What are the opening hours?

Monday 6pm - 11pm Tuesday 6pm - 11pm Wednesday 6pm - 11pm Thursday 6pm - 11pm Saturday 6pm - 11pm Sunday 6pm - 11pm

https://www.facebook.com/217722728275921/

عيادة د. همام القسطاوي

Home
Egypt
Cairo
عيادة د. همام القسطاوي

Contact information, map and directions, contact form, opening hours, services, ratings, photos, videos and announcements from عيادة د. همام القسطاوي, Pulmonologist, شارع عزت باشا, Cairo.

د. همام القسطاوي 🩺
أخصائي أمراض الصدر والحساسية والمناعة
(أطفال - باطني )

💨 الكحة و حساسية الأنف والصدر
👶 كشف و متابعة نمو الأطفال
🥦 تغذية الأطفال
🚭 برامج إيقاف التدخين
🫁 الربو الشعبي وضيق التنفس
⚕️ أمراض الباطنة العامة

📞 للحجز : 01001878915 دكتور همام القسطاوي
أخصائي الصدر والحساسية والمناعة عند الأطفال
عضو الجمعية الأمريكية للصدر والحساسية
عضو هيئة التدريس بكلية الطب
دورات معتمدة من جامعة هارفارد في:
-حساسية الصدر عند الأطفال
-التطعيمات والأمصال في الأطفال
-تغذية الأطفال في ظل الموارد المحدودة

31/12/2025

تم نقل عيادة د. همام القسطاوي

📍 أمام محطة مترو أنفاق المطرية مباشرة
عمارة بنك مصر – الدور الثالث

🚪 يوجد أسانسير لراحتكم وراحة كبار السن

✅ نفس المنطقة
✅ نفس سعر الخدمة
✅ نفس الاهتمام والرعاية الطبية

يشرفنا دايمًا استقبالكم 🌿

30/12/2025

لو البلغم مطوّل معاك؟ 🤧 تعمل إيه؟
نصيحة ذهبية ✨
شرب الميه… و الأعشاب الدافية ليها دور مهم جدًا 👌

☕ الينسون
بيهدّي الشعب الهوائية وبيساعد على إخراج البلغم.

🌼 الكاموميل (البابونج)
ممتاز لتهدئة الزور والكحة ويريّح الصدر.

🌸 التيليو
من أحسن الحاجات للكحة الجافة والبلغم، خصوصًا قبل النوم 😴
🔹 اشربهم دافيين
🔹 من غير سكر أو بس نقطة عسل
🔹 ومع شرب ميه كفاية خلال اليوم 💧

📌 افتكر:
البلغم مش دايمًا محتاج أدوية كتير…
تنظيم شرب الميه + أعشاب بسيطة = تحسّن كبير 🌿💪

28/12/2025

🧠✨ أكلات تقوّي الذاكرة وتزوّد التركيز قبل الامتحانات

لو ابنك بيذاكر ومحتاج تركيز أعلى، الأكل ليه دور كبير جدًا 👇

🥚 البيض
عنصر أساسي لتغذية المخ وتقوية الذاكرة.

🌰 المكسرات (الجوز واللوز)
فيها أوميجا 3 وفيتامين E، وده بيساعد على تنشيط الدماغ وتحسين التركيز.

🐟 الأسماك الدهنية (سلمون – سردين)
مصدر ممتاز لأوميجا 3، وده مهم جدًا لصحة المخ والتفكير.

🍊🍓 الفواكه (خصوصًا التوت والبرتقال)
التوت مضاد أكسدة قوي، والبرتقال غني بفيتامين C اللي بيدعم الذاكرة.

🥬 الخضار الورقي (سبانخ – بقدونس)
مليانة فيتامينات ومعادن، وخصوصًا الحديد اللي مهم للتركيز.

🍫 الكاكاو الخام أو قطعة شوكولاتة داكنة
بكمية قليلة، بتنشّط الانتباه وتحسّن المزاج.

💧 المياه
أهم عنصر! نقص الميه حتى لو بسيط ممكن يقلل التركيز بشكل واضح.

