Hend Thabet

Home
Egypt
Cairo
Hend Thabet

Author ofصحي خفيف حنين
Certified health coach
Certified chef from
Founder of .eg
For my course send me dm
(2)

29/01/2026

From last Asian recipes course 😍

31/12/2025

نبدأ السنة الجديدة بحاجة جديدة ومختلفة 😉
الكورس اللي جاي مش عادي خاااالص ومهم جدا جدا لكل اللي مهتمين بالساور دو ومش عارفين يطلعوا منها انتاج ومنتجات مختلفة

احنا مش هنعمل ستارتر من الاول احنا هنشتغل بيها ونطلع منتجات كتير مزبوطة وطعمها حلو ومتنوعة كمان 😍

طاب الساور دو اصلا صحي ولا لا ده موضوع مهم جدااااا وهنشرحه بالتفصيل في الكورس

طاب هنطلع منه منتجات ايه بقي
ساور دو لوف
ساور دو توست
عيش الفوكاشيا
بيتزا بطريقتين مختلفتين
بريوش

كل الصور دي عالطبيعة طبعا وان شاء الله هتطلعوا الاحلي منها في الكورس

الكورس هيكون علي يومين لانه مكثف جدا ومحتاج تركيز اوي
وعشان كده العدد هيكون قليل وهنقبل عدد محدود جدا عشان كده احجزوا علطول عشان هنقفل الحجز بمجرد اكتمال العدد

📞 01012288950
💵 2500 pounds
🗓️ 6 & 7 of January
📍 .egypt

29/12/2025

كورس الحلويات الصحية الخالية من الجلوتن والسكر 😍

كل الورود الحلوة القابلة للاكل والفواكه المجففة اللذيذة من مزرعة .farm.eg اللي حجاتهم ودت الحلويات في حتة تانية خالص
والعسل الاورجانيك وبسكوت الشوفان وجميع انواع الدقيق الصحي دايما متوفرة عند .eg

كل اللي حضر اشتغل بنفسه وجرب كل حاجة وطلع منتج بايده عشان يقدر ينفذه لوحده في البيت
استنوني الكورسات الجاية الشهر القادم هعلن عنها قريب اوي في اكاديمية .egypt 😍

24/12/2025

اعظم انجازاتي السنة اللي فاتت
فرع جو هيلثي مدينة نصر
فرع جو هيلثي التجمع
وبكرة ان شاء الله فرع جو هيلثي مدينة الشروق 😍

دايموند مول الشروق المحل موجود داخل الممر الوصفة بالزبط آخر الفيديو
متنسوش فيه خصم ٤٠٪ بكرة بس داخل الفرع في الافتتاح من ٥ ل ٩ وهكون موجودة عشان اقابلكوا كلكوا بنفسي متتاخروش 😉

هيكون فيه هدايا كتييييير وتوزيعات وتذوق كتييييير
هستناكوا عشان نفرح سوا ❤️

14/12/2025

الكورس اللي جاي مش عادي 😍
هنعمل حلويااااات صحية مناسبة جدا للشتا والاجازات
كلها خالية تماما من الجلوتن والسكر

كل الصور اللي انتوا شايفينها دي عالطبيعة ناس زيكوا بالزبط عملوها بنفسهم في الكورسات اللي فاتت يعني اجهزوا وشمروا ايديكوا

هنعمل الوصفات الحلوة دي 👇
1. 🍫 Walnut Brownies – Rich
chocolate brownies loaded with
crunchy walnuts and naturally
sweetened.

2. 🍰 Cheesecake jars – Creamy cheesecake drizzled with natural fruits glaze, sugar-free.

3. 🍮 Healthy cream caramel -- healthy and delicious with no sugar.

4. 🧉Healthy chocolate sauce -- rich and creamy flavour naturally sweetened.

