Dr Ali Rajaa ELkhodary

15/09/2024

_راجل كان عايز يسمي ابنه خالد ابن الوليد راح السجل الموظف قاله الاسماء المركبه اتمنعت يا تسميه خالد يا تسميه وليد الراجل طلع 200 جنيه
-الموظف:

15/05/2018

عايزة تعودي ولادك على الصيام .. او هما مصممين يصوموا ؟؟

طيب اعرفي ان حكاية ان الطفل يصوم لحد الضهر او العصر دي حاجة غلط جدا ،،
الافضل انه يعمل العكس: تخليه يصوم من الظهر او العصر لحد المغرب ،، مضيعوش عليهم وجبة الفطار الصبح في السن ده .. كله الا الوجبة دي !

كل سنة و انتم طيبين

مع تحيات دكتور

لايك........وشير عشان الكل يستفيد

15/05/2018

اعلنت "دار الإفتاء المصرية" بعدم ثبوت رؤية هلال شهر رمضان وغداً المتمم لشهر #شعبان .. وعلي ذلك فإن يوم #الخميس هو اول ايام شهر .. 🕌🇪🇬

❤🌙

الأستاذ الدكتور/ على رجاء الخضري
(أستاذ طب الأطفال وحد?

14/04/2018

لازم كل أم تخلي بالها من الي في البوست ده ..

* دي مجموعة من الأعراض الي بتدل على التطور الغير طبيعي أو أن الطفل عنده مشاكل في النمو -وطبعا بتستلزم زيارة للطبيب :
1- لو الطفل مابيقدرش ينام على بطنه.
2- ايدين الطفل بتميل للجنب أو للخلف (وضع الطائرة) عند النوم على البطن.
3- جسم الطفل صلب جدا .. أو رخو جدا .. ده بيدل علي جهد غير متوازن للعضلات.
4- الطفل بيبكي لساعات طويله بدون سبب.
5- الطفل مابيقدرش يرفع راسه ولا يحركها من جانب للتاني.
6- الطفل يتعب بسرعة من نشاط بسيط، مثل الرضاعة.
7- الطفل مابيغمضش عينه لما يتواجه بنور قوي.
8- راس الطفل أو جسمه مايل لجنب واحد.
9- وزن الطفل مش بيزيد.
#شير وخلي غيرك يستفيد

مع تحيات دكتور

لايك........وشير عشان الكل يستفيد

07/04/2018

أمهات كتير بعتت تسأل عن ايه هي مدة النوم الكافية للطفل؟ وأزاي أعرف أن طفلي بينام كويس ولا لأ ..
((منشن للماميز الجداد))
+ عملنا جدول يبين كل مرحلة عمرية المفروض تنام قد ايه :
- حديث الولادة = 16 إلى 20 ساعة يوميًا
- 6 أسابيع = 15 إلى 16 ساعة يوميًا
- 4 أشهر = 9 ساعات إلى 12 ساعة يوميًا
- من 6 أشهر لـ 9 أشهر = 11 ساعة يوميًا
- من سنة لـ 3 سنوات = 10 ساعات إلى 11 ساعة يوميًا
- من 4 سنوات لـ 12 سنة = 8 إلى 10 ساعات يوميًا
امع تحيات دكتور

لايك........وشير عشان الكل يستفيد
((لايك لو قدمنا حاجة مفيدة ,شير عشان غيرك تستفيد))

05/04/2018

الارتجاع المريئي عند الأطفال الرُّضع

لماذا يتقيأ بعض الأطفال الرضع بشكل متكرر؟ وهل يُعدُّ مؤشر لأمر ما؟

الارتجاع المريئي هو ارتداد الحليب الذي تناوله الطفل إلى المريء، وبما أن معدة الطفل تحتوي على الحامض الذي يعمل على تكسير الحليب فعندما يرتد الحليب يحمل معه بعضاً من هذا الحامض مما يشعر الطفل ببعض من الانزعاج.

حوالي ٤٠% من الأطفال الرضع يصابون بالارتجاع، ولكن ٥% فقط قد تكون لهم ستة أو أكثر واقعة ارتجاع في اليوم. من الجيد أن الارتجاع المريئي هو مشكلة مؤقتة تتحسن عادةً مع نضوج الجهاز الهضمي للطفل.

هناك حالات مزمنة من الارتجاع قد يصاب بها الأطفال الرضع ولكن نسبتها قليلة وتسمى بحالات "الارتجاع المعدي المريئي".