🔴 نصيحة ذهبية
قلّلي السكر الأبيض والأكل الجاهز وقت الامتحانات، لأنهم بيعملوا خمول وبيقللوا التركيز.

✔️ ركّزي على أكل بيغذّي المخ… مش بس بيشبّع 👌

27/12/2025

📌 الدليل الكامل لفتح الشهية وزيادة وزن الأطفال

لازم تقري البوست ده بتركيز… وتستفيدي جدًا 👌

👶 كتير من الأمهات قلقانة إن ابنها «مش بيأكل» أو «وزنه قليل»

الموضوع بسيط بس ركزي معايا👇

🔍 أول سؤال مهم:
هل طفلك فعلًا محتاج يزيد وزن؟
مش كل طفل رفيع يبقى مريض ❌
إحنا بنبص على:
نشاط الطفل
طوله بالنسبة لسنه
نموه ثابت ولا لا
📌 طفل نشيط وطوله كويس → غالبًا طبيعي
📌 طفل وزنه واقف أو بينزل → نبدأ نشتغل صح

🧠 طيب ايه أسباب ضعف الشهية عند الأطفال ؟
مش دايمًا المشكلة في الأكل نفسه:
كتيى بيبقي عنده أنيميا أو نقص حديد
أو عنده إمساك مزمن
أو بيسهر ومش بينام كويس
بيأكل سناكس وعصاير طول اليوم
توتر الأم والضغط على الطفل وقت الأكل 😔

🍽️ القاعدة الذهبية
إحنا مش بنفتح الشهية… إحنا بنبنيها

✅ ايه هيا الخطوات عملية تفتح الشهية طبيعيًا

✔️ مواعيد ثابتة للأكل
3 وجبات رئيسية + 2 سناك فقط

✔️ مفيش أكل بين الوجبات
سيبيه يجوع شوية
الجوع إحساس صحي 👌

✔️ ممنوع العصير واللبن قبل الأكل
حتى لو طبيعي

✔️ الأكل على السفرة
من غير موبايل
من غير تليفزيون

🥗 طيب ايه هيا الأكلات تساعد على زيادة الوزن بشكل صحي ؟

البيض
العدس والفول والحمص
الزبادي كامل الدسم
البطاطس
الطحينة وزيت الزيتون
الفاكهة كاملة (مش عصير)

📌 الكمية مش مهمة قوي
الاستمرار هو السر

❌ وخلي بالك ، فيه أخطاء شائعة بتقفل شهية الطفل

🚫 إجباره على الأكل
🚫 الجري وراه بالمعلقة
🚫 المقارنات
🚫 فاتح شهية من غير سبب طبي

💡 شوفي في حيلة ذكية جدًا
خلي طفلك:
يختار الأكلة
يساعد في تحضيرها
يرتب الطبق
الأكل لما يبقى مشاركة… الشهية تفتح لوحدها 🍽️😊

⏳ إمتى نحتاج نكشف؟
لو:
الوزن مش بيزيد فعلا
الطفل تعبان أو خملان
بيتعب بسرعة
بيمرض كتير
📌 ساعتها لازم تقييم طبي
مش وصفة من على فيسبوك

❤️ الخلاصة
ابنك مش محتاج:
❌ يبقي تخين بسرعة
❌ ولا محتاج فاتح شهية

ابنك محتاج:
✔️ نظام
✔️ أكل صح
✔️ هدوء
✔️ صبر
والنتيجة بتيجي… بس بالتدريج 🌱

👨‍⚕️ د. همام القسطاوي 📞 01001878915

25/12/2025

الان تم إطلاق قناتي علي واتساب 🎉

سارع بالإشتراك في قناة د/ همام ناصر القسطاوي 🩺
، يصلك كل النصائح الهامة أول بأول ..

اللينك في أول تعليق 👇

24/12/2025

👶 طفل جه العيادة… صدره تعبان بقاله شهر!
الأم بتشتكي من تكرار أدوار الصدر 🤧
كشفين قبل كده:
🩺 مرة في عيادة
🏥 ومره في مستشفى
مضادات حيوية 💊
جلسات 🌫️
ومفيش أي تحسّن!

