Dr. Abdelrahman Hammad - د. عبدالرحمن حماد

02/12/2025

02/11/2025

من حوالي ١٠ سنين فاتوا؛
في مجموعة من الشباب تعافوا من الادمان-فى فترة متقاربة او مع بعض-
عددهم يقارب على ٥٠ شاب،
الشيء الملفت في الأمر ان بالنسبة لي-على الاقل-
من خلال متابعتي لمجتمع التعافي،
لم يجتمع مثل هذا العدد ولم يتكرر بهذه الوفرة..!

عملية التعافي مستمرة والناس بتبطل إدمان طول الوقت-الحمد لله-
لكن متجمعش عدد او مجموعة بتبطل مع بعضيها او مكملة مع بعض وحصل نقلة نوعية في حياتهم بهذا الشكل -مثل هذه المجموعة..!

اغلبهم بطلوا من مرة وحده-بعضهم حصل له انتكاسة خفيفة وقام تاني -
مكملين ونجحوا في حياتهم واصبحوا افراد صالحين ومنتجين ومسؤلين وداعمين لمجتمعهم وأسرهم..!
-دي فلسفة التعافي اللي أنا يتبناها-

في تحليلى للظاهرة دي-واللي تظل ملهمة لي طول عمري-ان شاء الله-

اول حاجة تقدير ربنا عز وجل ورحمته بهولاء الشباب واهلهم ومجتمعهم،
كل شاب بيتعافى من الادمان،
ربنا أحياه بعد موت..!
ربنا وهبه حياة جديدة.!
ربنا أراد ليه النجاة ..
كان ممكن يبقي ميت…!
يفقد عقله..!
متعفن جوا سجن..!
لو كمل بنفس الشكل اللي كان عليه..!

تاني حاجة:
الشباب دول مكنش قدامهم غير ان يتغيروا
مكنش التغيير والتعافي رفاهية بالنسبة لهم،
مش بس جابوا قاع..!
بعضهم وشه اتسفلت من القاع اللي وصل له..!

تالت حاجة -ربما توفر مجموعة من العوامل اللي ساعدت وحفزت التغيير دا،
وأظهرته للنور..!

وجود مجموعة متميزة ورائعة وشاطرة وموهوبة
من اطباء واخصايين ومعالجين وتمريض
في فريق واحد
كل واحد منهم كان شاطر ومتميز
وبيحب اللي بيعمله
وبيعمله بحب واخلاص وتفاني..!
واعتقد دا توفر في وحدة الادمان بمستشفى العباسية..!

كنت بقول للشباب في هوجة تعافي-
يلا الحقوا بطلوا..!
زي ما في حاجات بتخلي الناس تروح لسكة الادمان؛
منها الشلة والرفاق والاسرة المدمنة والمجتمع المدمن..!

في كمان محفزات للتعافي والتغيير..!
وجود ناس حابه التغيير،
وناس بتشجع عليه وتسهله..!
وبيئة آمنه تحفز وتنمي التغيير،
وقبول ودعم غير مشروط..!

الشغل في الادمان ومع المدمنين صعب ومرهق
ولابد له من فريق Team
ولابد للفريق من بناء Team building
فريق متناغم وبيحب اللي بيعمله
وبيعمله بشغف..!

النائحة الثكلى مش زي المستأجرة..!
اللي بيشاور على التغيير وبيسهله للناس،
لو مكنش عايشة وحابه،
ومستمتع باللي بيعمله،
تاثيره مش حيعدي الاذن..!
لكن لو عايشة ومسمّع جواه،
كلامه حيفرق،
حيحرك الناس،
حيحفزهم -بالذات وقت الضعف والإحباط-

واحنا بنساعد الناس تحل مشكلتها مع الادمان..!
وتتعافى من الادمان..!
مش بس بنعالج حد عنده مشكلة صحية او نفسية..!
او بنساعد اسرة مكلمومة في اعز ما لديها،
لا..!
بالإضافة لما سبق..!
في روح بتوهب لها الحياة من جديد…!
في اسرة بيرجع لها شاب جميل..
كان في عداد الموتى والمفقودين..!
والأسرة كمان بتكون آمنة على نفسها
وترجع تقوم بوظايفها اللي ربنا خلقها ليها..!

في مجتمع بينضم ليه شاب صالح منتج
له دور فعال في المجتمع..!