🗓️ يوم الجمعة ٢٦ ديسمبر
🕙 من الساعة ٢ ل ٥
💵 السعر ١٢٠٠ شامل الخامات المستخدمة
📍 اكاديمية .egypt داخل مول fam bam بالتجمع

الاسبونسر الرئيسي healthy
احجزوا دلوقتي العدد بيكون محدوووود جدا 😍

07/12/2025

ناس كتير سألتني في الكومنتات
اعالج الالتهاب ازاي؟

بعد ما اتكلمت عن إن الجسم ساعات مايقدرش يمتص الحديد بسبب الالتهاب…

الموضوع مش أدوية ولا وصفات ولاسحر الموضوع ابسط من كده بكتير

هو ٥ خطوات بسيطة بس… حرفيا بتفرق في التحليل جدا جدا وده مش عن دراسة بس لا ده دراسة وتجارب كتير كمان
يعني الخلاصة بعد سنين تعب

١) قلل السكر الأبيض والدقيق والمعجنات تمامًا

دي أكتر حاجات بتولع الالتهاب في الجسم… ايوة يعني كل الاكل اللي بناكله طول النهار والليل ده مزود الالتهاب عالآخر
وأول لما تتشال من نظامنا تحليل CRP بينزل بشكل واضح جدا

٢) ركز على البروتين في كل وجبة

حتى لو كمية بسيطة او قليلة ... المهم يكون موجود في كل الوجبات
البروتين بيساعد الجسم يبني ويصلح… وده بردو هيقلل الالتهاب بشكل مباشر

٣) خضار أكتر وخصوصا الأخضر

هي معادلة بسيطة جدا عاوزاكوا تحفظوها
ألياف + مضادات أكسدة = معدة أهدى + التهاب أقل
سلطة صغيرة قبل الأكل بتغير كل حاجة حقيقي

٤) نام ٧–٨ ساعات بجد

وبجد دي يعني نوم حقيقي مش قلقان ومش متوتر وده محتاج بوست لوحده
قلة النوم = التهاب عالي!
النوم مش رفاهية… ده جزء من العلاج والله

٥) 10 دقايق بس حركة او مشي يوميا

دي بقى أبسط عادة… وأقوى تأثير
بيزبط السكر وبيقلل الالتهاب وبيحسن الامتصاص وبيعمل احلي شغل

وما ننساش بقي المعلم الكبير فيتامين C 🍊

من غير فيتامين C…
امتصاص الحديد مش هيكمل 100% يعني بردو هاخده عالفاضي
ممكن كمان الأكل اللي فيه حديد يضيع تأثيره وميوصلنيش اي فايدة والتحاليل تفضل قليلة
ومن افضل المصادر الجوافة والفلفل الالوان والرومي والكيوي والفراولة أو أي مصدر طبيعي
وماقلتش البرتقال ولا الليمون لانهم اقل في نسبة الفيتامين من كل اللي قلته فوق 😉

ومع الوقت…
الالتهاب يهدى
الهضم يتحسن
وامتصاص الحديد يرجع طبيعي
ومن غير لا حقن … ولا وجع ... ولا ألم ❤️🔥

لو عايزين قائمة كاملة بالأكلات اللي تقلل الالتهاب و الأكلات اللي تزوده
قولولي في الكومنتس تم وهجهزها في البوست الجاي

#انيميا

04/12/2025

ايوة ممنوع نجري ناخد حقن ولا كبسولات كمان لو عرفنا ان عندنا انيميا او نقص حديد
ولا حتي نزود اكل فيه حديد كمان

مش كل نقص في الحديد معناها إنك محتاج حديد…

لو عندك التهابات عالية للاسف الجسم بيعطّل امتصاص الحديد تماما
ودي حالة شائعة اسمها:
Anemia of Inflammation (أنيميا الالتهاب)
ودي مشكلة كبيرة عند ناس كتيرة جدا وفيه منهم اتعالج بالحديد لفترات طويلة جدا بدون اي فايدة

ساعتها
تعالوا اقولكوا بقي لو خدتوا حديد حقن او كبسولات او حتى أكل هيعمل فيكوا ايه

❌ وجع معدة شديد
❌ إمساك
❌ التهابات أكتر من الاول كمان
❌ وبردو جسمك مش هيمتص الحديد وهيفضل ينقص

طيب علشان نعرف هي انيميا حقيقة فعلا ولا التهاب وهل ناخد حديد ولا لأ هنعمل ايه…
لازم تحليلين مهمين جدًا الاول اسمهم
Ferritin + CRP
(الفيريتين لقياس نسبة الحديد بالظبط + سي آر بي لتحديد وجود التهاب من عدمه)

لو الـ CRP عالي ..... يبقى الحديد مش هيفيدك دلوقتي خالص ومتاخدوش
الحل ايه ... طبعا اننا نعالج الالتهاب الأول…
وساعتها بس الحديد يتاخد ويمتص بسهولة ومن غير مشاكل ❤️