كيف يتم تشخيص الارتجاع؟

يمكن أن تساعد فحوصات الدم والبول في معرفة بعض مسببات الارتجاع ولكنها لا تعمل على تشخيصه.
مراقبة درجة الحموضة في المريء تساعد على التشخيص حيث يقوم الطبيب بإدخال أنبوب رفيع من خلال أنف الطفل أو فمه إلى داخل المريء لفحص مستوى الحموضة والتأكد من إصابة الطفل أو عدمه.
كيف يمكنك مساعدة طفلك؟

اجعلي عملية إطعام طفلك هادئة ومريحة قدر المستطاع
تجنبي المقاطعات خلال الرضاعة، الضوضاء المفاجئة، والأضواء العالية وغيرها من الأمور التي تشتت الانتباه أثناء شربه للحليب.
ساعدي طفلك الذي يشرب الحليب من الزجاجة على التجشؤ كل ثلاث إلى خمس دقائق أثناء الوجبة.
تجنبي الرضاعة وطفلك مستلقٍ على ظهره.
امسكي طفلك في وضع رأسي لمدة 20 إلى 30 دقيقة بعد كل وجبة.
لا تحركي الطفل كثيراً أثناء اللعب بعد الرضاعة مباشرة.
حاولي إطعام طفلك قبل أن يبكي من شدة الجوع.
بالنسبة إلى الرضاعة باستخدام الزجاجة، تأكدي من أن ثقب الحلمة ليس كبيراً جداً (مما سيسمح للحليب بالتدفق بسرعة كبيرة) أو صغيراً جداً (مما سيزعج طفلك ويجعله يبتلع الهواء). يكون الثقب في الحجم المناسب، إن قمت بقلب الزجاجة ورأيت بعض القطرات تنساب منها ثم تتوقف، هكذا تعرفين أنك اخترت الحجم الصحيح للحلمة.
ارفعي رأس مهد الطفل بالكامل (لا تستخدمي وسادة) واحرصي أن تكون وضعية النوم على الظهر. تحافظ هذه الطريقة على بقاء رأسه في وضعية أعلى من معدته وبالتالي يمنعه من الاختناق في حال ارتداد الحليب أثناء نومه.
ماذا عن وصف الأدوية للأطفال المصابين بالارتجاع؟

لا ينصح بأخذ أدوية الارتجاع للأطفال الذين يعانون من الارتجاع غير المعقد؛ حيث أن هذه الأدوية تمنع امتصاص الكالسيوم والحديد وتزيد من خطر الإصابة بأنواع معينة من الالتهابات المعوية والتهابات الجهاز التنفسي.
ومع ذلك، قد يوصى بتجربة قصيرة الأمد لدواء مضاد للحموضة - مثل العلاج بالرانيتيدين للأطفال الذين تتراوح أعمارهم بين شهر واحد وسنة أو العلاج بالأوميبرازول (بريلوسك) للأطفال في عمر سنة أو أكثر-
يمكن وصف هذه العلاجات إذا كان طفلك:

لديه ضعف في الوزن ولم تفد العلاجات الاعتيادية.
يمتنع عن الطعام.
تظهر عليه أعراض التهاب في المريء.
يعاني من الربو المزمن والارتجاع المعدي المريئي المزمن.

مع تحيات دكتور

لايك........وشير عشان الكل يستفيد

05/04/2018

ابني ريحة بقه وحشة باستمرار ،، خايفة و عايزة اعرف السبب و اتصرف ازاي !

شوفي يا ستي ،، الشكوى من رائحة الفم الكريهة في الاطفال هي شكوى متكررة و شائعة ،، و ليها اسباب كتير لازم نعرفها عشان نقدر نتعامل معاها ،، ،،،، نركز بقى

1. افرازات الأنف و الجيوب الأنفية : افرازات الانف من احد اهم الاسباب اللي بتعمل كده ،، لأن الافرازات دي و الطفل نايم بتنزل في الفم و بتعمل الريحة دي ،،

الحل: نعالج التهابات و عدوى الانف و الجيوب الانفية و ننضف الأنف كويس بمحلول الملح قبل النوم

2. وجود جسم غريب في الأنف : حاجة يكون حشرها الطفا في مناخيره اثناء اللعب زي خرزة مثلا او ما شابه ،، بيبتدي يحصل حولها التهابات و تجمع افرازات تسبب الرائحة الكريهة ،، الموضوع ده من احد الاسباب المهمة اللي للأسف مش بنفكر فيها كتير و ساعات بتتنسي لأن الاطفال مش بيقولوا و ممكن تسبب مشاكل كتير بعد كده

اتأكد ازاي ؟ : تقفلي فتحة انف واحدة و تخلي طفلك يتنفس ،، لو في صعوبة في التنفس يبقى ممكن يكون في مشكلة ،، نكرر الموضوع على الناحية التانية و نستشير طبيبنا