❓يبقى فين المشكلة؟
📌 بالإستماع للتاريخ المرضي والكشف الدقيق،
اتضح إن المشكلة مش في الرئة نفسها…
المشكلة كانت في ارتجاع المريء الصامت 😳

🤮 ارتجاع المريء في الرضع
موضوع مهم جدًا… ومخادع!
👈 لأن شكواه أحيانًا بتبقى تنفسية مش هضمية
يعني الأم تقولك:
“حاسه إنه مش عارف ياخد نفسه”
“صدره واجعه”
“بيكح كتير”
“التهابات صدر بتتكرر”
👈 ومحدش يخطر على باله إن السبب من المعدة!
🧠 القصة ببساطة:
فيه عضلة (صمام فسيولوجي) بين المريء والمعدة
🔹 تفتح وقت البلع
🔹 وتقفل باقي الوقت
👶 في بعض الرضع، العضلة دي:
ضعيفة و غير مكتملة النمو
👉 فيحصل رجوع لمحتويات المعدة
وده اسمه ارتجاع فسيولوجي
📉 وغالبًا:
يقل مع الوقت
ويختفي تقريبًا عند سن سنة إلى سنة ونص

👌 نعمل إيه؟ (نصايح ذهبية للأهل)
1️⃣ رضعات قليلة وعلى فترات
2️⃣ تكريع الطفل أثناء وبعد الرضعة
3️⃣ لو بيرضع صناعي → بياخد نوع مضاد للارتجاع AR
4️⃣ نشيل الطفل في وضع شبه عمودي ⬆️
⏱️ لمدة دقائق بعد الرضاعة
5️⃣ نقلل الحركة الكتير بعد الرضاعة
6️⃣ ❌ بلاش تدخين حوالين البيبي
(الدخان بيرخي صمام المعدة 🚭)

7️⃣ للأم المرضعة:
ابعدي عن
🍋 الحوامض
🍫 الشوكولاتة
🧅 البصل
🧄 التوم
☕ القهوة والشاي
🌰 البقوليات
8️⃣ أحيانًا بنحتاج أدوية ارتجاع أو مهضمات
حسب كل حالة

🚨 إمتى أقلق بجد؟
💥 الوزن مش بيزيد
💥 دم في البراز
💥 ترجيع بقوة واندفاع
💥 ترجيع فيه دم أو لون أصفر/أخضر
💥 رفض الرضاعة
💥 بكاء شديد أو عصبية أو قلة نوم
💥 مشاكل تنفسية:
كحة مزمنة – نهجان – التهابات صدر متكررة
💥 الارتجاع بدأ فجأة ومش من أول الولادة
💥 أو استمر بعد سنة ونص

👈 هنا لازم فحص وتشخيص دقيق
عشان: 🎯 نعالج السبب
❌ ونوقف المضادات الحيوية بدون داعي

📝 الخلاصة:
مش كل التهاب صدر محتاج مضاد
ومش كل كحة سببها الرئة
أحيانًا المعدة هي الجاني 🫣

📌 التشخيص الصح
= أدوية أقل
= صحة أفضل للطفل 🤍

23/12/2025

👩‍👦 طبيعي جدًا أي أم تقلق على ابنها،
والقلق ده مش ضعف… ده رحمة ربنا حطّها في قلب الأم ❤️
بس الطب ليه علامات واضحة،
وفيه فرق كبير بين برد بسيط وبين علامات خطر 🚨

❌ لو طفلك:
مخنفر شوية
عنده كحة خفيفة
حرارته طبيعية
نفسه منتظم ومش سريع
👉 غالبًا الموضوع بسيط وبيتحسّن بالمتابعة والراحة 👌

