي،
أنا زعلان عشان كل مرة أكلمها… بحس إني مش مهم.
أنا مش عايز أكون الراجل اللي كلامه مش مسموع
ولا اللي شريكة حياته مش بتقدره ولا تحترم رأيه
في الفيديو ده هتعرف ازاي تأثر عليها وتخليها تسمع كلام
ولو عايز تتعلم مهارات التواصل سيبلنا تعليق اكتبلنا فيه mini course
وهنبعتلك لينك ل 3 مهارات أساسية لأي تواصل ناجح في ميني كورس مجاني
#خطوبة #طاعة #زواج
هويدا الدمرداش
هي مودة ورحمة
خبرتنا طريقك للإنسجام
04/12/2025
ده على أساس ان الزوجات تروح وتيجي انما الفلوس لا؟ 🙄🤔
احكولنا موقف طريف حصل بينكم وكل ما تفتكروا تضحكوا 🎤😉
03/12/2025
الزوج: اعملي كذا…
الزوجة: بس أنا شايفة كذا…
الزوج: انتِ عنيدة! أنا قولتلك اعملي كذا!
الزوجة: المفروض تناقشني الأول…
الزوج: ما تقوليش كلمة "المفروض"!
الحوارات اللي زي دي، أصل مشاكل سوء التواصل بين الأزواج.
لان اللي بيحصل فيها مش مجرد كلام
ده نمط التفكر اللي بيقتل تفاهمكم يوم ورا يوم.
كل واحد فينا من حقه انه يعرض رأيه، بدون ما يصر يطلع التاني غلطان!!
💡 نصيحة:
اتكلموا بهدوء وشاركوا رأيكم قبل ما تحكموا على بعض.
استبدلوا كلمة "المفروض" بـ "أنا حاسس / شايف كذا".
حاولوا تسمعوا بعض بدون مقاطعة أو لوم أو تربص.
العلاقات الصحية مش بتتبني على فرض الرأي …
لكنها بتبني على الاحترام، النقاش، وفهم مشاعر بعض.
30/11/2025
هتكتشف فجأة إنك مكنتش متألم بس …
إنت كنت مخدوع، وعايش على صورة مثالية وهمية، ومصدق إن كل حاجة تمام…
لحد ما الحقيقة بتكشفلك الصدمات اللي كنت شايلها من سنين من غير ما تنطق.
في ناس مابتعرفش حجم الوجع اللي جواها غير لما تقعد مع حد فاهم…
لو لقيت نفسك بتقول:
"أنا طول الوقت كنت بضحك… وأنا مكنتش بخير."
يبقا جه الوقت انك تعيش الحقيقة مش الوهم.
احجز جلستك، وابدأ أول خطوة لفهم نفسك وحمايتها.
28/11/2025
أ ب مودة ورحمة
احترامكم لبعض أدام الناس
احكولنا مواقف حلوة مش ناسيينها لأزواجكم/زوجاتكم حصلت ادام الناس 🥰
27/11/2025
لما قرار الخلفة يبقى أصعب كارثة طبيعية؟🤔
في رجالة وستات أول ما الموضوع ده يتفتح …
بتلاقِي وشّهم اتقلب، وضربات قلبهم تسارعت، مع ان السؤال بسيط… بس الإجابة تقيلة عليهم من جوا.
لإن الحقيقة؟
الخلفة بقت مخاوف… أكتر ما هي حلم.
أسئلة بتجري في الدماغ:
– طب أنا جاهز؟
– هعرف أكون أب/أم كويسين؟
– هو إحنا أصلاً علاقتنا واقفة على رجلينها؟
– وهقدر أتحمّل مسؤولية بني آدم؟ ولا هكرّر اللي اتعمل فيّا؟
ناس كتير بتأجل…
ومش علشان “لسه بدري” زي ما بيقولوا…
لكن علشان خايفين.
خايفين يغلطوا… يخسروا… يتضغطوا… أو يجيبوا طفل يدخل على علاقة لسه هي نفسها محتاجة لاصلاح.
والأصعب؟
إن كل ده بيحصل في صمت…
ومن غير ما حد يعترف إن الخوف طبيعي…
بس تجاهله هو اللي بيخرّب بيوت.
قبل الإنجاب لازم يكون فيه وعي… كلام… تفاهم…
لازم يكون فيه أساس يشيل…
مش علاقة واقفة بالعافية.
ولو الخوف كبير عليك…
اعرف إن الكلام مع متخصص بيهدي، ويفتح رؤية، ويخلي القرار واعي مش مرعب.