3. التهاب الحلق او اللوز و اللحمية ،، برضو من اشهر الاسباب لده ولادم نستبعدها و نعالجها بعد العرض على الطبيب المختص

4. تسوس الاسنان و التهاب اللثة

الحل: الاهتمام بنظافة الاسنان و الفم و غسل الاسنان بالمعجون يوميا قبل النوم (لازم)

5. جفاف الفم و الحلق : و ده كمان ينلاقيه كتير في الأطفال اللي بيلعبو رياضة و مش بياخدو كفايتهم من السوائل ،، فلازم نهتم بالسوائل اللي بنديها لأولادنا خصوصا لو بنلعب رياضة

هي دي اهم ٥ اسباب لرائحة الفم الكريهة ،، لازم نستبعدها الأول قبل ما نفكر في حاجات اندر حدوثا او اكثر خطورة ،،

مع تحيات دكتور

لايك........وشير عشان الكل يستفيد

04/04/2018

مع تحيات دكتور

لايك........وشير عشان الكل يستفيد

04/04/2018

من الحاجات المهمة جدا جدا والأساسية جدا جدا

انك تدي ابنك حضن كبير قبل النوم وقبل ماينزل المدرسة

الحضن ده ... هيكون مصدر الأمان ليه طول اليوم

مع تحيات دكتور

لايك........وشير عشان الكل يستفيد😀

04/04/2018

كل أم بتخاف على صحة أطفالها ,, وبتحاول تهتم بالتغذيه بشكل أساسي
بس فيه نسبة كبيرة بتقع في خطأ منتشر قوي ..الوجبات الخفيفة
بتحاول الأم انها تخلي طفلها يتغذي كويس بأنها تقدمله عدد كبير من الوجبات الخفيفه بين الوجبات الأساسية
ده خطأ
أنا_هاقولك ليه ..
عشان الطفل كده مش هايقدر ياكل كفايته في الوجبات الأساسية
كمان هاتعرض الطفل لمخاطر السمنه والوزن الزايد
ومش هاتعودي الطفل أنه ينتظم ويلتزم بالوجبات الأساسية

مع تحيات دكتور

لايك........وشير عشان الكل يستفيد

04/04/2018

مش أي لبن ,, ومش كله لبن ! أنا_هاقولك

- الأصح للطفل أنه ياخد لبن لمدة سنة على الأقل (سواء طبيعي أو صناعي) ,,
اللبن البقري أو الجاموسي .. كامل الدسم أو خالي الدسم .. معلب أو سايب بعد سنة
نقول تاني .. أي نوع لبن غير لبن الأم أو لبن الأطفال بعد سنة مش قبلها.
- بالمرة بقي عشان ماتنسيش العسل برضة مش قبل سنة عشان السكريات الي فيه مش هايقدر الطفل يهضمها إلا بعد سنة.

مع تحيات دكتور

لايك........وشير عشان الكل يستفيد

03/04/2018

- شايفه الطفل الجميل الي ف الصورة ده ؟
+ ربنا يكرمك وتجيبي أحلى منه يارب
- شايفة بقى المشاية الي هو فيها دي ؟؟
+ ربنا يكرمك بلاش منها .. عشان خاطر ابنك بلاش منها
أنا_هاقولك ليه بلاش منها
1- هاتكون دي السبب في (لاقدر الله) في تشوه ساق الطفل لو استخدمها قبل سن المشي الطبيعي (من8 لـ 9 شهور) عشان العضم مش هايكون لسه جاهز أنه يشيل وزنه.
2- ممكن تسبب تأخر في تعليم المشي بدون مساعد للطفل عشان هايكون اتعود عليها قبل الميعاد الطبيعي.
3- ممكن تكون سبب في أذية الطفل بسبب التحرك العشوائي بيها ويتعرض للحوادث.
*** طب هل ليها فوايد ؟
** هاتلبي رغبة الطفل الشديدة في الحركة بحريه في البيت.
= طب لو مصممة أنك تستخدميها ,, تعالي أقولك تستخدميها صح أزاي
1- بلاش تستخدميها مع الطفل الأقل من 8 - 9 شهور.
2- بلاش تستخدميها عشان تشغلي الطفل عنك فاتسبيه من غير مراقبه.
3- أقصى مدة تبقى ساعه أو اتنين يوميا.
4- قبل ما يتعلم يقف لوحده لازم تبقي أطراف الصوابع لامسه الأرض وبعد ما يتعلم يقف لوحده يبقي القدم كله مفرود على الأرض.
5- خليه يستخدمها قدام عينك و في مساحة محدودة.
# # # أخر حاجه ماتنسيش اللايك والشير عشان الكل يستفيد.

مع تحيات دكتور

لايك........وشير عشان الكل يستفيد