Marriage & Family Therapist | Since 2006
Private counseling for Relationship, Marriage & Family challenges
1:1 Sessions | Professional Diplomas & Programs
02/03/2026
الجملة دي اتقالت بجد
واتقالت بوجع
بس السؤال ..
هو الوجع ده جاي منين؟
اسمع الريل للآخر 🎥
وخليك متأكد ان في حاجة أعمق مستخبية ورا الكلمة دي
لو فهمتها
هتغير نظرتك للعلاقة كلها🤍
لو حاسس إن العلاقة بقت صراع سلطة
أو حاسة إنك دايمًا بتتفهمي غلط
الاستشارة اكيد هتفرق قبل ما المسافة بينكم تكبر أكتر
احجز استشارتك الآن وخلينا نساعدكم تعيشوا علاقة صحية ومريحة
سيبلنا كلمة استشارة في التعليقات وهنبعتلك تفاصيل الحجز على الخاص
#زواج #مشاكل
خبرتنا طريقك للانسجام
28/02/2026
اللي قالك ان الطلاق هيضيع الأولاد ضحك عليك!!
الأولاد مش بيخافوا من كلمة “انفصال”
قد ما بيخافوا من أب وأم عايشين في حرب باردة …
قدام الناس صورة محترمة
وجوه البيت خصام مستمر، نقد، تقليل، تجاهل.
الأطفال ما بيكبرّوش بالكلام اللي بنقوله لهم
بيكبرّوا بالطاقة اللي عايشين فيها.
لما يشوفوا أم مكسورة كل يوم
أو أب مهان كل يوم
بيتعلموا إن الحب يعني وجع …
وإن الجواز يعني تحمل مستمر للإهانة.
أوقات الطلاق ما بيبقاش هدم
ولكنه بيبقى وقف نزيف.
أوقات الانفصال ما بيبقاش خراب للبيت
بيبقى محاولة لإنقاذ آخر ما تبقى من احترام.
العلاقة المحترمة أهم من العلاقة المستمرة.
والبيت الهادي أهم من البيت الكامل ظاهريا!
يعني ادام الناس وبس!!
مش كل بيت يستاهل يتقفل عليه باب عشان “العيال”.
في بيوت، فتح الباب هو النجاة لنفسية العيال
وطبعًا…
مش كل مشكلة نهايتها طلاق.
في مشاكل سببها سوء تواصل.
في مشاكل سببها جروح قديمة ما اتحكتش وماحدش سمعها وداواها
في مشاكل محتاجة وعي… أو مساعدة… أو قرار ناضج بالتصحيح.
الطلاق مش هدف
ومش بطولة
ومش أول اختيار
لكن كمان…
الاستمرار خوفًا من الطلاق مش حل.
إنك تفضل عايش في علاقة بتستنزفك
عشان “الناس هتقول إيه”
أو عشان “الولاد يكبروا”
ده مش تضحية… ده تأجيل للألم.
المهم مش اننا نكمل وخلاص
المهم انتا ندور على حل حقيقي.
لو إصلاح؟ يبقا نحاول بصدق
ولو محتاجين مساعدة واستشارة؟ نطلبها بشجاعة
ولو قررنا التغيير؟ يبقا نلتزم بيه بوعي.
لكن فكرة إننا نختار البقاء بس عشان خايفين من كلمة طلاق…
دي مش حماية للبيت.
دي تجميد لمشكلة بتكبر في صمت.
القرار الصح مش هو البقاء دايمًا…
ولا هو الرحيل دايمًا…
القرار الصح هو اللي يحفظ الكرامة … ويحافظ على النفس
ويخلّي الأولاد يتربّوا على نموذج صحي للحب والاحترام.
شاركوني برأيكم
شايفين إن الأفضل:
1- البقاء في العلاقة مهما كانت صعبة
2- البحث عن حل يحافظ على الاحترام
3- الانفصال لو كان هو الحل للحفاظ على النفس والكرامة
4- مش متأكد/ة على حسب اسباب المشاكل
#طلاق #زواج #استشارة
26/02/2026
لو نفسك تفهم ليه نفس الجملة بتشتغل مع حد… وتفشل مع حد تاني
اسمع الريل للآخر 👇
ولو حاسس إن المشكلة مش في الحب ..