⚠️ لكن تقلقي فورًا وتروحي للدكتور لو شفتي أي من دول:
🔴 النفس سريع ومكمل
🔴 الطفل واضح إنه “بينهج”
🔴 النفس مجهود (صدره أو بطنه بتطلع وتنزل جامد)
🔴 توسيع فتحات الأنف مع النفس
🔴 كحة مع خمول أو قلة حركة
🔴 رفض الرضاعة أو الأكل
🔴 ازرقاق الشفايف أو حوالين الفم
📌 ليه بنركّز قوي على النفس؟
لأن أغلب التهابات الرئة بتبدأ بسرعة التنفس قبل السخونية حتى ❗

🫁 يعني إيه عدد النفس الطبيعي؟
إحنا بنحسب النفس: شهيق + زفير = نفس واحد
وبنعد عدد الأنفاس في دقيقة كاملة ⏱️ ويكون الطفل هادي ومش بيعيّط.

📊 المعدل الطبيعي للتنفس حسب السن:
👶 من الولادة لـ شهرين:
➡️ من 30 إلى 60 نفس في الدقيقة
👶 من شهرين لـ 12 شهر:
➡️ من 30 إلى 50 نفس في الدقيقة
👦 من سنة لـ 5 سنين:
➡️ من 20 إلى 40 نفس في الدقيقة
👧 أكبر من 5 سنين:
➡️ من 12 إلى 20 نفس في الدقيقة

🚨 لو العدد أعلى من الطبيعي ومكمل أكتر من شوية،
حتى لو الطفل مش سخن → لازم كشف فوري.

📝 الخلاصة: مش كل كحة خطر
ومش كل سخونية التهاب رئوي

لكن سرعة النفس المستمرة = جرس إنذار 🔔

💬 لو محتارة… الكشف بدري دايمًا أأمن
والاطمئنان من طبيب أحسن من القلق في البيت

ربنا يحفظ ولادنا كلهم 🤍

22/12/2025

🔴 خلي بالك كويس
قبل أي جلسة بلميكورت لازم ترجّي الأمبولة كويس 👌
علشان المادة الفعّالة توصل بكفاءة، ويجيب أحسن نتيجة.

🔴وكمان خلي الامبولات دايمًا جوّه العلبة السلوفان، لأن الضوء ممكن يكسّر الدوا ويقلل فعاليته 💊✨

20/12/2025

🩺❄️ ليه بتشعر بعض النساء بالإرهاق والحزن والاكتئاب في فصل الشتا؟

من الأسباب:

🔹 غياب الشمس
في الشتا ضوء الشمس بيقل، وده بيقلل إفراز السيروتونين
وهو هرمون مهم لتحسين المزاج
فبالتالي يزيد الإحساس بالضيق والكآبة.

🔹 نقص فيتامين D والتعرض للشمس
يسبب:
• تعب وإجهاد
• وجع في العضلات
• مزاج سيئ

🔹 زيادة الرغبة في السكريات
الجسم بيلجأ للسكريات كوسيلة سريعة لتحسين المزاج
لكن التأثير ده بيكون مؤقت

🔹 قلة الحركة
الطقس البارد بيقلل النشاط البدني
ومع قلة الحركة تقل هرمونات السعادة فيزيد الإحساس بالتعب والوخم والحزن.

🔹 العزلة الاجتماعية
في الشتا الخروج والتجمعات بتقل
وده بيزود الشعور بالوحدة

📝 مهم جدا نهتم بالتغذية، الحركة، التعرض للشمس، ومتابعة فيتامين D عند اللزوم

18/12/2025

الآنسة وعد الأمورة ... ربنا يحفظها ويبارك فيها ...

17/12/2025

🚨 خطوة مهمة جدًا لفهم الطب والدواء 🚨

خلّينا نوضح نقطة ناس كتير فاهمها غلط 👇

👨‍⚕️ الطبيب مش بيتحرّك بالتحاليل… الطبيب بيتحرّك بالأعراض

يعني إيه؟
يعني لما مامه الطفل بتيجي تشتكي من أعراض معيّنة، الطبيب فورًا يبدأ يفكّر:
الشكوى دي ممكن تدل على إيه؟

في الطب، إحنا متعلّمين إن:

عرض معيّن = اشتباه في مرض معيّن
وبعدها نسأل عن باقي الأعراض المرض ده..