لو مهتمين تعرفوا ازاي نعالج الالتهاب اكتبولي تم في الكومنتات وهنزلكوا كل التفاصيل 😍

#انيميا

29/11/2025

صدقوني… كلمة healthy مش سحر
والصحي ممكن جدا يبوظ الدايت أسرع من العادي كمان 🙈🍪
يعني الحلو صحي مضر بردو تعالوا افهمكوا ازاي

الفكرة إننا ساعات بنفتكر طالما الوصفة “صحية”
يبقى نقدر ناكل منها براحتنا… وزي منحب وباي كمية وفي اي وقت
وطبعًا لأ كل ده مش صح 😅

لأن في الآخر بردو
دي عبارة عن سعرات + سكريات او كاربوهيدرات + دهون صحية = جسمكم هيحسبهم كده كده …
سواء كانوا بعسل، شوفان، لوز… أو حتى سكر أبيض.

المشكلة مش في الحلو الصحي بردو …
المشكلة لما نزود:
عسل كتير
مكسرات زيادة عن احتياج الجسم
زبدة أو زيت زيتون حتي بالملعقة اكتر من العادي
أو نبدل الحلويات العادية بصينية كاملة بس اسمها “هيلثي”

باختصار…
اعملي الحلو اللي نفسك فيه
بس خلي اللي هتاكليه كمية صغيرة ومناسبة لجسمك
والمكونات موزونة ومنطقية
ومرات قليلة مش طول اليوم وكل يوم …

وهتستمتعوا باكل صحي مش مضر خالص للجسم من غير ما تبقوا خارجين عن يومكم ولا بتضروا الجسم وانتوا مش حاسين 👌💚

وروني أحلى حلو صحي عملتوه واعملولي Tag 😍

نصايح_صحية
healthychoices healthylifestyle

25/11/2025

It was a great time having all of you these days
Waiting for you next month in a new course 😍

A special thanks for my biggest support as a main sponsor .eg thanks for our extraordinary team 🙏🏻

Very nice and comfy place with an amazing & helpful staff .egypt

Thank you

24/11/2025

Mastering boba workshop 😍
Amazing place with unique creations made by great people & very helpful staff
Waiting for all happiness tomorrow in the healthy baking course 😍
egypt

17/11/2025

يلا بينا نخبز 😍
كورس المخبوزات الصحية جلوتن فري وشوجر فري باقي فيه ٣ اماكن بس
تعالوا اقولكوا هنعمل ايه مع بعض

1. 🍞 Healthy Almond & Grains Toast – Soft multigrain & almond flour bread.

2. 🍕 Guilt-Free Pizza – Crispy, wholesome crust made from oats and brown rice flour with rich topping.

3. 🧁 Cinnamon Muffins – Fluffy cinnamon muffins naturally sweetened without sugar.

4. 🍰 Classic chocolate Cake -- For light breakfast with a healthy touch.

هنخلص الكلام الجميل ده وهندوقه مع بعض هنقضي وقت لطيف جدا وهتتبسطوا وانتوا بتعملوا الحاجة بايديكوا وبتشوفوا نتيجتها وتدوقوها بنفسكوا

المكان: التجمع - مول فام بام out
اليوم: الثلاثاء ٢٥ نوفمبر
الوقت: من الساعة ١١ صباحا الي ٢:٣٠ مساء

للاستفسارات والحجز : 01012288950

Address

Diamond Mall, 47 No. 32 Mantek 3, El Shorouk, Cairo Governorate 11837
Cairo

Website

http://Www.hendthabet.com/

Alerts

Be the first to know and let us send you an email when Hend Thabet posts news and promotions. Your email address will not be used for any other purpose, and you can unsubscribe at any time.

Contact The Practice

Send a message to Hend Thabet:

Shortcuts

Want your practice to be the top-listed Clinic in Cairo?