لكن في طريقة التواصل
تعالى نتعلمها صح في كورس
مهارات التواصل مع شريك الحياة
لأن الفهم مش رفاهية… ده أمان للعلاقة 🤍
اكتبولي في الكومنت:
النقاش بينكم بيقلب مين صح ومين غلط .. ولا كل واحد فيكم بيحس انه مرضي في آخر النقاش؟
ولو عايز تعرف تفاصيل الكورس سيبلنا كلمة تواصل في التعليقات وهنبعتلك على الخاص
السؤال ده بقى بيتكرر كتير جدًا:
"طالما الزوجة بتشتغل وبتاخد من وقت البيت، يبقا من حق الزوج يطلب منها تشارك في مصاريف البيت؟"
خلينا نجاوب بهدوء… وبوضوح
شرعًا:
الأصل إن النفقة على البيت واجبة على الزوج وحده، حتى لو الزوجة غنية أو بتشتغل.
قال تعالى في القرآن الكريم:
"الرِّجَالُ قَوَّامُونَ عَلَى النِّسَاءِ..." (النساء: 34)
ومن القوامة: تحمّل مسؤولية النفقة.
لو خروجها للعمل كان برضاه، فده لا يسقط عنه النفقة.
ولو شغلها بيأثر على بيتها بشكل واضح ومخلّ، هنا الموضوع يتحول لمسألة تنظيم أدوار واتفاق، مش إسقاط نفقة عن الزوج أو اشتراط مشاركة في النفقة من الزوجة
لكن هنا لازم نقف لحظة مهمة جدًا 👇
لو رجل من البداية داخل يشترط:
"تشتغلي يبقا تصرفي"
فإحنا قدام سؤال عن شخصيته قبل ما يكون قدامنا حكم فقهي!!
اللي بيشترط من البداية مشاركة إجبارية في النفقة
ممكن يكون بيكشف عن:
🚩 تصور مشوش عن القوامة
🚩 خلط بين الحق الشرعي والتفاوض المالي
🚩 خوف زائد من المسؤولية
🚩 أو عقلية "النص بالنص" في كل شيء حتى فيما لم تكلَّف به شرعًا
دي مؤشرات مهمة جدًا في قراءة الشخصية
لان ممكن جدا بل واكيد ده شخص عنده قلق مالي (Financial Anxiety)
وده بيحتاج لعلاج
لان كده احنا ادام شخص غير سوي نفسية !!
خليني أكون واضحة:
لو الزوج حاسس إنه شايل لوحده ومرهق،
أو الزوجة حاسة إنها شايلة شغل وبيت ومطلوب منها كمان تصرف ..
هنا الصراع بيبقى على العدل والتقدير مش على الفلوس بس.
الأفضل؟
معرفة كل طرف قبل الزواج ب
• مين مسؤول عن إيه؟
• هل مشاركتها هتبقى ثابتة ولا حسب الظروف؟
• هل مقابل مشاركتها في المصاريف في تخفيف عنها في البيت؟
العلاقة الصحية مش قائمة على "مين ملزم ومين لأ" بس
لكن على المودة والرحمة ووضوح الأدوار والمسؤوليات
وأهم من السؤال:
هو إحنا بنتفاوض على بيت ..
ولا بنبنيه؟
#المالية #مشاكل #زواج
21/02/2026
عارف الإحساس ده؟
لما دماغك تفضل شغالة 24 ساعة…
تتوقع الأسوأ، وتحط سيناريوهات، وتعيد نفس الموقف ألف مرة؟
القلق مش ضعف.
القلق رسالة.
رسالة بتقول إن في حاجة جواك محتاجة أمان… محتاجة تتفهم… مش تتسكت.
كتير من مشاكل البيوت مش سببها عدم الحب…
لكن سببها قلق متراكم
خوف من الفقد
خوف من الرفض
خوف من الفشل
وكل واحد ساكت… وبيبتسم قدام التاني.