وفي كتير من الأحيان، الطبيب بيبقى عارف هو هيدور علي إيه في الكشف قبل ما يقوم من على الكرسي ، بسبب شكوي الأم الواضحة .

🩺 بعد الفحص:

إمّا نطلب تحليل تأكيدي

أو في أمراض كتير جدًا بتتشخّص إكلينيكيًا
من غير أي تحاليل خالص

❌ المشكلة بقى في الاعتماد الأعمى على التحاليل

تيجي أم تقول:

ابني تعبان علشان سرعة الترسيب عالية

لكن الحقيقة:

سرعة الترسيب بتعلى في حالات طبيعية كتير
و رقم مطاطي ومش دقيق
وارتفاعه لوحده مش تشخيص

القلق بيكون:

لما الرقم يكون عالي جدًا
ومعاه أعراض واضحة
ساعتها نبدأ ندور .

✅ الخلاصة
الطب مش أرقام على ورق 📄
ومش فكر هندسي:

تحليل كويس = المريض كويس
تحليل وحش = المريض تعبان

الطب قائم على:

شكوى المريض
فحصه الإكلينيكي
حالته الصحية الحقيقية

التحاليل وسيلة مساعدة… مش قائد القرار 👌

📌 اطمن، وسيب التشخيص للطبيب
لأن الرقم من غير أعراض… مالوش معنى

16/12/2025

🧒🦜 حكاية طفل وبغبغان… مهمة لكل أم

طفل باباه جابله بغبغان من حوالي ٨ شهور،
الطفل اتعلّق بيه جدًا ❤️
يحطله الأكل، يكلمه، يلعب معاه… وكان مبسوط بشكل فوق الوصف.

بعد فترة بسيطة، صحة الطفل بدأت تسوء واحدة واحدة 😔
الأول بطل تمرين السباحة عشان “مش لاقي نفسه”،
وبعدين بطل يلعب مع صحابه،
حتى في التجمعات العائلية… قاعد يتفرج ومش قادر يجري ولا يضحك زي زمان.

الأم لفّت بيه على دكاترة كتير،
جلسات… كورتيزون… يتحسن شوية…
وبعدين يرجع يكح ويتعب تاني 🤦‍♀️

👨‍⚕️ وأنا بكشف عليه، سألت سؤال بسيط بس مهم جدًا:
عندكم عصافير؟ حمام؟ كلاب أو قطط؟

في الأول كان صعب إننا نبعد البغبغان عن الطفل…
بس لما الأم فهمت إن طول ما البغبغان في البيت، الطفل هيكح وينهَج والتعب هيزيد،
خدت قرار صعب وقلبها موجوع 💔
وأبعدت البغبغان عن البيت.

كتبنا أدوية موسعة للشعب، وحاجات تهدي الصدر،
وخلال فترة قصيرة…
✨ الطفل بقى كويس تمامًا،
نَفَسه رجع، وضحكته رجعت، ولعبه رجع.

أيوه…
حرمان طفل من حيوان أو طائر اتعلّق بيه حاجة قاسية 😢
بس لما الاختيار يبقى بين حاجة بنحبها وصحة طفلنا…
👉 صحة أولادنا دايمًا أهم ❤️

📌 رسالة لكل أب وأم:
الكحة المستمرة، النهجان، قلة اللعب…
ممكن يكون السبب حاجة في البيت مش في زيادة الأدوية.

اسألوا… وانتبهوا… وخلّوا نفس ولادكم دايمًا مرتاح 🌬️💙

Address

شارع عزت باشا
Cairo
11714

Opening Hours

Monday	6pm - 11pm
Tuesday	6pm - 11pm
Wednesday	6pm - 11pm
Thursday	6pm - 11pm
Saturday	6pm - 11pm
Sunday	6pm - 11pm

Telephone

+201001878915

Website

facebook.com

Alerts

Be the first to know and let us send you an email when عيادة د. همام القسطاوي posts news and promotions. Your email address will not be used for any other purpose, and you can unsubscribe at any time.

Shortcuts

Want your practice to be the top-listed Clinic in Cairo?