رأيكم امتى الزوجين يقدروا ياخدوا قرار الانجاب وهما مطمنين؟
#الخلفة #زواج
25/11/2025
هو انا ليه دايما بدافع عن نفسي؟!
في علاقات كتير…
بنلاقي نفسنا بندافع، نبرّر، نزعل، نعلّي صوتنا…
وكأن كل خلاف هو معركة لازم حد يكسبها وحد يخسرها.
بس الحقيقة؟
العلاقة اللي بتدوم مش اللي فيها طرف “أقوى”…
"العلاقة اللي بتدوم هي اللي فيها "شراكة حنونة.
شراكة تتبني على فكرة بسيطة جدًا وهي:
"أنا مش ضدك… حتى وإحنا مختلفين."
الشراكة الحنونة معناها:
إنك لما تتضايق… ألاقيك بتقرب مش بتبعد.
ولما تُتعب… ألاقي حضنك قبل كلامك.
ولما نغلط… نصلّح سوا بدل ما نكمّل وجع في بعض.
معناها إن البيت يبقى أمان…
مش قاعة محكمة يثبت كل واحد فيه إنه “مش غلطان”.
معناها إنك تفهم قلبي قبل ما تحاسب كلمتي.
وتسمع وجعي قبل ما تحكم على رد فعلي.
وتسألني: "إنت بخير؟"
قبل ما تسأل: "إنت قصدك إيه؟"
الشراكة الحنونة مش ضعف…
الشراكة الحنونة “قوة”
القوة اللي بتخلّي اتنين يعرفوا يشيلوا بعض…
مش يشيلوا على بعض.
يمكن الحياة صعبة…
بس وجود شريك حنون، واعي، بيسمع…
بيغيّر كل حاجة.
ولو مش عارف تبني لوحدك الشراكة الحنونة مع شريك حياتك احنا هنا علشان نساعدك
احجز جلستك الآن وماتتأخرش أكتر على سعادتك مع شريك حياتك 🫂
#تواصل #شراكة #حنونة #حب
23/11/2025
في الحوار اللي بيقرب، وفي اللي بيبعد.
في كلمات لما تتقال بتقرب المسافات وفي اللي بتزودها
قلبك بيحاول يوصل… وعقلك بيقف محتار بين الصح والغلط.
مين فيهم فعلاً بيخلي شريك حياتك يسمعك؟
مين اللي يقدر يفتح قلبه ويكون حاضر معاك بجد؟
اسمع الفيديو للاخر وهتعرف مين فيهم اللي هيغير علاقتك بشريك حياتك. 🎥
#تواصل #حوار #منطق
21/11/2025
حتى لو القصة من تأليف صاحبها
بس هي من واقع بيحصل للأسف!
الله يرحمك يابيبي 👀🤦🏻
لو كنتي مكان مراته هتعملي ايه؟🤔
18/11/2025
العِشرة لوحدها مش بتعمّر بيت
ازواج كتير بينهم عشرة وعايشين كل واحد في غربة
الغُربة بين الزوجين عمرها ما بتيجي مرة واحدة…
دي بتبدأ من لحظات صغيرة جدًا محدّش لاحظها.
حد يرجع ساكت…
ومفيش حد يسأل: "مالك؟".
حد ينام بدري…
ومحدش ياخد باله إن دماغه مليانة ومش مرتاحة.
حد يبقى محتاج حضن…
بس يخاف يطلبه عشان حاسس إنه هيبقى تقيل.
العلاقات مش بتبوظ من مشكلة كبيرة،
العلاقات بتتعب لما الاهتمام يبقى مجرد روتين… مش إحساس.
لما السؤال يتقال… بس من غير انتظار للإجابة.
ولما كل واحد يحس إنه شايل نفسه لوحده جوا البيت.
العلاقة الصح مش اللي ما فيهاش مشاكل…
العلاقة الصح اللي فيها حد ياخد باله
حتى من التعب اللي ما اتقالش.
حد يطمنك من قبل ما تتكلم،
ويسأل عليك من غير ما تطلب،
ويفكّر فيك… حتى لو هو مشغول ومضغوط.
العلاقة الصح إن البيت يبقى أمان،
مكان تحس فيه إنك متشاف،
ومسموع،
ومهم…
مش مجرد موجود.
ولو حسّيتوا إن المشاعر بقت أهدى من زمان…
ده مش معناه إن كل حاجة وقعت،
ده معناه إن العلاقة محتاجة كلمة بسيطة،
وقعدة صادقة،
وخطوة صغيرة ترجع المسافة الحلوة بينكم.