بس الحقيقة؟
القلق لما بيتفهم… بيهدى.
ولما يتسمع… بيتعالج.
ولما نعرف جذوره… بنبني علاقة أهدى… وأقوى…
علاقة تحسسك بالأمان
لو القلق بقى بيسيطر على علاقاتك
يبقى ده الوقت اللي مطلوب منك إنك تفهمه… مش تهرب منه.
احنا معاك خطوة بخطوة علشان تعيش حياتك مطمن بدون سيناريوهات
احجز جلستك الآن مع خبراء Harmony
#القلق #امان #علاقات
Harmony – Marriage Counseling & Training
بنساعد الأزواج العرب والمسلمين في كل أنحاء العالم يبنوا علاقة فيها تفاهم، ووعي، ومودة حقيقية.
زوروا موقعنا لحجز الاستشارات والدورات التدريبية ⬅️ الرابط في البايو
ابقوا ادعوا للشباب والبنات بلاش تخلوهم يلفوا على المساجد 😃
يارب ارزقهم بالزوجات والأزواج الصالحين 🙏🏻
ايه أكتر حاجة ممكن تدعي انها تكون موجودة في شريك/ة حياتك؟
18/02/2026
رمضان صيام عن الزعل
عن العناد
عن الكلمة اللي بتكسر
مش بس عن الأكل والشرب ..
رمضان فرصة نهدى
نصلح
نرجع نقرب من ربنا ومن بعض.
بدعيلكم برمضان مليان سكينة في قلوبكم
وطمأنينة في بيوتكم
ورحمة بينكم 🤍
كل سنة وانتم بخير ✨
رمضان كريم 🌙
منشن لشريك حياتك وقوله رمضان السنة دي هيقربنا من بعض أكتر🌙✨
#تواصل #حياة #رمضان
16/02/2026
لو تعبتي من نفس السيناريو بيتكرر … والطرابيزة اللي بتتقلب
اسمعي الريل للآخر
ولو عايزة تتعلمي ازاي تبرمجي استجابة شريك حياتك لطلباتك
ابعتي رسالة واعرفي تفاصيل كورس مهارات التواصل مع شريك الحياة
او سيبيلنا تعليق بكلمة مهارات تواصل
وهنبعتلك التفاصيل
#تواصل #مهارات #حياة
هويدا الدمرداش
15/02/2026
كل شوية تهدد بالبعد!
ومستغرب ليه وجودك مابقاش فارق مع شريك حياتك!!
في ناس فاكرة إن جملة
“أنا مش مضطر/ة أكمل”
“أنا هسيب البيت”
“ما هو التعدد حلال”
مجرد ضغط عشان الطرف التاني يتعدل.
بس الحقيقة؟
كل تهديد من دول… شرخ في العلاقة وفي احساس الأمان
مش كل زعل بيعدي
ومش كل كلمة بتتنسى
لما شريك حياتك يسمع تهديد بالانفصال،
هو مش بس بيخاف يخسرك…
هو بيبدأ يسأل نفسه:
أنا عايش في أمان هنا؟ ولا وجودي مؤقت؟
ولما التعدد يتحط على الترابيزة كسلاح في خناقة،
العلاقة كلها بتتحول من سكن … لساحة اختبار.
التهديد مش قوة
التهديد رسالة غير مباشرة معناها:
“وجودك قابل للاستبدال”
ومع الوقت، الطرف اللي بيتقاله الكلام ده
يا إما يتمسك زيادة بدافع الخوف،
يا إما يفصل مشاعريًا عشان يحمي نفسه.
وفي الحالتين العلاقة بتبوظ
البيوت ما بتقعش فجأة
هي بتتفك كلمة كلمة
وجملة ورا جملة
لو عندك مشكلة … اتكلم عنها
لو موجوع … قول وجعك
لو محتار … اطلب مساعدة
لكن ما تستخدمش فكرة الرحيل كأداة تأديب!!
لأن أخطر حاجة في العلاقة
مش إن حد يمشي …
لكن إن حد يفضل قاعد
وقلبه انسحب بهدوء.
