27/02/2026
ياترى دا توهان ولا اعادة ترتيب !!؟
أوقات بنكون في قمة التوهان والحزن
رغم إننا في أكتر فترة بنفلتر فيها حياتنا
من علاقات مرهقة
وأدوار مستهلكة
وحاجات كنا عايشينها عشان نتأقلم… مش عشان نكون نفسنا.
الإحساس ده مش تناقض
هو نتيجة طبيعية جدًا
إنك خرجتي من المألوف
قبل ما الجديد يتشكّل.
التوهان هنا
مش ضياع
ده لحظة إعادة ترتيب داخلي
العقل بيهدى من الضوضاء القديمة
والقلب لسه بيتعلم إيقاعه الجديد.
الحزن اللي بيظهر
مش علامة إن القرار غلط
ده حزن قديم خد فرصته منك انه يظهر
عشان تشوفيه ، تحتويه وتتكاملي معاه.
أكبر دليل إنك على الطريق
إنك بتصنعي روتينك الخاص
وحياتك اللي مفيهاش نسخ
ولا أدوار محفوظة
ولا “لازم”
غير اللي يشبهك.
وفي النص
بين اللي راح
واللي لسه بيتكوّن
بتقفي…
وتكوني
إنتِ
إنتِ فعلًا مهما الفترة دي طولت
كدا كدا ميلادك الجديد هينور الدنيا .
المهم انك تسمحى لحضورك يقود ووقفي خوف وشك 🤍
إنوى الآن قبول نفسك في كل حالاتك ووقتها بس هتاخدى من القبول تحول حقيقي بيدل عليكِ 🤍