الكلام كتير عن التجربة دي..!
احتمال اكتب تفاصيل اكتر عن التجربة الملهمة دي.!
حابب اسمع راي شباب مروا بالتجربة
وأصدقاء وزملاء كان ليهم دور فيها،
وتقيمهم للتجربة بعد مرور سنين..!
مش حابب اعمل منشن لحد
عشان منساش حد..!

الكلام بمناسبة شاب جميل جه زارني من كام يوم بمناسبة مرور ١٠ سنين على تعافيه،
واهداني ورد وكان بينا نقاش جميل..!
شكرا ليه..

25/10/2025

بمناسبة ضياع المعنى والهدف:
والذي يعتبر سمة من سمات الشخصية الادمانية..!
يوفر الادمان للمدمن شيئا بديلا يفعله،
او ان شئت فقل ولاءً بديلا..!
او معنىً وهدف للحياة..!

انا عايش عشان اضرب..!
انا جاي الدنيا دي استمتع واتبسط واعمل اي حاجة تبسطني..!
الحياة من غير مخدرات متسواش..!
هى الحياة ايه غير شرب ونسوان..!
دي عبارات كتير من المدمنين،
واللي بتلخص المعنى والهدف من الحياة عنده..!

افتقاد المعنى والهدف؛
من اكتر أسباب التوتر والقلق النفسي،
ومن اكتر أسباب الاضطرابات النفسية،
ومن اكتر الاسباب اللي بتؤدي للانتحار،
وكمان من اكتر الاسباب اللي مسؤله عن ادمان الكحول والمخدرات..!

افتقاد المعنى والهدف -في الغالب- يصاحبه خواء داخلي..!
الخواء الداخلي بيكون عامل زي الثقب الاسود؛
يلتهم كل شيء..!
"حد بيعبر عن المعنى دا فبيقول انا حاسس جوايا كلب بينبح ..!

بالنسبة للناس اللي قرروا يحلوا المشكلة دي بالمخدرات او الكحول.،!
عاملين زي اللي بيشرب من مية البحر،
كل ما يشرب اكتر…يعطش اكتر…!
فلا هو بيشبع ولا هو يرتوي..!

بشوف هؤلاء الاشخاص كما يقال:
"ينضجون طعامهم على ما يذهبون به عقولهم..!

ربنا يرزقنا ويوفقنا للمعنى والهدف من الحياة..!

22/10/2025

21/10/2025

15/10/2025

10/10/2025

06/10/2025

بمناسبة اليوم العالمي للصحة النفسية 10/10 لو عندك سؤال محيرك في الطب النفسي اكتبه لنا في التعليقات، وتابع اللايف على صفحتنا يوم السبت 11 أكتوبر من الساعة 12 إلى 1 ظهرا وهيجاوبك على سؤالك الأستاذ الدكتور/ ياسر عبد الرازق، أستاذ الطب النفسي بجامعة عين شمس، استشاري وحدة الإدمان بمستشفى إيوان.

17/09/2025

تعلن إيوان أكاديمي، عن ورشة عمل قيمة يقدمها:
أ.د. وائل أبو هندي
‎- أستاذ الطب النفسي جامعة الزقازيق
- رئيس شعبة اضطرابات القلق والطيف الوسواسي اتحاد الأطباء النفسانيين العرب
- له ستة كتب باللغة العربية أشهرها كتاب "الوسواس القهري من منظور عربي إسلامي – عالم المعرفة رقم 293"
- مؤسس وراعي موقع الشبكة العربية للصحة النفسية الاجتماعية، مجانين.كوم

Prof. Dr. Wa-il Abouhendy
- Professor of Psychiatry Zagazig University
- Scientific Sections Moderator & Head of Anxiety & OCSDs Unit
- Arab Federation of Psychiatrists
- Editor of 6 Arabic books, the most popular is AlwaswasAlkahry (OCD An Islamic Arabic Perspective) AlamAlmarifa, no. 293.
- Owner of maganin.com for Arab Socio-Mental Health

‎ورشة العمل بعنوان:
OCD: Different Clinical Presentations and CBT Techniques
الوسواس القهري: العروض السريرية المختلفة وفنيات العلاج السلوكي المعرفي

‎الموعد يوم الثلاثاء 7 أكتوبر 2025
الساعة 10 صباحا
المدة: 5-6 ساعات
‎المكان: قاعة المحاضرات بمستشفى إيوان
الحضور فعلي وأونلاين
‎العدد محدود

‎آخر موعد للحجز يوم 5 أكتوبر

للحجز والاستعلام، يرجى التواصل على رقم إيوان أكاديمي:
011 03610306