لو حاسس إن التهديد بقى وسيلة تواصل بينكم
أو إن الأمان بينكم اتكسر ومش عارفين ترجعوه
فجلسات الاستشارة الزوجة بتساعدكم تفهموا اللي حصل
وتبنوا لغة مختلفة قبل ما المسافة تكبر أكتر.
لو محتاجين مساعدة ترجعوا السعادة لبيتكم وتعيشوا علاقة صحية مبنية على الأمان
سيبولنا تعليق بكلمة استشارة وهنبعتلك تفاصيل الحجز
على الخاص
#امان #زواج #سكن
12/02/2026
لو عايزة تتعلمي تطلبي من غير خناق اسمعي الريل للآخر
مهارات التواصل مع شريك الحياة بتخليكي توصلي
إحساسك من غير ما تتحولي لنسخة عصبية منك …
سجّلي في كورس مهارات التواصل مع شريك الحياة
وخلّي كلامك يبني… مش يهدم
Be the first to know and let us send you an email when Howayda Al Demerdash - Harmony Co. posts news and promotions. Your email address will not be used for any other purpose, and you can unsubscribe at any time.
Contact The Practice
Send a message to Howayda Al Demerdash - Harmony Co.:
Howayda is a keynote family consultant and trainer. She has helped thousands of family individuals by training and coaching them to become happier husbands, wives, parents and definitely individuals.
Howayda started her journey aiming to achieve educational reforms in Egypt at 2006. She then found out that reforms must not start with education before family. The family now is her main concern for which she offers the well-known Family Diploma and the reputable PingPong Family Relationships applications.
Howayda’s had studied and had become a certified professional trainer. She founded her company TeachRight™ in 2006. Howayda offers training for both teachers & parents. Her training then extended to college professors and college students.
Howayd's training is on the how to apply Brain-Based Learning(BBL) theory in our life, BBL is an educational theory that Howayda had studied in elite US organizations and then she managed to introduce it to Egypt.
هويدا الدمرداش - مستشارة العلاقات الأسريه و مؤسسة ما اشتهر باسم "علاقات البنج بونج الأسريه الناجحه"- تعد ألمع الأسماء المصريه التي تعمل في مجال الاستشارات الأسريه و التدريب . قامت هويدا بمساعدة آلاف الأفراد و تدريبهم على كيفية التواصل مع الآخرين بكفاءه في مجال الأسره و على النطاق الشخصي. و قامت برصد كل ما قامت بتطبيقه في دراسات الحاله التي تعرضت لها مما جعل منها الاسم الأول في مجال التطبيقات الخاصه بالأسره.
تستند هويدا في عملها على دراستها لنظريه من اكثر النظريات العلميه كفاءه و نجاحا في التواصل لأنها تتعلق بدراسة العقل البشري و كيف يعمل التفكير و بالتالي كيف يتواصل العقل البشري مع نفسه و الآخرين. تسمى هذه النظريه نظرية
" Brain- Based Learning"
بداية العمل بالنسبه لهويدا كان يستهدف التعليم و ليس الاسره . أسست شركتها الأولى سنة 2006 و التي كانت تستهدف اصلاح التعليم عن طريق تقديم تنميه مهنيه للمعلمين في مصر على أحدث النظريات التعليميه في العالم .
التدريب الذي كانت تقدمه هويدا خلال سنوات عملها كان يعد التدريب الوحيد في مصر الذي يتناول حرفية المعلم في كل مجالاته .
أثناء عملها في التعليم لفتت احوال الاسره المصريه نظر هويدا و توصلت لقناعه ان اصلاح مصر يحتاج قبل اصلاح التعليم اصلاح العلاقه الزوجيه التي هي جوهر و بداية كل مشكلات الاسره باكملها فقررت ان تقوم بالاهتمام باحوال الاسره و بذلك بدأت مؤسستها الحاليه "مؤسسة هويدا الدمرداش" و استفادت من خبرتها السابقه في تطبيق نظرية Brain-Based Learning في الفصل الدراسي بتدريب الازواج و اولياء الامور و حتى المقبلين على الزواج على ما يحتاجون اليه من معرفه عن العقل البشري و حقيقة التواصل.