قصتي

اسمي هند محمد ثابت بكالوريوس تربية فنية ٣٥ سنة حاليا

انا زوجة وام لثلاث ابناء

كان عندي حلم اني اعيش حياة ناجحة مافيهاش مشاكل واربي اولادي كويس ويبقوا ذرية صالحة

بس ولادي كانوا بيتعبوا كتير وكنت لازم اروح للدكتور كل اسبوع بحد فيهم وساعات بالتلاتة عيانين

بدات اتعب كل شوية علي فترات وبدات يجيلي امراض غريبة ومش متناسبة مع سني

التهاب اعصاب وخشونة مفاصل ونقص حاد في الكالسيوم مع هبوط فجائي في الضغط وصداع نصفي رهيب يوميا تقريبا

اخرهم جالي التهاب شديد في الغدة الدرقية وسكري بيوطي بيبقي ٣٠ ويجيلي اغماء حتي لو انا سايقة ودي كانت مصيبة والدكاترة الكبار اجمعوا اني هعيش بالدوا طول حياتي لان الغدة مالهاش علاج

وشوية تبقي نشطة جدا جدا وشوية تبقي كسلانة جدا جدا واخد اقراص كتير يوميا من الدوا بتاعها طبعا مينفعش اوقفه

وكمان ظهرلي اورام بس الحمد لله حميدة والدكتور قالي خدي بالك من اكلك لان عندي تاريخ مرضي بالسرطان والاورام دي فيه احتمال انها تبقي خبيثة

عدي عليا شهور كنت في السرير مبتحركش لازم حد يسندني وعايشة بس عالحقن والادوية شنطتين مليانين

حسيت ان حياتي اتملت دكاترة وادوية تعبانة علطول مش عارفة اعمل حاجة ما اقدرش اشيل صينية غير لما تقع مش عارفة اراعي اولادي وهما وزوجي اللي شايلني

دي كانت بجد اصعب فترة عدت عليا في حياتي كلها

اتحسنت شوية ونسبة الغدة اتظبطت شوية بقيت بتحرك

نزلت جيم وبالصدفة شفت فيديو بتاع دكتور ريموند فرانسيس وازاي بقي في سنه ده بدون امراض فقط بمنعه للسكر والحجات المضرة

حسيت ان الامل لسة موجود

بدات امشي علي نفس الخطوات وقفت اكل الحجات اللي ممكن تضرني واخد كورسات تغذية واعرف اكتر عنها واجرب وافشل لحد ما نجحت

حبي للطبخ خلي موضوع اني استخدم البدائل اسهل بكتير مع كمان اني واخدة كورسات طبخ

انا وقفت الاكل المضر كله في يوم وليلة

مشيت عالنظام ده شهور وزوجي واولادي انضموا ليا الحمد لله

بعدها حياتي مشيت للاحسن

انا مش مريضة الحمد لله

مباخدش ادوية لاي حاجة ولا حتي اسبرين

ولادي مبيروحوش للدكتور كل شوية نعمة وفضل من عند ربنا

زوجي خس ووصل للجسم اللي كان نفسه فيه

طاقة جسمي عالية وبصحي نشيطة جدا

بعرف اراعي بيتي وعيالي

ما عنديش اورام كلها راحت معرفش ازاي

ما عنديش غدة و بعمل تحاليلي كل ٦ شهور بانتظام بقالي اكتر من سنتين الحمد لله

موقفة سكر ودقيق ابيض واسمر وكامل ومشتقات القمح والذرة والرز الابيض وكل ما هو معدل وراثيا

بدلت كل ده بخضار وفاكهة اورجانيك وبدائل صحية للدقيق زي جوز الهند والشوفان وبدايل للسكر زي العسل الابيض والتمر وفيه بدايل تانية كتيييير

نفسي وبحلم ان كل الناس تعرف ان الاكل هو السبب الرئيسي في اننا نتعب ونمرض او نعيش بصحة كويسة

نفسي الناس تعرف ان الاكل اللي بيتعمل في البيت افيد واطعم

وممكن يتعمل في وقت قليل

وممكن يتعمل باقل التكاليف

وممكن يعيشوا حياتهم مبسوطين بدون امراض نفسية او عضوية

حياتنا حلوة بس احنا اللي بنبص ازاي نخليها وحشة

الشهادات والخبرات

بكالوريوس تربية فنية بدرجة امتياز مع مرتبة الشرف

عضو بجمعية الطهاة المصرية

شهادة معتمدة من جمعية الطهاة المصرية في حساب تكلفة الاغذية

شهادة معتمدة من جمعية الطهاة المصرية في تصميم وتخطيط قائمة الطعام

شهادة معتمدة من جمعية الطهاة المصريين في التغذية الصحية السليمة

شهادة ممارس لتحرير المشاعر النفسية بتقنيتي PEAT و EFT