09/07/2025
حاله النهارده تمثل انتصار للعلم بعد توفيق ربنا طبعا ....
حاله من الإسماعيلية عملناها منظار من ٤ سنين نتيجه وجود بطانه مهاجره و الام في الحوض بعد الزواج مباشره ...
بعد العمليه الالام راحت تماما و الحياه بقت طبيعيه ... و بدأت تدور على الحمل ... الحاله راحت لدكاتره كتير في الإسماعيلية و القاهره... و كان القرار حقن مجهري من سنه ...
المشكله ان لما عملت اشعه بالصبغه الانبوبه اليمين كانت مسدوده ... كان القرار لازم منظار نفصل الانبوبه او نشيلها قبل الحقن المجهري .. جاتلي تاني و قررنا المنظار
في المنظار شيلنا الانبوبه اليمين و سلكنا الشمال ... و كان رأيي نصبر شويه ... و تاخد منشطات لان ممكن تحمل طبيعي... هى ما كانتش مقتنعه و كانت مستعجله... قلتلها بعد تثبيط ٣ شهور خدي منشطات بسيطه ٣ شهور ...
بالفعل اخدت منشطات و حملت في الشهر التالت.... بعد ما كانت خلاص جهزت نفسيا للحقن الشهر اللي بعده ... و بعتت لصفحه العياده صوره اختبار الحمل ... سعيده جدا جدا انها حملت طبيعي مش حقن مجهري ... بعد ما كل الدكاتره أكدت انه مستحيل الحمل الطبيعي...
