09/09/2025
أحيانا المعرفة نقمة 💜
أوقات كتير بنفتكر إن المعرفة قوة .. لكن الحقيقة إن فيه معرفة تقصّر العمر وتفقّدك سلامك النفسي.
من رحمة ربنا علينا إننا مش دايمًا بنشوف ولا نعرف كل اللي جوه الناس تجاهنا ..
تخيّل لو اتكشفتلك كل النوايا، كل المشاعر، كل الكلام اللي ما اتقالش .. يمكن قلبك ما يستحملش.
كان زمانك فقدت الثقة في البشر من زمان .. و قفلت قلبك بإحكام، مش قادر تدي ولا تستقبل حب ..
علشان كده، الستر رحمة. ربنا بيسيبك تشوف من الناس بس اللي ينفع تشوفه، ويسدّ عنك اللي قلبك مش هيتحمله. مش كل الحقيقة محتاجين نعرفها، ومش كل المشاعر لازم تتحط قدامنا. فيه مشاعر بتدفن وتدوب مع الوقت، ولو كانت ظهرت لك في لحظتها، كان وجعها كسرك ..
فكل مرة تلاقي نفسك بتسأل: "ليه ماعرفتش من الأول؟"
افهم إن ربنا حماك بالستر. لأن مش كل كشف خير ..
أوقات الكتمان أمان 💜
#ريكي #التشافي #التعافي
#التأمل