لأن البيوت مش بتقوم بالعِشرة بس…
البيوت بتقوم بالناس اللي بتحس ببعض فعلًا.
#بيوت #أمان
16/11/2025
النرجسي مش بس محتاج تكتشفه…
ده محتاج تبقى واعي كفاية علشان مايسيطرش من باب احتياجك.
النرجسي ما بيستناش لحظة ضعف… هو بيدوّر عليها.
وما بيستغلّش ثغرة… هو بيصنعها.
عشان كده التعامل معاه مش عاطفة… التعامل معاه قواعد.
حدود واضحة… ومساحة أأمن لنفسك قبل أي حد تاني.
لأنك لو ماحمتش نفسك… هو مش هيتردد ياخد منك أكتر.
ولو حاسة إنك اتلخبطتي، أو إنك محتاجة حد يمشي معاكي خطوة بخطوة…
اطلبي مساعدة خبراءنا في Harmony – Marriage Counseling & Training
علشان تفهمي، وتحمي، وتستعيدي قوّتك قبل ما حد يستغلّها ضدك.
#النرجسي #اضطراب #تعافي #استشارة
Harmony – Marriage Counseling & Training
بنساعد الأزواج العرب والمسلمين في كل أنحاء العالم يبنوا علاقة فيها تفاهم، ووعي، ومودة حقيقية.
Address
65 South Lotus, 9th District, Fifth Settlement, New Cairo
Be the first to know and let us send you an email when Howayda Al Demerdash - Harmony Co. posts news and promotions. Your email address will not be used for any other purpose, and you can unsubscribe at any time.
Contact The Practice
Send a message to Howayda Al Demerdash - Harmony Co.:
Howayda is a keynote family consultant and trainer. She has helped thousands of family individuals by training and coaching them to become happier husbands, wives, parents and definitely individuals.
Howayda started her journey aiming to achieve educational reforms in Egypt at 2006. She then found out that reforms must not start with education before family. The family now is her main concern for which she offers the well-known Family Diploma and the reputable PingPong Family Relationships applications.
Howayda’s had studied and had become a certified professional trainer. She founded her company TeachRight™ in 2006. Howayda offers training for both teachers & parents. Her training then extended to college professors and college students.
Howayd's training is on the how to apply Brain-Based Learning(BBL) theory in our life, BBL is an educational theory that Howayda had studied in elite US organizations and then she managed to introduce it to Egypt.
هويدا الدمرداش - مستشارة العلاقات الأسريه و مؤسسة ما اشتهر باسم "علاقات البنج بونج الأسريه الناجحه"- تعد ألمع الأسماء المصريه التي تعمل في مجال الاستشارات الأسريه و التدريب . قامت هويدا بمساعدة آلاف الأفراد و تدريبهم على كيفية التواصل مع الآخرين بكفاءه في مجال الأسره و على النطاق الشخصي. و قامت برصد كل ما قامت بتطبيقه في دراسات الحاله التي تعرضت لها مما جعل منها الاسم الأول في مجال التطبيقات الخاصه بالأسره.
تستند هويدا في عملها على دراستها لنظريه من اكثر النظريات العلميه كفاءه و نجاحا في التواصل لأنها تتعلق بدراسة العقل البشري و كيف يعمل التفكير و بالتالي كيف يتواصل العقل البشري مع نفسه و الآخرين. تسمى هذه النظريه نظرية
" Brain- Based Learning"
بداية العمل بالنسبه لهويدا كان يستهدف التعليم و ليس الاسره . أسست شركتها الأولى سنة 2006 و التي كانت تستهدف اصلاح التعليم عن طريق تقديم تنميه مهنيه للمعلمين في مصر على أحدث النظريات التعليميه في العالم .
التدريب الذي كانت تقدمه هويدا خلال سنوات عملها كان يعد التدريب الوحيد في مصر الذي يتناول حرفية المعلم في كل مجالاته .
أثناء عملها في التعليم لفتت احوال الاسره المصريه نظر هويدا و توصلت لقناعه ان اصلاح مصر يحتاج قبل اصلاح التعليم اصلاح العلاقه الزوجيه التي هي جوهر و بداية كل مشكلات الاسره باكملها فقررت ان تقوم بالاهتمام باحوال الاسره و بذلك بدأت مؤسستها الحاليه "مؤسسة هويدا الدمرداش" و استفادت من خبرتها السابقه في تطبيق نظرية Brain-Based Learning في الفصل الدراسي بتدريب الازواج و اولياء الامور و حتى المقبلين على الزواج على ما يحتاجون اليه من معرفه عن العقل البشري و حقيقة التواصل.
